Bein útsending: Kvöldfréttir Stöðvar 2

Landspítalinn var settur á gult viðbúnaðarstig í dag vegna rútuslyss skammt frá Kirkjubæjarklaustri, þar sem einn lét lífið og margir slösuðust alvarlega. Við förum betur yfir þetta í fréttum Stöðvar 2 klukkan 18:30 og verðum í beinni útsendingu frá fjöldahjálparstöð Rauða krossins á Kirkjubæjarklaustri.

Í fréttatímanum ræðum við líka við Viðskiptamann ársins, samkvæmt vali Stöðvar 2, Fréttablaðsins og Vísir en Birgir Þór Bieltvedt varð fyrir valinu í ár eftir að hann margfaldaði fjárfestingu sína í Domino's á árinu með sölu á rekstrinum til Bretlands.

Í fréttunum kíkjum við líka í búðir þar sem var nóg að gera í dag þegar landsmenn byrjuðu að skipta jólagjöfunum sínum. Þetta og margt fleira í fréttum Stöðvar 2 í opinni dagskrá klukkan 18.30.