Laugardagskvöld væntanlega nýr leiktími í ensku úrvalsdeildinni

Svo gæti farið að leikir í ensku úrvalsdeildinni fari fram á laugardagskvöldum frá og með tímabilinu 2019-20.

Sjónvarpsrétturinn á ensku úrvalsdeildinni fer í útboð fyrir jól.

Að minnsta kosti 22 leikir til viðbótar verða sýndir beint þegar nýi sjónvarpssamingurinn tekur gildi.

Búist er við því að nokkrir þeirra verði á laugardagskvöldum. Einnig verða fleiri leikir í miðri viku sýndir beint.

Nýi sjónvarpssamningurinn mun leysa af samninginn frá 2015. Sky Sports og BT Sport keyptu þá sjónvarpsréttinn fyrir rúmlega fimm milljarða punda.