Mál starfsmanns barnaverndar: Einn þolandi segist hafa misst tölu á fjölda brota

Meðal þeirra sem kært hafa starfsmann barnaverndar Reykjavíkur fyrir kynferðisbrot eru tveir systursynir mannsins og æskuvinur annars þeirra, þrjú systkini og einhverfur drengur. Þetta kemur fram í gæsluvarðhaldsúrskurði yfir manninum sem hefur verið birtur á vef Landsréttar.

Þar staðfestir Landsréttur þá niðurstöðu Héraðsdóms Reykjaness að maðurinn skuli sæta áframhaldandi gæsluvarðhaldi til 18. mars næstkomandi.

Fyrst eru rakin brot hans gegn þremur systkinum sem eru öll börn vinafólks mannsins. Þar segir að maðurinn hafi ætlað að létta undir með vinafólkinu með því að bjóða syni þeirra að gista reglulega hjá sér. Brotin áttu sér stað á árunum 2004-2010 þegar pilturinn var 8-14 ára gamall. Er því lýst að maðurinn hafi viljað að drengurinn svæfi uppi í rúmi hjá honum og að hann hafi fróað honum og sjálfum sér um leið. Þá hafi drengurinn einnig lýst því að maðurinn hafi í þrjú skipti gefið sér töflur sem hafi gert hann svo þreyttan að hann sofnaði.

„Í a.m.k. eitt skiptið hafi hann fundið fyrir því að kærði snerti á honum bakið og sitjandann áður en brotaþoli sofnaði. Þá hafi brotaþoli lýst því að í þessi þrjú skipti hafi hann fundið fyrir sársauka í endaþarmi þegar hann vaknaði og í eitt skiptið hafi blætt úr endaþarmi. Þá hafi brotaþoli lýst því að myndavél hafi verið á heimilinu sem brotaþoli hafi ekki mátt skoða. Í nokkur skipti eftir að brotaþoli hafi fengið töflur frá kærða og orðið þreyttur hafi kærði tekið af honum sængina og brotaþoli síðan heyrt smelli, eins og verið væri að taka myndir. Síðasta skiptið sem brotaþoli hafi orðið fyrir ofbeldi af hálfu kærða hafi verið er þeir hafi verið á leið í útilegu á Apavatni. Á leiðinni hafi kærði, á meðan hann var að keyra, farið með höndina inn undir buxur brotaþola og fróað honum og hlegið svo eftir á,“ segir í úrskurðinum.

Greip inn í brot gegn litlu systur sinni

Þar kemur einnig fram að systir piltsins hafi einnig kært manninn fyrir að hafa, þegar hún hafi sofið upp í hjá honum sem barn, lagt hana ofan á sig og nuddað henni upp og niður eftir klofinu á sér. Þá hafi pilturinn, sem einnig svaf í rúminu, gripið inn í og látið manninn frekar gera þetta við sig en litlu systur sína.

Bróðir systkinanna hefur einnig kært manninn fyrir að hafa sett lim í endaþarm sinn þegar hann, þá 12 ára, svaf upp í hjá kærða og fyrir að hafa daginn eftir farið með honum í sturtu.

Tveir kærendanna eru systursynir mannsins. Annar þeirra hefur lagt fram kæru á hendur honum fyrir kynferðisbrot með því að hafa, þegar drengurinn var 12 eða 13 ára fróað honum þar til hann fékk sáðlát. Brotaþoli hafi upplifað þetta svo að kærði væri að kenna honum að stunda sjálfsfróun. Brotaþoli hafi sagt kærða hafa káfað á sér eftir þetta og hann gert sig líklegan til að gera eitthvað þessu líkt aftur. Brotaþoli hafi sagt honum að hætta og þá hafi kærði hætt.

Systursynirnir með manninum samtímis þegar hann braut gegn þeim báðum

Hinn systursonurinn lagði fram kæru þann 1. febrúar síðastliðinn fyrir brot gegn sé rá árunum 1998-2004 þegar hann var á aldrinum 6-12 ára. Hann hafi ekki getað sagt til um í hversu mörg skipti maðurinn braut á honum, svo mörg hefðu þau verið. Hann hafi fróað honum og látið hann fróa sér. Það hafi verið munnmök á báða bóga og báðir haft sáðlát. Þetta hafi verið á kvöldin þegar brotaþoli hafi gist í rúmi kærða.

