Eru alltaf í klappliðinu og standa saman Guðný Hrönn skrifar 21. júní 2017 10:30 Rakel Tómasdóttir, Andrea Magnúsdóttir, Elísabet Gunnarsdóttir og Aldís Pálsdóttir skipa teymið á bak við verkefnið. MYND/MAGNEA SINDRADÓTTIR Hönnuðurinn Andrea Magnúsdóttir og Elísabet Gunnarsdóttir, eigandi Trendnet.is, sameinuðu krafta sína og eru að senda frá sér boli með jákvæðum skilaboðum. Með verkefninu ætla þær að leggja Kvennaathvarfinu lið og vekja fólk til umhugsunar. „Verkefnið er hugarfóstur okkar Elísabetar en við erum búnar að þekkjast lengi og búnar að ganga með hugmyndina í maganum í þó nokkurn tíma. Við Elísabet eigum það sameiginlegt að vera jákvæðar og drífandi, við þekkjum margar ótrúlega flottar konur og erum alltaf í klappliðinu. Okkur þykir miður að sjá hvað fólk leyfir sér stundum að segja um annað fólk, og þá sérstaklega á netinu. Við fullorðna fólkið megum ekki gleyma okkur og þurfum að muna að við erum fyrirmyndir komandi kynslóða. Hvernig viljum við hafa þetta? Okkar er valið og við veljum að standa saman, hjálpa hver annarri og styðja hver aðra,“ segir Andrea en bolirnir sem þær vinkonur eru að senda frá sér eru prýddir orðunum „Konur eru konum bestar“. Bolirnir eru svar við leiðinlegri tuggu sem flestir ættu að hafa heyrt: „Konur eru konum verstar.“ Spurð út í hvort hún heyri fólk oft fara með þessa neikvæðu setningu segir Andrea: „Ég ætla að velja að segja „nei“ við þessari spurningu af því að við erum nefnilega formlega hættar og búnar að breyta þessu í: „Konur eru konum bestar“.“Vonast til að eiga nógu marga boli Andrea og Elísabet sameinuðu krafta sína. „Fljótlega bættust í teymið snillingarnir Aldís Pálsdóttir og Rakel Tómasdóttir. Aldís er ljósmyndari og svo margt fleira og Rakel er grafískur hönnuður en hún hannaði letrið á bolnum. Við erum sérstaklega glaðar með það að geta státað okkur af Silktype, alíslensku letri.“Andrea Magnúsdóttir hlakkar til að sjá fólk nota myllumerkið #Konurerukonumbestar.MYND/ALDÍS PÁLSDÓTTIRBolirnir fara í sölu á morgun, fimmtudaginn 22. júní. „Viðtökurnar hafa farið fram úr vonum okkar og við krossum bara putta og vonumst til að eiga bol handa öllum,“ segir Andrea sem er afar spennt fyrir verkefninu. Allur ágóði sölunnar rennur til Kvennaathvarfsins. „Bolirnir verða seldir hjá í AndreA á Laugavegi og við opnum dyrnar klukkan 17.00 á morgun.“ Útkoma samstarfs þeirra Andreu, Elísabetar, Rakelar og Aldísar er hvítur stuttermabolur með svörtu letri, fyrir utan bókstafinn B, hann er rauður. Og Andrea segir ekkert vandamál að stílisera hann á flottan hátt.„Þessi bolur er svo flottur og ég þarf alveg að halda í mér að vera ekki í honum í dag, ég verð að spara hann fram á fimmtudag,“ segir hún og hlær. „Hann er flottur við gallabuxur, við víðar buxur, undir leðurjakka og kápur?… ég held að hann sé í alvörunni flottur við allt.“ Að lokum vill Andrea hvetja alla sem kaupa sér bol til styrktar Kvennaathvarfinu að birta mynd af sér í bolnum á samfélagsmiðlum og nota myllumerkið #Konurerukonumbestar. „Þannig getið þið dreift boðskapnum.“ Til gamans má geta að bolirnir koma í taupoka með sömu merkingu, í pokanum má einnig finna nýjasta tölublað af Glamour og rauðan varalit. Bolurinn kostar 5.900 krónur. Mest lesið Fundu ástina á ný eftir skilnað Lífið Margverðlaunaður garður með sólskini allan daginn Lífið Dóttir Snæfríðar og Högna komin með nafn Lífið „Þetta er enginn helvítis félagskvíði, það bara þolir mig enginn“ Áskorun Sjáðu myndirnar frá Ungfrú Ísland Lífið Búið spil Lífið Sunneva og Tanja ræða lýtaaðgerðirnar sínar Lífið Dró Antonio grunlausan með sér í Gamla bíó Lífið Svanhildur selur 500 fermetra höll í Akrahverfinu Lífið Sóldís Vala er Ungfrú Ísland Lífið Fleiri fréttir Ofurskvísur heimsins í íslenskri skóhönnun Sól meðal tískuhönnuða erlendis sem vert er að fylgjast með Kærustupar og tískusálufélagar gefa út einstaka fatalínu Tískugyðjur komu saman í Kaupmannahöfn Klæðir sig upp til að komast í betra skap Tískan á Ólympíuleikunum Finnst yfirleitt erfitt að klæða sig upp Tískuheimurinn í London setti sterkan svip á stílinn „Í smávegis vegferð að líta á ADHD-ið mitt sem fallegan hlut“ Myndaveisla: Aron Can, Issi og Patti í tískupartýi ársins Alltaf sótt í orku og gleði í klæðaburði Vann til margra verðlauna fyrir stól sem slær í gegn „Með 40 prósent af óþarfa með mér og virðist ekki læra af því“ Sjá meira
