Óttaðist um líf tveggja ára dóttur sinnar er hún festi höfuðið í rafknúnum læknabekk Kristín Ólafsdóttir skrifar 30. september 2018 19:10 Albert Símonarson greindi frá slysinu á Facebook-síðu sinni í gær. Hann var staddur með dóttur sína á Landspítalanum þegar Vísir náði tali af honum í kvöld en hún kvartar enn undan verkjum. Mynd/Samsett Tveggja ára dóttir Alberts Símonarsonar var hætt komin á Læknavaktinni í gær eftir að hún festi höfuðið í rafknúnum læknabekk, sem klemmdist saman og þrengdi að henni. Albert segir atvikið hafa tekið gríðarlega á fjölskylduna og að hann hafi óttast um líf dóttur sinnar. Forsvarsmenn Læknavaktarinnar hafa ekki haft samband við fjölskylduna vegna málsins í dag, að sögn Alberts. Albert greindi frá slysinu á Facebook-síðu sinni en atvikið átti sér stað skömmu fyrir hádegi í gær. Hann og eiginkona hans, Inga Hrönn Kristjánsdóttir, fóru með börn sín þrjú, sem öll voru lasin, á Læknavaktina við Háaleitisbraut til að láta líta á þau. Þar tók læknir á móti þeim en við skoðun á elsta dreng hjónanna festist dóttir þeirra í rafknúnum bekk inni á stofunni. „Mér til skelfingar sé ég að armarnir eru að hreyfast. Þeir eru að klemmast saman til að lyfta bekknum upp, og hausinn á henni er fastur á milli. Höfuðið á henni var að kremjast,“ segir Albert í færslunni. Hann segir hann og konu sína hafa rokið upp og reynt að losa stúlkuna en ekkert gekk. Læknirinn sagðist ekki kunna á bekkinn og á meðan var dóttir Alberts og Ingu orðin rauðblá í framan sökum þrýstings og súrefnisskorts. Að lokum var bekknum kippt úr sambandi og þá gat Albert glennt hann í sundur og losað dóttur sína. „Ég hélt að ég væri að horfa á tveggja ára gamla dóttur mína deyja fyrir framan mig. Það var þó ekki fyrr en við öskruðum að slökkva á bekknum að stokkið var til og hann kipptur úr sambandi, við það hætti að þrýstast og ég gat glennt hann í sundur við mikið erfiði og tekið dóttir okkar undan bekknum. Þetta var eins og heil eilíf en varði eflaust ekki lengur en í um mínútu,“ skrifar Albert. Þá kallar hann eftir því að gerðar verði viðeigandi öryggisráðstafanir til að koma í veg fyrir að sagan endurtaki sig.Uppgefin og vansvefta Albert var staddur á Landspítalanum með dóttur sína þegar Vísir náði tali af honum í kvöld en hún kvartar enn undan verkjum í kjölfar slyssins. Áverkar stúlkunnar voru ekki álitnir alvarlegir við fyrstu skoðun, en hún er að sögn Alberts illa marin, bólgin og með húðblæðingu. Albert segir lækninn hafa hringt tafarlaust á undan þeim niður á Landspítala í gær og þangað hélt fjölskyldan með hraði. „Þegar við komum niður eftir var teymi tilbúið að taka á móti okkur þannig að þetta gekk mjög hratt fyrir sig. Læknirinn sjálfur var mjög samviskusamur að hringja og fylgja þessu eftir, honum hefur greinilega brugðið manninum. Hann sagði sjálfur að hann myndi gera atvikaskýrslu sem yrði eitthvað farið í, ég veit ekkert nánar um það.“ Að sögn Albert hafa forsvarsmenn Læknavaktarinnar ekkert haft samband við fjölskylduna vegna slyssins í dag. Aðspurður segir hann atvikið hafa tekið verulega á. „Ég er enn þá uppgefinn eftir þetta. Maður svaf lítið sem ekkert í nótt. Maður sér bara fyrir sér hvað þetta var að stefna í, annað hvort að hún hefði kafnað eða að hausinn á henni væri að kremjast þarna fyrir framan okkur.