Ólafur er sá langelsti Óskar Ófeigur Jónsson skrifar 21. september 2017 06:30 Óli Jóh á hliðarlínunni. vísir/Anton Þegar flestir þjálfarar eru sestir í helgan stein þá er Ólafur Jóhannesson enn að sýna yngri þjálfurunum í Pepsi-deildinni hvernig þjálfarar fara að því að gera lið að meisturum. Hann hélt upp á sextugsafmælið í lok júní og aðeins tæpum tveimur mánuðum síðar tryggði Valsliðið sér titilinn þrátt fyrir að tvær umferðir væru enn eftir af Íslandsmótinu. Þetta er fjórði Íslandsmeistaratitill Ólafs sem þjálfara og í þremur af þessum fjórum skiptum hefur titillinn verið í höfn fyrir lokaumferðina. Það var aðeins sá fyrsti, haustið 2004, sem vannst ekki fyrr en í síðustu umferð. Með því að vinna titilinn í ár, ellefu árum eftir að sá síðasti kom í hús, þá setti Ólafur nýtt met í efstu deild á Íslandi. Elsti Íslandsmeistaraþjálfarinn fyrir þetta tímabil var Yuri Sedov sem gerði Víkinga að Íslandsmeisturum tvö ár í röð í byrjun níunda áratugarins.Kom 51 árs til Íslands Sovétmaðurinn Yuri Sedov fæddist í Moskvu í mars 1929 og var því orðinn 51 árs þegar hann kom til Íslands árið 1980. Víkingar unnu titilinn bæði 1981 og 1982 en seinna árið var Sedov því orðinn 53 ára gamall. Sedov sló fyrra árið met Óla B. Jónssonar. Ólafur er því að bæta þetta met um heil sjö ár. Ólafur var áður í þriðja til fimmta sæti á listanum frá því að hann gerði FH að Íslandsmeisturum 49 ára gamall sumarið 2006. Júrí Ilitchev (Valur 1976) og Óli B. Jónsson (Valur 1967) voru einnig 49 ára þegar þeir gerðu lið að Íslandsmeisturum á sínum tíma á sjöunda og áttunda áratugi síðustu aldar.Tveir með 9 af 14 titlum Lærlingur Ólafs, Heimir Guðjónsson, hefur unnið fimm Íslandsmeistaratitla frá því að hann tók við liði FH af Ólafi fyrir níu árum. Heimir var fyrst fyrirliðinn hjá Ólafi og svo aðstoðarþjálfari hans eftir að skórnir fóru upp á hillu. Þeir félagar hafa því saman unnið 9 af 14 Íslandsmeistaratitlum í boði frá 2004. Ólafur var nálægt því að bæta annað met en ellefu ár eru á milli Íslandsmeistaratitla hans. Ríkharður Jónsson gerði ÍA að Íslandsmeisturum með tólf ára millibili (1958 og 1970). Ríkharður þjálfaði reyndar Íslandsmeistaralið ÍA framan af sumri 1960 en Guðjón Finnbogason tók svo við um mitt sumar og gerði liðið að meisturum. Það liðu síðan tíu ár á milli titla hjá Herði Helgasyni (1984 og 1994) en þessir tveir ásamt Ólafi skera sig úr á þessum lista yfir lengstu bið á milli titla. Ólafur er bæði sérstakur og óútreiknanlegur í samskiptum sínum við fjölmiðla og það er ekki hægt að halda því fram að blaðamenn viti hvar þeir hafa hann. Hann heldur öllum á tánum í kringum sig og leikmönnum sínum örugglega líka. Það eru nefnilega ekki allir sem eru með aðalmarkaskorara liðsins á bekknum í leik þar sem liðið getur orðið meistari. Patrick Pedersen fékk hins vegar ekki mínútu í sigurleiknum á móti Fjölni á sunnudaginn. Það kom ekki að sök því Valsmenn skoruðu fjögur mörk í leiknum og tryggðu sér titilinn.Finnur efnivið í