Hægt að nýta nýju flugstöðina í annað ef flugvöllurinn fer Hulda Hólmkelsdóttir skrifar 21. júní 2017 10:45 Jón Gunnarsson samgönguráðherra segir að ef breytingar verði gerðar á staðsetningu innanlandsflugs verði hægt að nýta nýja flugstöð sem stendur til að byggja til annars. Jón Gunnarsson samgönguráðherra segir að ef breytingar verði gerðar á staðsetningu innanlandsflugs verði hægt að nýta nýja flugstöð sem stendur til að byggja til annars. Greint var frá því í Morgunblaðinu í morgun að stefnt sé á að hefja framkvæmdir við nýja flugstöð í Vatnsmýri á næsta ári. „Ég er búinn að segja þetta eiginlega frá því ég tók við embætti samgönguráðherra að það er auðvitað ekki boðleg sú aðstaða sem er, hvorki fyrir farþega né starfsfólk, á Reykjavíkurflugvelli og það verður ekki beðið með það lengur að hefja byggingu á nýrri flugstöð,“ segir Jón Gunnarsson en rætt var við hann í Bítinu á Bylgjunni í morgun. „Það er svosem gert ráð fyrir því í skipulagi hjá Reykjavíkurborg að það rísi þarna flugstöð en það gæti orðið einhverjir fyrirvarar á því að það verða þá ef að til kæmi að það verði einhverjar breytingar á staðsetningu innanlandsflugs þá væri hægt að nýta þessa byggingu fyrir eitthvað annað.“Verður hún þá byggð með það í huga? „Já ég held að það sé skynsamlegt að gera það en í dag er staðan einfaldlega þannig að það hefur engin ákvörðun verið tekin um að miðstöð innanlandsflugs flytji eitthvað annað og það er mikilli óvissu háð, þeir staðir sem hafa verið í umræðunni og meðal annars sú að það verður ekkert beðið með það að hefja byggingu á nýrri flugstöð. Það er bara í raun löngu tímabært.“ Jón segir málið vera í undirbúningsvinnslu inni í ráðuneyti en hann vonist til að sótt verði um leyfi síðar á þessu ári og að þá verði hægt að hefja framkvæmdir á næsta ári. „Ég hef rætt þetta við borgarstjóra og það er svosem bara gert ráð fyrir þessu á skipulagi þannig að það er í sjálfu sér ekkert annað en bara að afgreiða þá einhverjar teikningar og fara í gegnum til að gefa byggingaleyfi. Það er nú þegar verið að hefja undirbúning á því að ganga frá bílastæðum og slíku sem hefur einnig verið óboðlegt þarna á svæðinu. Ég geri mér vonir um að það klárist jafnvel á þessu ári að útbúa þarna bílastæði, lantíma bílastæði og skammtímastæði.“ Jón hefur stofnað nýjan starfshóp til að meta hvaða staðsetning henti best innanlandsflugi. Svokölluð Rögnunefnd skilaði af sér skýrslu um kosti undir flugvöll á höfuðborgarsvæðinu í júní árið 2015. „Ég var ekki sáttur við það að Reykjavíkurflugvöllur væri ekki skoðaður í raun mjög vel sem möguleg framtíðarstaðsetning innanlandsflugs í framtíðinni samhliða öðrum valkostum. Þannig að ég hef tjáð yfirvöldum í borginni það að í þessum hóp sem við munum setja saman, og ég vona að Reykjavíkurborg taki þátt í því með okkur, þá verði einnig litið til núverandi staðsetningar og hvort það sé hægt að mæta núverandi sjónarmiðum um hana og gera eitthvað betur þar.“Er svigrúmið þar fyrir hendi? „Það hafa ýmsir lagt fram tillögur sem eru áhugaverðar, hversu raunhæfar þær eru þori ég ekki að tjá mig um fyrr en það hefur verið skoðað mjög vel en það hafa komið fram ýmsar áhugaverðar hugmyndir um að færa braut jafnvel út í sjó og lengja þannig og opna þannig fyrir mögulega öðrum framkvæmdir á þó nokkrum hluta af flugvallarsvæðinu. Ég er alveg opinn fyrir því að það sé skoðað, að Reykjavíkurborg geti fengið þarna eitthvað meira af byggingarlandi til að þétta byggð en við getum þá breytt legu flugvallarins að einhverru leyti.