Rabbíni hópfjármagnar flutning sinn til Íslands Sigurður Mikael Jónsson skrifar 8. maí 2018 06:00 Hjónin Avi og Mushky Feldman með dætrum sínum, Chana og Batshev. Jewishiceland.com Rabbíninn Avi Feldman mun ásamt eiginkonu sinni Mushky og dætrum tveim flytjast til Íslands á sunnudaginn, með það fyrir augum að setja á laggirnar fyrstu íslensku sýnagóguna. Feldman-hjónin stofnuðu hópfjármögnunarsíðu fyrir flutningana og söfnuðust sex milljónir króna á aðeins hálfum sólarhring. Eins og greint hefur verið frá í fjölmiðlum stendur til að Avi verði fyrsti rabbíninn með fasta búsetu á Íslandi eftir að hafa verið kjörinn til þess í byrjun febrúar síðastliðins. Reykjavík hefur lengi verið eina höfuðborgin í Evrópu án rabbína eða bænastaðar fyrir gyðinga. Hingað til hefur verið flogið með rabbína sérstaklega til landsins til að þjónusta íslenska gyðingasamfélagið, sem í eru á þriðja hundrað manns, auk þúsunda ferðamanna. Rabbíninn Avi Feldman tilheyrir hinum strangtrúaða Chabad-söfnuði en í tölvupósti til stuðningsmanna og fylgjenda sem sendur var á sunnudagskvöld var tilkynnt að fjáröflun væri hafin fyrir flutninga fjölskyldunnar til Íslands. Takmarkið var að safna 50 þúsund bandaríkjadölum á sólarhring.Sjá einnig: Fyrsti íslenski rabbíninn mun beita sér gegn umskurðarbanninu „Ísland er afskekkt eyja. Það er margt sem þarf að flytja inn og þar er dýrt að búa. Því leitum við til ykkar til að styrkja ferðalag okkar til Íslands og ná settu markmiði,“ segir í kynningu hópfjármögnunarinnar. Og viðbrögðin létu ekki á sér standa. Aðeins rúmum 10 klukkustundum síðar barst áskrifendum fréttabréfs rabbínans tölvupóstur þess efnis að takmarkinu væri náð. Ríflega 50 þúsund dalir höfðu safnast, eða sem nemur rúmum fimm milljónum króna. Og stóð í sem nemur sex milljónum króna þegar þessi frétt var skrifuð. Þegar markinu var náð var stefnan sett á að ná 90 þúsund dölum, en enn liggur ekki fyrir hvort það hafi náðst. Á hópfjármögnunarsíðunni Charidy.com má sjá að ótal framlög bárust með skilaboðum og heillaóskum um gott gengi á Íslandi. Hæsta framlagið til söfnunarinnar hljóðaði upp á fjögur þúsund dali, rúmar 400 þúsund krónur. Fyrirkomulag söfnunarinnar var þannig að hverju framlagi var mætt með mótframlagi frá stuðningsaðilum verkefnisins. Segjast verður að aðferðin við fjármögnun flutninganna sé nýstárleg og athyglisvert hversu skamman tíma tók að safna svo hárri fjárhæð.Sjá einnig: Fyrsti rabbíninn á Íslandi fagnar frávísun umskurðarfrumvarpsins Avi Feldman hefur lýst því yfir að hann muni leggja sín lóð á vogarskálarnar við að berjast gegn umskurðarfrumvarpinu svokallaða sem leggur til bann við umskurði drengja nema í læknisfræðilegum tilgangi. Frumvarpið, sem var lagt fram í byrjun janúar, hefur kallað fram heitar umræður en ríflega 130 umsagnir bárust þinginu frá bæði öflugum stuðningsmönnum og andstæðingum þess víðs vegar að úr heiminum. Tímasetning tilkynningar um að rabbíninn hefði verið skipaður fyrir Ísland var því ekki tilviljun og kom í raun í mesta fárinu í þjóðfélagsumræðunni um það. Líkt og Fréttablaðið greindi frá í lok síðasta mánaðar mun allsherjar- og menntamálanefnd ekki hleypa umskurðarfrumvarpinu til þinglegrar meðferðar og vísa því til ríkisstjórnar. Frumvarpið umdeilda lifir því áfram, þó örlög þess og bannsins við umskurði séu enn