Farþegar Vueling frá Barcelona skildir eftir í óvissu í Edinborg Kjartan Kjartansson skrifar 18. júní 2017 10:51 Vél spænska félagsins Vueling átti að lenda í Keflavík í gærkvöldi en var snúið við til Edinborgar. Vísir/EPA Farþegar flugvélar spænska flugfélagsins Vueling frá Barcelona bíða nú í óvissu í Edinborg eftir að flugmaður vélarinnar hætti við lendingu í Keflavík á síðustu stundu í gærkvöldi. Um tíma stóð til að fljúga vélinni alla leið aftur til Barcelona áður en til uppreisnar farþega kom, að sögn eins farþegans. Þrjár aðrar vélar gátu ekki lent í Keflavík á sama tíma en þær lentu á Egilsstöðum. Elva Björk Ágústsdóttir var að koma úr fjölskylduferð á Spáni með vél Vueling sem lagði af stað frá Barcelona kl. 17 að íslenskum tíma í gær. Hún var með tveimur ungum sonum sínum og átta öðrum fjölskyldumeðlimum. Þegar vélin var hins vegar við það að snerta flugbrautina í Keflavík reif flugmaðurinn hana upp aftur og sagði farþegum að rigning og ský kæmu í veg fyrir lendingu. Reyndi hann ekki aftur að lenda í Keflavík. Vélinni var því flogið til Edinborgar sem Elva segir að hafi ekki komið farþegum það mikið á óvart þar sem vitað væri að sum félög notuðu Skotland sem varaflugvöll. Fólk hafi því verið byrjað að búa sig undir að gista þar yfir nóttina.Farþegar kröfðust þess að fá að fara frá borði Þegar til Edinborgar var komið upplýsti flugstjórinn farþega hins vegar um að flugfélagið hefði ekki heimild til þess að afferma vélina þar því það greiddi ekki gjöld á flugvellinum. Vélin væri aðeins að stoppa til þess að taka eldsneyti áður en henni yrði flogið aftur til Barcelona. Eins og gefur að skilja fór það ekki vel í farþegana en þeir fengu engar frekari upplýsingar. Sumir þeirra kröfðust þess að fá að verða eftir, þar á meðal ung bandarísk kona með ungbarn sem stóð upp þrátt fyrir að farþegunum hafi verið skipað að halda kyrru fyrir í sætum sínum, að sögn Elvu. „Þeir taka ekkert undir það flugþjónarnir svo hún byrjar bara að öskra með ungbarn í fanginu, dauðhrædd,“ segir Elva.Sjá einnig:Vélum Wow á leið frá Amsterdam og Gatwick lent á Egilsstöðum Aðrir farþegar hafi þá byrja að standa upp og kalla að þeir vildu einnig út. Þá tók við nokkurra klukkustunda stapp þar sem áhöfnin sagði farþegum að hún gæti ekki hleypt þeim út og hélt þeim um borð. Elva segir starfsfólki hafa sagt að það hefði ekki leyfi til að hleypa fólki út vegna þess að flugfélagið greiddi ekki gjöld á flugvellinum. Sú afstaða breyttist hins vegar á einhverjum tímapunkti og byrjuðu flugþjónar að ganga á milli farþega og spyrja hverjir vildu vera um kyrrt og hverjir vildu verða eftir til að hægt væri að fjarlægja farangur þeirra. Það endaði hins vegar með því að öllum var sagt að fara út í flugstöð og farangursrými vélarinnar var tæmt. Áður en yfir lauk höfðu farþegarnir setið í vélinu í 9-10 klukkustundir, að sögn Elvu.Vita ekki hvað varð um vélina Ringulreiðinni lauk hins vegar ekki eftir að farþegarnir voru komnir frá borði og inn á flugvöllinn. Elva segir að fólk hafi hreinlega týnst þegar á flugvöllinn var komið og það hafi engar upplýsingar fengið frá flugfélaginu. „Við vitum ekkert. Við vitum ekki ennþá neitt. Við vitum ekki hvort flugvélin okkar sé hérna. Við vitum ekkert hvar áhöfnin er. Við vitum ekki hvar fólkið í vélinni er,“ segir hún. Elfa og tíu manna fjölskylda hennar endaði á að kaupa