Ólafía lék 35 holur á 36 holu móti á einum degi Eiríkur Stefán Ásgeirsson skrifar 6. maí 2018 14:54 Ólafía slær á mótinu í Texas í gær. Vísri/Getty Það er óhætt að segja að helgin hafi verið óvenjuleg hjá Ólafíu Þórunni Kristinsdóttur sem náði engu að síður einum besta árangri sínum á tímabilinu á LPGA-mótaröðinni í golfi. Ólafía átti aðeins eina holu eftir af Sjálfboðaliðamótinu í Texas í Bandaríkjunum í dag. Hún er búin að klára sitt og lék hún umrædda holu á pari. Mótið byrjaði raunar á fimmtudagsmorgun en eftir að kylfingar höfðu verið úti í klukkustund var ákveðið að hætta leik vegna veðurs. Svo fór að árangur allra kylfinga var strokaður út en Ólafía hafði þá ekki byrjað að spila. Ólafía komst ekki heldur út á föstudag vegna veðurs en hóf leik snemma á laugardag þegar mótið gat loksins farið almennilega af stað. Þá var búið að ákveða að mótið yrði aðeins 36 holu mót og að enginn niðurskurður myndi fara fram. Ólafía spilaði frábærlega á fyrri hringnum. Hún kom í hús á 66 höggum, fimm undir pari vallarins, og var í hópi fimm efstu kylfinga. En Ólafía hafði ekki mikinn tíma til að hvíla sig því hún átti rástíma á öðrum hring fljótlega eftir að hún kláraði þann fyrri. Raunar fór það svo að hún spilaði sautján holur á síðari hringnum sínum í gærkvöldi áður en leik var hætt vegna myrkurs. Hún spilaði semsagt 35 holur í gær, sem verður að teljast afar óvenjulegt. Ólafía spilaði fyrri níu á seinni hringnum á einu höggi yfir pari en þreytan fór skiljanlega að segja til sín á seinni níu. Hún fékk þrjá skolla og einn fugl á síðustu fjórum holunum sínum áður en hún hætti leik eftir sautjándu. Hún spilaði síðari hringinn á 74 höggum eða þremur yfir pari vallarins og lauk því leik á tveimur undir samtals. Sem stendur er Ólafía í 22.-35. sæti en fjölmargir kylfingar eiga eftir að klára, enda var Ólafía í hópi þeirra allra fyrstu sem kláruðu - eftir að hafa verið í hópi þeirra allra síðustu til að hefja leik. Sýnt verður beint frá mótinu á Golfstöðinni klukkan 21.30 í kvöld. Golf Mest lesið Telur að Valsmenn nenni ekki að dansa tangóinn hans Túfa til lengdar Íslenski boltinn Íslenskt hugvit á að umbylta golfheiminum Golf Stúkan: Óvenju miklar árásir eða viðkvæmari en aðrir Íslenski boltinn Svona var fundurinn fyrir tugmilljóna leikinn í Laugardal Íslenski boltinn Keane: „Arsenal er með hugarfar smáliðs“ Enski boltinn Birkir á leið til Vals á nýjan leik Íslenski boltinn Neyddir í eina stystu rútuferð sögunnar Fótbolti Ten Hag neitaði að kenna Eriksen um jöfnunarmarkið Fótbolti Stjóri West Ham meiddist gegn Liverpool og yfirgaf völlinn á hækjum Enski boltinn Engin vandræði þrátt fyrir að vera manni færri nær allan leikinn Fótbolti Fleiri fréttir Íslenskt hugvit á að umbylta golfheiminum LIV-kylfingar mega áfram taka þátt í Ryder-bikarnum og PGA-meistaramótinu Guðrún Brá í góðri stöðu eftir sinn besta árangur Berbrjósta kylfusveinar fagna sigri á kvennagolfmóti Tiger í enn eina bakaðgerðina Perla keppti með þeim bestu í Solheim-bikar ungmenna Íslenskum kylfingum fjölgaði um tvö þúsund Setti soninn sinn ofan í bikarinn Gagnrýndi mótafyrirkomulagið en vann síðan 3,5 milljarða Náði lengsta pútti sögunnar Sló golfhögg þótt að björninn væri að horfa á McIlroy grýtti kylfunni sinni út í vatn Rændur á flugvelli eftir bronsið á ÓL Ólympíumeistarinn í golfi fékk rúman milljarð í bónus Kylfingur í bann eftir fall á lyfjaprófi Hulda Clara kórónaði frábært sumar með sigri í Hvaleyrarbikarnum Stigameistarinn ræðst í keppni um bikar sem var hannaður í Japan Ósátt við að fá ekki að reykja á golfvellinum Dagbjartur fagnaði sigri í Einvíginu á Nesinu Grét þegar hann missti af medalíu og undanþágu frá herskyldu Einvígið á Nesinu fer fram í dag Scheffler Ólympíumeistari í golfi Íslendingur vinnur við að mynda Ólympíuleikana fyrir Frakkana Sjá meira
