Steve Pappas segir Costco elska Ísland: „Hvað er ekki að seljast vel?“ Birgir Olgeirsson skrifar 26. september 2017 13:33 Steve Pappas, aðstoðarforstjóri Costco í Evrópu, og Björn Berg Gunnarsson, fræðslustjóri Íslandsbanka, fara yfir málin á fjármálaþingi bankans í dag. Vísir „Costco elskar Ísland,” sagði Steve Pappas, aðstoðarforstjóri Costco í Evrópu, á fjármálaþingi Íslandsbanka, þar sem breytingar á smásölumarkaði á Íslandi voru til umræðu. Pappas lék á alls oddi þegar hann sat fyrir svörum Björns Berg Gunnarssonar, fræðslustjóra Íslandsbanka, og var meðal annars spurður hvað seldist vel og hvað illa í Costco. „Hvað er ekki að seljast vel?,” svaraði Pappas sposkur og nefndi að jarðarberin rykju út úr versluninni og flest allt í ferskvöru deildinni stæði ekki lengi i hillunum. Costco hefði fengið veður af því að Íslendingar væru sólgnir í sushi og því voru fengnir sérfræðingar frá Japan til að kenna íslenskum starfsmönnum að gera sushi, en með íslensku yfirbragði. Það sem hefur ekki selst vel að sögn Pappas er morgunkornið Weetabix, sem er ekki þekkt á Íslandi, en hann sagði Cheerios seljast ágætlega. „Fyrir þá sem ekki þekkja bragðast Weetabix eins og pappi en er hollt fyrir mann,” sagði Pappas.Íslendingar virðast ekki sólgnir í Weetabix að sögn Pappas.Voru efins í fyrstu Hann sagði Costco hafa verið efins um að koma til Íslands. Markaðurinn hefði verið of lítill því Costco-keðjan horfi ekki til borga sem eru með íbúafjölda undir milljón manns. Eftir að hafa skoðað markaðinn og líkað það sem þeir sáu, með svæði sem væri hægt að nýta betur og með meðvitaða neytendur, sáu þeir ýmis tækifæri til að spara neytendum í innkaupum. Þegar verslunin var fyrst opnuð voru viðbröðin mikil og örtröð að einhverju leyti. Pappas sagði þá hjá Costco hafa beðið eftir því að ásóknin í verslunina myndi ná jafnvægi, en svo var ekki. Þeir fengu 65 manneskjur frá Bretlandi til að hjálpa til við þjálfun og aðstoð í versluninni. Í dag starfa 416 starfsmenn hjá Costco en aðeins þrettán þeirra eru frá öðrum erlendum verslunum Costco.Miklir möguleikar fyrir íslenska framleiðendur á útflutningi í gegnum Costco Björn Berg spurði hvort íslenskir framleiðendur gætu nýtt Costco til að flytja vörur sínar út og svaraði Pappas því játandi. Nú þegar selur Costco íslenskt vatn í Bretlandi og sagði hann gæðin á vatninu mikil. „Við erum að þróa þetta og við viljum opna 740 verslanir Costco fyrir íslenskum birgjum,” sagði Pappas. Hann sagði svæðisstjóra Costco í Japan hafa hitt lambakjötsframleiðendur á Íslandi og sé eftirspurn í Japan eftir gæða lambakjöti frá Íslandi.Íslendingar fjölmenntu í Costco fyrstu dagana og vikurnar eftir að vöruhúsið var opnað.Vísir/ErnirGæði nautakjötsins standast ekki Pappas sagði íslenska framleiðendur bjóða upp á mikil gæði þegar kemur að svína- og kjúklingakjöti og fiski en nautakjötið eigi eitthvað í land. „Það er eitthvað sem við þurfum að vinna með bændum varðandi gæðin." Hann var spurður hvort Costco átti sig á samfélagslegri ábyrgð, verandi verslunarrisi sem kemur inn á jafn lítinn markað og Ísland er. Hann svaraði því að Costco átti sig alltaf á áhrifum sínum á hvern markað. Samkeppni sé heilbrigð og Costco bjóði upp á matvöru frá smáum birgjum. Verslunin sé einnig stór birgir fyrir hótel og lítil fyrirtæki.Hafa fjárfest fyrir 70 milljónir dollara á Íslandi Fyrirtækið hafi fjárfest fyrir 70 milljónir dollara hér á landi, um sjö og hálfan milljarð íslenskra króna, skapað mörg afleidd störf með því að sækja þjónustu í nærumhverfið og bjóði rúmlega 400 einstaklingum upp á vel borguð og góð störf. „Við hegðum okkur