Undanúrslitin í deildarbikarnum: Chelsea spilar við Tottenham en City mætir Burton

Búið er að draga í undanúrslit enska deildarbikarsins og það er ljóst að Manchester City fær fyrirfram þægilegt verkefni.

City sem hafði betur gegn Leicester í vítaspyrnukeppni í gær fær C-deildarlið Burton og byrjar á heimavelli en Burton sló B-deildarlið Middlesbrough út í gærkvöldi.

Hinn leikurinn er svo risa leikur en þar mætast Chelsea og Tottenham. Chelsea marði Bournemouth í kvöld og Tottenham vann grannanna í Arsenal, einnig í kvöld.

Undanúrslitin verða spiluð bæði heima og heiman. Fyrri leikurinn fer fram sjöunda janúar og sá síðari tveimur vikum síðar.

Undanúrslitin:

Man. City - Burton

Tottenham - Chelsea