Allir flokkar koma saman vegna #metoo Ólöf Skaftadóttir skrifar 22. janúar 2018 06:00 Markmið okkar var að kalla saman alla flokkana og sjá hvort við gætum komist að einhverri sameiginlegri niðurstöðu. Reynt að koma okkur niður á eitthvað, hvernig má bæta og breyta okkar samskiptum, og notað það sem veganesti inn í framtíðina,“ segir Heiða Björg Hilmisdóttir, varaformaður Samfylkingarinnar, en í kjölfar #metoo-byltingarinnar hafa stjórnmálaflokkar á Íslandi tekið höndum saman og efna til morgunverðarfundar á Grand Hótel Reykjavík í dag. Fundurinn hefst klukkan 8.30 og stendur til 10.30. Þátttaka á fundinum er öllum opin og án endurgjalds. „Við settumst niður saman í lok síðasta árs þar sem var fenginn einn frá hverjum flokki og komum okkur saman um þessa dagskrá. Við ákváðum að gera þetta ekki á hefðbundin máta, fá einn frá hverjum flokki til að koma og tala – heldur erum við meira að leita út fyrir raðir flokkanna og fá annað fólk til að hjálpa okkur. Fræða okkur – fræðast í sameiningu,“ útskýrir Heiða Björg. Hún vonast til þess að í lok fundar verði hægt að taka saman einhverja punkta sem veganesti fyrir flokkana inn í áframhaldandi starf. „En svo verður auðvitað hver flokkur að taka þetta áfram og gera sinn eigin samskiptasamning.“ Hún ítrekar að allir sem vilja séu velkomnir á fundinn, þótt hann fjalli fyrst og fremst um stjórnmálin og félagasamtök. „Við hugsuðum að starf félagasamtaka væri svipað stjórnmálaflokkunum og datt í hug að það gæti verið gagnlegt fyrir þau að koma. Félagasamtök, eins og stjórnmálaflokkar, hafa ekki deildir eða mannauðsstjóra innan sinna vébanda sem geta tekið á málunum. Málin flækjast nefnilega þegar fólk kemur saman af áhuga og það er ekki eins ljós hírarkía og í fyrirtækjum úti í bæ.“ Heiða segir jafnframt mikilvægt að karlar taki þátt í umræðunni, en Gestur Pálmason markþjálfi er einn þeirra sem taka til máls á fundinum með fyrirlesturinn Sjónarhorn karlmanna sem vilja taka ábyrgð. „Okkur finnst það mjög mikilvægt. Hvort sem þeir vilja gera það sér eða með okkur. Mér finnst konur komnar lengra í umræðunni. Karlmenn verða að taka þetta alvarlega og mín upplifun er sú að flestir geri það; séu til í þetta samtal. Almennt er mín upplifun sú að karlarnir vilji að samskiptin séu góð, fólk upplifi sig öruggt, geti tjáð sig og tekið þátt í öllu mögulegu án þess að finnast öryggi sínu ógnað. Og í þessum orðum mínum er engin ásökun falin. Við viljum bara laga menninguna og samskiptin. Það er tilgangur fundarins.“Salvör NordalFréttablaðið/GVASalvör Nordal: Óskrifaðar reglur í samskiptum Salvör Nordal, umboðsmaður barna, er ein þeirra sem flytja ávarp og ber það yfirskriftina Óskrifaðar reglur í samskiptum. „Sum af þeim áreitnismálum sem hefur verið talað um kallast á við umræðuna um friðhelgi einkalífsins, og þar koma inn þessar óskráðu reglur. Það er að segja, hvernig við komum fram við hvert annað í daglegum samskiptum. Ég hef mikið rannsakað friðhelgi einkalífsins sem siðfræðingur. Svo mun ég koma inn á málefni barna í þessu samhengi. Það hafa verið sláandi frásagnir sem fram hafa komið í #metoo-umræðunni í sambandi við börn, eða að brot hafi átt sér stað þegar viðkomandi var á barnsaldri. Það er alvarlegt,“ segir Salvör. „Það er svo mikilvægt eftir alla þessa umræðu að við einblínum á hvað tekur við, hver næstu skref verða. Aðeins þannig verða raunverulegar breytingar á þessari ómenningu sem hefur viðgengist í öll þessi ár.