vel, við virðum birgjana og hugsum um starfsmennina,” sagði Pappas og tók fram að Costco gæfi eitt prósent af sínum ágóða til góðgerðarmála á þeim svæðum sem verslanir risans eru á.Pappas telur litlar líkur á því að Costco opni útibú á Akureyri.Vísir/PjeturPappas sagði Costco að jafnaði aðeins bjóða upp á 3.000 vöruflokka í sínum verslunum og því tækifæri fyrir aðra að vera með meira úrval. Costco taki því ekki mikið frá einum heldur lítið frá öllum. Hann neitaði því að Costco seldi vörur undir kostnaðarverði. Í einhverjum tilvikum hafi Costco svarað miklum verðlækkunum hjá samkeppnisaðilum en meginregla verslunarinnar sé að gera það ekki. Pappas fór yfir áhrif netverslunar á Costco og sagði þeirra reynsla væri sú að fólk vildi helst kaupa á netinu vöru sem er of stór til að passa í bílana þeirra. Amazon sé að reyna að auka hlut sinn í ferskvöru á netinu en Pappas sagði það mikla áskorun að reyna að auka hlut hennar. Þeirra leið í dag sé að vera í samstarfi við þriðja aðila sem sjái um innkaupin í Costco og komi vörunni til neytandans.Costco ekki á leið til Akureyrar Að lokum var hann spurður hvort Costco myndi opna verslun á Akureyri. Hann sagði markaðinn á Akureyri mjög lítinn en tók fram að hann hefði aldrei komið þangað og væri kannski snöggur að dæma, en eins og staðan sé í dag væru líkurnar afar litlar. Hann sagði Costco hins vegar skoða leiðir til að koma vörum frekar til Akureyrar í gegnum netið og að koma Costco til Garðabæjar þýddi allavega að nú standi til boða betri leið til að nálgast Lego-leikföng hér á landi á viðráðanlegu verði í stað þess að kaupa flugfar til Englands og kaupa þau þar. Costco Neytendur Mest lesið Aðstoðarforstjóri Play hættur Viðskipti innlent Nýjustu vísbendingar bendi til komandi kólnunar Viðskipti innlent Terra Einingar kaupir Öryggisgirðingar Viðskipti innlent Dæmi um fimmtíu prósenta hækkun á matvöru Neytendur Rukkaður um 2800 króna aukagjald í Reynisfjöru Neytendur Ofuráhersla á umhverfismálin þegar sjálfbærnin snýst í raun um fólk Atvinnulíf Gapandi hissa að sjá túrista skipta á milli sín mat: „Ég sárlega vorkenndi þeim“ Neytendur Tælenskt hveiti úr umferð Neytendur Hugmyndir fyrir tómlega vinnustaði og leiðinlega vinnudaga Atvinnulíf „Við erum ekki að fara að vinna“ Neytendur Fleiri fréttir Nýjustu vísbendingar bendi til komandi kólnunar Aðstoðarforstjóri Play hættur Terra Einingar kaupir Öryggisgirðingar Hagnaður Arion banka dregst saman milli ára Play tapaði milljarði en staðan „mjög traust“ að mati forstjórans Bein útsending: Play kynnir uppgjör Barátta Seðlabankans löngu töpuð Formaðurinn neiti að horfast í augu við einkunnaverðbólgu Gústi Jó ráðinn markaðsstjóri Vöruverndar Verðbólgutölur minnki líkur á vaxtalækkun „allverulega“ Þekkja engin dæmi um að lögheimilisskráning stöðvi fasteignasölu Eyþór fyllir í skarð Rósu hjá Heimum Verðbólga eykst milli mánaða Stýrivextir mögulega ekki lækkaðir fyrr en í febrúar „Ljóst að staðan er mjög strembin“ Móðurfélag Össurar hagnaðist um 2,8 milljarða á metfjórðungi Fækkun ferðamanna gæti komið íbúðum á markað Fækkun ferðamanna mögulega leitt til hraðari lækkunar stýrivaxta Fá hundrað milljónir til að þróa gervigreind Styrkás kaupir Kraft Landsliðskokkur kaupir hverfisstaðinn: „Þetta gerðist í rauninni bara mjög hratt“ KFC á Íslandi segir meinta ljósmynd viðskiptavinar „falska“ Komust ekki inn á netbanka vegna bilunar Titringur á bókunarmarkaði: „Í kjörstöðu til að taka yfir þennan markað“ Landsbankinn hagnaðist um 16 milljarða eftir skatt Víkingur skiptir um hlutverk hjá Öskju Einar Hrafn ráðinn markaðsstjóri 1,4 milljarða sparnaður af uppsögnum 140 starfsmanna í maí og júní „Sérkennileg“ hækkun íbúðaverðs á tímum hárra vaxta Leiguverð heldur áfram að hækka Sjá meira