miða í ferð Wow air til Íslands í hádeginu. Hún veit til þess að fleiri Íslendingar og aðrir farþegar hafi gripið til sama ráðs. Þau hafi því orðið fyrir stóru fjárhagslegu tjóni enda hafi miðarnir kostað þau hundruð þúsunda króna. Óljósar fréttir hafi gengið á milli farþeganna um að einhverjir hafi fengið upplýsingar í morgun um að þeir ættu að fara á hótel. Sögur hafa einnig gengið um að vélin hafi aldrei farið til Barcelona. Einhverjir séu á hóteli og vélin muni fljúga svo beint til Reykjavíkur. Elva segir flugfélagið ekki vita að stór hluti farþega vélarinnar sé búinn að kaupa sér aðra flugmiða eða hverja það sé að skilja eftir. „Við vitum ekkert. Við stöndum hérna á flugvellinum búin að kaupa miða hjá Wow air fyrir ellefu manns og fleiri íslenskar fjölskyldur í sömu stöðu og fyrir útlendinga líka og við vitum ekki hvar Barcelona-vélin okkar er. Við erum bara stödd hérna og við vitum ekkert,“ segir hún.Fjórar vélar hættu við lendingu í Keflavík í kringum miðnætti Nokkrar vélar lentu ekki í Keflavík í gærkvöldi vegna slæms skyggnis sem þar var í kringum miðnætti. Guðni Sigurðsson, upplýsingafulltrúi Isavia, segir að auk Vueling-vélarinnar sem fór til Skotlands, hafi tvær vélar frá Wow air og ein frá Icelandair lent á Egilsstöðum. Flugmenn vélanna taki sjálfir ákvörðun um hvort þeir treysti sér til þess að lenda eða hvort þeir leiti annað. Þeir fái upplýsingar um veður og aðstæður og taki ákvörðun út frá þeim. Mest lesið „Fyrst hélt ég að þetta væri eitthvað grín“ Innlent Þrír látnir eftir skotárás í Uppsölum Erlent Varðstjóri leystur undan vinnuskyldu vegna gruns um njósnir Innlent „Viltu ekki tala við mig eins og ég sé gamalmenni“ Innlent „Í guðanna bænum höldum vöku okkar við aksturinn" Innlent „Við þrífumst ekki til lengdar ein“ Innlent Ný stjórn Ríkisútvarpsins kjörin Innlent Von á allhvössum vindi og rigningu Veður Allt í rugli á Rauðahafi Erlent Hraðbankinn enn ekki látinn í friði Innlent Fleiri fréttir Boðar brottfararstöð fyrir hælisleitendur Óttaðist hið versta þegar allar tengingar rofnuðu Furðar sig á umdeildri Exit-auglýsingu og hækkar veiðigjöldin Selfyssingar buðu lægst í brúasmíði á Vestfjörðum Hræðilegt að missa samskipti við umheiminn og veiðigjöldin Varðstjóri leystur undan vinnuskyldu vegna gruns um njósnir Vesturbæingar búa sig undir fjögurra vikna sundlaugarlokun Mikill reykur vegna elds í bílatætara Vill taka upp stöðvarskyldu tveimur árum eftir að hún var afnumin Ný stjórn Ríkisútvarpsins kjörin Létt í lund þrátt fyrir margra klukkustunda bið eftir Lissabon „Í guðanna bænum höldum vöku okkar við aksturinn" „Viltu ekki tala við mig eins og ég sé gamalmenni“ Ráðherra skoðar frekari girðingar á strandveiðar Rafmagnið komið í lag og verðbólgan eykst á ný „Fyrst hélt ég að þetta væri eitthvað grín“ Fá ekki áheyrn vegna stympinga kennara og nemanda Hraðbankinn enn ekki látinn í friði Foreldrar eigi að byrja á því að setja sjálfum sér skjátíma „Við þrífumst ekki til lengdar ein“ Reyndu að brjótast inn í hraðbanka Mikilvægt að vera betri í bakgarðinum en óvelkomnir gestir „Við erum mjög háð rafmagninu“ Gyltur gjóta þrettán til sextán grísum í hverju goti Öryggi ógnað og refsingar fyrnist Starfsfólk Isavia of smeykt til að taka á kaffistofumálinu Fólk eigi ekki að breyta sínu daglega lífi vegna frásagna af hópnauðgun Sambandsleysi í suðri og óviðunandi ástand í fangelsum Vilja láta rannsaka aðild flóttateymis í máli Oscars Fangelsi oft eina úrræðið Sjá meira
