Uppgjör eftir Frakklands kappaksturinn: Góð helgi fyrir Englendinga Bragi Þórðarson skrifar 25. júní 2018 23:00 Hamilton fagnar sigrinum. vísir/getty Sunnudagurinn var frábær fyrir enskt íþróttaáhugafólk er Lewis Hamilton sigraði í franska kappakstrinum. Aðeins tveimur tímum fyrr slátraði enska landsliðið Panama á HM í fótbolta. Hamilton átti frábæra helgi í Marseille, ræsti á ráspól og leiddi nánast allan kappaksturinn. Sigurinn var hans 65. á ferlinum og hefur Bretinn nú unnið á 25 mismunandi brautum, þar af öllum 23 sem keppt er á í ár. Þrátt fyrir að enginn gat ógnað Lewis í fyrsta sætinu var kappaksturinn um helgina langt frá því að vera leiðinlegur. Stærsta ástæða þess var mikill hasar á fyrsta hring. Mercedes bílarnir ræstu á fremstu röð og þar á eftir kom Sebastian Vettel á Ferrari, sem leiddi heimsmeistaramótið fyrir keppnina. Vettel ákvað að byrja á mýkri dekkjum en andstæðingarnir og flaug því þjóðverjinn af stað. Á þeim 590 metrum sem eru að fyrstu beygju á Paul Ricard brautinni náði Vettel að keyra upp að hlið Valtteri Bottas á Mercedes. En þegar komið var í fyrstu beygju læsti Sebastian vinstra framhjóli og keyrði aftan á Bottas. Fyrir vikið þurftu báðir ökumenn að fara inn á þjónustusvæðið og glopruðu niður öllum möguleikum á fyrsta sætinu. Aðdáunarvert var þó að fylgjast með þeim keyra sig upp sætin, þá sérstaklega Vettel sem kláraði keppnina í fimmta sæti þrátt fyrir að fá refsingu fyrir að keyra aftan á Bottas. ,,Ég trúi ekki að hann hafi bara fengið fimm sekúnda refsingu fyrir þetta,” sagði Lewis Hamilton, liðsfélagi Bottas, eftir kappaksturinn. Lewis og Sebastian eru báðir að berjast um sinn fimmta heimsmeistaratitil í ár og er Bretinn nú kominn með yfirhöndina.Pierre Gasly var í vandræðum um helginavísir/gettyHeimamenn í vandræðum Meiri hasar varð á fyrsta hring er Pierre Gasly keyrði aftan á Esteban Occon og urðu báðir frá að hverfa. Gríðarlega svekkjandi þar sem þeir voru báðir á heimavelli í Frakklandi. Svekkelsið varð svo meira fyrir Force India er liðsfélagi Occon, Sergio Perez, þurfti að hætta keppni á 29. hring þegar glænýja Mercedes vélin í bíl hans bilaði. Franski kappaksturinn er einnig heimakeppni Renault. Carlos Sainz byrjaði keppnina frábærlega og var þriðji eftir hamaganginn á fyrsta hring. Sainz gat þó ekki haldið Red Bull og Ferrari bílunum fyrir aftan sig lengi og var sjötti þegar aðeins þrír hringir voru eftir. Þá kom hinsvegar upp bilun í vélbúnaðinum sem kostaði Spánverjann tvö sæti, Carlos kláraði því í áttunda sæti á undan liðsfélaga sínum, Nico Hulkenberg, sem varð níundi. Hinn tvítugi Max Verstappen, ökuþór Red Bull, stóð sig með prýði í franska kappakstrinum. Eftir fyrsta hring var hann kominn upp í annað sætið á kostnað Bottas og Vettel. Ungi Hollendingurinn hélt sæti sínu alla keppnina og nældi sér því í 18 stig í keppni ökumanna. Þriðji var liðsfélagi Vettel hjá Ferrari, Kimi Raikkonen, og fjórði var Daniel Ricciardo á Red Bull. Þetta var í 25. skiptið sem Kimi lendir á verðlaunapalli án þess að sigra og eru liðnar 102 keppnir frá síðasta sigri Finnans. Lewis Hamilton er þá aftur kominn með forystu í keppni ökuþóra og hefur 14 stiga forskot á Sebastian Vettel. Mercedes jók forskot sitt í keppni bílasmiða í 23 stig um helgina. Næstu vikur munu ráða miklu í heimsmeistaramótinu þar sem tvær keppnir eru framundan á næstu tveimur vikum. Nú halda liðin til Austurríkis og