„Costco elskar Ísland,” sagði Steve Pappas, aðstoðarforstjóri Costco í Evrópu, á fjármálaþingi Íslandsbanka, þar sem breytingar á smásölumarkaði á Íslandi voru til umræðu. Pappas lék á alls oddi þegar hann sat fyrir svörum Björns Berg Gunnarssonar, fræðslustjóra Íslandsbanka, og var meðal annars spurður hvað seldist vel og hvað illa í Costco. „Hvað er ekki að seljast vel?,” svaraði Pappas sposkur og nefndi að jarðarberin rykju út úr versluninni og flest allt í ferskvöru deildinni stæði ekki lengi i hillunum. Costco hefði fengið veður af því að Íslendingar væru sólgnir í sushi og því voru fengnir sérfræðingar frá Japan til að kenna íslenskum starfsmönnum að gera sushi, en með íslensku yfirbragði. Það sem hefur ekki selst vel að sögn Pappas er morgunkornið Weetabix, sem er ekki þekkt á Íslandi, en hann sagði Cheerios seljast ágætlega. „Fyrir þá sem ekki þekkja bragðast Weetabix eins og pappi en er hollt fyrir mann,” sagði Pappas.Íslendingar virðast ekki sólgnir í Weetabix að sögn Pappas.Voru efins í fyrstu Hann sagði Costco hafa verið efins um að koma til Íslands. Markaðurinn hefði verið of lítill því Costco-keðjan horfi ekki til borga sem eru með íbúafjölda undir milljón manns. Eftir að hafa skoðað markaðinn og líkað það sem þeir sáu, með svæði sem væri hægt að nýta betur og með meðvitaða neytendur, sáu þeir ýmis tækifæri til að spara neytendum í innkaupum. Þegar verslunin var fyrst opnuð voru viðbröðin mikil og örtröð að einhverju leyti. Pappas sagði þá hjá Costco hafa beðið eftir því að ásóknin í verslunina myndi ná jafnvægi, en svo var ekki. Þeir fengu 65 manneskjur frá Bretlandi til að hjálpa til við þjálfun og aðstoð í versluninni. Í dag starfa 416 starfsmenn hjá Costco en aðeins þrettán þeirra eru frá öðrum erlendum verslunum Costco.Miklir möguleikar fyrir íslenska framleiðendur á útflutningi í gegnum Costco Björn Berg spurði hvort íslenskir framleiðendur gætu nýtt Costco til að flytja vörur sínar út og svaraði Pappas því játandi. Nú þegar selur Costco íslenskt vatn í Bretlandi og sagði hann gæðin á vatninu mikil. „Við erum að þróa þetta og við viljum opna 740 verslanir Costco fyrir íslenskum birgjum,” sagði Pappas. Hann sagði svæðisstjóra Costco í Japan hafa hitt lambakjötsframleiðendur á Íslandi og sé eftirspurn í Japan eftir gæða lambakjöti frá Íslandi.Íslendingar fjölmenntu í Costco fyrstu dagana og vikurnar eftir að vöruhúsið var opnað.Vísir/ErnirGæði nautakjötsins standast ekki Pappas sagði íslenska framleiðendur bjóða upp á mikil gæði þegar kemur að svína- og kjúklingakjöti og fiski en nautakjötið eigi eitthvað í land. „Það er eitthvað sem við þurfum að vinna með bændum varðandi gæðin." Hann var spurður hvort Costco átti sig á samfélagslegri ábyrgð, verandi verslunarrisi sem kemur inn á jafn lítinn markað og Ísland er. Hann svaraði því að Costco átti sig alltaf á áhrifum sínum á hvern markað. Samkeppni sé heilbrigð og Costco bjóði upp á matvöru frá smáum birgjum. Verslunin sé einnig stór birgir fyrir hótel og lítil fyrirtæki.Hafa fjárfest fyrir 70 milljónir dollara á Íslandi Fyrirtækið hafi fjárfest fyrir 70 milljónir dollara hér á landi, um sjö og hálfan milljarð íslenskra króna, skapað mörg afleidd störf með því að sækja þjónustu í nærumhverfið og bjóði rúmlega 400 einstaklingum upp á vel borguð og góð störf. „Við hegðum okkur vel, við virðum birgjana og hugsum um starfsmennina,” sagði Pappas og tók fram að Costco gæfi eitt prósent af sínum ágóða til góðgerðarmála