Farþegar flugvélar spænska flugfélagsins Vueling frá Barcelona bíða nú í óvissu í Edinborg eftir að flugmaður vélarinnar hætti við lendingu í Keflavík á síðustu stundu í gærkvöldi. Um tíma stóð til að fljúga vélinni alla leið aftur til Barcelona áður en til uppreisnar farþega kom, að sögn eins farþegans. Þrjár aðrar vélar gátu ekki lent í Keflavík á sama tíma en þær lentu á Egilsstöðum. Elva Björk Ágústsdóttir var að koma úr fjölskylduferð á Spáni með vél Vueling sem lagði af stað frá Barcelona kl. 17 að íslenskum tíma í gær. Hún var með tveimur ungum sonum sínum og átta öðrum fjölskyldumeðlimum. Þegar vélin var hins vegar við það að snerta flugbrautina í Keflavík reif flugmaðurinn hana upp aftur og sagði farþegum að rigning og ský kæmu í veg fyrir lendingu. Reyndi hann ekki aftur að lenda í Keflavík. Vélinni var því flogið til Edinborgar sem Elva segir að hafi ekki komið farþegum það mikið á óvart þar sem vitað væri að sum félög notuðu Skotland sem varaflugvöll. Fólk hafi því verið byrjað að búa sig undir að gista þar yfir nóttina.Farþegar kröfðust þess að fá að fara frá borði Þegar til Edinborgar var komið upplýsti flugstjórinn farþega hins vegar um að flugfélagið hefði ekki heimild til þess að afferma vélina þar því það greiddi ekki gjöld á flugvellinum. Vélin væri aðeins að stoppa til þess að taka eldsneyti áður en henni yrði flogið aftur til Barcelona. Eins og gefur að skilja fór það ekki vel í farþegana en þeir fengu engar frekari upplýsingar. Sumir þeirra kröfðust þess að fá að verða eftir, þar á meðal ung bandarísk kona með ungbarn sem stóð upp þrátt fyrir að farþegunum hafi verið skipað að halda kyrru fyrir í sætum sínum, að sögn Elvu. „Þeir taka ekkert undir það flugþjónarnir svo hún byrjar bara að öskra með ungbarn í fanginu, dauðhrædd,“ segir Elva.Sjá einnig:Vélum Wow á leið frá Amsterdam og Gatwick lent á Egilsstöðum Aðrir farþegar hafi þá byrja að standa upp og kalla að þeir vildu einnig út. Þá tók við nokkurra klukkustunda stapp þar sem áhöfnin sagði farþegum að hún gæti ekki hleypt þeim út og hélt þeim um borð. Elva segir starfsfólki hafa sagt að það hefði ekki leyfi til að hleypa fólki út vegna þess að flugfélagið greiddi ekki gjöld á flugvellinum. Sú afstaða breyttist hins vegar á einhverjum tímapunkti og byrjuðu flugþjónar að ganga á milli farþega og spyrja hverjir vildu vera um kyrrt og hverjir vildu verða eftir til að hægt væri að fjarlægja farangur þeirra. Það endaði hins vegar með því að öllum var sagt að fara út í flugstöð og farangursrými vélarinnar var tæmt. Áður en yfir lauk höfðu farþegarnir setið í vélinu í 9-10 klukkustundir, að sögn Elvu.Vita ekki hvað varð um vélina Ringulreiðinni lauk hins vegar ekki eftir að farþegarnir voru komnir frá borði og inn á flugvöllinn. Elva segir að fólk hafi hreinlega týnst þegar á flugvöllinn var komið og það hafi engar upplýsingar fengið frá flugfélaginu. „Við vitum ekkert. Við vitum ekki ennþá neitt. Við vitum ekki hvort flugvélin okkar sé hérna. Við vitum ekkert hvar áhöfnin er. Við vitum ekki hvar fólkið í vélinni er,“ segir hún. Elfa og tíu manna fjölskylda hennar endaði á að kaupa miða í ferð Wow air til Íslands í hádeginu. Hún veit til þess að fleiri Íslendingar og aðrir farþegar hafi