Beittu vændistálbeitu til að fremja rán Aðalheiður Ámundadóttir skrifar 21. desember 2017 06:00 Myndin tengist fréttinni ekki. NordicPhotos/Getty Kona og karlmaður, bæði um tvítugt, voru sakfelld fyrir rán í Héraðsdómi Reykjavíkur í gær. Samkvæmt dómnum þykir sannað að ákærðu hafi í sameiningu blekkt eldri mann með samskiptum við hann á samfélagsmiðlum og talið honum trú um að hann væri að kaupa vændi af tveimur stúlkum. Þau fengu brotaþola til að bjóða sér inn heima hjá sér undir þessu yfirskini en þegar inn var komið ruddust aðrir tveir menn inn og réðust að manninum með exi, kylfu og byssu, þvinguðu hann í gólfið og veittu honum ýmsa áverka þar á meðal stungusár á læri, sár á sköflungi, rifbrot og hruflsár á hálsi. Meðan þessu fór fram kröfðu þeir manninn um peninga. Atlögunni lauk þegar nágranni kom að og hringdi á lögreglu en á flóttanum höfðu ákærðu með sér verkjalyf, sígarettur og iPhone 5 síma. Málavöxtum er þannig lýst í dóminum að lögregla hafi verið kvödd að húsi við Reynimel í Reykjavík vegna innbrots. Brotaþoli greindi lögreglu frá því á vettvangi að hann hefði samið um að tvær vændiskonur kæmu til hans þetta kvöld en hann hafði áður verið í sambandi við stúlku á netinu og síðar einnig karlmann og hefði þeim samist um að tvær stúlkur kæmu til hans. Önnur stúlkan og karlmaður hefðu komið til hans um klukkan níu þetta kvöld og sagt að hin stúlkan væri á leiðinni. Skömmu síðar hefði verið barið að dyrum og þegar hann opnaði hefðu þrír grímuklæddir menn ruðst inn og ráðist á hann ásamt manninum sem þegar var kominn. Mennirnir hafi verið vopnaðir öxi, hafnaboltakylfu og tveir þeirra auk þess með vasahnífa. Þeir hafi krafið sig um peninga en þegar hann neitaði því hefðu þeir beitt sig ofbeldi. Grunur tók að beinast að ákærðu eftir rannsókn á síma brotaþola og játuðu dómfelldu að hafa komið í íbúðina. Karlmaðurinn játaði aðild að hluta en benti á aðra menn sem helstu skipuleggjendur brotsins. Þá játaði konan að hafa komið í íbúðina sem tálbeita. Enn er óupplýst hverjir það voru sem ruddust inn og réðust á brotaþola eftir að ákærðu voru komin inn til hans. Konan var ekki ákærð fyrir þátt í líkamsárásinni en karlinn var sýknaður af þeirri ákæru vegna sönnunarskorts. Brotaþoli var einn um að bera að hann hafi ráðist á hann með fyrrgreindum hætti ásamt hinum óþekktu mönnum en að mati dómsins styðja önnur gögn málsins ekki framburð brotaþola um aðild hans að líkamsárásinni. Konan hlaut 6 mánaða skilorðsbundið fangelsi fyrir ránið en karlmaðurinn var dæmdur til fangelsisvistar í þrjá mánuði óskilorðsbundið en hann rauf skilorð með broti sínu og var dæmdur hegningarauki. Auk þeirra tveggja sem sakfelld voru fyrir ránið var þriðji maðurinn ákærður í málinu, en hann var sýknaður, aðallega vegna sönnunarskorts en einnig vegna nafnaruglings í ákæru þar sem nöfnum hans og meðákærða var ruglað saman. Lögum samkvæmt má ekki dæma ákærða fyrir aðra hegðun en þá sem í ákæru er greint frá né heldur dæma aðrar kröfur á hendur honum. Ákvæðið heimilar þó leiðréttingu á misritun en í dóminum er ekki fallist á að misritun nafna ákærðu sé aukaatriði sem leiðrétta megi með bókun. Þar sem hin ákærðu voru sýknuð af líkamsárás og aðrir árásarmenn eru óþekktir, var enginn sakfelldur fyrir líkamsárásina. Birtist í Fréttablaðinu Mest lesið Sé líklega met að vera hafnað af flokki sínum tvisvar í sama mánuði Innlent Húsnæði Stuðla ráði ekki við málaflokkinn og úrbætur gengið hægt Innlent Kosningavaktin: Íslendingar ganga að kjörborðinu Innlent Fimm þingmenn Sjálfstæðisflokk á útleið Innlent Segist