Skoðaði kynferðislegar myndir af börnum en ósannað að hann hafi brotið gegn barni Kolbeinn Tumi Daðason skrifar 19. október 2018 15:15 Maðurinn var dæmdur til að greiða 300 þúsund krónur í sekt fyrir að hafa skoðað barnaníðsefni. Vísir Héraðsdómur Reykjaness hefur sýknað karlmann sem héraðssaksóknari ákærði fyrir nauðgun og kynferðisbrot gegn stúlku á leikskólaaldri sem var stjúpdóttir hans um tíma. Hann var hins vegar dæmdur fyrir að skoða myndefni sem sýndi börn á kynferðislegan hátt. Manninum var gefið að sök að hafa tvívegis brotið gegn stúlkunni kynferðislega þegar þáverandi kærasta hans bað hann um að passa stúlkuna. Maðurinn neitaði sök bæði í skýrslutöku hjá lögreglu og fyrir dómi. Hann sagði samband sitt við stúlkuna alltaf hafa verið gott. Þau léku sér í mömmó, máluðu og lituðu. Þá benti hann á að samband sona hans við stúlkuna hefði verið gott. Fékk það stoð í SMS skilaboðum móðurinnar til ákærða þegar stúlkan varð meiriháttar ósátt að synirnir myndu ekki mæta í afmælið hennar af því að móðirin og ákærði væru hætt saman. Tveimur dögum síðar sagði móðirin að stúlkan hefði í fyrsta skipti greint frá brotum mannsins.Breytt frásögn í seinna viðtali Stúlkan neitaði því að maðurinn hefði gert nokkuð misjafnt við hana í fyrsta viðtali í barnahúsi. Hún greindi frá því í öðru viðtali að hún væri ánægð að ákærði gisti ekki lengur á heimilinu en þá hafði móðir hennar undirbúið hana fyrir viðtalið. Hún hafði meðal annars rætt málið við stúlkuna og tekið samtal þeirra upp. Upptakan var samt ekki meðal gagna málsins sem héraðsdómur segir að sæti furðu. „Breytt viðhorf stúlkunnar til ákærða á skömmum tíma vekur einnig athygli, en eins og áður er rakið grét hún óstjórnlega þegar móðir hennar upplýsti hana um að hún og ákærði væru ekki lengur kærustupar, og því kæmi hvorki hann né strákarnir hans í afmæli hennar,“ segir í dómnum. Óumdeilt var að maðurinn var einn heima með stúlkunni kvöldin tvö sem hann var sakaður um að hafa brotið gegn henni. Í öðru tilfelli tjáði maðurinn að bróðir móðurinnar hefði komið í heimsókn þar sem hann var á nærbuxunum. Það hefði honum þótt vandræðalegt og sent konunni skilaboð þess efnis. Héraðsdómur fann að því við rannsókn lögreglu að ekki hefði verið rætt við bróður móðurinnar.Ítrekaðar martraðir Foreldrar stúlkunnar, stjúpmóðir og leikskólakennari sögðust merkja breytingu á hegðun stúlkunnar eftir brot ákærða. Faðir hennar og sambýliskona höfðu þó merkt breytingarnar nokkuð áður, um það leyti sem ákærði og synir hans fóru að venja komur sínar á heimili móðurinnar. Þá sagði faðirinn að stúlkan hafi ítrekað fengið martraðir eftir meint brot ákærða. „Engin efni eru til að draga í efa frásagnir ofangreindra aðila um breytta hegðun stúlkunnar um það leyti sem hún lýsti meintum brotum ákærða. Hins vegar verður ekki á þeim byggt sem sönnun þess að ákærði hafi framið þau brot sem hann er sakaður um, enda liggur ekkert fyrir um að orsök breyttrar hegðunar verði rakin til meintra brota,“ segir í dómnum. Þá vildi ákæruvaldið meina að skoðun tveggja lækna á stúlkunum styrkti framburð hennar. Þeir gátu þó ekki staðfest að það sem amaði að stúlkunni væri vegna meints kynferðisbrots þótt það væri mögulegt. Dómurinn sagði framburð mannsins, bæði hjá lögreglu og síðar fyrir dómi, samhljóða og stöðugan. Framburður stúlkunnar væri hins vegar misvísandi í nokkrum atriðum og að því leyti ótraustur að ekki væri unnt að útiloka áhrif annarra á framburð hennar. „Í því ljósi, en einnig að öðrum atriðum gættum sem nefnd hafa verið hér að framan, þykir ekki unnt að slá því föstu, svo hafið sé yfir skynsamlegan vafa, að ákærði hafi gerst sekur um þá háttsemi sem hann er sakaður um.