Veitingastaðurinn DILL við Hverfisgötu í Reykjavík heldur Michelin-stjörnu sinni sem staðurinn fékk í fyrra, fyrstur íslenskra veitingastaða.
Nýr yfirkokkur staðarins, Kári Þorsteinsson, tók við staðfestingu á að staðurinn heldur stjörnunni við athöfn í Ráðhúsi Kaupmannahafnar síðdegis í dag.
Kári tók við sem yfirkokkur á DILL um áramótin af Ragnar Eiríkssyni sem tók við fyrstu Michelin-stjörnunni fyrir ári síðan. Kári hefur starfað á DILL í rúmt ár og hefur starfað á Michelin-stöðunum Texture í London og Noma í Kaupmannahöfn.
Ragnar vinnur nú að því að opna HOLT sem er nýr veitingastaður Hótel Holts og er stefnt að opnun þann 28. febrúar næstkomandi.
DILL heldur Michelin-stjörnunni
Tengdar fréttir
Veitingastaðurinn DILL fær Michelin stjörnu
Fékk eina stjörnu.
„Erum ægilega stoltir og auðmjúkir“
Veitingahúsið DILL fékk í dag eina Michelin stjörnu.
Sextán íslenskir veitingastaðir á norrænum topplista
Sextán íslenskir veitingastaðir hafa verið valdir á lista White Guide Nordic, yfirgripsmikinn leiðarvísi yfir norræna matreiðslu. Umfjöllun í White Guide Nordic þykir mikill heiður í veitingabransanum en leiðarvísirinn hefur um 80 matargagnrýnendur á sínum snærum.
