Hinn samansaumaði Jeff Bezos varð ríkasti maður nútímasögunnar í dag Birgir Olgeirsson skrifar 16. júlí 2018 20:33 Jeff Bezos, stofnandi Amazon. Vísir/Getty Jeff Bezos, stofnandi Amazon og framkvæmdastjóri fyrirtækisins, varð í dag ríkasta manneskja nútímasögunnar. Greint var frá þessu á vef Bloomberg sem reiknar vísitölu sem dregur 400 ríkustu einstaklinga heimsins saman á lista sem kallaður er Bloomberg Billionaires Index. Samkvæmt útreikningum Bloomberg voru auðæfi Bezos metin á 150 milljarða Bandaríkjadala í morgun, eða því sem nemur um tæplega sextán billjónum íslenskra króna, eða tæplega 16 þúsund milljörðum íslenskra króna. Bloomberg reiknar verðbólgu inn í þetta mat og bendir til dæmis á að 100 milljarðar Bandaríkjadala sem Bill Gates, stofnandi Microsoft, átti árið 1999 væru um 149 milljarðar Bandaríkjadala í dag.Bill Gates stofnandi Microsoft.Vísir/GettyEftir því sem leið á daginn lækkaði upphæð Bezos niður í 145 milljarða en bent er á að Bezos og Gates hafi skipst á fyrsta sætinu frá júlí í fyrra, en gengi fyrirtækja þeirra hefur mikið um það að segja. Í dag er Bezos hins vegar talsvert fyrir ofan Gates sem er metinn á 95 milljarða Bandaríkjadala. Bent er á að Gates deili auðæfum sínum en Bezos hafi ekki verið eins gjafmildur. Er Gates sagður hafa gefið svo mikið frá sér að auðæfi hans væru jafn mikil og Bezos í dag hefði hann haldið þeim eftir. Gates hefur gefið til góðgerðamála frá tíunda áratug síðustu aldar og stofnaði Bill and Melinda Gates sjóðinn sem hefur það að markmiði að bæta heilbrigðisþjónustu og draga úr sárafátækt. Bezos hefur hins vegar það orðspor á sér að vera fremur nískur og koma ekki nógu vel fram við starfsfólk sitt.Fjöldi frásagna er af óánægju starfsfólks Amazon. Fyrirtækið á útgáfufélag bandaríska dagblaðsins Washington Post en starfsfólk blaðsins mótmælti slæmu kjörum fyrir skömmu. Mest lesið Trump boðar „frelsun“ Bandaríkjanna Viðskipti erlent Vilja minnka líkurnar á því að vinna í Lottóinu Viðskipti innlent Milljarður í afgang í Garðabæ Viðskipti innlent Fyrsta íslenska grænkera ostagerðin í hættu Viðskipti innlent Í fullkomnu frelsi: „Þar sem er heyskapur er ég“ Atvinnulíf Plasttappamálið flaug í gegnum þingið Neytendur „Við bara tókum íslensku brjáluðu bjartsýnina á þetta“ Atvinnulíf Íhuga hærri tolla á alla Viðskipti erlent „Væri samt mjög til í að vera betri söngvari“ Atvinnulíf Útflutningur gefur eftir en einkaneyslan stígur fram á sviðið Viðskipti innlent Fleiri fréttir Trump boðar „frelsun“ Bandaríkjanna Íhuga hærri tolla á alla Facebook hættu að beina auglýsingum að konu eftir að hún lögsótti Meta Boeing fær að smíða orrustuþotur framtíðarinnar Hótar himinháum áfengistollum á Evrópu Svara tollum Trumps: „Við munum ekki standa aðgerðarlausir hjá“ „Alvarlegt viðskiptastríð“ hafið Northvolt í þrot Vill refsa Kanada svo lesið verði um það í sögubókum Óvænt verkföll á flugvöllum í Þýskalandi hafa víðtæk áhrif Markaðir bregðast illa við tollahækkunum Trump Skype heyrir brátt sögunni til Sjá meira
