Keflavík endurheimtir Íslandsmeistaratitilinn Kristinn Páll Teitsson skrifar 2. október 2018 08:30 Bikarmeistararnir verða Íslandsmeistarar. vísir/bára Körfubolti Domino’s-deild kvenna í körfubolta hefst annað kvöld með heilli umferð. Haukar sem urðu Íslandsmeistarar síðasta vor hafa misst ansi stóran spón úr aski sínum og Fréttablaðið telur að Keflavík muni berjast við Snæfell um titilinn að þessu sinni.1. Keflavík Þrátt fyrir að hafa misst einn besta leikmann sinn í Thelmu Dís Ágústsdóttur og þjálfarann Sverri Þór Sverrisson telur Fréttablaðið að Keflavíkurliðið endurtaki leikinn frá því fyrir tveimur árum og bæti 17. titlinum í meistarasafnið. Fyrrverandi dómarinn Jón Guðmundsson tók við liðinu eftir að hafa náð góðum árangri með yngri flokka félagsins og heldur liðið flestum af lykilleikmönnum sínum frá því í fyrra. Þrír leikmenn bætast við, allt heimakonur en það gæti reynst dýrmætt að fá reynslumikinn leikmann líkt og Bryndísi Guðmundsdóttur inn í leikmannahópinn og Telmu Lind sem fékk stórt hlutverk hjá Breiðabliki á þremur árum sínum í Kópavogi.2. Snæfell Snæfell mætir til leiks með nýjan þjálfara í fyrsta sinn síðan Ingi Þór Steinþórsson tók við liðinu árið 2009, Baldur Þorleifsson tekur við liðinu af Inga og er ætlað að koma liðinu aftur í baráttu um titilinn. Eftir að hafa unnið Íslandsmeistaratitilinn þrjú ár í röð hefur Snæfell misst af titlinum undanfarin tvö ár. Gunnhildur Gunnarsdóttir ætti að vera með frá fyrsta leik sem er mikill liðsstyrkur fyrir Snæfell eftir að hún missti af fyrri hluta tímabilsins í fyrra.3. Stjarnan Gríðarlega vel mannað lið, sótti liðsstyrk til keppinauta og hélt einum af bestu erlendu leikmönnum deildarinnar, bakverðinum Danielle Victoriu Rodriguez sem fær aukna hjálp í vetur sem ætti að gefa henni meira pláss og létta ábyrgðinni af henni í sóknarleiknum. Áhyggjuefni er að liðið veit ekki hvort landsliðsmiðherjinn Ragna Margrét Brynjarsdóttir snýr aftur á völlinn og þá hvert. Hún staðfesti í samtali við Karfan.is að hún væri enn frá vegna höfuðmeiðsla og hún væri í fríi frá körfubolta þótt að hún stefndi að því að koma aftur til leiks.4. Valur Valur tók næsta skref sem lið á síðasta tímabili, fyrsta tímabili liðsins undir stjórn Darra Freys Atlasonar, og komst alla leið í úrslitaleikinn þar sem Valskonur þurftu að horfa á eftir titlinum til Hauka eftir oddaleik. Þær verða án Elínar Sóleyjar Hrafnkelsdóttur sem er komin í bandaríska háskólakörfuboltann og miðherjinn Ragnheiður Benónýsdóttir samdi við Stjörnuna. Brooke Johnson, sem er öflugur varnarmaður, er ætlað að leysa Aalyah Whiteside af hólmi en fróðlegt verður að sjá hvort að hún verður jafn öflug og Aalyah í sóknarleik Vals.5. Haukar Haukakonur unnu fjórða Íslandsmeistaratitilinn í sögu félagsins í vor en mæta með gjörbreytt lið til leiks í haust undir stjórn Ólafar Helgu Pálsdóttur. Ein besta körfuknattleikskona Íslands fyrr og síðar, Helena Sverrisdóttir er horfin á brott og missir liðið gríðarlega mikið í henni. Lele Hardy, einn besti erlendi leikmaður Íslands undanfarinn áratug, snýr aftur í Hauka frá Finnlandi og bætti liðið einnig við evrópskum leikmanni, Akvile Baronenaite. Hafnfirðingar hafa lítinn áhuga á að blanda sér í fallbaráttu aftur en gætu sogast niður í baráttuna.6. Skallagrímur Skallagrímur er eina liðið í deildinni sem er með fjóra erlenda leikmenn í sínum herbúðum sem gerir erfitt fyrir að spá um gengi liðsins. Carmen Tyson-Thomas er horfin á braut eftir að hafa borið sóknarleik Skallanna uppi og geta Borgnesingar leitað í fjölbreytilegri sóknarleik. Haldi Sigrún Sjöfn Ámundadóttir rétt