Húllumhæ beggja vegna Listagilsins á laugardag Gunnþóra Gunnarsdóttir skrifar 8. júní 2017 10:45 Guð fær greitt í dollurum heitir þetta verk eftir Magnús Helgason. Það frábæra við að auglýsa eftir þátttöku á svona stóra samsýningu er að maður uppgötvar alltaf eitthvað nýtt. Það koma inn verk frá myndlistarmönnum sem maður vissi ekki einu sinni að væru til,“ segir Hlynur Hallsson, safnstjóri Listasafnsins á Akureyri, sem er í óðaönn að setja upp sýninguna Sumar í Ketilhúsinu. Þar eru verk af ólíkum toga, meðal annars málverk, skúlptúrar, ljósmyndir, vídeóverk og teikningar, eftir norðlenska listamenn, 21 talsins. Flestir eru með eitt verk en að hámarki þrjú.Line Orange Pile eftir Svövu Þórdísi Baldvinsdóttur Júlíusson.Auðvitað er skilgreiningaratriði hvað séu norðlenskir listamenn,“ segir Hlynur. „En ellefu þeirra sem sýna núna í Ketilhúsinu búa og starfa á Norðurlandi. Tíu búa annars staðar en starfa að hluta til hérna. Bergþór Morthens býr til dæmis í Gautaborg en er mikið á Siglufirði, kennir við Menntaskólann á Tröllaskaga og sýnir hér oft. Snorri Ásmunds er uppalinn hér þó fæstir tengi hann við norðlenska myndlist. Svo er Svava Þórdís fædd og uppalin á Siglufirði en fluttist til Kanada, lærði þar og starfar. Hún er með skúlptúra.“ Alls bárust yfir 100 verk sem fimm manna dómnefnd valdi úr. Hlynur segir þetta vera í annað sinn sem Listasafnið á Akureyri hafi það fyrirkomulag á undirbúningi sýningar. Hitt var haustið 2015. „Útkoman er þannig að úr verður sýning sem ekkert auðvelt er að raða saman – verkin eru svo fjölbreytt – en það er skemmtilegt verkefni. Síðast vorum við með verk eftir 30 listamenn en nú eru þeir 21 sem helgast af því að við stöndum í byggingarframkvæmdum í aðalrými listasafnsins og höfum bara Ketilhúsið nú. Fjöldi listamanna segir auðvitað ekki allt því verkin eru ólík að umfangi. Minnsta verkið er kannski 10x10 sentimetrar og við erum með innsetningu sem tekur um 20 fermetra. Svo eru vídeóverk og hlutfall milli málverka og skúlptúra kemur inn í þetta líka.“ „Útkoman úr svona söfnun er þannig að úr verður sýning sem ekkert auðvelt er að raða saman – verkin eru svo fjölbreytt – en það er skemmtilegt verkefni,“ segir Hlynur. Mynd/Auðunn NíelssonHlynur segir hugmyndina að svona sýningarhaldi eldgamla. „Haustsýningar eru enn víða haldnar í Evrópu, þar er úrval af því besta sem listamenn eru að fást við þá stundina og dómnefnd hefur valið.“ Sýningin Sumar verður opin í allt sumar. „Það verður mikið húllumhæ á laugardaginn því sýning þeirra sem ekki komust að verður líka opnuð í Deiglunni, hér hinum megin við götuna á vegum Gilfélagsins,“ segir Hlynur. „Hún heitir eitthvað á frönsku sem ég kann ekki að bera fram en þýðir: Sýning þeirra sem var hafnað.“ Sumar Listamennirnir sem taka þátt í sýningunni eru Aðalsteinn Þórsson Arnar Ómarsson Auður Lóa Guðnadóttir Auður Ómarsdóttir Árni Jónsson Bergþór Morthens Björg Eiríksdóttir Brynhildur Kristinsdóttir Erwin van der Werve Helga Björg Jónasardóttir Hertha Richardt Úlfarsdóttir Hildur Ása Henrýsdóttir Jónborg Sigurðardóttir Jónína Björg Helgadóttir Karl Guðmundsson Magnús Helgason Rebekka Kühnis Sara Björg Bjarnadóttir Sigríður Huld Ingvarsdóttir Snorri Ásmundsson Svava Þórdís Baldvinsdóttir Júlíusson Menning Mest lesið Byrjaði í smábrotum en vatt svo upp á sig Lífið Heitustu hinsegin pör landsins Lífið Dóttir Snæfríðar og Högna komin með nafn Lífið Fréttatía vikunnar: Vindmyllur, tannlæknar og fegurðardrottningar Lífið Ekki búið spil Lífið Randy er litríkasti gaurinn í hinni geggjuðu Pittsburgh Lífið Sjáðu myndirnar frá Ungfrú Ísland Lífið „Klæddu þig eftir veðri, ekki verði“ Tíska og hönnun Dró Antonio grunlausan með sér í Gamla bíó Lífið Búið spil Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira
