Fjárfesting í Thorsil nánast á byrjunarreit Haraldur Guðmundsson skrifar 5. apríl 2017 07:30 Thorsil fékk lóð í Helguvík skammt frá þeim stað þar sem nú er búið að byggja kísilver United Silicon. Vísir/GVA Almenni lífeyrissjóðurinn hefur ekki enn staðfest þriggja milljóna dala, jafnvirði 344 milljóna króna, fjárfestingu í kísilveri Thorsil í Helguvík rúmu ári eftir að hún var samþykkt af stjórn hans. Ástæðan er sú að forsvarsmenn fyrirtækisins hafa ekki uppfyllt skilyrði eins og að tryggja verksmiðjunni starfsleyfi. Framkvæmdastjóri Thorsil segir óheppilegt að starfsleyfið hafi nú verið kært í annað sinn en vill ekki svara hvernig fjármögnuninni miðar.Gunnar Baldvinsson, framkvæmdastjóri Almenna lífeyrissjóðsins.„Við höfum ekki staðfest þátttöku og málið er í mínum huga nánast komið á byrjunarreit. Við höfðum áhuga á sínum tíma og stjórnin samþykkti að ef skjöl myndu uppfylla kröfur sjóðsins þá myndum við taka þátt. Langur tími er liðinn og ýmsar aðrar forsendur hafa breyst en meðal annars hafa lífeyrissjóðir nú víðtækari fjárfestingaheimildir og síðan hafa komið fram neikvæðar fréttir vegna annarrar stóriðju [United Silicon] á sama stað,“ segir Gunnar Baldvinsson, framkvæmdastjóri Almenna lífeyrissjóðsins. Forsvarsmenn Thorsil voru í október í fyrra á lokametrunum með að semja við fjóra lífeyrissjóði um að þeir myndu útvega fjóra milljarða króna í hlutafé. Þar var um að ræða Lífeyrissjóð verslunarmanna, LSR, Frjálsa lífeyrissjóðinn og Almenna lífeyrissjóðinn. Síðar í þeim mánuði var starfsleyfi Thorsil, sem fyrirtækið fékk í september 2015 og var síðan kært til úrskurðarnefndar um umhverfis- og auðlindamál í sama mánuði, fellt úr gildi vegna formgalla. Nýtt leyfi fékkst í febrúar síðastliðnum en það var kært þann 20. mars. Fer úrskurðarnefndin nú yfir þrettán blaðsíðna rökstuðning Landverndar, Náttúruverndarsamtaka Suðvesturlands og hóps íbúa í Reykjanesbæ. „Það kom önnur kæra og við þurfum að vinna úr henni. Síðast tók það úrskurðarnefndina, sem hefur þrjá mánuði, þrettán mánuði og við vonum að það taki núna styttri tíma. Við reynum að halda mönnum upplýstum um þetta en við gerum okkur vonir um að nefndin sinni þessu hratt svo hún verði innan þriggja mánaða tímamarkanna. Við reynum að vinna út frá því,“ segir Hákon Björnsson, framkvæmdastjóri Thorsil. Líkt og Gunnar bendir Hákon á áhrif kísilvers United Silicon í Helguvík á fjármögnun Thorsil. „Það gengur allt á afturtfótunum þarna og þá finnur maður að menn vitna til þess. En við höfum ekki ástæðu til að ætla annað en að staðið verði við gerða samninga varðandi fjármögnunina,“ segir Hákon. Heildarfjármögnun verksmiðjunnar nemur 275 milljónum dala. Haukur Hafsteinsson, framkvæmdastjóri LSR, staðfesti í samtali við Fréttatímann í byrjun febrúar að lífeyrissjóðurinn muni ekki fjárfesta í kísilverinu. Frjálsi lífeyrissjóðurinn hefur ekki tekið ákvörðun um fjárfestingu í verkefninu og það sama má segja um Lífeyrissjóð verslunarmanna. Fréttin birtist fyrst í Markaðnum, fylgiriti Fréttablaðsins um viðskipti og efnahagsmál. Birtist í Fréttablaðinu Mest lesið Aðstoðarforstjóri Play hættur Viðskipti innlent Nýjustu vísbendingar bendi til komandi kólnunar Viðskipti innlent Terra Einingar kaupir Öryggisgirðingar Viðskipti innlent Dæmi um fimmtíu prósenta hækkun á matvöru Neytendur Rukkaður um 2800 króna aukagjald í Reynisfjöru Neytendur Hugmyndir