“ Jón vill ekki taka undir það að tímabært sé að kjósa um staðsetningu Reykjavíkurflugvallar í þjóðaratkvæðagreiðslu. „Flugvöllurinn er bara þarna. Það hefur enginn ákvörðun verið tekin um að flytja hann eitt eða neitt. Á meðan slík ákvörðun hefur ekki verið tekin þá verður flugvöllurinn bara þarna. Komist menn að einhverju samkomulagi eða einhverri niðurstöðu með það að flytja starfsemi innanlandsflug eitthvað annað þá ákveða menn einhverja tímasetningu í því. En ég mun ekki skrifa undir eitthvað samkomulag við Reykjavíkurborg um að völlurinn fari eftir fimm ár, tíu ár eða tuttugu ár. Ég tel það tilgangslaust að vera að ákveða einhverja dagsetningu í þeim efnum. Aðalatriðið er þetta, komist menn að einhverju samkomulagi um það að flytja starfsemina og þá hvert. Þá geta menn ráðist í einhverjar tímalínur og einhverjar áætlanir um það hvernig það telur að það skuli gerast. En á meðan staðan er eins og hún er í dag þá sé ég bara þann kost vænstan að byggja þarna upp og gera ráð fyrir því að innanlandsflugið verði þar sem það er.Er ekki verið að byggja nýjan landspítala þarna á þessu svæði einmitt út af þessu? „Jú meðal annars og það er eitt sem þarf að skoða sérstaklega. Ég setti í gang vinnu fyrir nokkrum mánuðum síðan varðandi öryggishlutverk vallarins og það var vanreyfað að mínu mati í skýrslu svokallaðrar Rögnunefndar. Sú skýrsla mun koma út núna fljótlega og þar er ég ekki bara að horfa til sjúkraflugsins heldur einnig almennt öryggishlutverks vallarins. Það er til að mynda, gagnvart Landspítalanum, í þeim drögum sem ég hef séð þá er það mjög mikilvægt að völlurinn sé þarna vegna þess að allt aðflug með þyrlu, beint að spítalanum, það þarf mikið svigrúm fyrir slíkt aðflug og slíkt neyðarflug. Það gerist ekki innan um byggingar sem eru komnar á svæðið út um allt. Þetta er auðvitað hluti af því sem þarf að skoða í því samhengi varðandi framtíðarstarfsemi,“ segir Jón. „Það er löngu tímabært að höggva á þennan hnút og menn geri sér grein fyrir því að miðstöð innanlandsflugs er ekki að fara að flytja neitt. Um það hefur ekki verið tekin nein ákvörðun og á meðan svo er þá byggjum við auðvitað upp og erum að þjóna bæði starfsfólki og farþegum með sem bestum hætti á þessu svæði.“Viðtalið við Jón má heyra í heild sinni hér fyrir neðan. Mest lesið Ekkert spurst til Sólrúnar á Spáni í nokkra daga Innlent Snorri sagður spúa hatri og trumpísku yfir heimsbyggðina Innlent Hrina gikkskjálfta við Trölladyngju Innlent Ók yfir á rangan helming og lést átta dögum síðar Innlent Meint hræðsla dómara ekki næg ástæða til að taka málið fyrir Innlent „Ásthildur Lóa var kjöldregin í öllum fjölmiðlum heims“ Innlent „Af hverju var það sem var sagt á fimmtudegi svikið á mánudegi?“ Innlent „Kokkurinn“ í Bandidos látinn Erlent Tóku mið af viðskiptahalla en ekki tollum Erlent Býst við kolsvartri skýrslu Innlent Fleiri fréttir Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Tuttugu og átta sóttu um stöðu dagskrárstjóra Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Veðurstofan ekki búin að afskrifa gosið með öllu Bein útsending: Evrópsk öryggis- og varnarmál í breytilegum heimi Ekkert spurst til Sólrúnar á Spáni í nokkra daga „Af hverju var það sem var sagt á fimmtudegi svikið á mánudegi?“ Rafrettur hafi langvarandi afleiðingar á lungu, heila og hjarta Trjám úr Öskjuhlíð skipað frá Hafnarfirði Býst við kolsvartri skýrslu Frumvarp um gæludýrahald skerði sjálfsögð réttindi fólks til heilsu Meint hræðsla dómara ekki næg ástæða til að taka málið fyrir „Ásthildur Lóa var kjöldregin í öllum fjölmiðlum heims“ Tollastríð Trumps hefur áhrif víða Ók yfir á rangan helming og lést átta dögum síðar Bókun 35 þokast nær afgreiðslu Sló mann með glerglasi í höfuðið á Strandgötunni Snorri sagður spúa hatri og trumpísku yfir heimsbyggðina Ákærður fyrir að áreita barn í búningsklefa Sjá meira
