Gæði, líf og sál Kristjana Björg Guðbrandsdóttir skrifar 1. september 2018 08:45 Hafsteinn Júlíusson og Karitas Sveinsdóttir. Hjónin Hafsteinn Júlíusson og Karitas Sveinsdóttir, eigendur HAF Studio, opnuðu nýverið verslun í gömlu verbúðunum við Geirsgötu 7 sem ber nafnið HAF Store. Á neðri hæðinni bjóða þau upp á eigin vörulínu í bland við sérhönnuð húsgögn, listaverk, ljósmyndir og einnig sérvalda hönnunarvöru sem þau kaupa á ferðalögum um heiminn. Á efri hæðinni er vinnustofa þeirra. Þau segjast vinna náið saman og geta tekist á um hugmyndir eða leiðir í verkefnum sínum. „Við erum algjörar samlokur, getum rifist og verið ósammála, tekist á. En það er aldrei alvarlegt. Ég er kannski í tölvunni og hún kemur og rífur hana af mér og segir: Nei, svona! Við erum gott teymi,“ segir Hafsteinn. Hafsteinn JúlÃusson og Karitas Sveinsdóttir „Við erum mjög vön því að vinna saman. Við erum svo auðvitað stærra teymi því hér starfa þrír hönnuðir og arkitektar hjá okkur í öllum verkefnum, það gefur okkar vinnu meiri dýpt,“ segir Karitas. Þau segjast stefna að því að sem flestar vörur í búðinni verði þeirra eigin hönnun. „Það er framtíðarpælingin. Að rýmið verði fullt af okkar vörum, en það tekur tíma og er þolinmæðisverk,“ segir Hafsteinn. „Þangað til veljum við inn fallegar vörur, ljósmyndir og listaverk. Við erum ekki í fjöldaframleiðslu heldur viljum bjóða upp á fágæta hluti. Við viljum hafa ríka umhverfis- og samfélagsvitund, viljum frekar að fólk kaupi fáa en góða hluti frekar en að fylla Sorpu af drasli. Þetta eru fallegir hlutir og munir sem við kaupum á ferðalögum,“ segir hann. Hvaða strauma og stefnur skynja þau í hönnun? „Falleg heimili eru þannig að þar er að finna blöndu af gömlum og nýjum húsgögnum og munum. Þar er að finna persónulega hluti sem hafa merkingu fyrir fólk og því þykir vænt um. Heimili ættu ekki að vera þannig að það sé eins og málunum hafi verið reddað í einni búð. Dýpt og gæði,“ segir Hafsteinn eftir smá umhugsun. „Ég get aldrei svarað þessari spurningu, um strauma og stefnur. Það er allt í gangi. Auðvitað eru alltaf einhverjir litir vinsælir eða efni. Við leggjum mikið upp úr náttúrulegum efnum,“ segir hann. „Ég tek undir það,“ segir Karitas sem segist einnig klóra sér í kollinum þegar hún fær þessa spurningu. „Tökum sem dæmi fallegt parket úr gegnheilum viði. Það verður bara fallegra með árunum og eftir því sem það lætur á sjá. Því fylgir saga. Plastparket rispast líka, en eru rispurnar fallegar? Nei, það held ég nú ekki. Það er líka gaman að sjá marmara eldast og leður sem mýkist og er auðsjáanlega notað er fallegt,“ bendir hún á. „Gefur heimilinu líf og sál. Mér finnst meira varið í að velja vel, nota gæðaefni og láta svo hlutina endast árum saman. Svo á að vera líf á heimilum, við eigum fimm ára gamla dóttur sem mætti halda að fengi borgað fyrir að rusla út,“ segir hún og hlær. „Já, lengri tíma hugsun en líka að gefa rýminu líf. Litir koma og fara. Það er alltaf betra að reyna að forðast það að fylgja síbreytilegri tísku og halda frekar í sinn persónulega stíl,“ segir Hafsteinn. Karitas og Hafsteinn hafa hannað fjölda íslenskra og sænskra veitingastaða og verslana. Í vikunni var einn þeirra opnaður, Skelfiskmarkaðurinn, nýr veitingastaður í eigu Hrefnu Sætran og fleiri. HAF Studio sá um hönnun staðarins ásamt einum eigandanum Ágústi Reynissyni. Þau hönnuðu staðinn frá grunni og einnig ljós, stóla, borð og fleira. Ferlið frá því þau hófu hönnun á staðnum þar til hann var opnaður var stutt, eða sjö mánuðir, og á sama tíma stóðu þau í undirbúningi við opnun verslunar sinnar