Í eitt skipti þegar pilturinn var 11 eða 12 ára gamall hafi hann farið með ömmu sinni og afa, foreldrum hins kærða, og kærða sjálfum í ferðalag til Danmerkur. Í sumarbústað þar hafi maðurinn reynt að setja getnaðarlim sinn í endaþarm brotaþola, sem hafi náð að koma sér undan. Taldi pilturinn að báðir systursynirnir hafi verið samtímis með manninum þegar hann hafi brotið gegn þeim báðum.

Lögreglustjóri tekur fram að við rannsókn málsins hafi tvívegis verið haft samband við seinni systursoninn, sem í bæði skiptin hafi sagt að hann hvorki kannaðist við að hafa orðið vitni að kynferðisbroti, né sjálfur hafa orðið fyrir broti. Þann 31. janúar hafi hann hins vegar haft samband við lögreglu og viljað tjá sig. Hafi hann þá vísað til þess að hann hafi ætlað að byrgja atburði inni en svo hætt við það.

Leitaði í svefnlyf og kannabis

Æskuvinur seinni systursonarins hefur einnig lagt fram kæru á hendur manninum fyrir brot gegn sér á árunum 1999-2001 þegar hann var 7-9 ára gamall. Hann hafi þá gist með vini sínum hjá manninum. Þeir hafi farið með honum í bíltúra, sund og fengið að spila tölvuleiki. Sagði hann að í fyrsta sinn sem þeir hafi gist hjá manninum hafi hann sofið á milli drengjanna. Hann hafi vaknað um nóttina við hreyfingu í rúminu og þá séð manninn fróa vini sínum og síðar sömu nótt hafi maðurinn gert það sama við sig og hafi hann séð að maðurinn fiktaði við kynfæri sín á meðan.

Hann segist hafa farið með vini sínum til mannsins nær aðra hvora helgi um tíma og þetta hafi oft borið við. Hann hafi jafnframt fengið sig og vin sinn til að fróa hvor öðrum og á meðan hafi hann horft á og fiktað við eigin kynfæri. Sagði hann að hann hafi verið það ungur að hann hafi talið þetta vera eðlilegan hluta af lífinu. Þetta hafi haft mikil áhirf á líf hans. Hann hafi fengið martraðir, uppl,ifað mikla skömm og upplifað brotin að nýju eftir að hafa séð manninn í verslun árið 2014. Í kjölfarið hafi hann misnotað svefnlyf og notað kannabis og farið í meðferð sama ár.

Sjöundi einstaklingurinn sem hefur kært manninn segir brotin hafa átt sér stað á árunum 1997, 1999 og 2005 þegar hann var 11, 13 og 19 ára gamall. Hann sé einhverfur og lögblindur í dag.

Reyndi að brjóta gegn honum í sturtu í skemmtigarði

Hann hafi lýst því svo að þegar hann hafi verið u.þ.b. 11-12 ára hafi kærði gisti á dýnu í herbergi hans heima hjá honum í Svíþjóð. Þá þá hafi kærði strokið læri brotaþola og skömmu síðar er þeir hafi verið að horfa á mynd upp í rúmi hafi kærði, undir teppi, fróað brotaþola og haft við hann munnmök.

Þegar brotaþoli hafi verið 11-13 ára gamall hafi kærði komið og gist með frændsystkin, strák og stelpu, með sér. Þau hafi leigt kofa í skemmtigarði. Þar hafi verið sturtur. Í sturtunni hafi kærði reynt að hafa samræði við brotaþola í endaþarm. Þegar brotaþoli hafi verið 14-15 ára gamall hafi kærði gist á dýnu í stofunni. Kærði hafi þá reynt að hafa samræði við hann í endaþarm en án árangurs. Kærði hafi þá haft munnmök við brotaþola og fróað honum. Enn fremur hafi kærði haft samfarir við brotaþola í endaþarm er brotaþoli gisti hjá honum á Íslandi 2005. Í því tilviki hafi brotaþoli látið sem hann svæfi.

Maðurinn neitar sök en lögregla telur að brot hans hafi verið sleitulaus frá 1998-2010.

Um sé að ræða 12 ára tímabil, þar sem kærði hafi ítrekað boðið börnum að gista heima hjá sér, þar sem hann hafi brotið á þeim. Þá hafi hann jafnframt brotið á börnum á ferðalögum, í raun nær alltaf þegar hann hafi verið í einrúmi með þeim, þar sem enginn fullorðinn hafi verið viðstaddur.