gripið til sama ráðs. Þau hafi því orðið fyrir stóru fjárhagslegu tjóni enda hafi miðarnir kostað þau hundruð þúsunda króna. Óljósar fréttir hafi gengið á milli farþeganna um að einhverjir hafi fengið upplýsingar í morgun um að þeir ættu að fara á hótel. Sögur hafa einnig gengið um að vélin hafi aldrei farið til Barcelona. Einhverjir séu á hóteli og vélin muni fljúga svo beint til Reykjavíkur. Elva segir flugfélagið ekki vita að stór hluti farþega vélarinnar sé búinn að kaupa sér aðra flugmiða eða hverja það sé að skilja eftir. „Við vitum ekkert. Við stöndum hérna á flugvellinum búin að kaupa miða hjá Wow air fyrir ellefu manns og fleiri íslenskar fjölskyldur í sömu stöðu og fyrir útlendinga líka og við vitum ekki hvar Barcelona-vélin okkar er. Við erum bara stödd hérna og við vitum ekkert,“ segir hún.Fjórar vélar hættu við lendingu í Keflavík í kringum miðnætti Nokkrar vélar lentu ekki í Keflavík í gærkvöldi vegna slæms skyggnis sem þar var í kringum miðnætti. Guðni Sigurðsson, upplýsingafulltrúi Isavia, segir að auk Vueling-vélarinnar sem fór til Skotlands, hafi tvær vélar frá Wow air og ein frá Icelandair lent á Egilsstöðum. Flugmenn vélanna taki sjálfir ákvörðun um hvort þeir treysti sér til þess að lenda eða hvort þeir leiti annað. Þeir fái upplýsingar um veður og aðstæður og taki ákvörðun út frá þeim.
Mest lesið „Fyrst hélt ég að þetta væri eitthvað grín“ Innlent Þrír látnir eftir skotárás í Uppsölum Erlent Varðstjóri leystur undan vinnuskyldu vegna gruns um njósnir Innlent „Viltu ekki tala við mig eins og ég sé gamalmenni“ Innlent „Í guðanna bænum höldum vöku okkar við aksturinn" Innlent „Við þrífumst ekki til lengdar ein“ Innlent Ný stjórn Ríkisútvarpsins kjörin Innlent Von á allhvössum vindi og rigningu Veður Allt í rugli á Rauðahafi Erlent Hraðbankinn enn ekki látinn í friði Innlent Fleiri fréttir Boðar brottfararstöð fyrir hælisleitendur Óttaðist hið versta þegar allar tengingar rofnuðu Furðar sig á umdeildri Exit-auglýsingu og hækkar veiðigjöldin Selfyssingar buðu lægst í brúasmíði á Vestfjörðum Hræðilegt að missa samskipti við umheiminn og veiðigjöldin Varðstjóri leystur undan vinnuskyldu vegna gruns um njósnir Vesturbæingar búa sig undir fjögurra vikna sundlaugarlokun Mikill reykur vegna elds í bílatætara Vill taka upp stöðvarskyldu tveimur árum eftir að hún var afnumin Ný stjórn Ríkisútvarpsins kjörin Létt í lund þrátt fyrir margra klukkustunda bið eftir Lissabon „Í guðanna bænum höldum vöku okkar við aksturinn" „Viltu ekki tala við mig eins og ég sé gamalmenni“ Ráðherra skoðar frekari girðingar á strandveiðar Rafmagnið komið í lag og verðbólgan eykst á ný „Fyrst hélt ég að þetta væri eitthvað grín“ Fá ekki áheyrn vegna stympinga kennara og nemanda Hraðbankinn enn ekki látinn í friði Foreldrar eigi að byrja á því að setja sjálfum sér skjátíma „Við þrífumst ekki til lengdar ein“ Reyndu að brjótast inn í hraðbanka Mikilvægt að vera betri í bakgarðinum en óvelkomnir gestir „Við erum mjög háð rafmagninu“ Gyltur gjóta þrettán til sextán grísum í hverju goti Öryggi ógnað og refsingar fyrnist Starfsfólk Isavia of smeykt til að taka á kaffistofumálinu Fólk eigi ekki að breyta sínu daglega lífi vegna frásagna af hópnauðgun Sambandsleysi í suðri og óviðunandi ástand í fangelsum Vilja láta rannsaka aðild flóttateymis í máli Oscars Fangelsi oft eina úrræðið Sjá meira