og árið hefur því reynst þeim annasamt „Opnun verslunarinnar og vinnustofunnar og hönnun á Skelfiskmarkaðnum eru tvö stærstu verkefni sem við höfum leyst af hendi,“ segir Karitas frá. „En einnig með þeim ánægjulegustu. Hópurinn sem stendur að Skelfiskmarkaðnum og þeir sem unnu með okkur að undirbúningi var svo góður,“ segir hún og Hafsteinn tekur undir. Birtist í Fréttablaðinu Mest lesið Falska söngkonan á leið í meðferð Lífið „Unun að troðið sé á manni þegar svona er“ Lífið Erfið lífsreynsla að þurfa að yfirgefa heimili sitt Lífið Eva segir lífið betra með Kára Stefáns Lífið Gísli Pálmi í fótbolta með Barry Keoghan Lífið Tíu myndarleg einbýlishús á höfuðborgarsvæðinu Lífið Sara Davíðs fann ástina í örmum flugstjóra Lífið Hélt niðri í sér hlátrinum yfir fölskum þjóðsöngnum Lífið Atli Örvarsson tilnefndur til Emmy-verðlauna Lífið Hildur Vala og Kjartan keyptu raðhús í Fossvogi Lífið Fleiri fréttir Tískuheimurinn í London setti sterkan svip á stílinn „Í smávegis vegferð að líta á ADHD-ið mitt sem fallegan hlut“ Myndaveisla: Aron Can, Issi og Patti í tískupartýi ársins Alltaf sótt í orku og gleði í klæðaburði Vann til margra verðlauna fyrir stól sem slær í gegn „Með 40 prósent af óþarfa með mér og virðist ekki læra af því“ „Ekki fylgja hverju einasta tískutrendi“ Enn að ná sér niður eftir að hafa hitt Miuccia Prada Leyfir bumbunni að njóta sín á meðgöngunni Sjóðheit trend beint af tískupallinum í París Skvísuviðburður þar sem hátískuflíkum rigndi yfir gesti Þotulið listagyðja fögnuðu að sænskum stíl „Ef ég væri ekki prestur væri gaman að vera poppstjarna“ „Mér þykir alltaf vænt um hlutina mína“ Líður bókstaflega óstöðvandi í góðu fitti Ofurskvísur landsins fögnuðu „Heiðarlegri“ fatalínu Heiðar Klæðir sig oft óbeint í stíl við dóttur sína „Tilfinningaþrungið að fá að fylgja myndinni í flík sem þessari“ Sjá meira
Hjónin Hafsteinn Júlíusson og Karitas Sveinsdóttir, eigendur HAF Studio, opnuðu nýverið verslun í gömlu verbúðunum við Geirsgötu 7 sem ber nafnið HAF Store. Á neðri hæðinni bjóða þau upp á eigin vörulínu í bland við sérhönnuð húsgögn, listaverk, ljósmyndir og einnig sérvalda hönnunarvöru sem þau kaupa á ferðalögum um heiminn. Á efri hæðinni er vinnustofa þeirra. Þau segjast vinna náið saman og geta tekist á um hugmyndir eða leiðir í verkefnum sínum. „Við erum algjörar samlokur, getum rifist og verið ósammála, tekist á. En það er aldrei alvarlegt. Ég er kannski í tölvunni og hún kemur og rífur hana af mér og segir: Nei, svona! Við erum gott teymi,“ segir Hafsteinn. Hafsteinn JúlÃusson og Karitas Sveinsdóttir „Við erum mjög vön því að vinna saman. Við erum svo auðvitað stærra teymi því hér starfa þrír hönnuðir og arkitektar hjá okkur í öllum verkefnum, það gefur okkar vinnu meiri dýpt,“ segir Karitas. Þau segjast stefna að því að sem flestar vörur í búðinni verði þeirra eigin hönnun. „Það er framtíðarpælingin. Að rýmið verði fullt af okkar vörum, en það tekur tíma og er þolinmæðisverk,“ segir Hafsteinn. „Þangað til veljum við inn fallegar vörur, ljósmyndir og listaverk. Við erum ekki í fjöldaframleiðslu heldur viljum bjóða upp á fágæta hluti. Við viljum hafa ríka umhverfis- og samfélagsvitund, viljum frekar að fólk kaupi fáa en góða hluti frekar en að fylla Sorpu af drasli. Þetta eru fallegir hlutir og munir sem við kaupum á ferðalögum,“ segir hann. Hvaða strauma og stefnur skynja þau í hönnun? „Falleg heimili eru þannig að þar er að finna blöndu af gömlum og nýjum húsgögnum og munum. Þar er að finna persónulega hluti sem hafa merkingu fyrir fólk og því þykir vænt um. Heimili ættu ekki