Hönnuðurinn Andrea Magnúsdóttir og Elísabet Gunnarsdóttir, eigandi Trendnet.is, sameinuðu krafta sína og eru að senda frá sér boli með jákvæðum skilaboðum. Með verkefninu ætla þær að leggja Kvennaathvarfinu lið og vekja fólk til umhugsunar. „Verkefnið er hugarfóstur okkar Elísabetar en við erum búnar að þekkjast lengi og búnar að ganga með hugmyndina í maganum í þó nokkurn tíma. Við Elísabet eigum það sameiginlegt að vera jákvæðar og drífandi, við þekkjum margar ótrúlega flottar konur og erum alltaf í klappliðinu. Okkur þykir miður að sjá hvað fólk leyfir sér stundum að segja um annað fólk, og þá sérstaklega á netinu. Við fullorðna fólkið megum ekki gleyma okkur og þurfum að muna að við erum fyrirmyndir komandi kynslóða. Hvernig viljum við hafa þetta? Okkar er valið og við veljum að standa saman, hjálpa hver annarri og styðja hver aðra,“ segir Andrea en bolirnir sem þær vinkonur eru að senda frá sér eru prýddir orðunum „Konur eru konum bestar“. Bolirnir eru svar við leiðinlegri tuggu sem flestir ættu að hafa heyrt: „Konur eru konum verstar.“ Spurð út í hvort hún heyri fólk oft fara með þessa neikvæðu setningu segir Andrea: „Ég ætla að velja að segja „nei“ við þessari spurningu af því að við erum nefnilega formlega hættar og búnar að breyta þessu í: „Konur eru konum bestar“.“Vonast til að eiga nógu marga boli Andrea og Elísabet sameinuðu krafta sína. „Fljótlega bættust í teymið snillingarnir Aldís Pálsdóttir og Rakel Tómasdóttir. Aldís er ljósmyndari og svo margt fleira og Rakel er grafískur hönnuður en hún hannaði letrið á bolnum. Við erum sérstaklega glaðar með það að geta státað okkur af Silktype, alíslensku letri.“Andrea Magnúsdóttir hlakkar til að sjá fólk nota myllumerkið #Konurerukonumbestar.MYND/ALDÍS PÁLSDÓTTIRBolirnir fara í sölu á morgun, fimmtudaginn 22. júní. „Viðtökurnar hafa farið fram úr vonum okkar og við krossum bara putta og vonumst til að eiga bol handa öllum,“ segir Andrea sem er afar spennt fyrir verkefninu. Allur ágóði sölunnar rennur til Kvennaathvarfsins. „Bolirnir verða seldir hjá í AndreA á Laugavegi og við opnum dyrnar klukkan 17.00 á morgun.“ Útkoma samstarfs þeirra Andreu, Elísabetar, Rakelar og Aldísar er hvítur stuttermabolur með svörtu letri, fyrir utan bókstafinn B, hann er rauður. Og Andrea segir ekkert vandamál að stílisera hann á flottan hátt.„Þessi bolur er svo flottur og ég þarf alveg að halda í mér að vera ekki í honum í dag, ég verð að spara hann fram á fimmtudag,“ segir hún og hlær. „Hann er flottur við gallabuxur, við víðar buxur, undir leðurjakka og kápur?… ég held að hann sé í alvörunni flottur við allt.“ Að lokum vill Andrea hvetja alla sem kaupa sér bol til styrktar Kvennaathvarfinu að birta mynd af sér í bolnum á samfélagsmiðlum og nota myllumerkið #Konurerukonumbestar. „Þannig getið þið dreift boðskapnum.“ Til gamans má geta að bolirnir koma í taupoka með sömu merkingu, í pokanum má einnig finna nýjasta tölublað af Glamour og rauðan varalit. Bolurinn kostar 5.900 krónur.
Mest lesið Fundu ástina á ný eftir skilnað Lífið Margverðlaunaður garður með sólskini allan daginn Lífið Dóttir Snæfríðar og Högna komin með nafn Lífið „Þetta er enginn helvítis félagskvíði, það bara þolir mig enginn“ Áskorun Sjáðu myndirnar frá Ungfrú Ísland Lífið Búið spil Lífið Sunneva og Tanja ræða lýtaaðgerðirnar sínar Lífið Dró Antonio grunlausan með sér í Gamla bíó Lífið Svanhildur selur 500 fermetra höll í Akrahverfinu Lífið Sóldís Vala er Ungfrú Ísland Lífið Fleiri fréttir Ofurskvísur heimsins í íslenskri skóhönnun Sól meðal tískuhönnuða erlendis sem vert er að fylgjast með Kærustupar og tískusálufélagar gefa út einstaka fatalínu Tískugyðjur komu saman í Kaupmannahöfn Klæðir sig upp til að komast í betra skap Tískan á Ólympíuleikunum Finnst yfirleitt erfitt að klæða sig upp Tískuheimurinn í London setti sterkan svip á stílinn „Í smávegis vegferð að líta á ADHD-ið mitt sem fallegan hlut“ Myndaveisla: Aron Can, Issi og Patti í tískupartýi ársins Alltaf sótt í orku og gleði í klæðaburði Vann til margra verðlauna fyrir stól sem slær í gegn „Með 40 prósent af óþarfa með mér og virðist ekki læra af því“ Sjá meira