á spilunum gæti hún átt frábært tímabil í Borgarnesi og þarf hún að spila vel ef Skallagrímur ætlar langt. Að tefla fram fjórum erlendum leikmönnum er áhætta sem gæti vel borgað sig og Borgnesingar endað í úrslitakeppninni en gangi illa getur verið erfitt að hafa ekki sterkan kjarna Íslendinga til að leita til.7. KR KR er komið aftur upp í efstu deild undir stjórn Benedikts Guðmundssonar eftir þrjú ár í 1. deildinni þar sem ungir og efnilegir leikmenn liðsins fengu andrými til að þroskast og spila mikilvægar mínútur. Benedikt þekkir íslenskan körfubolta betur en flestir og undir hans stjórn tapaði liðið ekki leik í deildarkeppninni né úrslitarimmunni í fyrra. Það er stórt stökk að fara upp í Domino’s-deildina og er Benedikt eflaust búinn að undirbúa sínar stúlkur vel. KR fékk góðan liðsstyrk á dögunum þegar einn besti bakvörður finnsku deildarinnar, Kiana Johnson, samdi við KR.8. Blikar Blikar munu berjast við KR um að halda sæti sínu í deildinni. Hildur Sigurðardóttir er hætt eftir að hafa náð góðum árangri með liðið í fyrra og tók Margrét Sturludóttir við því. Þrír leikmenn sem byrjuðu alla leiki í fyrra og voru að spila hátt í þrjátíu mínútur í leik eru horfnir á brott en búið er að fylla í skörðin og bæta við leikmannahópinn ungum og efnilegum leikmönnum. Heimavöllurinn reyndist drjúgur í upphafi móts í fyrra þegar Blikar unnu sex af fyrstu sjö heimaleikjum sínum og þarf heimavöllurinn að vera öflugur í vetur. Dominos-deild kvenna Mest lesið Fyrrverandi leikmaður United laminn á bar í Moskvu Enski boltinn Sló met Freddys Adu og er yngstur í sögunni Fótbolti England: Hver er kominn, að koma, farinn og að fara? Enski boltinn Enn ein stjarnan slítur krossband í hné Fótbolti Víkingar á leið til Albaníu Fótbolti Mahomes með skýr skilaboð: „Tími til að spila betur“ Sport „Verður að dæmast af því hvernig við högum okkur í Evrópu í ár“ Fótbolti Dagskráin í dag: Örlög Vals og Breiðabliks ráðast Sport Stelpurnar gapandi í stúkunni yfir troðslu Almars Körfubolti Grátlegt tap niðurstaðan og barátta um sæti í A-deild framundan Körfubolti Fleiri fréttir Stelpurnar gapandi í stúkunni yfir troðslu Almars Grátlegt tap niðurstaðan og barátta um sæti í A-deild framundan Hin reynda Dinkins í raðir Njarðvíkur Adam Silver ver nýjan svuntuskatt NBA deildarinnar Jón Axel fer í nýtt félag á Spáni Faðir Kobe Bryant er látinn Njarðvíkingar búnir að finna sér Bandaríkjamann Þrjátíu stiga tap gegn Slóvenum en sextán liða úrslit framundan Keflvíkingar fá þýskan framherja Stelpurnar komust ekki upp í A-deildina Tólf ár á milli fjórðu og fimmtu Ólympíuleika hennar Bronny James hefur klikkað á öllum skotunum sínum Stórkostlegt svar hjá íslensku strákunum eftir skellinn í gær Fáliðað lið Ísland tapaði í undanúrslitum Norðurlandameistarnir fengu stóran skell í fyrsta leik EM Matareitrun á EM: Fimm veikar í íslenska hópnum og ein fór á sjúkrahús Brunson hjálpar Knicks með því að skilja fimmtán milljarða eftir á borðinu Búin að bæta nýliðametið þótt að það séu enn sextán leikir eftir Innlit í nýtt íþróttahús Njarðvíkinga: „Þetta er þvílíkt mannvirki“ Íslensku stelpurnar í undanúrslit eftir stórsigur á Írum Caitlin Clark með tölur sem hafa aldrei sést í NBA né WNBA Kawhi vildi spila á Ólympíuleikunum en var sendur heim Agnes og Eva atkvæðamestar í tapi fyrir Tékkum Danski Jokic í Bónus-deildina „Sannfærð um að þessi samningur lyfti körfuboltanum enn meira upp“ Subway deildin verður Bónus deildin Reiknar með því að hinn fjörutíu og tveggja ára Hlynur troði á komandi tímabili Tryggðu sér sæti í átta liða úrslitum Grindvíkingar fá landsliðskonu frá Njarðvík Álftanes fær til sín leikjahæsta Stjörnumanninn Sjá meira