Jeff Bezos, stofnandi Amazon og framkvæmdastjóri fyrirtækisins, varð í dag ríkasta manneskja nútímasögunnar. Greint var frá þessu á vef Bloomberg sem reiknar vísitölu sem dregur 400 ríkustu einstaklinga heimsins saman á lista sem kallaður er Bloomberg Billionaires Index. Samkvæmt útreikningum Bloomberg voru auðæfi Bezos metin á 150 milljarða Bandaríkjadala í morgun, eða því sem nemur um tæplega sextán billjónum íslenskra króna, eða tæplega 16 þúsund milljörðum íslenskra króna. Bloomberg reiknar verðbólgu inn í þetta mat og bendir til dæmis á að 100 milljarðar Bandaríkjadala sem Bill Gates, stofnandi Microsoft, átti árið 1999 væru um 149 milljarðar Bandaríkjadala í dag.Bill Gates stofnandi Microsoft.Vísir/GettyEftir því sem leið á daginn lækkaði upphæð Bezos niður í 145 milljarða en bent er á að Bezos og Gates hafi skipst á fyrsta sætinu frá júlí í fyrra, en gengi fyrirtækja þeirra hefur mikið um það að segja. Í dag er Bezos hins vegar talsvert fyrir ofan Gates sem er metinn á 95 milljarða Bandaríkjadala. Bent er á að Gates deili auðæfum sínum en Bezos hafi ekki verið eins gjafmildur. Er Gates sagður hafa gefið svo mikið frá sér að auðæfi hans væru jafn mikil og Bezos í dag hefði hann haldið þeim eftir. Gates hefur gefið til góðgerðamála frá tíunda áratug síðustu aldar og stofnaði Bill and Melinda Gates sjóðinn sem hefur það að markmiði að bæta heilbrigðisþjónustu og draga úr sárafátækt. Bezos hefur hins vegar það orðspor á sér að vera fremur nískur og koma ekki nógu vel fram við starfsfólk sitt.Fjöldi frásagna er af óánægju starfsfólks Amazon. Fyrirtækið á útgáfufélag bandaríska dagblaðsins Washington Post en starfsfólk blaðsins mótmælti slæmu kjörum fyrir skömmu.
Mest lesið Trump boðar „frelsun“ Bandaríkjanna Viðskipti erlent Vilja minnka líkurnar á því að vinna í Lottóinu Viðskipti innlent Milljarður í afgang í Garðabæ Viðskipti innlent Fyrsta íslenska grænkera ostagerðin í hættu Viðskipti innlent Í fullkomnu frelsi: „Þar sem er heyskapur er ég“ Atvinnulíf Plasttappamálið flaug í gegnum þingið Neytendur „Við bara tókum íslensku brjáluðu bjartsýnina á þetta“ Atvinnulíf Íhuga hærri tolla á alla Viðskipti erlent „Væri samt mjög til í að vera betri söngvari“ Atvinnulíf Útflutningur gefur eftir en einkaneyslan stígur fram á sviðið Viðskipti innlent Fleiri fréttir Trump boðar „frelsun“ Bandaríkjanna Íhuga hærri tolla á alla Facebook hættu að beina auglýsingum að konu eftir að hún lögsótti Meta Boeing fær að smíða orrustuþotur framtíðarinnar Hótar himinháum áfengistollum á Evrópu Svara tollum Trumps: „Við munum ekki standa aðgerðarlausir hjá“ „Alvarlegt viðskiptastríð“ hafið Northvolt í þrot Vill refsa Kanada svo lesið verði um það í sögubókum Óvænt verkföll á flugvöllum í Þýskalandi hafa víðtæk áhrif Markaðir bregðast illa við tollahækkunum Trump Skype heyrir brátt sögunni til Sjá meira