svo þar á eftir á Silverstone brautina í Bretlandi. Formúla Mest lesið Raygun segir að hatrið hafi verið hrikalegt Sport „Hann var ekki fallegur drengurinn“ Íslenski boltinn Uppgjörið: Sanngjarnt þegar Valskonur tryggðu sér bikarinn Íslenski boltinn Ísland aldrei ofar á heimslistanum Fótbolti Zirkzee hetjan í sínum fyrsta leik Enski boltinn Albert kynntur til leiks í Flórens Fótbolti Hænuskrefi frá hálfum milljarði og gæfu fyrir íslenskan fótbolta Íslenski boltinn Ólétt af Ólympíumeistara þegar hún stóð sjálf á verðlaunapallinum Sport „Var kominn með hausverk á hliðarlínunni“ Fótbolti Hótuðu sjónvarpskonu og ófæddu barni hennar Sport Fleiri fréttir Nýliðarnir sanka að sér dýrmætri reynslu Eftirsóttur Sainz fer til Williams eftir tímabilið Russell dæmdur úr leik og Hamilton fagnar sigri í Belgíu Yuki Tsunoda færður aftur um 60 sæti í ræsingu Verstappen fljótastur en ræsir ellefti Verstappen færður aftur um tíu sæti í ræsingu Hamilton skýtur á Verstappen: Verður að haga sér eins og heimsmeistari Banna Verstappen að hanga í tölvunni langt fram eftir nóttu Ocon verður fyrsti sigurvegarinn til að keyra fyrir Haas Reynslumikill maður ráðinn í brúna hjá Formúlu 1 liði Audi Verstappen ætlar ekki að biðjast afsökunar: „Geta haldið sig heima“ Hamilton á verðlaunapall í 200. sinn Norris viðurkennir að það hafi kitlað að láta sigurinn ekki af hendi Norris hleypti Piastri fram úr sér og Ástralinn vann sinn fyrsta sigur Hamilton hrósar Schumacher fyrir að koma út úr skápnum Ralf Schumacher kemur út úr skápnum Hélt að hann myndi aldrei vinna aftur: „Ég get ekki hætt að gráta“ Hamilton fyrstur í fyrsta sinn í langan tíma Semja við Bellingham Formúlu 1 heimsins McLaren vill að Verstappen verði refsað: Allur heimurinn veit hver er sá seki Sjá meira
Sunnudagurinn var frábær fyrir enskt íþróttaáhugafólk er Lewis Hamilton sigraði í franska kappakstrinum. Aðeins tveimur tímum fyrr slátraði enska landsliðið Panama á HM í fótbolta. Hamilton átti frábæra helgi í Marseille, ræsti á ráspól og leiddi nánast allan kappaksturinn. Sigurinn var hans 65. á ferlinum og hefur Bretinn nú unnið á 25 mismunandi brautum, þar af öllum 23 sem keppt er á í ár. Þrátt fyrir að enginn gat ógnað Lewis í fyrsta sætinu var kappaksturinn um helgina langt frá því að vera leiðinlegur. Stærsta ástæða þess var mikill hasar á fyrsta hring. Mercedes bílarnir ræstu á fremstu röð og þar á eftir kom Sebastian Vettel á Ferrari, sem leiddi heimsmeistaramótið fyrir keppnina. Vettel ákvað að byrja á mýkri dekkjum en andstæðingarnir og flaug því þjóðverjinn af stað. Á þeim 590 metrum sem eru að fyrstu beygju á Paul Ricard brautinni náði Vettel að keyra upp að hlið Valtteri Bottas á Mercedes. En þegar komið var í fyrstu beygju læsti Sebastian vinstra framhjóli og keyrði aftan á Bottas. Fyrir vikið þurftu báðir ökumenn að fara inn á þjónustusvæðið og glopruðu niður öllum möguleikum á fyrsta sætinu. Aðdáunarvert var þó að fylgjast með þeim keyra sig upp sætin, þá sérstaklega Vettel sem kláraði keppnina í fimmta sæti þrátt fyrir að fá refsingu fyrir að keyra aftan á Bottas. ,,Ég trúi ekki að hann hafi bara fengið fimm sekúnda refsingu fyrir þetta,” sagði Lewis Hamilton, liðsfélagi Bottas, eftir kappaksturinn. Lewis og Sebastian eru báðir að berjast um sinn fimmta heimsmeistaratitil í ár og er Bretinn nú kominn með yfirhöndina.Pierre Gasly var í vandræðum um helginavísir/gettyHeimamenn