“Dagskrá fundarins Húsið er opnað klukkan 8.00, fundurinn hefst 8.30 og lýkur 10.30. Opnunarávarp. Katrín Jakobsdóttir, forsætisráðherra og formaður Vinstrihreyfingarinnar – græns framboðs. Metoo í skugga valdsins. Heiða Björg Hilmisdóttir, borgarfulltrúi og talskona Metoo í skugga valdsins. Hvar liggja mörkin? Valdís Ösp Ívarsdóttir fíknifræðingur. Óskrifaðar reglur í samskiptum. Salvör Nordal, umboðsmaður barna. Sjónarhorn karlmanna sem vilja axla ábyrgð. Gestur Pálmason markþjálfi. Metoo – hvað svo? Katrín Björg Ríkharðsdóttir, framkvæmdastjóri Jafnréttisstofu. Pallborð og umræður. Fundarstjóri, Kolbrún Halldórsdóttir fv. ráðherra og forseti Bandalags íslenskra listamanna, mun stýra pallborðsumræðum í kjölfar erindanna. Ragna Árnadóttir, aðstoðarforstjóri Landsvirkjunar, lokar fundinum.Vísir sýnir beint frá fundinum. Birtist í Fréttablaðinu MeToo Mest lesið Hafi verið látinn fljúga þrátt fyrir þekkt andleg veikindi Innlent Umfangsmiklar og óútskýrðar rafmagnstruflanir á Íberíuskaga Erlent Ráðist að fólki við Breiðholtsskóla um hábjartan dag Innlent Benedikt telur undanbrögð útvarpsstjóra grátleg Innlent Rafmagnsleysið „fordæmalaust“ en engar vísbendingar um tölvuárás Erlent Engin hópnauðgun um páskana á borði lögreglu Innlent Allt á áætlun en Spánarfarar beðnir um að fylgjast með Innlent Réðust á tvo menn á göngu Innlent Vissu ekki að þeir væru að ræna Kim Kardashian Erlent Saka Ingu um metnaðarleysi eftir skipun flokksmanna í stjórn Innlent Fleiri fréttir Vilja láta rannsaka aðild flóttateymis í máli Oscars Lýsir yfir einhliða vopnahléi vegna sigurhátíðar í næstu viku Rafmagnsleysið „fordæmalaust“ en engar vísbendingar um tölvuárás Fangelsi oft eina úrræðið Allt á áætlun en Spánarfarar beðnir um að fylgjast með Björn tekur við af Helga Páfakjör hefst í næstu viku Ráðist að fólki við Breiðholtsskóla um hábjartan dag Um níutíu hælisleitendur setið í fangesli síðustu mánuði fyrir brottvísun Umfangsmiklar og óútskýrðar rafmagnstruflanir á Íberíuskaga Kryfja mál Ásthildar Lóu fyrir opnum tjöldum Mæðgur alvarlega særðar eftir sprengingu í úthverfi Stokkhólms Saka Ingu um metnaðarleysi eftir skipun flokksmanna í stjórn Engin hópnauðgun um páskana á borði lögreglu Rússar segjast hafa handsamað morðingja herforingjans Nýtt met slegið í fjölda giftinga Benedikt telur undanbrögð útvarpsstjóra grátleg Vill þyngri refsingar fyrir alvarleg kynferðisbrot Tekur við sem framkvæmdastjóri Bergsins Headspace Ökumaðurinn í Vancouver ákærður fyrir manndráp Gengur á með skúrum sunnan- og vestanlands Hafi verið látinn fljúga þrátt fyrir þekkt andleg veikindi Sixtínsku kapellunni lokað vegna páfakjörs Telur að Selenskí geti samþykkt að gefa eftir Krímskaga Alþingi kemur saman á ný eftir páskafrí Réðust á tvo menn á göngu Kjördagur framundan í Kanada Vissu ekki að þeir væru að ræna Kim Kardashian Fjölgun safngripa kallar á stækkun Flugsafnsins Hljóðheimur sumarsins í hættu: Mikil fækkun lóu og spóa Sjá meira