Það er óhætt að segja að helgin hafi verið óvenjuleg hjá Ólafíu Þórunni Kristinsdóttur sem náði engu að síður einum besta árangri sínum á tímabilinu á LPGA-mótaröðinni í golfi. Ólafía átti aðeins eina holu eftir af Sjálfboðaliðamótinu í Texas í Bandaríkjunum í dag. Hún er búin að klára sitt og lék hún umrædda holu á pari. Mótið byrjaði raunar á fimmtudagsmorgun en eftir að kylfingar höfðu verið úti í klukkustund var ákveðið að hætta leik vegna veðurs. Svo fór að árangur allra kylfinga var strokaður út en Ólafía hafði þá ekki byrjað að spila. Ólafía komst ekki heldur út á föstudag vegna veðurs en hóf leik snemma á laugardag þegar mótið gat loksins farið almennilega af stað. Þá var búið að ákveða að mótið yrði aðeins 36 holu mót og að enginn niðurskurður myndi fara fram. Ólafía spilaði frábærlega á fyrri hringnum. Hún kom í hús á 66 höggum, fimm undir pari vallarins, og var í hópi fimm efstu kylfinga. En Ólafía hafði ekki mikinn tíma til að hvíla sig því hún átti rástíma á öðrum hring fljótlega eftir að hún kláraði þann fyrri. Raunar fór það svo að hún spilaði sautján holur á síðari hringnum sínum í gærkvöldi áður en leik var hætt vegna myrkurs. Hún spilaði semsagt 35 holur í gær, sem verður að teljast afar óvenjulegt. Ólafía spilaði fyrri níu á seinni hringnum á einu höggi yfir pari en þreytan fór skiljanlega að segja til sín á seinni níu. Hún fékk þrjá skolla og einn fugl á síðustu fjórum holunum sínum áður en hún hætti leik eftir sautjándu. Hún spilaði síðari hringinn á 74 höggum eða þremur yfir pari vallarins og lauk því leik á tveimur undir samtals. Sem stendur er Ólafía í 22.-35. sæti en fjölmargir kylfingar eiga eftir að klára, enda var Ólafía í hópi þeirra allra fyrstu sem kláruðu - eftir að hafa verið í hópi þeirra allra síðustu til að hefja leik. Sýnt verður beint frá mótinu á Golfstöðinni klukkan 21.30 í kvöld.
Golf Mest lesið Telur að Valsmenn nenni ekki að dansa tangóinn hans Túfa til lengdar Íslenski boltinn Íslenskt hugvit á að umbylta golfheiminum Golf Stúkan: Óvenju miklar árásir eða viðkvæmari en aðrir Íslenski boltinn Svona var fundurinn fyrir tugmilljóna leikinn í Laugardal Íslenski boltinn Keane: „Arsenal er með hugarfar smáliðs“ Enski boltinn Birkir á leið til Vals á nýjan leik Íslenski boltinn Neyddir í eina stystu rútuferð sögunnar Fótbolti Ten Hag neitaði að kenna Eriksen um jöfnunarmarkið Fótbolti Stjóri West Ham meiddist gegn Liverpool og yfirgaf völlinn á hækjum Enski boltinn Engin vandræði þrátt fyrir að vera manni færri nær allan leikinn Fótbolti Fleiri fréttir Íslenskt hugvit á að umbylta golfheiminum LIV-kylfingar mega áfram taka þátt í Ryder-bikarnum og PGA-meistaramótinu Guðrún Brá í góðri stöðu eftir sinn besta árangur Berbrjósta kylfusveinar fagna sigri á kvennagolfmóti Tiger í enn eina bakaðgerðina Perla keppti með þeim bestu í Solheim-bikar ungmenna Íslenskum kylfingum fjölgaði um tvö þúsund Setti soninn sinn ofan í bikarinn Gagnrýndi mótafyrirkomulagið en vann síðan 3,5 milljarða Náði lengsta pútti sögunnar Sló golfhögg þótt að björninn væri að horfa á McIlroy grýtti kylfunni sinni út í vatn Rændur á flugvelli eftir bronsið á ÓL Ólympíumeistarinn í golfi fékk rúman milljarð í bónus Kylfingur í bann eftir fall á lyfjaprófi Hulda Clara kórónaði frábært sumar með sigri í Hvaleyrarbikarnum Stigameistarinn ræðst í keppni um bikar sem var hannaður í Japan Ósátt við að fá ekki að reykja á golfvellinum Dagbjartur fagnaði sigri í Einvíginu á Nesinu Grét þegar hann missti af medalíu og undanþágu frá herskyldu Einvígið á Nesinu fer fram í dag Scheffler Ólympíumeistari í golfi Íslendingur vinnur við að mynda Ólympíuleikana fyrir Frakkana Sjá meira