að vera þannig að það sé eins og málunum hafi verið reddað í einni búð. Dýpt og gæði,“ segir Hafsteinn eftir smá umhugsun. „Ég get aldrei svarað þessari spurningu, um strauma og stefnur. Það er allt í gangi. Auðvitað eru alltaf einhverjir litir vinsælir eða efni. Við leggjum mikið upp úr náttúrulegum efnum,“ segir hann. „Ég tek undir það,“ segir Karitas sem segist einnig klóra sér í kollinum þegar hún fær þessa spurningu. „Tökum sem dæmi fallegt parket úr gegnheilum viði. Það verður bara fallegra með árunum og eftir því sem það lætur á sjá. Því fylgir saga. Plastparket rispast líka, en eru rispurnar fallegar? Nei, það held ég nú ekki. Það er líka gaman að sjá marmara eldast og leður sem mýkist og er auðsjáanlega notað er fallegt,“ bendir hún á. „Gefur heimilinu líf og sál. Mér finnst meira varið í að velja vel, nota gæðaefni og láta svo hlutina endast árum saman. Svo á að vera líf á heimilum, við eigum fimm ára gamla dóttur sem mætti halda að fengi borgað fyrir að rusla út,“ segir hún og hlær. „Já, lengri tíma hugsun en líka að gefa rýminu líf. Litir koma og fara. Það er alltaf betra að reyna að forðast það að fylgja síbreytilegri tísku og halda frekar í sinn persónulega stíl,“ segir Hafsteinn. Karitas og Hafsteinn hafa hannað fjölda íslenskra og sænskra veitingastaða og verslana. Í vikunni var einn þeirra opnaður, Skelfiskmarkaðurinn, nýr veitingastaður í eigu Hrefnu Sætran og fleiri. HAF Studio sá um hönnun staðarins ásamt einum eigandanum Ágústi Reynissyni. Þau hönnuðu staðinn frá grunni og einnig ljós, stóla, borð og fleira. Ferlið frá því þau hófu hönnun á staðnum þar til hann var opnaður var stutt, eða sjö mánuðir, og á sama tíma stóðu þau í undirbúningi við opnun verslunar sinnar og árið hefur því reynst þeim annasamt „Opnun verslunarinnar og vinnustofunnar og hönnun á Skelfiskmarkaðnum eru tvö stærstu verkefni sem við höfum leyst af hendi,“ segir Karitas frá. „En einnig með þeim ánægjulegustu. Hópurinn sem stendur að Skelfiskmarkaðnum og þeir sem unnu með okkur að undirbúningi var svo góður,“ segir hún og Hafsteinn tekur undir.
Birtist í Fréttablaðinu Mest lesið Falska söngkonan á leið í meðferð Lífið „Unun að troðið sé á manni þegar svona er“ Lífið Erfið lífsreynsla að þurfa að yfirgefa heimili sitt Lífið Eva segir lífið betra með Kára Stefáns Lífið Gísli Pálmi í fótbolta með Barry Keoghan Lífið Tíu myndarleg einbýlishús á höfuðborgarsvæðinu Lífið Sara Davíðs fann ástina í örmum flugstjóra Lífið Hélt niðri í sér hlátrinum yfir fölskum þjóðsöngnum Lífið Atli Örvarsson tilnefndur til Emmy-verðlauna Lífið Hildur Vala og Kjartan keyptu raðhús í Fossvogi Lífið Fleiri fréttir Tískuheimurinn í London setti sterkan svip á stílinn „Í smávegis vegferð að líta á ADHD-ið mitt sem fallegan hlut“ Myndaveisla: Aron Can, Issi og Patti í tískupartýi ársins Alltaf sótt í orku og gleði í klæðaburði Vann til margra verðlauna fyrir stól sem slær í gegn „Með 40 prósent af óþarfa með mér og virðist ekki læra af því“ „Ekki fylgja hverju einasta tískutrendi“ Enn að ná sér niður eftir að hafa hitt Miuccia Prada Leyfir bumbunni að njóta sín á meðgöngunni Sjóðheit trend beint af tískupallinum í París Skvísuviðburður þar sem hátískuflíkum rigndi yfir gesti Þotulið listagyðja fögnuðu að sænskum stíl „Ef ég væri ekki prestur væri gaman að vera poppstjarna“ „Mér þykir alltaf vænt um hlutina mína“ Líður bókstaflega óstöðvandi í góðu fitti Ofurskvísur landsins fögnuðu „Heiðarlegri“ fatalínu Heiðar Klæðir sig oft óbeint í stíl við dóttur sína „Tilfinningaþrungið að fá að fylgja myndinni í flík sem þessari“ Sjá meira