Markmið okkar var að kalla saman alla flokkana og sjá hvort við gætum komist að einhverri sameiginlegri niðurstöðu. Reynt að koma okkur niður á eitthvað, hvernig má bæta og breyta okkar samskiptum, og notað það sem veganesti inn í framtíðina,“ segir Heiða Björg Hilmisdóttir, varaformaður Samfylkingarinnar, en í kjölfar #metoo-byltingarinnar hafa stjórnmálaflokkar á Íslandi tekið höndum saman og efna til morgunverðarfundar á Grand Hótel Reykjavík í dag. Fundurinn hefst klukkan 8.30 og stendur til 10.30. Þátttaka á fundinum er öllum opin og án endurgjalds. „Við settumst niður saman í lok síðasta árs þar sem var fenginn einn frá hverjum flokki og komum okkur saman um þessa dagskrá. Við ákváðum að gera þetta ekki á hefðbundin máta, fá einn frá hverjum flokki til að koma og tala – heldur erum við meira að leita út fyrir raðir flokkanna og fá annað fólk til að hjálpa okkur. Fræða okkur – fræðast í sameiningu,“ útskýrir Heiða Björg. Hún vonast til þess að í lok fundar verði hægt að taka saman einhverja punkta sem veganesti fyrir flokkana inn í áframhaldandi starf. „En svo verður auðvitað hver flokkur að taka þetta áfram og gera sinn eigin samskiptasamning.“ Hún ítrekar að allir sem vilja séu velkomnir á fundinn, þótt hann fjalli fyrst og fremst um stjórnmálin og félagasamtök. „Við hugsuðum að starf félagasamtaka væri svipað stjórnmálaflokkunum og datt í hug að það gæti verið gagnlegt fyrir þau að koma. Félagasamtök, eins og stjórnmálaflokkar, hafa ekki deildir eða mannauðsstjóra innan sinna vébanda sem geta tekið á málunum. Málin flækjast nefnilega þegar fólk kemur saman af áhuga og það er ekki eins ljós hírarkía og í fyrirtækjum úti í bæ.“ Heiða segir jafnframt mikilvægt að karlar taki þátt í umræðunni, en Gestur Pálmason markþjálfi er einn þeirra sem taka til máls á fundinum með fyrirlesturinn Sjónarhorn karlmanna sem vilja taka ábyrgð. „Okkur finnst það mjög mikilvægt. Hvort sem þeir vilja gera það sér eða með okkur. Mér finnst konur komnar lengra í umræðunni. Karlmenn verða að taka þetta alvarlega og mín upplifun er sú að flestir geri það; séu til í þetta samtal. Almennt er mín upplifun sú að karlarnir vilji að samskiptin séu góð, fólk upplifi sig öruggt, geti tjáð sig og tekið þátt í öllu mögulegu án þess að finnast öryggi sínu ógnað. Og í þessum orðum mínum er engin ásökun falin. Við viljum bara laga menninguna og samskiptin. Það er tilgangur fundarins.“Salvör NordalFréttablaðið/GVASalvör Nordal: Óskrifaðar reglur í samskiptum Salvör Nordal, umboðsmaður barna, er ein þeirra sem flytja ávarp og ber það yfirskriftina Óskrifaðar reglur í samskiptum. „Sum af þeim áreitnismálum sem hefur verið talað um kallast á við umræðuna um friðhelgi einkalífsins, og þar koma inn þessar óskráðu reglur. Það er að segja, hvernig við komum fram við hvert annað í daglegum samskiptum. Ég hef mikið rannsakað friðhelgi einkalífsins sem siðfræðingur. Svo mun ég koma inn á málefni barna í þessu samhengi. Það hafa verið sláandi frásagnir sem fram hafa komið í #metoo-umræðunni í sambandi við börn, eða að brot hafi átt sér stað þegar viðkomandi var á barnsaldri. Það er alvarlegt,“ segir Salvör. „Það er svo mikilvægt eftir alla þessa umræðu að við einblínum á hvað tekur við, hver næstu skref verða. Aðeins þannig verða raunverulegar breytingar á þessari ómenningu sem hefur viðgengist í öll þessi ár.