fyrir tómlega vinnustaði og leiðinlega vinnudaga Atvinnulíf Gapandi hissa að sjá túrista skipta á milli sín mat: „Ég sárlega vorkenndi þeim“ Neytendur Tælenskt hveiti úr umferð Neytendur Ofuráhersla á umhverfismálin þegar sjálfbærnin snýst í raun um fólk Atvinnulíf „Við erum ekki að fara að vinna“ Neytendur Fleiri fréttir Nýjustu vísbendingar bendi til komandi kólnunar Aðstoðarforstjóri Play hættur Terra Einingar kaupir Öryggisgirðingar Hagnaður Arion banka dregst saman milli ára Play tapaði milljarði en staðan „mjög traust“ að mati forstjórans Bein útsending: Play kynnir uppgjör Barátta Seðlabankans löngu töpuð Formaðurinn neiti að horfast í augu við einkunnaverðbólgu Gústi Jó ráðinn markaðsstjóri Vöruverndar Verðbólgutölur minnki líkur á vaxtalækkun „allverulega“ Þekkja engin dæmi um að lögheimilisskráning stöðvi fasteignasölu Eyþór fyllir í skarð Rósu hjá Heimum Verðbólga eykst milli mánaða Stýrivextir mögulega ekki lækkaðir fyrr en í febrúar „Ljóst að staðan er mjög strembin“ Móðurfélag Össurar hagnaðist um 2,8 milljarða á metfjórðungi Fækkun ferðamanna gæti komið íbúðum á markað Fækkun ferðamanna mögulega leitt til hraðari lækkunar stýrivaxta Fá hundrað milljónir til að þróa gervigreind Styrkás kaupir Kraft Landsliðskokkur kaupir hverfisstaðinn: „Þetta gerðist í rauninni bara mjög hratt“ KFC á Íslandi segir meinta ljósmynd viðskiptavinar „falska“ Komust ekki inn á netbanka vegna bilunar Titringur á bókunarmarkaði: „Í kjörstöðu til að taka yfir þennan markað“ Landsbankinn hagnaðist um 16 milljarða eftir skatt Víkingur skiptir um hlutverk hjá Öskju Einar Hrafn ráðinn markaðsstjóri 1,4 milljarða sparnaður af uppsögnum 140 starfsmanna í maí og júní „Sérkennileg“ hækkun íbúðaverðs á tímum hárra vaxta Leiguverð heldur áfram að hækka Sjá meira
Almenni lífeyrissjóðurinn hefur ekki enn staðfest þriggja milljóna dala, jafnvirði 344 milljóna króna, fjárfestingu í kísilveri Thorsil í Helguvík rúmu ári eftir að hún var samþykkt af stjórn hans. Ástæðan er sú að forsvarsmenn fyrirtækisins hafa ekki uppfyllt skilyrði eins og að tryggja verksmiðjunni starfsleyfi. Framkvæmdastjóri Thorsil segir óheppilegt að starfsleyfið hafi nú verið kært í annað sinn en vill ekki svara hvernig fjármögnuninni miðar.Gunnar Baldvinsson, framkvæmdastjóri Almenna lífeyrissjóðsins.„Við höfum ekki staðfest þátttöku og málið er í mínum huga nánast komið á byrjunarreit. Við höfðum áhuga á sínum tíma og stjórnin samþykkti að ef skjöl myndu uppfylla kröfur sjóðsins þá myndum við taka þátt. Langur tími er liðinn og ýmsar aðrar forsendur hafa breyst en meðal annars hafa lífeyrissjóðir nú víðtækari fjárfestingaheimildir og síðan hafa komið fram neikvæðar fréttir vegna annarrar stóriðju [United Silicon] á sama stað,“ segir Gunnar Baldvinsson, framkvæmdastjóri Almenna lífeyrissjóðsins. Forsvarsmenn Thorsil voru í október í fyrra á lokametrunum með að semja við fjóra lífeyrissjóði um að þeir myndu útvega fjóra milljarða króna í hlutafé. Þar var um að ræða Lífeyrissjóð verslunarmanna, LSR, Frjálsa lífeyrissjóðinn og Almenna lífeyrissjóðinn. Síðar í þeim mánuði var starfsleyfi Thorsil, sem fyrirtækið fékk í september 2015 og var síðan kært til úrskurðarnefndar um umhverfis- og auðlindamál í sama mánuði, fellt úr gildi vegna formgalla. Nýtt leyfi fékkst í febrúar síðastliðnum en það var kært þann 20. mars. Fer úrskurðarnefndin nú yfir þrettán blaðsíðna rökstuðning Landverndar, Náttúruverndarsamtaka Suðvesturlands og hóps íbúa í Reykjanesbæ. „Það kom önnur kæra og við þurfum að vinna úr henni. Síðast tók það úrskurðarnefndina, sem hefur þrjá mánuði, þrettán mánuði og við vonum að það taki núna styttri tíma. Við reynum að halda mönnum upplýstum um þetta en við gerum okkur vonir um að nefndin sinni þessu hratt svo hún verði innan þriggja mánaða tímamarkanna. Við reynum að vinna út frá því,“ segir Hákon Björnsson, framkvæmdastjóri Thorsil. Líkt og Gunnar bendir Hákon á áhrif kísilvers United Silicon í Helguvík á fjármögnun Thorsil. „Það gengur allt á afturtfótunum þarna og þá finnur maður að menn vitna til þess. En við höfum ekki ástæðu til að ætla annað en að staðið verði við gerða samninga varðandi fjármögnunina,“ segir Hákon. Heildarfjármögnun verksmiðjunnar nemur 275 milljónum dala. Haukur Hafsteinsson, framkvæmdastjóri LSR, staðfesti í samtali við Fréttatímann í byrjun febrúar að lífeyrissjóðurinn muni ekki fjárfesta í kísilverinu. Frjálsi lífeyrissjóðurinn hefur ekki tekið ákvörðun um fjárfestingu í verkefninu og það sama má segja um Lífeyrissjóð verslunarmanna. Fréttin birtist fyrst í Markaðnum, fylgiriti Fréttablaðsins um viðskipti og efnahagsmál.
Birtist í Fréttablaðinu Mest lesið Aðstoðarforstjóri Play hættur Viðskipti innlent Nýjustu vísbendingar bendi til komandi kólnunar Viðskipti innlent Terra Einingar kaupir Öryggisgirðingar Viðskipti innlent Dæmi um fimmtíu prósenta hækkun á matvöru Neytendur Rukkaður um 2800 króna aukagjald í Reynisfjöru Neytendur Hugmyndir fyrir tómlega vinnustaði og leiðinlega vinnudaga Atvinnulíf Gapandi hissa að sjá túrista skipta á milli sín mat: „Ég sárlega vorkenndi þeim“ Neytendur Tælenskt hveiti úr umferð Neytendur Ofuráhersla á umhverfismálin þegar sjálfbærnin snýst í raun um fólk Atvinnulíf „Við erum ekki að fara að vinna“ Neytendur Fleiri fréttir Nýjustu vísbendingar bendi til komandi kólnunar Aðstoðarforstjóri Play hættur Terra Einingar kaupir Öryggisgirðingar Hagnaður Arion banka dregst saman milli ára Play tapaði milljarði en staðan „mjög traust“ að mati forstjórans Bein útsending: Play kynnir uppgjör Barátta Seðlabankans löngu töpuð Formaðurinn neiti að horfast í augu við einkunnaverðbólgu Gústi Jó ráðinn markaðsstjóri Vöruverndar Verðbólgutölur minnki líkur á vaxtalækkun „allverulega“ Þekkja engin dæmi um að lögheimilisskráning stöðvi fasteignasölu Eyþór fyllir í skarð Rósu hjá Heimum Verðbólga eykst milli mánaða Stýrivextir mögulega ekki lækkaðir fyrr en í febrúar „Ljóst að staðan er mjög strembin“ Móðurfélag Össurar hagnaðist um 2,8 milljarða á metfjórðungi Fækkun ferðamanna gæti komið íbúðum á markað Fækkun ferðamanna mögulega leitt til hraðari lækkunar stýrivaxta Fá hundrað milljónir til að þróa gervigreind Styrkás kaupir Kraft Landsliðskokkur kaupir hverfisstaðinn: „Þetta gerðist í rauninni bara mjög hratt“ KFC á Íslandi segir meinta ljósmynd viðskiptavinar „falska“ Komust ekki inn á netbanka vegna bilunar Titringur á bókunarmarkaði: „Í kjörstöðu til að taka yfir þennan markað“ Landsbankinn hagnaðist um 16 milljarða eftir skatt Víkingur skiptir um hlutverk hjá Öskju Einar Hrafn ráðinn markaðsstjóri 1,4 milljarða sparnaður af uppsögnum 140 starfsmanna í maí og júní „Sérkennileg“ hækkun íbúðaverðs á tímum hárra vaxta Leiguverð heldur áfram að hækka Sjá meira