óráðin. Avi rabbíni fagnaði þessum áfangasigri á dögunum, en nú er hann spenntur fyrir yfirvofandi flutningum. „Við erum auðmjúk og full þakklætis í garð allra sem opnuðu hjörtu sín og hjálpuðu okkur að láta Íslandsdrauminn verða að veruleika,“ segja Feldman-hjónin í tilkynningu er þau sendu frá sér þegar hinu háleita 50 þúsunda dala markmiði var náð. Birtist í Fréttablaðinu Umskurðsfrumvarp Tengdar fréttir Fyrsti rabbíninn á Íslandi fagnar frávísun umskurðarfrumvarpsins Avi Feldman, fyrsti rabbíninn sem hefur fasta búsetu á Íslandi, fagnar því að umskurðarfrumvarpi Silju Daggar Gunnarsdóttur hafi verið vísað til ríkisstjórnar og hljóti því ekki afgreiðslu fyrir þinglok. 1. maí 2018 10:38 Fyrsti íslenski rabbíninn mun beita sér gegn umskurðarbanninu Hjónin Avi og Musky Feldman, ásamt dætrum þeirra Chana og Batsheva, munu síðar á þessu ári setjast að í Reykjavík með það fyrir augum að setja á laggirnar fyrstu íslensku sýnagóguna. 12. febrúar 2018 07:48 Mest lesið Kosningavaktin: Íslendingar ganga að kjörborðinu Innlent „Hann tók algjörlega völdin yfir lífi mínu“ Innlent Þiggja milljónir í húsnæðisstyrk þótt þau búi nálægt Alþingi Innlent Sautján ára piltur lést í brunanum á Stuðlum Innlent Sagðir hafa fundið um 1.500 skilaboð milli Þorsteins og Jóhannesar Innlent Vandræðalegur starfsmaður rak Björn Leví burt frá vínbúðinni Innlent Helgi hættur á Heimildinni Innlent Ítrekuð brot gegn grunnskólastúlku nauðgun eftir allt saman Innlent Þórdís svarar gagnrýni vegna húsnæðisstyrks Innlent Fá að leita í innrituðum farangri farþega að þeim fjarstöddum Innlent Fleiri fréttir Spenna í Kraganum: Þórdís leggur framtíðina að veði og brotthvarf Guðmundar Árna vekur upp spurningar Vill leiða Miðflokkinn í Suðurkjördæmi Samkeppni á íslenskum frjósemismarkaði í fyrsta sinn Eldur í skorsteini í Mávahlíð Þórólfur ætlar ekki fram Lýsir stjórnlausum rasisma: „Hvort verður það líkamlegt ofbeldi eða svívirðingar?“ „Ég hef alltaf haft augun á þessu“ Í gæsluvarðhald vegna alvarlegrar líkamsárásar á Vopnafirði Búin að biðja Jón afsökunar Stjórnlaus rasismi og spenna í Kraganum Sautján ára piltur lést í brunanum á Stuðlum Víðir verður oddviti Samfylkingarinnar í Suðurkjördæmi Vara ráðherra við hörmungum ef lykilhringrás í hafinu stöðvast „Þetta er nákvæmlega það sem ég á að vera að gera“ Kostnaður við snagana nam 1,7 milljónum Fluttur á spítala vegna alvarlegs efnabruna af völdum ætandi efnis Slátur og stuð í félagsheimilinu á Blönduósi Alma vill leiða Samfylkinguna í Kraganum Nektarmyndir gerðar óskýrar sjálfkrafa á Instagram Grunaður um alvarlega líkamsárás gegn fyrrverandi sambýliskonu Hannes snýr baki við Sjálfstæðisflokknum og fer fram fyrir Samfylkingu Átti samtal við Höllu Hrund fyrir stjórnarslitin Vendingar í pólitíkinni og áhrif frestunar bankasölu á markaðinn Guðmundur Árni hættur við og styður Ölmu Vistmaður og starfsmaður Stuðla fluttir á bráðamóttöku Bilun í brunaboða á Keflavíkurflugvelli Snorri vill leiða Miðflokkinn í Reykjavík Þórdís svarar gagnrýni vegna húsnæðisstyrks Slagurinn harðnar í Suðvestur hjá Sjálfstæðisflokki „Hann tók algjörlega völdin yfir lífi mínu“ Sjá meira