meistaralið Þjálfaraaðferðir Ólafs bera árangur og smiðurinn finnur sér alltaf efnivið í meistaralið þegar hann þjálfar í efstu deild. Hann bjó til meistaralið í FH þegar flestir voru búnir að afskrifa hann og enginn hafði unnið titil áður hjá félaginu og hann hefur nú endurtekið dæmið á Hlíðarenda. Margir bjuggust ekki við miklu þegar hann tók við Valsliðinu 57 ára gamall og álitu að hans tími væri liðinn. Valsliðið hefur hins vegar unnið titil á hverju ári og er nú Íslandsmeistari í fyrsta sinn í áratug. Ólafur hefur þar með unnið stóran titil á sjö tímabilum í röð sem þjálfari í efstu deild. FH vann titil á hverju ári frá 2004 til 2007 (3 Íslandsmeistaratitlar og bikarmeistaratitill) og Valsmenn hafa unnið titil undanfarin þrjú ár (2 bikarmeistaratitla og Íslandsmeistaratitil). Pepsi Max-deild karla Mest lesið Uppgjörið: Tindastóll - Álftanes 105-104 | Lygilegar lokamínútur Körfubolti Skýrsla um Brynjar Karl: Geri tilraunir með börn og skorti fræðilegan grunn Körfubolti Hnefarnir látnir tala í Umhyggjuhöllinni Körfubolti Mark snemma leiks gerði gæfumuninn Fótbolti „Þetta er hreinn og klár glæpur“ Körfubolti TikTok-stjarna ÍBV dælir út efni frá Eyjum Íslenski boltinn Vilja Gylfa Þór ekki til baka: „Enginn skilaréttur“ Íslenski boltinn Gylfi valdið mestum vonbrigðum Íslenski boltinn Sigtryggur Arnar eignaðist strák rétt fyrir stórleik kvöldsins Körfubolti Uppgjörið: Haukar - Fram 25-24 | Orkufrekur eltingaleikur Handbolti Fleiri fréttir Arnór Borg í Vestra og Fram fann markmann Víkingur fær leikmann úr dönsku B-deildinni „Fannst við halda góðri stjórn á leiknum“ Upgjörið: Breiðablik - Fram 7-1 | Upprúllun í Kópavogi Uppgjörið: Víkingur R. - Þróttur R. 0-1 | Óheppilegt sjálfsmark skilaði gestunum sigri Hin þaulreynda Anna Björk heim í KR Henríetta lánuð til Þór/KA Aftur heim í Stjörnuna eftir dvöl hjá FH Gylfi valdið mestum vonbrigðum Telma mætt aftur með gullhanskann í Breiðablik Fagnaði tvítugsafmæli í gær og lánaður til FH í dag Stærsti sigur KR á ÍA í deildarleik Sannfærðir um að FH verði í fallbaráttu „Jæja Heimir, þú verður að hjálpa mér að enda þetta vel“ Sjáðu vítin á Hlíðarenda, skrautleg mörk í Garðabæ og umdeilt mark Fram TikTok-stjarna ÍBV dælir út efni frá Eyjum „Þetta var erfitt og maður var aldrei rólegur“ Vilja Gylfa Þór ekki til baka: „Enginn skilaréttur“ „Ekki áhyggjuefni, þetta var bara hörkuleikur“ Uppgjörið: Fram - Afturelding 3-0 | Mosfellingum kippt niður á jörðina Uppgjörið: Valur - Víkingur 1-1 | Jafntefli sanngjarnt þegar hvorugt lið sækir til sigurs Uppgjörið: Stjarnan - ÍBV 2-3 | Gott gengi Eyjamanna heldur áfram Dagur Örn sagður á leið til FH Sjáðu mörkin: Endurkoma Stjörnunnar og mörkin hjá Val og FH Sjáðu markaveislu KR og rothögg KA gegn FH „Kom bara í hörkustandi inn í þennan leik“ Uppgjörið: Valur - Þór/KA 3-0| Valur kláraði dæmið í síðari hálfleik Uppgjörið: Tindastóll - Stjarnan 1-2 | Ótrúleg endurkoma Garðbæinga Uppgjörið: KR - ÍA 5-0 | Skemmtikraftarnir slógu ekki slöku við „Ég á nokkuð mörg mörk miðað við hafsent“ Sjá meira
