Stóri Sam næsti stjóri Gylfa?

Sam Allardyce hefur fundað með Farhad Moshiri, eiganda Everton, um stjórastöðu liðsins. Þetta staðfesta enskir fjölmiðlar í dag.

Heimildir Sky Sports segja að Allardyce fengi samning út tímabilið.

Þá á Moshiri einnig að hafa augastað á þjálfara hjá toppliði í Evrópu sem og stjóra hjá öðru félagi í ensku úrvalsdeildinni. Sá stjóri gæti verið Sean Dyche, en áður hefur verið greint frá því að Everton hafi áhuga á að stela Dyche frá Burnley.

Bráðabirgða stjórinn David Unsworth gæti einnig fengið stöðuna, en ekki er búist við ákvörðun bráðlega þar sem viðræður eru enn í gangi.