Andstaða við nýbyggingu í Skógarhlíð Garðar Örn Úlfarsson skrifar 28. júní 2018 07:00 Nýja byggingin í efri enda Skógarhlíðar á að liggja í L umhverfis Þóroddsstaði sem Borgarsögusafn segir að mjög verði þrengt að. Minjastofnun segir hins vegar bæinn ekki hluta af "stærri varðveisluheild“. Hornsteinar arkitektar Áform um að reisa nýtt tólf íbúða fjölbýlishús í Skógarhlíð 22 vekja litla hrifningu nágranna og Borgarsögusafn leggst gegn því að borgin heimili bygginguna. Um er að ræða þriggja hæða burstahús sem standa á lóð gamla bæjarins Þóroddsstaða sem byggður var 1927 og hýsir nú blandaða starfsemi. Samkvæmt tillögu Hornsteina Arkitekta er ætlun félagsins Verts ehf. að tengibygging verði yfir í Þóroddsstaði og að þar verði innréttaðar sex íbúðir. Samtals verði því átján íbúðir á lóðinni. „Í deiliskipulagstillögunni er lögð áhersla á að nýta kosti – og staðsetningu – lóðarinnar Skógarhlíð 22 sem best og að flétta nýjum húsum á áreynslulausan hátt saman við þá byggð sem fyrir er. Leitast er við að Þóroddsstaðir haldi stöðu sinni sem sögulegt kennileiti í hverfinu,“ segir í greinargerð.Engin ný bílastæði „Ekki er gert ráð fyrir fjölgun bílastæða á lóð, en töluverður fjöldi bílastæða í nágrenninu og í götu samnýtast áfram,“ segir í greinargerðinni. Þetta fellur alls ekki í kramið hjá nágrönnunum. Tólf íbúar í Eskihlíð 26 senda borginni sameiginlegt athugasemdabréf. „Teljum við undirrituð fyrirhugað byggingarmagn á lóðinni óhóflegt, hvort sem litið er til umhverfisgildis Þóroddsstaða, yfirbragðs svæðisins í heild eða áhrifa vegna skuggavarps,“ segir í bréfi tólfmenninganna. Benda þeir á að bílastæði suðvestan lóðarinnar séu einnig nýtt af gestum Stofnunar múslima. Stæðin fullnýtt um helgar „Algengt er að þessi stæði séu fullnýtt um helgar vegna safnaðarstarfs sem þar fer fram. Þannig er varla hægt að ætlast til þess að íbúar Skógarhlíðar 22 noti þessi stæði líka og má telja líklegt að tillagan leiði til öngþveitis verði hún samþykkt,“ segja íbúarnir tólf sem vilja að tillögunni verði hafnað. Og Stofnun múslima á Íslandi hefur einnig áhyggjur af bílastæðamálunum. „Handan götunnar er moska okkar sem er samkomuhús og höfum við í samkomulagi við borgaryfirvöld tryggt bílastæðaþörf hússins með samþykktu deiliskipulagi,“ segir í bréfi Karims Askari, forstjóra Stofnunar múslima. Karim óskar eftir nánari skýringum á fjölda og staðsetningu bílastæðanna fyrir Skógarhlíð 22.Þannig lítur húsið út Skógarhlíðarmegin. Mynd/Hornsteinar arkitektarSýn að Þóroddsstöðum byrgð Borgarsögusafn segir í umsögn að vegna hins mikla gildis sem Þóroddsstaðir hafi fyrir umhverfi sitt „sem kennileiti og sýnilegur vitnisburður um sögu og þróun svæðisins“ mæli það ekki með því að leyfð verði slík uppbygging á lóðinni. „Ekki verður annað séð en að nýbyggingarnar sem tillagan sýnir muni þrengja mjög að hinu eldra húsi og byrgja að miklum hluta sýn að því frá Bústaðavegi og Litluhlíð,“ segir Borgarsögusafnið. Tillagan samræmist hvorki markmiðum hverfisverndar vegna umhverfisgildis hússins né því að Þóroddsstaðir haldi stöðu sinni sem sögulegt kennileiti í hverfinu.Áhersla á „sögulega ásýnd“ Minjastofnun segir hins vegar Þóroddsstaði ekki vera hluta af götumynd eða stærri varðveisluheild. Áhersla sé lögð á að varðveita stöðu burstahússins sem kennileitis og „sögulega ásýnd þess“ að Skógarhlíð. „Fyrirhugaðar nýbyggingar takmarka vissulega sýn á gamla húsið frá Litluhlíð. Sú gata í núverandi mynd hefur þó engin söguleg tengsl við Þóroddsstaði og frágangur hennar rýrir nærumhverfi sitt,“ segir Minjastofnun. Birtist í Fréttablaðinu Skipulag Mest lesið „Ég hef aldrei séð annan eins viðbjóð“ Innlent Neitaði