Start tryggt með sæti í efstu deild þrátt fyrir tap

Kristján Flóki Finnbogason og félagar í Start munu leika í norsku úrvalsdeildinni á næstu leiktíð þrátt fyrir óvænt tap gegn Elverum í norsku B-deildinni í dag.

Kristján Flóki lék allan leikinn í fremstu víglínu Start og lauk leiknum með 0-1 sigri Elverum.

Sandnes var eina liðið sem átti möguleika á að hirða 2.sætið af Start en þeir steinlágu á heimavelli gegn Kongsvinger á sama tíma og er því sæti Start í úrvalsdeildinni tryggt þegar ein umferð er eftir af mótinu.



Guðmundur Kristjánsson sat allan tímann á varamannabekk Start í dag en hann mun ganga í raðir FH þegar tímabilinu lýkur í Noregi.