Þegar flestir þjálfarar eru sestir í helgan stein þá er Ólafur Jóhannesson enn að sýna yngri þjálfurunum í Pepsi-deildinni hvernig þjálfarar fara að því að gera lið að meisturum. Hann hélt upp á sextugsafmælið í lok júní og aðeins tæpum tveimur mánuðum síðar tryggði Valsliðið sér titilinn þrátt fyrir að tvær umferðir væru enn eftir af Íslandsmótinu. Þetta er fjórði Íslandsmeistaratitill Ólafs sem þjálfara og í þremur af þessum fjórum skiptum hefur titillinn verið í höfn fyrir lokaumferðina. Það var aðeins sá fyrsti, haustið 2004, sem vannst ekki fyrr en í síðustu umferð. Með því að vinna titilinn í ár, ellefu árum eftir að sá síðasti kom í hús, þá setti Ólafur nýtt met í efstu deild á Íslandi. Elsti Íslandsmeistaraþjálfarinn fyrir þetta tímabil var Yuri Sedov sem gerði Víkinga að Íslandsmeisturum tvö ár í röð í byrjun níunda áratugarins.Kom 51 árs til Íslands Sovétmaðurinn Yuri Sedov fæddist í Moskvu í mars 1929 og var því orðinn 51 árs þegar hann kom til Íslands árið 1980. Víkingar unnu titilinn bæði 1981 og 1982 en seinna árið var Sedov því orðinn 53 ára gamall. Sedov sló fyrra árið met Óla B. Jónssonar. Ólafur er því að bæta þetta met um heil sjö ár. Ólafur var áður í þriðja til fimmta sæti á listanum frá því að hann gerði FH að Íslandsmeisturum 49 ára gamall sumarið 2006. Júrí Ilitchev (Valur 1976) og Óli B. Jónsson (Valur 1967) voru einnig 49 ára þegar þeir gerðu lið að Íslandsmeisturum á sínum tíma á sjöunda og áttunda áratugi síðustu aldar.Tveir með 9 af 14 titlum Lærlingur Ólafs, Heimir Guðjónsson, hefur unnið fimm Íslandsmeistaratitla frá því að hann tók við liði FH af Ólafi fyrir níu árum. Heimir var fyrst fyrirliðinn hjá Ólafi og svo aðstoðarþjálfari hans eftir að skórnir fóru upp á hillu. Þeir félagar hafa því saman unnið 9 af 14 Íslandsmeistaratitlum í boði frá 2004. Ólafur var nálægt því að bæta annað met en ellefu ár eru á milli Íslandsmeistaratitla hans. Ríkharður Jónsson gerði ÍA að Íslandsmeisturum með tólf ára millibili (1958 og 1970). Ríkharður þjálfaði reyndar Íslandsmeistaralið ÍA framan af sumri 1960 en Guðjón Finnbogason tók svo við um mitt sumar og gerði liðið að meisturum. Það liðu síðan tíu ár á milli titla hjá Herði Helgasyni (1984 og 1994) en þessir tveir ásamt Ólafi skera sig úr á þessum lista yfir lengstu bið á milli titla. Ólafur er bæði sérstakur og óútreiknanlegur í samskiptum sínum við fjölmiðla og það er ekki hægt að halda því fram að blaðamenn viti hvar þeir hafa hann. Hann heldur öllum á tánum í kringum sig og leikmönnum sínum örugglega líka. Það eru nefnilega ekki allir sem eru með aðalmarkaskorara liðsins á bekknum í leik þar sem liðið getur orðið meistari. Patrick Pedersen fékk hins vegar ekki mínútu í sigurleiknum á móti Fjölni á sunnudaginn. Það kom ekki að sök því Valsmenn skoruðu fjögur mörk í leiknum og tryggðu sér titilinn.Finnur efnivið í meistaralið Þjálfaraaðferðir Ólafs bera árangur og smiðurinn