“ Gunnar Örn Jóhannsson framkvæmdastjóri Læknavaktarinnar vildi ekki tjá sig um málið að svo stöddu þegar fréttastofa náði tali af honum í kvöld.Fréttin hefur verið uppfærð. Mest lesið Landlæknir varar við sýningu Adolescence-þáttanna Innlent Lækka laun bæjarfulltrúa og takmarka opnunartíma í sundi til að borga kennurum Innlent Dæmdir í tengslum við einn stærsta stuld Íslandssögunnar Innlent Ríkisstyrkir til rafbílakaupa enduðu í vasa þeirra tekjuhæstu Innlent Fastur á Keflavíkurflugvelli í fjóra sólarhringa án alls Innlent Breyting á samsköttun hafi mest áhrif á tekjuháa karla yfir fertugu Innlent Fulltrúi borgarinnar harðneitað að tala nema á íslensku Innlent Erjur í innsta hring Trump fyrir opnum tjöldum Erlent Gæti þurft að reisa varnargarða á höfuðborgarsvæðinu Innlent Geti sagt fyrir um eldgos við höfuðborgarsvæðið með nokkurra vikna fyrirvara Innlent Fleiri fréttir „Ekki kynnst alvöru málþófi ef þau telja þetta vera mikið málþóf“ Bilun í stofnneti Ljósleiðarans Söngnemendur á Hvolsvelli með Kabarett Hryssurnar lamdar, ýtt í þær með prikum og þær beittar afli „Skýr skilaboð“ Íslands og skilningur ESB en engar tryggingar Mótmæli við leik Íslands og Ísrael Alvarleg frávik í meðferð og umgengni við hryssur í blóðtöku Gæti þurft að reisa varnargarða á höfuðborgarsvæðinu Varnargarðar við borgina, mótmælt við landsleik og nýr sumarsmellur Fékk slá í höfuðið og Hæstiréttur klofnaði Albanska manninum fylgt úr landi í fyrramálið Breyting á samsköttun hafi mest áhrif á tekjuháa karla yfir fertugu Hinir grunuðu lausir úr einangrun Skólans en ekki borgarinnar að útvega túlk Geti sagt fyrir um eldgos við höfuðborgarsvæðið með nokkurra vikna fyrirvara Með kíló af kókaíní í farangrinum Fulltrúi borgarinnar harðneitað að tala nema á íslensku Dæmdir í tengslum við einn stærsta stuld Íslandssögunnar Mikill viðbúnaður vegna sprengingar í mjölverksmiðju Þingfundi lauk á miðnætti: Stjórnarandstaðan sökuð um málþóf Samsköttun og ásakanir um málþóf á Alþingi Landlæknir varar við sýningu Adolescence-þáttanna Lækka laun bæjarfulltrúa og takmarka opnunartíma í sundi til að borga kennurum Ríkisstyrkir til rafbílakaupa enduðu í vasa þeirra tekjuhæstu Hætta við uppbyggingu við tjörnina í Seljahverfi Fastur á Keflavíkurflugvelli í fjóra sólarhringa án alls Stoltir Íslendingar af þætti sínum í stærsta fraktflugfélagi Evrópu Taldi sig vanhæfan í að afgreiða umsókn Hvals hf. Halla gerði hlé vegna veikinda veislugests Fyrsta langreyðurin á vertíðinni háði 35 mínútna dauðastríð Sjá meira
Tveggja ára dóttir Alberts Símonarsonar var hætt komin á Læknavaktinni í gær eftir að hún festi höfuðið í rafknúnum læknabekk, sem klemmdist saman og þrengdi að henni. Albert segir atvikið hafa tekið gríðarlega á fjölskylduna og að hann hafi óttast um líf dóttur sinnar. Forsvarsmenn Læknavaktarinnar hafa ekki haft samband við fjölskylduna vegna málsins í dag, að sögn Alberts. Albert greindi frá slysinu á Facebook-síðu sinni en atvikið átti sér stað skömmu fyrir hádegi í gær. Hann og eiginkona hans, Inga Hrönn Kristjánsdóttir, fóru með börn sín þrjú, sem öll voru lasin, á Læknavaktina við Háaleitisbraut til að láta líta á þau. Þar tók læknir á móti þeim en við skoðun á elsta dreng hjónanna festist dóttir þeirra í rafknúnum bekk inni á stofunni. „Mér til skelfingar sé ég að armarnir eru að hreyfast. Þeir eru að klemmast saman til að lyfta bekknum upp, og hausinn á henni er fastur á milli. Höfuðið á henni var að kremjast,“ segir Albert í færslunni. Hann segir hann og konu sína hafa rokið upp og reynt að losa stúlkuna en ekkert gekk. Læknirinn sagðist ekki kunna á bekkinn og á meðan var dóttir Alberts og Ingu orðin rauðblá í framan sökum þrýstings og súrefnisskorts. Að lokum var bekknum kippt úr sambandi og þá gat Albert glennt hann í sundur og losað dóttur sína. „Ég hélt að ég væri að horfa á tveggja ára gamla dóttur mína deyja fyrir framan mig. Það var þó ekki fyrr en við öskruðum að slökkva á bekknum að stokkið var til og hann kipptur úr sambandi, við það hætti að þrýstast og ég gat glennt hann í sundur við mikið erfiði og tekið dóttir okkar undan bekknum. Þetta var eins og heil eilíf en varði eflaust ekki lengur en í um mínútu,“ skrifar Albert. Þá kallar hann eftir því