Stine Bredal Oftedal, leikstjórnandi norska kvennalandsliðsins í handbolta, var valin besti leikmaður HM í Þýskalandi sem lauk í gær.
Oftedal spilaði frábærlega á HM, allt þar til kom að úrslitaleiknum gegn Frakklandi. Þar náði hún sér engan veginn á strik og skoraði aðeins eitt mark úr sjö skotum. Noregur tapaði leiknum 23-21.
Oftedal skoraði alls 44 mörk á HM og var fimmti markahæsti leikmaður mótsins. Samherji hennar, Nora Mørk, var markahæst með 66 mörk.
Þrátt fyrir að vera valin best á HM var Oftedal ekki í úrvalsliði mótsins. Heimsmeistarar Frakka áttu tvo fulltrúa í úrvalsliðinu sem og silfurlið Norðmanna og bronslið Hollendinga. Svíþjóð átti einnig einn fulltrúa í úrvalsliðinu.
Úrvalslið HM 2017:
Markvörður: Katrine Lunde, Noregi
Vinstra horn: Siraba Dembélé, Frakklandi
Vinstri skytta: Lois Abbingh, Hollandi
Leikstjórnandi: Grace Zaadi, Frakklandi
Hægri skytta: Nora Mørk, Hollandi
Hægra horn: Nathalie Hagman, Svíþjóð
Línumaður: Yvette Broch, Hollandi
Gat lítið í úrslitaleiknum en samt valin best á HM
Tengdar fréttir
Norska liðinu undir stjórn Þóris mistókst að verja gullið
Norska landsliðið í handbolta undir stjórn Þóris Hergeirssonar þurfti að sætta sig við silfur í úrslitaleik HM í handbolta sem lauk nú rétt í þessu en leiknum lauk með 23-21 sigri franska liðsins sem spilaði frábæra vörn í leiknum.
María stendur við bakið á pabba sínum: Fyrir mér ertu alltaf konungurinn
María Þórisdóttir, landsliðskona Noregs og leikmaður Chelsea í knattspyrnu, sendi pabba sínum kveðju eftir að norska kvennalandsliðið þurfti að sætta sig við silfur á HM í handbolta.