ekki hafa verið beitt þrýstingi Innlent „Ég lagði allt undir“ Innlent Fjallið hafi verið hátt og ekki tekist að klífa það Innlent „Hann tók algjörlega völdin yfir lífi mínu“ Innlent Þau skipa framboðslista Sjálfstæðismanna í Norðausturkjördæmi Innlent Þau skipa framboðslista Sjálfstæðismanna í Norðvesturkjördæmi Innlent Fleiri fréttir Fimm þingmenn Sjálfstæðisflokk á útleið Húsnæði Stuðla ráði ekki við málaflokkinn og úrbætur gengið hægt Sé líklega met að vera hafnað af flokki sínum tvisvar í sama mánuði Segist ekki hafa verið beitt þrýstingi Þau skipa framboðslista Sjálfstæðismanna í Norðausturkjördæmi Fjallið hafi verið hátt og ekki tekist að klífa það „Ég lagði allt undir“ Ásmundur og Ólöf ræða stöðuna á Stuðlum og framboðslistar Sjálfstæðisflokksins Þau skipa framboðslista Sjálfstæðismanna í Norðvesturkjördæmi Þau taka þátt í prófkjöri Pírata Bryndís Haraldsdóttir tekur þriðja sætið Samþykktu framboðslista Sjálfstæðismanna í Suðurkjördæmi Græningjar vilja fara fram í öllum kjördæmum Jens í fyrsta og Njáll Trausti í öðru Bjarkey gefur ekki kost á sér Þórdís Kolbrún bar sigur úr býtum í Kraganum Björn hafði betur gegn Teiti Sanna leiðir lista Sósíalistaflokks í Reykjavík suður Ingveldur skákaði tveimur sitjandi þingmönnum Guðrún oddviti og Vilhjálmur í öðru sæti í Suðurkjördæmi Miðbær með skautasvelli byggður í Þorlákshöfn Teitur dregur oddvitaframboðið til baka Flutningurinn góður fyrir Framsókn en slæmur fyrir Sjálfstæðisflokk Biðla til fólks að sýna virðingu í nýopnaðri Grindavík Gerðu allt klárt fyrir Stuðlahópinn á örfáum klukkustundum Úrslitastund í troðfullri Valhöll Sverrir Bergmann sækist eftir 3. sæti í Suðurkjördæmi Útiloka ekki samstarf en segja málefnin skipta mestu máli Spáir því að Bjarni gangi til liðs við Miðflokkinn Sjálfstæðisflokkurinn ekki lengur sú breiðfylking sem hann var Sjá meira
Kona og karlmaður, bæði um tvítugt, voru sakfelld fyrir rán í Héraðsdómi Reykjavíkur í gær. Samkvæmt dómnum þykir sannað að ákærðu hafi í sameiningu blekkt eldri mann með samskiptum við hann á samfélagsmiðlum og talið honum trú um að hann væri að kaupa vændi af tveimur stúlkum. Þau fengu brotaþola til að bjóða sér inn heima hjá sér undir þessu yfirskini en þegar inn var komið ruddust aðrir tveir menn inn og réðust að manninum með exi, kylfu og byssu, þvinguðu hann í gólfið og veittu honum ýmsa áverka þar á meðal stungusár á læri, sár á sköflungi, rifbrot og hruflsár á hálsi. Meðan þessu fór fram kröfðu þeir manninn um peninga. Atlögunni lauk þegar nágranni kom að og hringdi á lögreglu en á flóttanum höfðu ákærðu með sér verkjalyf, sígarettur og iPhone 5 síma. Málavöxtum er þannig lýst í dóminum að lögregla hafi verið kvödd að húsi við Reynimel í Reykjavík vegna innbrots. Brotaþoli greindi lögreglu frá því á vettvangi að hann hefði samið um að tvær vændiskonur kæmu til hans þetta kvöld en hann hafði áður verið í sambandi við stúlku á netinu og síðar einnig karlmann og hefði þeim samist um að tvær stúlkur kæmu til hans. Önnur stúlkan og karlmaður hefðu komið til hans um klukkan níu þetta kvöld og sagt að hin stúlkan væri á leiðinni. Skömmu síðar hefði verið barið að dyrum og þegar hann opnaði hefðu þrír grímuklæddir menn ruðst inn og ráðist á hann ásamt manninum sem þegar var kominn. Mennirnir hafi verið vopnaðir öxi, hafnaboltakylfu og tveir þeirra auk þess með vasahnífa. Þeir hafi krafið sig um peninga en þegar hann neitaði því hefðu þeir beitt sig ofbeldi. Grunur tók að beinast að ákærðu eftir rannsókn á síma brotaþola og játuðu dómfelldu að hafa komið í