að gerðar verði viðeigandi öryggisráðstafanir til að koma í veg fyrir að sagan endurtaki sig.Uppgefin og vansvefta Albert var staddur á Landspítalanum með dóttur sína þegar Vísir náði tali af honum í kvöld en hún kvartar enn undan verkjum í kjölfar slyssins. Áverkar stúlkunnar voru ekki álitnir alvarlegir við fyrstu skoðun, en hún er að sögn Alberts illa marin, bólgin og með húðblæðingu. Albert segir lækninn hafa hringt tafarlaust á undan þeim niður á Landspítala í gær og þangað hélt fjölskyldan með hraði. „Þegar við komum niður eftir var teymi tilbúið að taka á móti okkur þannig að þetta gekk mjög hratt fyrir sig. Læknirinn sjálfur var mjög samviskusamur að hringja og fylgja þessu eftir, honum hefur greinilega brugðið manninum. Hann sagði sjálfur að hann myndi gera atvikaskýrslu sem yrði eitthvað farið í, ég veit ekkert nánar um það.“ Að sögn Albert hafa forsvarsmenn Læknavaktarinnar ekkert haft samband við fjölskylduna vegna slyssins í dag. Aðspurður segir hann atvikið hafa tekið verulega á. „Ég er enn þá uppgefinn eftir þetta. Maður svaf lítið sem ekkert í nótt. Maður sér bara fyrir sér hvað þetta var að stefna í, annað hvort að hún hefði kafnað eða að hausinn á henni væri að kremjast þarna fyrir framan okkur.“ Gunnar Örn Jóhannsson framkvæmdastjóri Læknavaktarinnar vildi ekki tjá sig um málið að svo stöddu þegar fréttastofa náði tali af honum í kvöld.Fréttin hefur verið uppfærð.
Mest lesið Landlæknir varar við sýningu Adolescence-þáttanna Innlent Lækka laun bæjarfulltrúa og takmarka opnunartíma í sundi til að borga kennurum Innlent Dæmdir í tengslum við einn stærsta stuld Íslandssögunnar Innlent Ríkisstyrkir til rafbílakaupa enduðu í vasa þeirra tekjuhæstu Innlent Fastur á Keflavíkurflugvelli í fjóra sólarhringa án alls Innlent Breyting á samsköttun hafi mest áhrif á tekjuháa karla yfir fertugu Innlent Fulltrúi borgarinnar harðneitað að tala nema á íslensku Innlent Erjur í innsta hring Trump fyrir opnum tjöldum Erlent Gæti þurft að reisa varnargarða á höfuðborgarsvæðinu Innlent Geti sagt fyrir um eldgos við höfuðborgarsvæðið með nokkurra vikna fyrirvara Innlent Fleiri fréttir „Ekki kynnst alvöru málþófi ef þau telja þetta vera mikið málþóf“ Bilun í stofnneti Ljósleiðarans Söngnemendur á Hvolsvelli með Kabarett Hryssurnar lamdar, ýtt í þær með prikum og þær beittar afli „Skýr skilaboð“ Íslands og skilningur ESB en engar tryggingar Mótmæli við leik Íslands og Ísrael Alvarleg frávik í meðferð og umgengni við hryssur í blóðtöku Gæti þurft að reisa varnargarða á höfuðborgarsvæðinu Varnargarðar við borgina, mótmælt við landsleik og nýr sumarsmellur Fékk slá í höfuðið og Hæstiréttur klofnaði Albanska manninum fylgt úr landi í fyrramálið Breyting á samsköttun hafi mest áhrif á tekjuháa karla yfir fertugu Hinir grunuðu lausir úr einangrun Skólans en ekki borgarinnar að útvega túlk Geti sagt fyrir um eldgos við höfuðborgarsvæðið með nokkurra vikna fyrirvara Með kíló af kókaíní í farangrinum Fulltrúi borgarinnar harðneitað að tala nema á íslensku Dæmdir í tengslum við einn stærsta stuld Íslandssögunnar Mikill viðbúnaður vegna sprengingar í mjölverksmiðju Þingfundi lauk á miðnætti: Stjórnarandstaðan sökuð um málþóf Samsköttun og ásakanir um málþóf á Alþingi Landlæknir varar við sýningu Adolescence-þáttanna Lækka laun bæjarfulltrúa og takmarka opnunartíma í sundi til að borga kennurum Ríkisstyrkir til rafbílakaupa enduðu í vasa þeirra tekjuhæstu Hætta við uppbyggingu við tjörnina í Seljahverfi Fastur á Keflavíkurflugvelli í fjóra sólarhringa án alls Stoltir Íslendingar af þætti sínum í stærsta fraktflugfélagi Evrópu Taldi sig vanhæfan í að afgreiða umsókn Hvals hf. Halla gerði hlé vegna veikinda veislugests Fyrsta langreyðurin á vertíðinni háði 35 mínútna dauðastríð Sjá meira