Lögreglan á Vesturlandi hefur ekki fengið neinar nýjar upplýsingar vegna hvarfs Jóhanns Gíslasonar sem nú hefur verið saknað í tæpar fimm vikur á Spáni.
Þá hefur eftirgrennslan lögreglu þar í landi engan árangur borið, samkvæmt upplýsingum frá lögreglunni á Vesturlandi.
Sjá einnig: „Fólk má láta sig hverfa“
Síðast sást til Jóhanns á leið niður á strönd á Alicante að kvöldi 12. júlí síðastliðins. Jóhann er frá Akranesi og heyrir mál hans því undir lögreglu á Vesturlandi, sem í byrjun ágúst fékk aðgang að síma- og bankagögnum Jóhanns.
Þá aðstoðaði borgaraþjónusta utanríkisráðuneytisins fjölskyldu Jóhanns og lögregluyfirvöld hér á landi og á Spáni vegna málsins.
Eftirgrennslan lögreglu á Spáni engan árangur borið
Tengdar fréttir
Jóhanns hefur verið saknað á Spáni í átján daga
Sást síðast á leið niður á strönd að kvöldi til.
Lögregla komin með aðgang að síma- og bankagögnum Jóhanns
Ættingi fór út til Alicante til að grennslast fyrir um ferðir Jóhanns.
„Fólk má láta sig hverfa“
Lögreglan á Vesturlandi aflar gagna um ferðir Jóhanns sem hefur verið saknað í nítján daga á Spáni.