Körfubolti Domino’s-deild kvenna í körfubolta hefst annað kvöld með heilli umferð. Haukar sem urðu Íslandsmeistarar síðasta vor hafa misst ansi stóran spón úr aski sínum og Fréttablaðið telur að Keflavík muni berjast við Snæfell um titilinn að þessu sinni.1. Keflavík Þrátt fyrir að hafa misst einn besta leikmann sinn í Thelmu Dís Ágústsdóttur og þjálfarann Sverri Þór Sverrisson telur Fréttablaðið að Keflavíkurliðið endurtaki leikinn frá því fyrir tveimur árum og bæti 17. titlinum í meistarasafnið. Fyrrverandi dómarinn Jón Guðmundsson tók við liðinu eftir að hafa náð góðum árangri með yngri flokka félagsins og heldur liðið flestum af lykilleikmönnum sínum frá því í fyrra. Þrír leikmenn bætast við, allt heimakonur en það gæti reynst dýrmætt að fá reynslumikinn leikmann líkt og Bryndísi Guðmundsdóttur inn í leikmannahópinn og Telmu Lind sem fékk stórt hlutverk hjá Breiðabliki á þremur árum sínum í Kópavogi.2. Snæfell Snæfell mætir til leiks með nýjan þjálfara í fyrsta sinn síðan Ingi Þór Steinþórsson tók við liðinu árið 2009, Baldur Þorleifsson tekur við liðinu af Inga og er ætlað að koma liðinu aftur í baráttu um titilinn. Eftir að hafa unnið Íslandsmeistaratitilinn þrjú ár í röð hefur Snæfell misst af titlinum undanfarin tvö ár. Gunnhildur Gunnarsdóttir ætti að vera með frá fyrsta leik sem er mikill liðsstyrkur fyrir Snæfell eftir að hún missti af fyrri hluta tímabilsins í fyrra.3. Stjarnan Gríðarlega vel mannað lið, sótti liðsstyrk til keppinauta og hélt einum af bestu erlendu leikmönnum deildarinnar, bakverðinum Danielle Victoriu Rodriguez sem fær aukna hjálp í vetur sem ætti að gefa henni meira pláss og létta ábyrgðinni af henni í sóknarleiknum. Áhyggjuefni er að liðið veit ekki hvort landsliðsmiðherjinn Ragna Margrét Brynjarsdóttir snýr aftur á völlinn og þá hvert. Hún staðfesti í samtali við Karfan.is að hún væri enn frá vegna höfuðmeiðsla og hún væri í fríi frá körfubolta þótt að hún stefndi að því að koma aftur til leiks.4. Valur Valur tók næsta skref sem lið á síðasta tímabili, fyrsta tímabili liðsins undir stjórn Darra Freys Atlasonar, og komst alla leið í úrslitaleikinn þar sem Valskonur þurftu að horfa á eftir titlinum til Hauka eftir oddaleik. Þær verða án Elínar Sóleyjar Hrafnkelsdóttur sem er komin í bandaríska háskólakörfuboltann og miðherjinn Ragnheiður Benónýsdóttir samdi við Stjörnuna. Brooke Johnson, sem er öflugur varnarmaður, er ætlað að leysa Aalyah Whiteside af hólmi en fróðlegt verður að sjá hvort að hún verður jafn öflug og Aalyah í sóknarleik Vals.5. Haukar Haukakonur unnu fjórða Íslandsmeistaratitilinn í sögu félagsins í vor en mæta með gjörbreytt lið til leiks í haust undir stjórn Ólafar Helgu Pálsdóttur. Ein besta körfuknattleikskona Íslands fyrr og síðar, Helena Sverrisdóttir er horfin á brott og missir liðið gríðarlega mikið í henni. Lele Hardy, einn besti erlendi leikmaður Íslands undanfarinn áratug, snýr aftur í Hauka frá Finnlandi og bætti liðið einnig við evrópskum leikmanni, Akvile Baronenaite. Hafnfirðingar hafa lítinn áhuga á að blanda sér í fallbaráttu aftur en gætu sogast niður í baráttuna.6. Skallagrímur Skallagrímur er eina liðið í deildinni sem er með fjóra erlenda leikmenn í sínum herbúðum sem gerir erfitt fyrir að spá um gengi liðsins. Carmen Tyson-Thomas er horfin á braut eftir að hafa borið sóknarleik Skallanna uppi og geta Borgnesingar leitað í fjölbreytilegri sóknarleik. Haldi Sigrún Sjöfn Ámundadóttir rétt á spilunum gæti hún átt frábært tímabil í Borgarnesi og þarf hún að spila