Viðar skoraði er Maccabi skreið áfram

Maccabi Tel-Aviv tryggði sér í kvöld sæti í riðlakeppni Evrópudeildar UEFA eftir hörkuleik gegn austurríska liðinu Rheindorf Altach.

Leikurinn endaði með jafntefli, 2-2, og Maccabi fer því áfram 3-2 samanlagt.

Rheindorf komst í tvígang yfir og í stöðunni 1-2 var liðið að fara áfram. Maccabi skoraði aftur á móti mark stundarfjórðungi fyrir leikslok sem fleytti liðinu áfram.

Viðar Örn skoraði fyrra mark Maccabi rétt fyrir leikhlé og var þá að jafna 1-1.