Auddi Blö eins og belja á svelli í eldhúsinu

Önnur sería af Ísskápastríðinu hóf göngu sína á Stöð 2 í gærkvöld og voru þau Guðmundur Benediktsson og Eva Laufey mætt á ný sem þáttastjórnendur.

Að þessu sinni voru gestirnir þeir Auðunn Blöndal og Björn Bragi Arnarson en Auðunn er einmitt þekktur fyrir það að kunna akkúrat ekkert þegar kemur að eldamennskunni.

Keppnin var nokkuð hörð en hér að neðan má sjá myndbrot úr fyrsta þættinum en þá áttu liðin að matreiða forréttinn.

Þar sást að Auddi Blö er nokkuð áttavilltur í eldhúsinu.