Rabbíninn Avi Feldman mun ásamt eiginkonu sinni Mushky og dætrum tveim flytjast til Íslands á sunnudaginn, með það fyrir augum að setja á laggirnar fyrstu íslensku sýnagóguna. Feldman-hjónin stofnuðu hópfjármögnunarsíðu fyrir flutningana og söfnuðust sex milljónir króna á aðeins hálfum sólarhring. Eins og greint hefur verið frá í fjölmiðlum stendur til að Avi verði fyrsti rabbíninn með fasta búsetu á Íslandi eftir að hafa verið kjörinn til þess í byrjun febrúar síðastliðins. Reykjavík hefur lengi verið eina höfuðborgin í Evrópu án rabbína eða bænastaðar fyrir gyðinga. Hingað til hefur verið flogið með rabbína sérstaklega til landsins til að þjónusta íslenska gyðingasamfélagið, sem í eru á þriðja hundrað manns, auk þúsunda ferðamanna. Rabbíninn Avi Feldman tilheyrir hinum strangtrúaða Chabad-söfnuði en í tölvupósti til stuðningsmanna og fylgjenda sem sendur var á sunnudagskvöld var tilkynnt að fjáröflun væri hafin fyrir flutninga fjölskyldunnar til Íslands. Takmarkið var að safna 50 þúsund bandaríkjadölum á sólarhring.Sjá einnig: Fyrsti íslenski rabbíninn mun beita sér gegn umskurðarbanninu „Ísland er afskekkt eyja. Það er margt sem þarf að flytja inn og þar er dýrt að búa. Því leitum við til ykkar til að styrkja ferðalag okkar til Íslands og ná settu markmiði,“ segir í kynningu hópfjármögnunarinnar. Og viðbrögðin létu ekki á sér standa. Aðeins rúmum 10 klukkustundum síðar barst áskrifendum fréttabréfs rabbínans tölvupóstur þess efnis að takmarkinu væri náð. Ríflega 50 þúsund dalir höfðu safnast, eða sem nemur rúmum fimm milljónum króna. Og stóð í sem nemur sex milljónum króna þegar þessi frétt var skrifuð. Þegar markinu var náð var stefnan sett á að ná 90 þúsund dölum, en enn liggur ekki fyrir hvort það hafi náðst. Á hópfjármögnunarsíðunni Charidy.com má sjá að ótal framlög bárust með skilaboðum og heillaóskum um gott gengi á Íslandi. Hæsta framlagið til söfnunarinnar hljóðaði upp á fjögur þúsund dali, rúmar 400 þúsund krónur. Fyrirkomulag söfnunarinnar var þannig að hverju framlagi var mætt með mótframlagi frá stuðningsaðilum verkefnisins. Segjast verður að aðferðin við fjármögnun flutninganna sé nýstárleg og athyglisvert hversu skamman tíma tók að safna svo hárri fjárhæð.Sjá einnig: Fyrsti rabbíninn á Íslandi fagnar frávísun umskurðarfrumvarpsins Avi Feldman hefur lýst því yfir að hann muni leggja sín lóð á vogarskálarnar við að berjast gegn umskurðarfrumvarpinu svokallaða sem leggur til bann við umskurði drengja nema í læknisfræðilegum tilgangi. Frumvarpið, sem var lagt fram í byrjun janúar, hefur kallað fram heitar umræður en ríflega 130 umsagnir bárust þinginu frá bæði öflugum stuðningsmönnum og andstæðingum þess víðs vegar að úr heiminum. Tímasetning tilkynningar um að rabbíninn hefði verið skipaður fyrir Ísland var því ekki tilviljun og kom í raun í mesta fárinu í þjóðfélagsumræðunni um það. Líkt og Fréttablaðið greindi frá í lok síðasta mánaðar mun allsherjar- og menntamálanefnd ekki hleypa umskurðarfrumvarpinu til þinglegrar meðferðar og vísa því til ríkisstjórnar. Frumvarpið umdeilda lifir því áfram, þó örlög þess og bannsins við umskurði séu enn óráðin. Avi rabbíni fagnaði þessum áfangasigri á dögunum, en nú er hann spenntur fyrir yfirvofandi flutningum. „Við erum auðmjúk og full þakklætis í garð allra sem opnuðu hjörtu sín og hjálpuðu okkur að láta Íslandsdrauminn verða að veruleika,“ segja Feldman-hjónin í tilkynningu er þau sendu frá sér þegar hinu háleita 50 þúsunda dala markmiði var náð.