að borga heita vatnið og slapp með skrekkinn Innlent Skotvopnaleyfi afturkallað og byssa gerð upptæk Innlent „Þetta var bara okkar líf og nú er það farið“ Innlent „Ég veit ekki hvort að ég sé sammála um að rokið sé auðlind“ Innlent Láglaunakonur neiti sér um mat svo að börn þeirra fái að borða Innlent Sagði Pétri Jökli að skipta um síma í snarheitum Innlent Á 110 á gangstétt og ók á lögreglubifhjól Innlent Sérsveitin í útkalli í Hafnarfirði Innlent Katrín gerir upp framboðið og safnar heitum Innlent Fleiri fréttir „Ég hef aldrei séð annan eins viðbjóð“ „Ég veit ekki hvort að ég sé sammála um að rokið sé auðlind“ Neitaði að borga heita vatnið og slapp með skrekkinn Skotvopnaleyfi afturkallað og byssa gerð upptæk Sérsveitin í útkalli í Hafnarfirði Kerlingadráttur í 120 ára afmælisveislu í Borgarnesi Láglaunakonur neiti sér um mat svo að börn þeirra fái að borða Bjarni skilar jafnréttis- og mannréttindamálunum „Þetta var bara okkar líf og nú er það farið“ „Stórt skref í átt að kolefnislausum flota“ Á 110 á gangstétt og ók á lögreglubifhjól Sagði Pétri Jökli að skipta um síma í snarheitum Starfsfólk í áfalli og kynhlutlaus salerni á barnum Skjálfti af stærðinni 3,0 í Mýrdalsjökli en enginn órói Alma Mjöll ráðin til þingflokks VG Flugfélagið Ernir svipt flugrekstrarleyfi „Það er komið að skuldadögum“ Kvikusöfnun og landris enn á sama hraða Pétur Jökull hljóti að vera einstaklega óheppinn „Algjörlega mistekist að stýra efnahag landsins“ Íbúafundur um uppbyggingu sem ógni flúðunum skilyrði Leita ökumanns sem ók á stúlku og stakk af Meiri tíðindi að stjórnin hafi lifað svo lengi Pottur á eldavél talinn upptök brunans á Amtmannsstíg Láglaunakonur heilsuveilli en konur með hærri laun Krefst að lágmarki sex og hálfs árs fangelsis yfir Pétri Jökli Ójöfnuður meðal kvenna og ríkisstjórnin gagnrýnd Gagnrýnir tvískinnung borgaryfirvalda með orlofsgreiðslur Dags Þriggja daga heitavatnsleysi í næstu viku Tæknileg vandræði hjá Háskóla Íslands Sjá meira
Áform um að reisa nýtt tólf íbúða fjölbýlishús í Skógarhlíð 22 vekja litla hrifningu nágranna og Borgarsögusafn leggst gegn því að borgin heimili bygginguna. Um er að ræða þriggja hæða burstahús sem standa á lóð gamla bæjarins Þóroddsstaða sem byggður var 1927 og hýsir nú blandaða starfsemi. Samkvæmt tillögu Hornsteina Arkitekta er ætlun félagsins Verts ehf. að tengibygging verði yfir í Þóroddsstaði og að þar verði innréttaðar sex íbúðir. Samtals verði því átján íbúðir á lóðinni. „Í deiliskipulagstillögunni er lögð áhersla á að nýta kosti – og staðsetningu – lóðarinnar Skógarhlíð 22 sem best og að flétta nýjum húsum á áreynslulausan hátt saman við þá byggð sem fyrir er. Leitast er við að Þóroddsstaðir haldi stöðu sinni sem sögulegt kennileiti í hverfinu,“ segir í greinargerð.Engin ný bílastæði „Ekki er gert ráð fyrir fjölgun bílastæða á lóð, en töluverður fjöldi bílastæða í nágrenninu og í götu samnýtast áfram,“ segir í greinargerðinni. Þetta fellur alls ekki í kramið hjá nágrönnunum. Tólf íbúar í Eskihlíð 26 senda borginni sameiginlegt athugasemdabréf. „Teljum við undirrituð fyrirhugað byggingarmagn á lóðinni óhóflegt, hvort sem litið er til umhverfisgildis Þóroddsstaða, yfirbragðs svæðisins í heild eða áhrifa vegna skuggavarps,“ segir í bréfi tólfmenninganna. Benda þeir á að bílastæði suðvestan lóðarinnar séu einnig nýtt af gestum Stofnunar múslima. Stæðin fullnýtt um helgar „Algengt er að þessi stæði séu fullnýtt um helgar vegna safnaðarstarfs sem þar fer fram. Þannig er varla hægt að ætlast til þess að íbúar Skógarhlíðar 22 noti þessi stæði líka og má telja líklegt að tillagan leiði til öngþveitis verði hún samþykkt,“ segja íbúarnir tólf sem vilja að tillögunni verði hafnað. Og Stofnun múslima á Íslandi hefur einnig áhyggjur af bílastæðamálunum. „Handan götunnar er moska okkar sem er samkomuhús og höfum við í samkomulagi við borgaryfirvöld tryggt bílastæðaþörf hússins með samþykktu deiliskipulagi,“ segir í bréfi Karims Askari, forstjóra Stofnunar múslima. Karim óskar eftir nánari skýringum á fjölda og staðsetningu bílastæðanna fyrir Skógarhlíð 22.