“Dagskrá fundarins Húsið er opnað klukkan 8.00, fundurinn hefst 8.30 og lýkur 10.30. Opnunarávarp. Katrín Jakobsdóttir, forsætisráðherra og formaður Vinstrihreyfingarinnar – græns framboðs. Metoo í skugga valdsins. Heiða Björg Hilmisdóttir, borgarfulltrúi og talskona Metoo í skugga valdsins. Hvar liggja mörkin? Valdís Ösp Ívarsdóttir fíknifræðingur. Óskrifaðar reglur í samskiptum. Salvör Nordal, umboðsmaður barna. Sjónarhorn karlmanna sem vilja axla ábyrgð. Gestur Pálmason markþjálfi. Metoo – hvað svo? Katrín Björg Ríkharðsdóttir, framkvæmdastjóri Jafnréttisstofu. Pallborð og umræður. Fundarstjóri, Kolbrún Halldórsdóttir fv. ráðherra og forseti Bandalags íslenskra listamanna, mun stýra pallborðsumræðum í kjölfar erindanna. Ragna Árnadóttir, aðstoðarforstjóri Landsvirkjunar, lokar fundinum.Vísir sýnir beint frá fundinum.
Birtist í Fréttablaðinu MeToo Mest lesið Hafi verið látinn fljúga þrátt fyrir þekkt andleg veikindi Innlent Umfangsmiklar og óútskýrðar rafmagnstruflanir á Íberíuskaga Erlent Ráðist að fólki við Breiðholtsskóla um hábjartan dag Innlent Benedikt telur undanbrögð útvarpsstjóra grátleg Innlent Rafmagnsleysið „fordæmalaust“ en engar vísbendingar um tölvuárás Erlent Engin hópnauðgun um páskana á borði lögreglu Innlent Allt á áætlun en Spánarfarar beðnir um að fylgjast með Innlent Réðust á tvo menn á göngu Innlent Vissu ekki að þeir væru að ræna Kim Kardashian Erlent Saka Ingu um metnaðarleysi eftir skipun flokksmanna í stjórn Innlent Fleiri fréttir Vilja láta rannsaka aðild flóttateymis í máli Oscars Lýsir yfir einhliða vopnahléi vegna sigurhátíðar í næstu viku Rafmagnsleysið „fordæmalaust“ en engar vísbendingar um tölvuárás Fangelsi oft eina úrræðið Allt á áætlun en Spánarfarar beðnir um að fylgjast með Björn tekur við af Helga Páfakjör hefst í næstu viku Ráðist að fólki við Breiðholtsskóla um hábjartan dag Um níutíu hælisleitendur setið í fangesli síðustu mánuði fyrir brottvísun Umfangsmiklar og óútskýrðar rafmagnstruflanir á Íberíuskaga Kryfja mál Ásthildar Lóu fyrir opnum tjöldum Mæðgur alvarlega særðar eftir sprengingu í úthverfi Stokkhólms Saka Ingu um metnaðarleysi eftir skipun flokksmanna í stjórn Engin hópnauðgun um páskana á borði lögreglu Rússar segjast hafa handsamað morðingja herforingjans Nýtt met slegið í fjölda giftinga Benedikt telur undanbrögð útvarpsstjóra grátleg Vill þyngri refsingar fyrir alvarleg kynferðisbrot Tekur við sem framkvæmdastjóri Bergsins Headspace Ökumaðurinn í Vancouver ákærður fyrir manndráp Gengur á með skúrum sunnan- og vestanlands Hafi verið látinn fljúga þrátt fyrir þekkt andleg veikindi Sixtínsku kapellunni lokað vegna páfakjörs Telur að Selenskí geti samþykkt að gefa eftir Krímskaga Alþingi kemur saman á ný eftir páskafrí Réðust á tvo menn á göngu Kjördagur framundan í Kanada Vissu ekki að þeir væru að ræna Kim Kardashian Fjölgun safngripa kallar á stækkun Flugsafnsins Hljóðheimur sumarsins í hættu: Mikil fækkun lóu og spóa Sjá meira