á þeim svæðum sem verslanir risans eru á.Pappas telur litlar líkur á því að Costco opni útibú á Akureyri.Vísir/PjeturPappas sagði Costco að jafnaði aðeins bjóða upp á 3.000 vöruflokka í sínum verslunum og því tækifæri fyrir aðra að vera með meira úrval. Costco taki því ekki mikið frá einum heldur lítið frá öllum. Hann neitaði því að Costco seldi vörur undir kostnaðarverði. Í einhverjum tilvikum hafi Costco svarað miklum verðlækkunum hjá samkeppnisaðilum en meginregla verslunarinnar sé að gera það ekki. Pappas fór yfir áhrif netverslunar á Costco og sagði þeirra reynsla væri sú að fólk vildi helst kaupa á netinu vöru sem er of stór til að passa í bílana þeirra. Amazon sé að reyna að auka hlut sinn í ferskvöru á netinu en Pappas sagði það mikla áskorun að reyna að auka hlut hennar. Þeirra leið í dag sé að vera í samstarfi við þriðja aðila sem sjái um innkaupin í Costco og komi vörunni til neytandans.Costco ekki á leið til Akureyrar Að lokum var hann spurður hvort Costco myndi opna verslun á Akureyri. Hann sagði markaðinn á Akureyri mjög lítinn en tók fram að hann hefði aldrei komið þangað og væri kannski snöggur að dæma, en eins og staðan sé í dag væru líkurnar afar litlar. Hann sagði Costco hins vegar skoða leiðir til að koma vörum frekar til Akureyrar í gegnum netið og að koma Costco til Garðabæjar þýddi allavega að nú standi til boða betri leið til að nálgast Lego-leikföng hér á landi á viðráðanlegu verði í stað þess að kaupa flugfar til Englands og kaupa þau þar.
Costco Neytendur Mest lesið Aðstoðarforstjóri Play hættur Viðskipti innlent Nýjustu vísbendingar bendi til komandi kólnunar Viðskipti innlent Terra Einingar kaupir Öryggisgirðingar Viðskipti innlent Dæmi um fimmtíu prósenta hækkun á matvöru Neytendur Rukkaður um 2800 króna aukagjald í Reynisfjöru Neytendur Ofuráhersla á umhverfismálin þegar sjálfbærnin snýst í raun um fólk Atvinnulíf Gapandi hissa að sjá túrista skipta á milli sín mat: „Ég sárlega vorkenndi þeim“ Neytendur Tælenskt hveiti úr umferð Neytendur Hugmyndir fyrir tómlega vinnustaði og leiðinlega vinnudaga Atvinnulíf „Við erum ekki að fara að vinna“ Neytendur Fleiri fréttir Nýjustu vísbendingar bendi til komandi kólnunar Aðstoðarforstjóri Play hættur Terra Einingar kaupir Öryggisgirðingar Hagnaður Arion banka dregst saman milli ára Play tapaði milljarði en staðan „mjög traust“ að mati forstjórans Bein útsending: Play kynnir uppgjör Barátta Seðlabankans löngu töpuð Formaðurinn neiti að horfast í augu við einkunnaverðbólgu Gústi Jó ráðinn markaðsstjóri Vöruverndar Verðbólgutölur minnki líkur á vaxtalækkun „allverulega“ Þekkja engin dæmi um að lögheimilisskráning stöðvi fasteignasölu Eyþór fyllir í skarð Rósu hjá Heimum Verðbólga eykst milli mánaða Stýrivextir mögulega ekki lækkaðir fyrr en í febrúar „Ljóst að staðan er mjög strembin“ Móðurfélag Össurar hagnaðist um 2,8 milljarða á metfjórðungi Fækkun ferðamanna gæti komið íbúðum á markað Fækkun ferðamanna mögulega leitt til hraðari lækkunar stýrivaxta Fá hundrað milljónir til að þróa gervigreind Styrkás kaupir Kraft Landsliðskokkur kaupir hverfisstaðinn: „Þetta gerðist í rauninni bara mjög hratt“ KFC á Íslandi segir meinta ljósmynd viðskiptavinar „falska“ Komust ekki inn á netbanka vegna bilunar Titringur á bókunarmarkaði: „Í kjörstöðu til að taka yfir þennan markað“ Landsbankinn hagnaðist um 16 milljarða eftir skatt Víkingur skiptir um hlutverk hjá Öskju Einar Hrafn ráðinn markaðsstjóri 1,4 milljarða sparnaður af uppsögnum 140 starfsmanna í maí og júní „Sérkennileg“ hækkun íbúðaverðs á tímum hárra vaxta Leiguverð heldur áfram að hækka Sjá meira