Jón Gunnarsson samgönguráðherra segir að ef breytingar verði gerðar á staðsetningu innanlandsflugs verði hægt að nýta nýja flugstöð sem stendur til að byggja til annars. Greint var frá því í Morgunblaðinu í morgun að stefnt sé á að hefja framkvæmdir við nýja flugstöð í Vatnsmýri á næsta ári. „Ég er búinn að segja þetta eiginlega frá því ég tók við embætti samgönguráðherra að það er auðvitað ekki boðleg sú aðstaða sem er, hvorki fyrir farþega né starfsfólk, á Reykjavíkurflugvelli og það verður ekki beðið með það lengur að hefja byggingu á nýrri flugstöð,“ segir Jón Gunnarsson en rætt var við hann í Bítinu á Bylgjunni í morgun. „Það er svosem gert ráð fyrir því í skipulagi hjá Reykjavíkurborg að það rísi þarna flugstöð en það gæti orðið einhverjir fyrirvarar á því að það verða þá ef að til kæmi að það verði einhverjar breytingar á staðsetningu innanlandsflugs þá væri hægt að nýta þessa byggingu fyrir eitthvað annað.“Verður hún þá byggð með það í huga? „Já ég held að það sé skynsamlegt að gera það en í dag er staðan einfaldlega þannig að það hefur engin ákvörðun verið tekin um að miðstöð innanlandsflugs flytji eitthvað annað og það er mikilli óvissu háð, þeir staðir sem hafa verið í umræðunni og meðal annars sú að það verður ekkert beðið með það að hefja byggingu á nýrri flugstöð. Það er bara í raun löngu tímabært.“ Jón segir málið vera í undirbúningsvinnslu inni í ráðuneyti en hann vonist til að sótt verði um leyfi síðar á þessu ári og að þá verði hægt að hefja framkvæmdir á næsta ári. „Ég hef rætt þetta við borgarstjóra og það er svosem bara gert ráð fyrir þessu á skipulagi þannig að það er í sjálfu sér ekkert annað en bara að afgreiða þá einhverjar teikningar og fara í gegnum til að gefa byggingaleyfi. Það er nú þegar verið að hefja undirbúning á því að ganga frá bílastæðum og slíku sem hefur einnig verið óboðlegt þarna á svæðinu. Ég geri mér vonir um að það klárist jafnvel á þessu ári að útbúa þarna bílastæði, lantíma bílastæði og skammtímastæði.“ Jón hefur stofnað nýjan starfshóp til að meta hvaða staðsetning henti best innanlandsflugi. Svokölluð Rögnunefnd skilaði af sér skýrslu um kosti undir flugvöll á höfuðborgarsvæðinu í júní árið 2015. „Ég var ekki sáttur við það að Reykjavíkurflugvöllur væri ekki skoðaður í raun mjög vel sem möguleg framtíðarstaðsetning innanlandsflugs í framtíðinni samhliða öðrum valkostum. Þannig að ég hef tjáð yfirvöldum í borginni það að í þessum hóp sem við munum setja saman, og ég vona að Reykjavíkurborg taki þátt í því með okkur, þá verði einnig litið til núverandi staðsetningar og hvort það sé hægt að mæta núverandi sjónarmiðum um hana og gera eitthvað betur þar.“Er svigrúmið þar fyrir hendi? „Það hafa ýmsir lagt fram tillögur sem eru áhugaverðar, hversu raunhæfar þær eru þori ég ekki að tjá mig um fyrr en það hefur verið skoðað mjög vel en það hafa komið fram ýmsar áhugaverðar hugmyndir um að færa braut jafnvel út í sjó og lengja þannig og opna þannig fyrir mögulega öðrum framkvæmdir á þó nokkrum hluta af flugvallarsvæðinu. Ég er alveg opinn fyrir því að það sé skoðað, að Reykjavíkurborg geti fengið þarna eitthvað meira af byggingarlandi til að þétta byggð en við getum þá breytt legu flugvallarins að einhverru leyti.