Skyggnist inn í líf íslenskra eldhuga Guðrún Jóna Stefánsdóttir skrifar 23. mars 2017 10:30 „Það er alltaf skemmtilegt að taka upp Ísþjóðina og algjör forréttindi að fá að skyggnast inn í líf íslenskra eldhuga. Hugmyndin að þáttunum kviknaði þegar ég áttaði mig á því hversu stórkostleg unga kynslóðin okkar er. Við, þessi litla þjóð, eigum verðuga sendiboða í öllum heimsálfum sem eru að gera frábæra hluti,“ segir Ragnhildur Steinunn Jónsdóttir fjölmiðlakona um Ísþjóðina sem hefur göngu sína í fimmta sinn á sunnudag. Ragnhildur Steinunn hefur heimsótt fjölda áhugaverðra einstaklinga í þáttum sínum í gegn um tíðina. Meðal viðmælenda hafa verið þau Hera Hilmarsdóttir leikkona, Annie Mist, hraustasta kona heims, Gunnar Nelson bardagakappi og hljómsveitin Of Monsters and Men. „Meðal viðmælenda í fimmtu seríunni eru Jökull Júlíusson, liðsmaður hljómsveitarinnar Kaleo, Ólafía Þórunn Kristinsdóttir atvinnukylfingur, Heiðar Logi Elíasson atvinnubrimbrettakappi og tónlistarkonan Glowie,“ segir Ragnhildur. Þau Ragnhildur Steinunn og Eiríkur Ingi Böðvarsson vinna þættina saman en Ragnhildur segir þau leggja mikið upp úr því að þættirnir séu bæði áhugaverðir, fjölbreyttir og vandaðir.Ísþjóðin hefur göngu sína fimmta sinn á sunnudaginn.Mynd/Ragnhildur„Við vinnum þetta bara tvö og gerum allt frá því að fullmóta handrit fyrir hvern þátt, taka upp og fljúga drónum og klippa þættina. Það kemur fólki oft á óvart að við séum ekki margra manna teymi en mér finnst við ná betur til viðmælendanna á þennan hátt. Þetta verður persónulegra og ekki eins yfirþyrmandi fyrir fólk,“ útskýrir Ragnhildur og bætir við að hún sé ótrúlega lánsöm með samstarfsmann og segir að Eiríkur Ingi hefur einstakt lag á lokasamsetningu sjónvarpsþátta. Í fyrsta þætti Ísþjóðarinnar ræðir Ragnhildur Steinunn við Jökul Júlíusson, leiðtoga hljómsveitarinnar Kaleo, en hann hefur verið á hraðri siglingu upp á stjörnuhimininn. „Hljómsveitin er bókuð út árið og umboðsmaður sveitarinnar, Bruce Kalmick, segir í þættinum að hann hafi orðið fyrir nokkurs konar vakningu þegar hann heyrði tónlist sveitarinnar fyrst. Hann hafi ákveðið að fljúga strax til Íslands,“ segir Ragnhildur. Bruce Kalmick hefur verið farsæll í starfi sínu í gegn um tíðina og er sannfærður um að hljómsveitin Kaleo eigi eftir að ná langt. „Ég vissi um leið að þetta yrði framtíð mín,“ segir Bruce meðal annars í fyrsta þætti Ísþjóðarinnar sem sýndur verður á RÚV á sunnudagskvöld. Hann hrósar Jökli í hástert í þættinum og segir að brátt muni heimurinn átta sig á því að hann sé einn færasti flautari heims. „Rödd hans er marglaga. Hún getur verið mjög dimm, legið niðri í neðstu djúpum. Svo er hann einn besti flautari heims og það verður trúlega fljótt á allra vitorði. Röddin er ótrúleg og lögin ekki síður. Það fylgir ekki endilega, að vera með góða rödd og vera listamaður. Þeir eru fátíðir,“ segir Bruce og bætir við að lögin sem Jökull semji séu af gamla skólanum og minni á tónlist frá Bob Dylan, Van Morrison og Rolling Stones. Mest lesið Lét sauma bangsa úr fötum látins sonar síns Lífið „Undrabarn“ keppir á undanþágu og tekur pabba í kennslustund Lífið Frestar tónleikaferðalagi vegna andláts Payne Lífið Krakkatían: Flugfélög, landafræði og krakkalög Lífið María Thelma og Steinar Thors héldu brúðkaup ársins Lífið Flautað á dúfurnar á Eyrarbakka og