vel ef Skallagrímur ætlar langt. Að tefla fram fjórum erlendum leikmönnum er áhætta sem gæti vel borgað sig og Borgnesingar endað í úrslitakeppninni en gangi illa getur verið erfitt að hafa ekki sterkan kjarna Íslendinga til að leita til.7. KR KR er komið aftur upp í efstu deild undir stjórn Benedikts Guðmundssonar eftir þrjú ár í 1. deildinni þar sem ungir og efnilegir leikmenn liðsins fengu andrými til að þroskast og spila mikilvægar mínútur. Benedikt þekkir íslenskan körfubolta betur en flestir og undir hans stjórn tapaði liðið ekki leik í deildarkeppninni né úrslitarimmunni í fyrra. Það er stórt stökk að fara upp í Domino’s-deildina og er Benedikt eflaust búinn að undirbúa sínar stúlkur vel. KR fékk góðan liðsstyrk á dögunum þegar einn besti bakvörður finnsku deildarinnar, Kiana Johnson, samdi við KR.8. Blikar Blikar munu berjast við KR um að halda sæti sínu í deildinni. Hildur Sigurðardóttir er hætt eftir að hafa náð góðum árangri með liðið í fyrra og tók Margrét Sturludóttir við því. Þrír leikmenn sem byrjuðu alla leiki í fyrra og voru að spila hátt í þrjátíu mínútur í leik eru horfnir á brott en búið er að fylla í skörðin og bæta við leikmannahópinn ungum og efnilegum leikmönnum. Heimavöllurinn reyndist drjúgur í upphafi móts í fyrra þegar Blikar unnu sex af fyrstu sjö heimaleikjum sínum og þarf heimavöllurinn að vera öflugur í vetur.
Dominos-deild kvenna Mest lesið Fyrrverandi leikmaður United laminn á bar í Moskvu Enski boltinn Sló met Freddys Adu og er yngstur í sögunni Fótbolti England: Hver er kominn, að koma, farinn og að fara? Enski boltinn Enn ein stjarnan slítur krossband í hné Fótbolti Víkingar á leið til Albaníu Fótbolti Mahomes með skýr skilaboð: „Tími til að spila betur“ Sport „Verður að dæmast af því hvernig við högum okkur í Evrópu í ár“ Fótbolti Dagskráin í dag: Örlög Vals og Breiðabliks ráðast Sport Stelpurnar gapandi í stúkunni yfir troðslu Almars Körfubolti Grátlegt tap niðurstaðan og barátta um sæti í A-deild framundan Körfubolti Fleiri fréttir Stelpurnar gapandi í stúkunni yfir troðslu Almars Grátlegt tap niðurstaðan og barátta um sæti í A-deild framundan Hin reynda Dinkins í raðir Njarðvíkur Adam Silver ver nýjan svuntuskatt NBA deildarinnar Jón Axel fer í nýtt félag á Spáni Faðir Kobe Bryant er látinn Njarðvíkingar búnir að finna sér Bandaríkjamann Þrjátíu stiga tap gegn Slóvenum en sextán liða úrslit framundan Keflvíkingar fá þýskan framherja Stelpurnar komust ekki upp í A-deildina Tólf ár á milli fjórðu og fimmtu Ólympíuleika hennar Bronny James hefur klikkað á öllum skotunum sínum Stórkostlegt svar hjá íslensku strákunum eftir skellinn í gær Fáliðað lið Ísland tapaði í undanúrslitum Norðurlandameistarnir fengu stóran skell í fyrsta leik EM Matareitrun á EM: Fimm veikar í íslenska hópnum og ein fór á sjúkrahús Brunson hjálpar Knicks með því að skilja fimmtán milljarða eftir á borðinu Búin að bæta nýliðametið þótt að það séu enn sextán leikir eftir Innlit í nýtt íþróttahús Njarðvíkinga: „Þetta er þvílíkt mannvirki“ Íslensku stelpurnar í undanúrslit eftir stórsigur á Írum Caitlin Clark með tölur sem hafa aldrei sést í NBA né WNBA Kawhi vildi spila á Ólympíuleikunum en var sendur heim Agnes og Eva atkvæðamestar í tapi fyrir Tékkum Danski Jokic í Bónus-deildina „Sannfærð um að þessi samningur lyfti körfuboltanum enn meira upp“ Subway deildin verður Bónus deildin Reiknar með því að hinn fjörutíu og tveggja ára Hlynur troði á komandi tímabili Tryggðu sér sæti í átta liða úrslitum Grindvíkingar fá landsliðskonu frá Njarðvík Álftanes fær til sín leikjahæsta Stjörnumanninn Sjá meira