í vandræðum Meiri hasar varð á fyrsta hring er Pierre Gasly keyrði aftan á Esteban Occon og urðu báðir frá að hverfa. Gríðarlega svekkjandi þar sem þeir voru báðir á heimavelli í Frakklandi. Svekkelsið varð svo meira fyrir Force India er liðsfélagi Occon, Sergio Perez, þurfti að hætta keppni á 29. hring þegar glænýja Mercedes vélin í bíl hans bilaði. Franski kappaksturinn er einnig heimakeppni Renault. Carlos Sainz byrjaði keppnina frábærlega og var þriðji eftir hamaganginn á fyrsta hring. Sainz gat þó ekki haldið Red Bull og Ferrari bílunum fyrir aftan sig lengi og var sjötti þegar aðeins þrír hringir voru eftir. Þá kom hinsvegar upp bilun í vélbúnaðinum sem kostaði Spánverjann tvö sæti, Carlos kláraði því í áttunda sæti á undan liðsfélaga sínum, Nico Hulkenberg, sem varð níundi. Hinn tvítugi Max Verstappen, ökuþór Red Bull, stóð sig með prýði í franska kappakstrinum. Eftir fyrsta hring var hann kominn upp í annað sætið á kostnað Bottas og Vettel. Ungi Hollendingurinn hélt sæti sínu alla keppnina og nældi sér því í 18 stig í keppni ökumanna. Þriðji var liðsfélagi Vettel hjá Ferrari, Kimi Raikkonen, og fjórði var Daniel Ricciardo á Red Bull. Þetta var í 25. skiptið sem Kimi lendir á verðlaunapalli án þess að sigra og eru liðnar 102 keppnir frá síðasta sigri Finnans. Lewis Hamilton er þá aftur kominn með forystu í keppni ökuþóra og hefur 14 stiga forskot á Sebastian Vettel. Mercedes jók forskot sitt í keppni bílasmiða í 23 stig um helgina. Næstu vikur munu ráða miklu í heimsmeistaramótinu þar sem tvær keppnir eru framundan á næstu tveimur vikum. Nú halda liðin til Austurríkis og svo þar á eftir á Silverstone brautina í Bretlandi.
Formúla Mest lesið Raygun segir að hatrið hafi verið hrikalegt Sport „Hann var ekki fallegur drengurinn“ Íslenski boltinn Uppgjörið: Sanngjarnt þegar Valskonur tryggðu sér bikarinn Íslenski boltinn Ísland aldrei ofar á heimslistanum Fótbolti Zirkzee hetjan í sínum fyrsta leik Enski boltinn Albert kynntur til leiks í Flórens Fótbolti Hænuskrefi frá hálfum milljarði og gæfu fyrir íslenskan fótbolta Íslenski boltinn Ólétt af Ólympíumeistara þegar hún stóð sjálf á verðlaunapallinum Sport „Var kominn með hausverk á hliðarlínunni“ Fótbolti Hótuðu sjónvarpskonu og ófæddu barni hennar Sport Fleiri fréttir Nýliðarnir sanka að sér dýrmætri reynslu Eftirsóttur Sainz fer til Williams eftir tímabilið Russell dæmdur úr leik og Hamilton fagnar sigri í Belgíu Yuki Tsunoda færður aftur um 60 sæti í ræsingu Verstappen fljótastur en ræsir ellefti Verstappen færður aftur um tíu sæti í ræsingu Hamilton skýtur á Verstappen: Verður að haga sér eins og heimsmeistari Banna Verstappen að hanga í tölvunni langt fram eftir nóttu Ocon verður fyrsti sigurvegarinn til að keyra fyrir Haas Reynslumikill maður ráðinn í brúna hjá Formúlu 1 liði Audi Verstappen ætlar ekki að biðjast afsökunar: „Geta haldið sig heima“ Hamilton á verðlaunapall í 200. sinn Norris viðurkennir að það hafi kitlað að láta sigurinn ekki af hendi Norris hleypti Piastri fram úr sér og Ástralinn vann sinn fyrsta sigur Hamilton hrósar Schumacher fyrir að koma út úr skápnum Ralf Schumacher kemur út úr skápnum Hélt að hann myndi aldrei vinna aftur: „Ég get ekki hætt að gráta“ Hamilton fyrstur í fyrsta sinn í langan tíma Semja við Bellingham Formúlu 1 heimsins McLaren vill að Verstappen verði refsað: Allur heimurinn veit hver er sá seki Sjá meira