Þannig lítur húsið út Skógarhlíðarmegin. Mynd/Hornsteinar arkitektarSýn að Þóroddsstöðum byrgð Borgarsögusafn segir í umsögn að vegna hins mikla gildis sem Þóroddsstaðir hafi fyrir umhverfi sitt „sem kennileiti og sýnilegur vitnisburður um sögu og þróun svæðisins“ mæli það ekki með því að leyfð verði slík uppbygging á lóðinni. „Ekki verður annað séð en að nýbyggingarnar sem tillagan sýnir muni þrengja mjög að hinu eldra húsi og byrgja að miklum hluta sýn að því frá Bústaðavegi og Litluhlíð,“ segir Borgarsögusafnið. Tillagan samræmist hvorki markmiðum hverfisverndar vegna umhverfisgildis hússins né því að Þóroddsstaðir haldi stöðu sinni sem sögulegt kennileiti í hverfinu.Áhersla á „sögulega ásýnd“ Minjastofnun segir hins vegar Þóroddsstaði ekki vera hluta af götumynd eða stærri varðveisluheild. Áhersla sé lögð á að varðveita stöðu burstahússins sem kennileitis og „sögulega ásýnd þess“ að Skógarhlíð. „Fyrirhugaðar nýbyggingar takmarka vissulega sýn á gamla húsið frá Litluhlíð. Sú gata í núverandi mynd hefur þó engin söguleg tengsl við Þóroddsstaði og frágangur hennar rýrir nærumhverfi sitt,“ segir Minjastofnun.
Birtist í Fréttablaðinu Skipulag Mest lesið „Ég hef aldrei séð annan eins viðbjóð“ Innlent Neitaði að borga heita vatnið og slapp með skrekkinn Innlent Skotvopnaleyfi afturkallað og byssa gerð upptæk Innlent „Þetta var bara okkar líf og nú er það farið“ Innlent „Ég veit ekki hvort að ég sé sammála um að rokið sé auðlind“ Innlent Láglaunakonur neiti sér um mat svo að börn þeirra fái að borða Innlent Sagði Pétri Jökli að skipta um síma í snarheitum Innlent Á 110 á gangstétt og ók á lögreglubifhjól Innlent Sérsveitin í útkalli í Hafnarfirði Innlent Katrín gerir upp framboðið og safnar heitum Innlent Fleiri fréttir „Ég hef aldrei séð annan eins viðbjóð“ „Ég veit ekki hvort að ég sé sammála um að rokið sé auðlind“ Neitaði að borga heita vatnið og slapp með skrekkinn Skotvopnaleyfi afturkallað og byssa gerð upptæk Sérsveitin í útkalli í Hafnarfirði Kerlingadráttur í 120 ára afmælisveislu í Borgarnesi Láglaunakonur neiti sér um mat svo að börn þeirra fái að borða Bjarni skilar jafnréttis- og mannréttindamálunum „Þetta var bara okkar líf og nú er það farið“ „Stórt skref í átt að kolefnislausum flota“ Á 110 á gangstétt og ók á lögreglubifhjól Sagði Pétri Jökli að skipta um síma í snarheitum Starfsfólk í áfalli og kynhlutlaus salerni á barnum Skjálfti af stærðinni 3,0 í Mýrdalsjökli en enginn órói Alma Mjöll ráðin til þingflokks VG Flugfélagið Ernir svipt flugrekstrarleyfi „Það er komið að skuldadögum“ Kvikusöfnun og landris enn á sama hraða Pétur Jökull hljóti að vera einstaklega óheppinn „Algjörlega mistekist að stýra efnahag landsins“ Íbúafundur um uppbyggingu sem ógni flúðunum skilyrði Leita ökumanns sem ók á stúlku og stakk af Meiri tíðindi að stjórnin hafi lifað svo lengi Pottur á eldavél talinn upptök brunans á Amtmannsstíg Láglaunakonur heilsuveilli en konur með hærri laun Krefst að lágmarki sex og hálfs árs fangelsis yfir Pétri Jökli Ójöfnuður meðal kvenna og ríkisstjórnin gagnrýnd Gagnrýnir tvískinnung borgaryfirvalda með orlofsgreiðslur Dags Þriggja daga heitavatnsleysi í næstu viku Tæknileg vandræði hjá Háskóla Íslands Sjá meira