“ Jón vill ekki taka undir það að tímabært sé að kjósa um staðsetningu Reykjavíkurflugvallar í þjóðaratkvæðagreiðslu. „Flugvöllurinn er bara þarna. Það hefur enginn ákvörðun verið tekin um að flytja hann eitt eða neitt. Á meðan slík ákvörðun hefur ekki verið tekin þá verður flugvöllurinn bara þarna. Komist menn að einhverju samkomulagi eða einhverri niðurstöðu með það að flytja starfsemi innanlandsflug eitthvað annað þá ákveða menn einhverja tímasetningu í því. En ég mun ekki skrifa undir eitthvað samkomulag við Reykjavíkurborg um að völlurinn fari eftir fimm ár, tíu ár eða tuttugu ár. Ég tel það tilgangslaust að vera að ákveða einhverja dagsetningu í þeim efnum. Aðalatriðið er þetta, komist menn að einhverju samkomulagi um það að flytja starfsemina og þá hvert. Þá geta menn ráðist í einhverjar tímalínur og einhverjar áætlanir um það hvernig það telur að það skuli gerast. En á meðan staðan er eins og hún er í dag þá sé ég bara þann kost vænstan að byggja þarna upp og gera ráð fyrir því að innanlandsflugið verði þar sem það er.Er ekki verið að byggja nýjan landspítala þarna á þessu svæði einmitt út af þessu? „Jú meðal annars og það er eitt sem þarf að skoða sérstaklega. Ég setti í gang vinnu fyrir nokkrum mánuðum síðan varðandi öryggishlutverk vallarins og það var vanreyfað að mínu mati í skýrslu svokallaðrar Rögnunefndar. Sú skýrsla mun koma út núna fljótlega og þar er ég ekki bara að horfa til sjúkraflugsins heldur einnig almennt öryggishlutverks vallarins. Það er til að mynda, gagnvart Landspítalanum, í þeim drögum sem ég hef séð þá er það mjög mikilvægt að völlurinn sé þarna vegna þess að allt aðflug með þyrlu, beint að spítalanum, það þarf mikið svigrúm fyrir slíkt aðflug og slíkt neyðarflug. Það gerist ekki innan um byggingar sem eru komnar á svæðið út um allt. Þetta er auðvitað hluti af því sem þarf að skoða í því samhengi varðandi framtíðarstarfsemi,“ segir Jón. „Það er löngu tímabært að höggva á þennan hnút og menn geri sér grein fyrir því að miðstöð innanlandsflugs er ekki að fara að flytja neitt. Um það hefur ekki verið tekin nein ákvörðun og á meðan svo er þá byggjum við auðvitað upp og erum að þjóna bæði starfsfólki og farþegum með sem bestum hætti á þessu svæði.“Viðtalið við Jón má heyra í heild sinni hér fyrir neðan.
Mest lesið Ekkert spurst til Sólrúnar á Spáni í nokkra daga Innlent Snorri sagður spúa hatri og trumpísku yfir heimsbyggðina Innlent Hrina gikkskjálfta við Trölladyngju Innlent Ók yfir á rangan helming og lést átta dögum síðar Innlent Meint hræðsla dómara ekki næg ástæða til að taka málið fyrir Innlent „Ásthildur Lóa var kjöldregin í öllum fjölmiðlum heims“ Innlent „Af hverju var það sem var sagt á fimmtudegi svikið á mánudegi?“ Innlent „Kokkurinn“ í Bandidos látinn Erlent Tóku mið af viðskiptahalla en ekki tollum Erlent Býst við kolsvartri skýrslu Innlent Fleiri fréttir Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Tuttugu og átta sóttu um stöðu dagskrárstjóra Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Veðurstofan ekki búin að afskrifa gosið með öllu Bein útsending: Evrópsk öryggis- og varnarmál í breytilegum heimi Ekkert spurst til Sólrúnar á Spáni í nokkra daga „Af hverju var það sem var sagt á fimmtudegi svikið á mánudegi?“ Rafrettur hafi langvarandi afleiðingar á lungu, heila og hjarta Trjám úr Öskjuhlíð skipað frá Hafnarfirði Býst við kolsvartri skýrslu Frumvarp um gæludýrahald skerði sjálfsögð réttindi fólks til heilsu Meint hræðsla dómara ekki næg ástæða til að taka málið fyrir „Ásthildur Lóa var kjöldregin í öllum fjölmiðlum heims“ Tollastríð Trumps hefur áhrif víða Ók yfir á rangan helming og lést átta dögum síðar Bókun 35 þokast nær afgreiðslu Sló mann með glerglasi í höfuðið á Strandgötunni Snorri sagður spúa hatri og trumpísku yfir heimsbyggðina Ákærður fyrir að áreita barn í búningsklefa Sjá meira