Tap í kvöld og Liverpool jafnar 94 ára gamalt met

Ingvi Þór Sæmundsson skrifar 31. janúar 2017 16:30

Leikmenn Liverpool voru niðurlútir eftir tapið fyrir Wolves á laugardaginn. vísir/getty

Tapi Liverpool fyrir Chelsea á Anfield í stórleik dagsins í ensku úrvalsdeildinni jafnar liðið vafasamt met frá árinu 1923.

Liverpool hefur tapað þremur leikjum í röð á heimavelli og tapi liðið í kvöld verður það í fyrsta sinn í 94 ár sem Liverpool tapar fjórum heimaleikjum í röð.

Liverpool tapaði fyrir Swansea City í ensku úrvalsdeildinni þarsíðasta laugardag, fyrir Southampton í undanúrslitum deildarbikarsins á miðvikudaginn og fyrir Wolves í 4. umferð bikarkeppninnar á laugardaginn. Sannkölluð martraðarvika hjá Jürgen Klopp og strákunum hans.

Matt McQueen var við stjórnvölinn hjá Liverpool þegar liðið tapaði síðast fjórum heimaleikjum í röð. Þá tapaði Liverpool fyrir Aston Villa, Sheffield United, Cardiff City og Newcastle United í efstu deild í nóvember og desember 1923.

Stuðningsmenn Liverpool geta þó huggað sig við að frá því Klopp tók við hefur árangurinn gegn toppliðunum verið frábær. Í 14 deildarleikjum gegn Chelsea, Arsenal, Tottenham, Manchester City og Manchester United hefur Liverpool aðeins tapað einu sinni. Sex leikir hafa unnist og sjö endað með jafntefli.

Leikur Liverpool og Chelsea hefst klukkan 20:00 í kvöld. Hann verður sýndur í beinni útsendingu á Stöð 2 Sport HD.

Enski boltinn

Tengdar fréttir

Jón Daði og félagar slógu Liverpool út á Anfield

Jón Daði Böðvarsson og félagar í Wolves gerðu sér lítið fyrir og slógu út úrvalsdeildarlið Liverpool í hádegisleik enska bikarsins en þetta var þriðja tap Liverpool á Anfield í röð.

28. janúar 2017 14:15

Gylfi skaut Swansea úr fallsæti á Anfield | Sjáðu mörkin

Gylfi Þór Sigurðsson skoraði sigurmark Swansea sem vann óvæntan 3-2 sigur á Liverpool á útivelli í ensku úrvalsdeildinni í fótbolta í dag.

21. janúar 2017 14:30

Klopp með dauðþreytta leikmenn og alltof lítinn hóp hjá Liverpool

Martröð Liverpool á nýju ári hélt áfram um helgina þegar Úlfarnir lögðu lærisveina Klopps í bikarnum.

30. janúar 2017 08:30

Southampton á Wembley í fyrsta sinn í 38 ár | Sjáðu markið

Southampton er komið í úrslit enska deildarbikarsins í fyrsta sinn í 38 ár eftir 0-1 sigur á Liverpool á Anfield í kvöld. Shane Long skoraði eina mark leiksins í uppbótartíma.

25. janúar 2017 22:00

Vildi aldrei fara til Liverpool: Þurfti að gúgla nöfn leikmanna í þyrluferðinni frægu

Andy Carroll langaði alltaf að vera áfram hjá Newcastle.

31. janúar 2017 09:00

Terry: Ég vona að ég spili ekki aftur á tímabilinu

Fyrirliði Chelsea kemst ekki í liðið því það hættir ekki að vinna leiki og hann vill ekki að það breytist.

31. janúar 2017 10:30

Mane gæti náð leiknum gegn Chelsea

Liverpool sendi einkaþotu á eftir Sadio Mane í von um að hann geti verið til taks þegar liðið mætir Chelsea á þriðjudaginn næstkomandi en það má svo sannarlega segja að Liverpool hafi saknað hans í janúar.

29. janúar 2017 11:30

Klopp hefur notað 38 leikmenn í sjö bikarleikjum hjá Liverpool

Þótt Jürgen Klopp, knattspyrnustjóri Liverpool, geri alla jafna fáar breytingar á byrjunarliði Rauða hersins milli leikja í ensku úrvalsdeildinni er hann vanur að gera margar breytingar fyrir bikarleiki.

30. janúar 2017 15:15

Víkingaklappið boðar bara vandræði á Anfield

Aðra helgina í röð hljómaði víkingaklappið á Anfield eftir ósigur heimaliðsins fyrir Íslendingaliði. Jón Daði Böðvarsson fékk mikið hrós fyrir innkomu sína gegn Liverpool og var mjög óheppinn að skora ekki. Hjólin hafa losnað undan Liverpool-vagninum í janúar en liðið er án sigurs í deildinni og fallið úr báðum bikarkeppnunum.

30. janúar 2017 06:30