Birtist í Fréttablaðinu Umskurðsfrumvarp Tengdar fréttir Fyrsti rabbíninn á Íslandi fagnar frávísun umskurðarfrumvarpsins Avi Feldman, fyrsti rabbíninn sem hefur fasta búsetu á Íslandi, fagnar því að umskurðarfrumvarpi Silju Daggar Gunnarsdóttur hafi verið vísað til ríkisstjórnar og hljóti því ekki afgreiðslu fyrir þinglok. 1. maí 2018 10:38 Fyrsti íslenski rabbíninn mun beita sér gegn umskurðarbanninu Hjónin Avi og Musky Feldman, ásamt dætrum þeirra Chana og Batsheva, munu síðar á þessu ári setjast að í Reykjavík með það fyrir augum að setja á laggirnar fyrstu íslensku sýnagóguna. 12. febrúar 2018 07:48 Mest lesið Kosningavaktin: Íslendingar ganga að kjörborðinu Innlent „Hann tók algjörlega völdin yfir lífi mínu“ Innlent Þiggja milljónir í húsnæðisstyrk þótt þau búi nálægt Alþingi Innlent Sautján ára piltur lést í brunanum á Stuðlum Innlent Sagðir hafa fundið um 1.500 skilaboð milli Þorsteins og Jóhannesar Innlent Vandræðalegur starfsmaður rak Björn Leví burt frá vínbúðinni Innlent Helgi hættur á Heimildinni Innlent Ítrekuð brot gegn grunnskólastúlku nauðgun eftir allt saman Innlent Þórdís svarar gagnrýni vegna húsnæðisstyrks Innlent Fá að leita í innrituðum farangri farþega að þeim fjarstöddum Innlent Fleiri fréttir Spenna í Kraganum: Þórdís leggur framtíðina að veði og brotthvarf Guðmundar Árna vekur upp spurningar Vill leiða Miðflokkinn í Suðurkjördæmi Samkeppni á íslenskum frjósemismarkaði í fyrsta sinn Eldur í skorsteini í Mávahlíð Þórólfur ætlar ekki fram Lýsir stjórnlausum rasisma: „Hvort verður það líkamlegt ofbeldi eða svívirðingar?“ „Ég hef alltaf haft augun á þessu“ Í gæsluvarðhald vegna alvarlegrar líkamsárásar á Vopnafirði Búin að biðja Jón afsökunar Stjórnlaus rasismi og spenna í Kraganum Sautján ára piltur lést í brunanum á Stuðlum Víðir verður oddviti Samfylkingarinnar í Suðurkjördæmi Vara ráðherra við hörmungum ef lykilhringrás í hafinu stöðvast „Þetta er nákvæmlega það sem ég á að vera að gera“ Kostnaður við snagana nam 1,7 milljónum Fluttur á spítala vegna alvarlegs efnabruna af völdum ætandi efnis Slátur og stuð í félagsheimilinu á Blönduósi Alma vill leiða Samfylkinguna í Kraganum Nektarmyndir gerðar óskýrar sjálfkrafa á Instagram Grunaður um alvarlega líkamsárás gegn fyrrverandi sambýliskonu Hannes snýr baki við Sjálfstæðisflokknum og fer fram fyrir Samfylkingu Átti samtal við Höllu Hrund fyrir stjórnarslitin Vendingar í pólitíkinni og áhrif frestunar bankasölu á markaðinn Guðmundur Árni hættur við og styður Ölmu Vistmaður og starfsmaður Stuðla fluttir á bráðamóttöku Bilun í brunaboða á Keflavíkurflugvelli Snorri vill leiða Miðflokkinn í Reykjavík Þórdís svarar gagnrýni vegna húsnæðisstyrks Slagurinn harðnar í Suðvestur hjá Sjálfstæðisflokki „Hann tók algjörlega völdin yfir lífi mínu“ Sjá meira
Fyrsti rabbíninn á Íslandi fagnar frávísun umskurðarfrumvarpsins Avi Feldman, fyrsti rabbíninn sem hefur fasta búsetu á Íslandi, fagnar því að umskurðarfrumvarpi Silju Daggar Gunnarsdóttur hafi verið vísað til ríkisstjórnar og hljóti því ekki afgreiðslu fyrir þinglok. 1. maí 2018 10:38
Fyrsti íslenski rabbíninn mun beita sér gegn umskurðarbanninu Hjónin Avi og Musky Feldman, ásamt dætrum þeirra Chana og Batsheva, munu síðar á þessu ári setjast að í Reykjavík með það fyrir augum að setja á laggirnar fyrstu íslensku sýnagóguna. 12. febrúar 2018 07:48
Spenna í Kraganum: Þórdís leggur framtíðina að veði og brotthvarf Guðmundar Árna vekur upp spurningar