Það frábæra við að auglýsa eftir þátttöku á svona stóra samsýningu er að maður uppgötvar alltaf eitthvað nýtt. Það koma inn verk frá myndlistarmönnum sem maður vissi ekki einu sinni að væru til,“ segir Hlynur Hallsson, safnstjóri Listasafnsins á Akureyri, sem er í óðaönn að setja upp sýninguna Sumar í Ketilhúsinu. Þar eru verk af ólíkum toga, meðal annars málverk, skúlptúrar, ljósmyndir, vídeóverk og teikningar, eftir norðlenska listamenn, 21 talsins. Flestir eru með eitt verk en að hámarki þrjú.Line Orange Pile eftir Svövu Þórdísi Baldvinsdóttur Júlíusson.Auðvitað er skilgreiningaratriði hvað séu norðlenskir listamenn,“ segir Hlynur. „En ellefu þeirra sem sýna núna í Ketilhúsinu búa og starfa á Norðurlandi. Tíu búa annars staðar en starfa að hluta til hérna. Bergþór Morthens býr til dæmis í Gautaborg en er mikið á Siglufirði, kennir við Menntaskólann á Tröllaskaga og sýnir hér oft. Snorri Ásmunds er uppalinn hér þó fæstir tengi hann við norðlenska myndlist. Svo er Svava Þórdís fædd og uppalin á Siglufirði en fluttist til Kanada, lærði þar og starfar. Hún er með skúlptúra.“ Alls bárust yfir 100 verk sem fimm manna dómnefnd valdi úr. Hlynur segir þetta vera í annað sinn sem Listasafnið á Akureyri hafi það fyrirkomulag á undirbúningi sýningar. Hitt var haustið 2015. „Útkoman er þannig að úr verður sýning sem ekkert auðvelt er að raða saman – verkin eru svo fjölbreytt – en það er skemmtilegt verkefni. Síðast vorum við með verk eftir 30 listamenn en nú eru þeir 21 sem helgast af því að við stöndum í byggingarframkvæmdum í aðalrými listasafnsins og höfum bara Ketilhúsið nú. Fjöldi listamanna segir auðvitað ekki allt því verkin eru ólík að umfangi. Minnsta verkið er kannski 10x10 sentimetrar og við erum með innsetningu sem tekur um 20 fermetra. Svo eru vídeóverk og hlutfall milli málverka og skúlptúra kemur inn í þetta líka.“ „Útkoman úr svona söfnun er þannig að úr verður sýning sem ekkert auðvelt er að raða saman – verkin eru svo fjölbreytt – en það er skemmtilegt verkefni,“ segir Hlynur. Mynd/Auðunn NíelssonHlynur segir hugmyndina að svona sýningarhaldi eldgamla. „Haustsýningar eru enn víða haldnar í Evrópu, þar er úrval af því besta sem listamenn eru að fást við þá stundina og dómnefnd hefur valið.“ Sýningin Sumar verður opin í allt sumar. „Það verður mikið húllumhæ á laugardaginn því sýning þeirra sem ekki komust að verður líka opnuð í Deiglunni, hér hinum megin við götuna á vegum Gilfélagsins,“ segir Hlynur. „Hún heitir eitthvað á frönsku sem ég kann ekki að bera fram en þýðir: Sýning þeirra sem var hafnað.“ Sumar Listamennirnir sem taka þátt í sýningunni eru Aðalsteinn Þórsson Arnar Ómarsson Auður Lóa Guðnadóttir Auður Ómarsdóttir Árni Jónsson Bergþór Morthens Björg Eiríksdóttir Brynhildur Kristinsdóttir Erwin van der Werve Helga Björg Jónasardóttir Hertha Richardt Úlfarsdóttir Hildur Ása Henrýsdóttir Jónborg Sigurðardóttir Jónína Björg Helgadóttir Karl Guðmundsson Magnús Helgason Rebekka Kühnis Sara Björg Bjarnadóttir Sigríður Huld Ingvarsdóttir Snorri Ásmundsson Svava Þórdís Baldvinsdóttir Júlíusson
Menning Mest lesið Byrjaði í smábrotum en vatt svo upp á sig Lífið Heitustu hinsegin pör landsins Lífið Dóttir Snæfríðar og Högna komin með nafn Lífið Fréttatía vikunnar: Vindmyllur, tannlæknar og fegurðardrottningar Lífið Ekki búið spil Lífið Randy er litríkasti gaurinn í hinni geggjuðu Pittsburgh Lífið Sjáðu myndirnar frá Ungfrú Ísland Lífið „Klæddu þig eftir veðri, ekki verði“ Tíska og hönnun Dró Antonio grunlausan með sér í Gamla bíó Lífið Búið spil Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira