Draumur Haniye varð að veruleika

Töluverður fjöldi var í afmælisveislu Haniye frá Afganistan sem haldin var í gær á Klambratúni. Haniye verður 12 ára í október en vildi halda upp á afmælið sitt hér á landi en vísa á henni og föður hennar, Abrahim Malekym, úr landi á næstu dögum.

Hún brosti sínu smitandi brosi þegar kveikt var á afmæliskertunum og faðir hennar, sem stendur fyrir aftan, er skælbrosandi og stoltur. Haniye fæddist í flóttamannabúðum í Íran árið 2005.

Þau hafa verið hér á landi frá því í desember og eignast marga góða vini sem komu og fögnuðu stóra deginum með henni. Þar að auki fékk Haniye afmæliskveðju frá forseta Íslands og ku hún hafa verið hæstánægð með gærdaginn.