Hamilton: Svona á kappakstur að vera

Lewis Hamilton vann sína 55. keppni í Formúlu 1 í dag. Hann vann með klókindum liðsins og frábærum tilþrifum. Hver sagði hvað eftir keppnina?

„Svona á kappakstur að vera, Sebastian [Vettel] var afar fljótur. Keppnisáætlunin okkar gekk fullkomlega upp og okkur tókst að bregðast við. Mér fannst ég hafa átt rétt á plássi inn í fyrstu beygjunni þegar Sebastian tók fram úr en kannski er það ekki rétt svona eftir á að hyggja,“ sagði Hamilton á verðlaunapallinum.

„Við spóluðum báðir aðeins í ræsingunni. Ég læsti inn í umrædda fyrstu beygju þegar hann var kominn fram úr. Við reyndum að halda keppninni áfram, baráttan var frábær og kappaksturinn skemmtilegur. Plan C var að taka þriðja þjónustuhléið en það var aldrei neinn tilgangur í því,“ sagði Sebastian Vettel á verðlaunapallinum.

„Við vorum heppin í dag, Valtteri [Bottas] stoppaði og við komumst á verðlaunapallinn. Það er gott að fá að standa á verðlaunapallinum sem er allt sem við getum óskað okkur eins og staðan er í dag,“ sagði Daniel Ricciardo sem varð þriðji.

„Á mjúku dekkjunum hefur maður smá forskot. Sebastian missti tíma fyrir aftan Bottas. Svona er kappakstur. Við verðum bara að gera betur næst,“ sagði Maurizio Arrivabene, liðsstjóri Ferrari.

„Frábær lisðsigur í dag. Það má ekki gleyma Valtteri í jöfnunni. Ferrari þurfti að taka áhættuna á að taka þjónustuhlé snemma, þeir vissu að annars myndum við gera það. Við munum ekki gera Lewis að okkar aðalökumanni. Við höfum aldrei valið okkur aðalökumann og munum ekki gera það. Þetta mun ráðast af sjálfsdáðum,“ sagði Toto Wolff, liðsstjóri Mercedes.

„Þetta var frábær dagur, keppnisáætlun okkar var mikilvæg og verkfræðingarnir okkar stóðu sig afar vel, Pascal [Wehrlein] átti afar góða keppni,“ sagði Monisha Kaltenborn, lisstjóri Sauber.

„Ég var ekki einu sinni að pæla í því að vélin væri gömul. Hún virtist þó ekki geta höndlað heila keppni í viðbót. Ég var að reyna að halda uppi hraða í gegnum fyrstu beygju þegar við Kimi [Raikkonen] lentum sama. Það batt svo enda á keppni hans og Max Verstappen,“ sagði Valtteri Bottas sem náði ekki að klára keppnina í dag. Hann spilaði þó mikilvægt hlutverk í því að skapa sigur Hamilton yfir Vettel. Bottas hélt Vettel vel fyrir aftan sig á tímabili.