þær koma heim Lífið Er alltaf hrædd Lífið „Hugleikið hver fær að stunda kynlíf og hver ekki“ Tónlist Faðir Payne las minningarorð og þakkaði aðdáendum Lífið Bar fyrir sig að hafa eitt sinn verið í strákabandi Lífið Fleiri fréttir Frestar tónleikaferðalagi vegna andláts Payne Lét sauma bangsa úr fötum látins sonar síns Krakkatían: Flugfélög, landafræði og krakkalög „Undrabarn“ keppir á undanþágu og tekur pabba í kennslustund Flautað á dúfurnar á Eyrarbakka og þær koma heim Faðir Payne las minningarorð og þakkaði aðdáendum Fréttatía vikunnar: Pólitík, andlát og bíó María Thelma og Steinar Thors héldu brúðkaup ársins Cheryl kvartar yfir fjölmiðlaumfjöllun um Liam Payne Bar fyrir sig að hafa eitt sinn verið í strákabandi Litfögur íbúð með mikinn karakter Haustförðunin sem hefur slegið í gegn á TikTok Þetta eru höfundar Áramótaskaupsins 2024 Níu ára og notar hestastudda sálfræðimeðferð til að komast yfir hamfarirnar Rekinn af útgáfunni stuttu fyrir andlátið Bingó í beinni á sunnudag Er alltaf hrædd One Direction sendir frá sér yfirlýsingu: „Við erum algjörlega miður okkar“ Stuðningur fjölskyldunnar ekki sjálfsagður Frumkvöðull í Detroit teknói í Gamla bíó í nóvember Þorvaldur Davíð og Hjálmar Örn í eina sæng Fjölskylda Liam Payne biður um andrými Malín Agla og Svavar eiga von á öðru barni „Ef ég á að vera hreinskilin þá var þetta bara svæsið einelti“ Símtal í neyðarlínu varpar ljósi á atburðarásina Harðlega gagnrýnd fyrir að birta myndir af líki Liam Payne Loka Sæbraut á laugardag vegna kvikmyndatöku Liljan er vinsælasta lagið á Dalvík Stjörnurnar minnast Liam Payne: „Þessar fréttir eru hrikalegar, ég er orðlaus“ „Ég myndi aldrei fara í samband með einhverjum fávita“ Sjá meira
„Það er alltaf skemmtilegt að taka upp Ísþjóðina og algjör forréttindi að fá að skyggnast inn í líf íslenskra eldhuga. Hugmyndin að þáttunum kviknaði þegar ég áttaði mig á því hversu stórkostleg unga kynslóðin okkar er. Við, þessi litla þjóð, eigum verðuga sendiboða í öllum heimsálfum sem eru að gera frábæra hluti,“ segir Ragnhildur Steinunn Jónsdóttir fjölmiðlakona um Ísþjóðina sem hefur göngu sína í fimmta sinn á sunnudag. Ragnhildur Steinunn hefur heimsótt fjölda áhugaverðra einstaklinga í þáttum sínum í gegn um tíðina. Meðal viðmælenda hafa verið þau Hera Hilmarsdóttir leikkona, Annie Mist, hraustasta kona heims, Gunnar Nelson bardagakappi og hljómsveitin Of Monsters and Men. „Meðal viðmælenda í fimmtu seríunni eru Jökull Júlíusson, liðsmaður hljómsveitarinnar Kaleo, Ólafía Þórunn Kristinsdóttir atvinnukylfingur, Heiðar Logi Elíasson atvinnubrimbrettakappi og tónlistarkonan Glowie,“ segir Ragnhildur. Þau Ragnhildur Steinunn og Eiríkur Ingi Böðvarsson vinna þættina saman en Ragnhildur segir þau leggja mikið upp úr því að þættirnir séu bæði áhugaverðir, fjölbreyttir og vandaðir.Ísþjóðin hefur göngu sína fimmta sinn á sunnudaginn.Mynd/Ragnhildur„Við vinnum þetta bara tvö og gerum allt frá því að fullmóta handrit fyrir hvern þátt, taka upp og fljúga drónum og klippa þættina. Það kemur fólki oft á óvart að við séum ekki margra manna teymi en mér finnst við ná betur til viðmælendanna á þennan hátt. Þetta verður persónulegra og ekki eins yfirþyrmandi fyrir fólk,“ útskýrir Ragnhildur og bætir við að hún sé ótrúlega lánsöm með samstarfsmann og segir að Eiríkur Ingi hefur einstakt lag á