finnur sér alltaf efnivið í meistaralið þegar hann þjálfar í efstu deild. Hann bjó til meistaralið í FH þegar flestir voru búnir að afskrifa hann og enginn hafði unnið titil áður hjá félaginu og hann hefur nú endurtekið dæmið á Hlíðarenda. Margir bjuggust ekki við miklu þegar hann tók við Valsliðinu 57 ára gamall og álitu að hans tími væri liðinn. Valsliðið hefur hins vegar unnið titil á hverju ári og er nú Íslandsmeistari í fyrsta sinn í áratug. Ólafur hefur þar með unnið stóran titil á sjö tímabilum í röð sem þjálfari í efstu deild. FH vann titil á hverju ári frá 2004 til 2007 (3 Íslandsmeistaratitlar og bikarmeistaratitill) og Valsmenn hafa unnið titil undanfarin þrjú ár (2 bikarmeistaratitla og Íslandsmeistaratitil).
Pepsi Max-deild karla Mest lesið Uppgjörið: Tindastóll - Álftanes 105-104 | Lygilegar lokamínútur Körfubolti Skýrsla um Brynjar Karl: Geri tilraunir með börn og skorti fræðilegan grunn Körfubolti Hnefarnir látnir tala í Umhyggjuhöllinni Körfubolti Mark snemma leiks gerði gæfumuninn Fótbolti „Þetta er hreinn og klár glæpur“ Körfubolti TikTok-stjarna ÍBV dælir út efni frá Eyjum Íslenski boltinn Vilja Gylfa Þór ekki til baka: „Enginn skilaréttur“ Íslenski boltinn Gylfi valdið mestum vonbrigðum Íslenski boltinn Sigtryggur Arnar eignaðist strák rétt fyrir stórleik kvöldsins Körfubolti Uppgjörið: Haukar - Fram 25-24 | Orkufrekur eltingaleikur Handbolti Fleiri fréttir Arnór Borg í Vestra og Fram fann markmann Víkingur fær leikmann úr dönsku B-deildinni „Fannst við halda góðri stjórn á leiknum“ Upgjörið: Breiðablik - Fram 7-1 | Upprúllun í Kópavogi Uppgjörið: Víkingur R. - Þróttur R. 0-1 | Óheppilegt sjálfsmark skilaði gestunum sigri Hin þaulreynda Anna Björk heim í KR Henríetta lánuð til Þór/KA Aftur heim í Stjörnuna eftir dvöl hjá FH Gylfi valdið mestum vonbrigðum Telma mætt aftur með gullhanskann í Breiðablik Fagnaði tvítugsafmæli í gær og lánaður til FH í dag Stærsti sigur KR á ÍA í deildarleik Sannfærðir um að FH verði í fallbaráttu „Jæja Heimir, þú verður að hjálpa mér að enda þetta vel“ Sjáðu vítin á Hlíðarenda, skrautleg mörk í Garðabæ og umdeilt mark Fram TikTok-stjarna ÍBV dælir út efni frá Eyjum „Þetta var erfitt og maður var aldrei rólegur“ Vilja Gylfa Þór ekki til baka: „Enginn skilaréttur“ „Ekki áhyggjuefni, þetta var bara hörkuleikur“ Uppgjörið: Fram - Afturelding 3-0 | Mosfellingum kippt niður á jörðina Uppgjörið: Valur - Víkingur 1-1 | Jafntefli sanngjarnt þegar hvorugt lið sækir til sigurs Uppgjörið: Stjarnan - ÍBV 2-3 | Gott gengi Eyjamanna heldur áfram Dagur Örn sagður á leið til FH Sjáðu mörkin: Endurkoma Stjörnunnar og mörkin hjá Val og FH Sjáðu markaveislu KR og rothögg KA gegn FH „Kom bara í hörkustandi inn í þennan leik“ Uppgjörið: Valur - Þór/KA 3-0| Valur kláraði dæmið í síðari hálfleik Uppgjörið: Tindastóll - Stjarnan 1-2 | Ótrúleg endurkoma Garðbæinga Uppgjörið: KR - ÍA 5-0 | Skemmtikraftarnir slógu ekki slöku við „Ég á nokkuð mörg mörk miðað við hafsent“ Sjá meira