íbúðina. Karlmaðurinn játaði aðild að hluta en benti á aðra menn sem helstu skipuleggjendur brotsins. Þá játaði konan að hafa komið í íbúðina sem tálbeita. Enn er óupplýst hverjir það voru sem ruddust inn og réðust á brotaþola eftir að ákærðu voru komin inn til hans. Konan var ekki ákærð fyrir þátt í líkamsárásinni en karlinn var sýknaður af þeirri ákæru vegna sönnunarskorts. Brotaþoli var einn um að bera að hann hafi ráðist á hann með fyrrgreindum hætti ásamt hinum óþekktu mönnum en að mati dómsins styðja önnur gögn málsins ekki framburð brotaþola um aðild hans að líkamsárásinni. Konan hlaut 6 mánaða skilorðsbundið fangelsi fyrir ránið en karlmaðurinn var dæmdur til fangelsisvistar í þrjá mánuði óskilorðsbundið en hann rauf skilorð með broti sínu og var dæmdur hegningarauki. Auk þeirra tveggja sem sakfelld voru fyrir ránið var þriðji maðurinn ákærður í málinu, en hann var sýknaður, aðallega vegna sönnunarskorts en einnig vegna nafnaruglings í ákæru þar sem nöfnum hans og meðákærða var ruglað saman. Lögum samkvæmt má ekki dæma ákærða fyrir aðra hegðun en þá sem í ákæru er greint frá né heldur dæma aðrar kröfur á hendur honum. Ákvæðið heimilar þó leiðréttingu á misritun en í dóminum er ekki fallist á að misritun nafna ákærðu sé aukaatriði sem leiðrétta megi með bókun. Þar sem hin ákærðu voru sýknuð af líkamsárás og aðrir árásarmenn eru óþekktir, var enginn sakfelldur fyrir líkamsárásina.
Birtist í Fréttablaðinu Mest lesið Sé líklega met að vera hafnað af flokki sínum tvisvar í sama mánuði Innlent Húsnæði Stuðla ráði ekki við málaflokkinn og úrbætur gengið hægt Innlent Kosningavaktin: Íslendingar ganga að kjörborðinu Innlent Fimm þingmenn Sjálfstæðisflokk á útleið Innlent Segist ekki hafa verið beitt þrýstingi Innlent „Ég lagði allt undir“ Innlent Fjallið hafi verið hátt og ekki tekist að klífa það Innlent „Hann tók algjörlega völdin yfir lífi mínu“ Innlent Þau skipa framboðslista Sjálfstæðismanna í Norðausturkjördæmi Innlent Þau skipa framboðslista Sjálfstæðismanna í Norðvesturkjördæmi Innlent Fleiri fréttir Fimm þingmenn Sjálfstæðisflokk á útleið Húsnæði Stuðla ráði ekki við málaflokkinn og úrbætur gengið hægt Sé líklega met að vera hafnað af flokki sínum tvisvar í sama mánuði Segist ekki hafa verið beitt þrýstingi Þau skipa framboðslista Sjálfstæðismanna í Norðausturkjördæmi Fjallið hafi verið hátt og ekki tekist að klífa það „Ég lagði allt undir“ Ásmundur og Ólöf ræða stöðuna á Stuðlum og framboðslistar Sjálfstæðisflokksins Þau skipa framboðslista Sjálfstæðismanna í Norðvesturkjördæmi Þau taka þátt í prófkjöri Pírata Bryndís Haraldsdóttir tekur þriðja sætið Samþykktu framboðslista Sjálfstæðismanna í Suðurkjördæmi Græningjar vilja fara fram í öllum kjördæmum Jens í fyrsta og Njáll Trausti í öðru Bjarkey gefur ekki kost á sér Þórdís Kolbrún bar sigur úr býtum í Kraganum Björn hafði betur gegn Teiti Sanna leiðir lista Sósíalistaflokks í Reykjavík suður Ingveldur skákaði tveimur sitjandi þingmönnum Guðrún oddviti og Vilhjálmur í öðru sæti í Suðurkjördæmi Miðbær með skautasvelli byggður í Þorlákshöfn Teitur dregur oddvitaframboðið til baka Flutningurinn góður fyrir Framsókn en slæmur fyrir Sjálfstæðisflokk Biðla til fólks að sýna virðingu í nýopnaðri Grindavík Gerðu allt klárt fyrir Stuðlahópinn á örfáum klukkustundum Úrslitastund í troðfullri Valhöll Sverrir Bergmann sækist eftir 3. sæti í Suðurkjördæmi Útiloka ekki samstarf en segja málefnin skipta mestu máli Spáir því að Bjarni gangi til liðs við Miðflokkinn Sjálfstæðisflokkurinn ekki lengur sú breiðfylking sem hann var Sjá meira