lokasamsetningu sjónvarpsþátta. Í fyrsta þætti Ísþjóðarinnar ræðir Ragnhildur Steinunn við Jökul Júlíusson, leiðtoga hljómsveitarinnar Kaleo, en hann hefur verið á hraðri siglingu upp á stjörnuhimininn. „Hljómsveitin er bókuð út árið og umboðsmaður sveitarinnar, Bruce Kalmick, segir í þættinum að hann hafi orðið fyrir nokkurs konar vakningu þegar hann heyrði tónlist sveitarinnar fyrst. Hann hafi ákveðið að fljúga strax til Íslands,“ segir Ragnhildur. Bruce Kalmick hefur verið farsæll í starfi sínu í gegn um tíðina og er sannfærður um að hljómsveitin Kaleo eigi eftir að ná langt. „Ég vissi um leið að þetta yrði framtíð mín,“ segir Bruce meðal annars í fyrsta þætti Ísþjóðarinnar sem sýndur verður á RÚV á sunnudagskvöld. Hann hrósar Jökli í hástert í þættinum og segir að brátt muni heimurinn átta sig á því að hann sé einn færasti flautari heims. „Rödd hans er marglaga. Hún getur verið mjög dimm, legið niðri í neðstu djúpum. Svo er hann einn besti flautari heims og það verður trúlega fljótt á allra vitorði. Röddin er ótrúleg og lögin ekki síður. Það fylgir ekki endilega, að vera með góða rödd og vera listamaður. Þeir eru fátíðir,“ segir Bruce og bætir við að lögin sem Jökull semji séu af gamla skólanum og minni á tónlist frá Bob Dylan, Van Morrison og Rolling Stones.
Mest lesið Lét sauma bangsa úr fötum látins sonar síns Lífið „Undrabarn“ keppir á undanþágu og tekur pabba í kennslustund Lífið Frestar tónleikaferðalagi vegna andláts Payne Lífið Krakkatían: Flugfélög, landafræði og krakkalög Lífið María Thelma og Steinar Thors héldu brúðkaup ársins Lífið Flautað á dúfurnar á Eyrarbakka og þær koma heim Lífið Er alltaf hrædd Lífið „Hugleikið hver fær að stunda kynlíf og hver ekki“ Tónlist Faðir Payne las minningarorð og þakkaði aðdáendum Lífið Bar fyrir sig að hafa eitt sinn verið í strákabandi Lífið Fleiri fréttir Frestar tónleikaferðalagi vegna andláts Payne Lét sauma bangsa úr fötum látins sonar síns Krakkatían: Flugfélög, landafræði og krakkalög „Undrabarn“ keppir á undanþágu og tekur pabba í kennslustund Flautað á dúfurnar á Eyrarbakka og þær koma heim Faðir Payne las minningarorð og þakkaði aðdáendum Fréttatía vikunnar: Pólitík, andlát og bíó María Thelma og Steinar Thors héldu brúðkaup ársins Cheryl kvartar yfir fjölmiðlaumfjöllun um Liam Payne Bar fyrir sig að hafa eitt sinn verið í strákabandi Litfögur íbúð með mikinn karakter Haustförðunin sem hefur slegið í gegn á TikTok Þetta eru höfundar Áramótaskaupsins 2024 Níu ára og notar hestastudda sálfræðimeðferð til að komast yfir hamfarirnar Rekinn af útgáfunni stuttu fyrir andlátið Bingó í beinni á sunnudag Er alltaf hrædd One Direction sendir frá sér yfirlýsingu: „Við erum algjörlega miður okkar“ Stuðningur fjölskyldunnar ekki sjálfsagður Frumkvöðull í Detroit teknói í Gamla bíó í nóvember Þorvaldur Davíð og Hjálmar Örn í eina sæng Fjölskylda Liam Payne biður um andrými Malín Agla og Svavar eiga von á öðru barni „Ef ég á að vera hreinskilin þá var þetta bara svæsið einelti“ Símtal í neyðarlínu varpar ljósi á atburðarásina Harðlega gagnrýnd fyrir að birta myndir af líki Liam Payne Loka Sæbraut á laugardag vegna kvikmyndatöku Liljan er vinsælasta lagið á Dalvík Stjörnurnar minnast Liam Payne: „Þessar fréttir eru hrikalegar, ég er orðlaus“ „Ég myndi aldrei fara í samband með einhverjum fávita“ Sjá meira