“ Var hann því sýknaður af ákæru fyrir kynferðisbrot gegn stúlkunni.Flakkaði á milli spjallsíðna um klám Maðurinn var upphaflega ákærður fyrir kynferðisbrot með því að hafa barnaníðsefni í vörslu sinni. Ákærunni var breytt að því leyti að hann var ákærður fyrir að hafa horft á efnið í Samsung snjallsíma sínum. 85 myndir og eitt myndband fannst í síma hans sem sýndu börn á kynferðislegan hátt. Maðurinn sagðist hafa flakkað á milli spjallsíðna í símanum þar sem „klámfengnar, en eðlilegar myndir“ hafi verið sendar manna á milli. Líklega hefði hann ýtt á einhvern hlekk sem fært hafi hann í ógáti inn á aðra netsíðu. Þannig hafi myndirnar vistast óumbeðið í síma hans. Hafi hann „skrollað“ niður síðuna, en séð að þar var eitthvað athugavert og því strax farið út af síðunni. Hann neitaði því að hafa opnað myndirnar og skoðað þær, en gat ekki skýrt hvers vegna búið væri að opna sumar þeirra oft. Lögreglumaður sem bar vitni fyrir dómi og afritaði gögnin úr síma mannsins sagði myndirnar hafa fundist í flýti minni símans. Þær færu ekki þangað þegar notandi fengi sendan hlekk heldur þyrfti notandinn að opna hlekkinn. Annars vistuðust myndirnar ekki í flýtiminninu. Skýringar mannsins þóttu ótrúverðugar og fyrir lá að hann skoðaði sumar myndirnar áður en hann yfirgaf vefsíðuna. Annars hefði hann ekki séð að eitthvað athugavert var við myndirnar. Samkævmt því þótti sannað að hann hefði brotið lög með því að skoða barnaníðsefni. Þá játaði maðurinn að hafa haft 1,5 gramm af kókaíni í vörslu sinni sem lögregla fann við húsleit. Refsing mannsins þótti hæfilega 300 þúsund króna sekt til ríkissjóðs. Þá var farsími hans og kókaínið gert upptækt. Dóminn í heild má lesa hér. Mest lesið Munu tryggja aðgengi að kaffistofunni sem er nú bænahús Innlent Skiljanlegt að málið veki upp miklar og erfiðar tilfinningar Innlent „Ég hef aldrei séð þetta svona svakalegt“ Innlent Leigubílstjóri og vinur hans dæmdir fyrir nauðgun Innlent Hafa vísað hundrað leigubílstjórum á brott frá flugstöðinni vegna brota á reglum Innlent Ítalski baróninn á ekki vatnið sem hann seldi Innlent Hart tekist á um umdeildar auglýsingar SFS Innlent „Vladímír, HÆTTU!“ Erlent Fjöldi herskipa við Reykjavíkurhöfn Innlent Strætó og jeppi skullu saman á Reykjanesbraut Innlent Fleiri fréttir Sex ára gamalt hús í viðgerð: Ekki við flötu þökin að sakast Þýskur kafbátur við Sundahöfn Eitt glæsilegasta hrossaræktarbú landsins til sölu Norðurlandamót í hermiakstri haldið á Íslandi „Ég hef aldrei séð þetta svona svakalegt“ Strætó og jeppi skullu saman á Reykjanesbraut Fangelsin sprungin og skoðunarferð um herskip Skólarnir í eina sæng Rannsókn í manndrápsmáli vel á veg komin Kennarar fagna því að flétta eigi kynjafræði inn í allar greinar Byrja að sekta þremur vikum eftir lok nagladekkjatímabilsins Ný öryggisúrræði taki við hjá „hættulegum“ föngum eftir afplánun Munu tryggja aðgengi að kaffistofunni sem er nú bænahús Ítalski baróninn á ekki vatnið sem hann seldi Undarlegt að „stórhættulegir menn“ gangi lausir Rifta samningum vegna gríðarlegrar fækkunar hælisleitenda Segir undarlegt að grunaðir nauðgarar gangi lausir Hart tekist á um umdeildar auglýsingar SFS Uppgötvun íslenskra vísindamanna gæti bætt viðbrögð við náttúruvá Skiljanlegt að málið veki upp miklar og erfiðar tilfinningar Fjöldi herskipa við Reykjavíkurhöfn Vagga Akureyrarflugs er á Melgerðismelum Setja þurfi skýrar reglur um sæðisgjöf á Íslandi Alvarlegt ef þrefalda á strandveiðikvóta á kostnað annarra „Fúsi, aldur og fyrri störf” á Sólheimum um helgina Meintir hópnauðgarar á bannlista skemmtistaðar Sýknaður af ákæru fyrir kynferðisáreitni gegn barni Ósáttur Bandaríkjaforseti og sumarsól Vasaþjófur handtekinn í miðborginni Árásarmaðurinn trúverðugur en sá sem var stunginn misvísandi Sjá meira
Héraðsdómur Reykjaness hefur sýknað karlmann sem héraðssaksóknari ákærði fyrir nauðgun og kynferðisbrot gegn stúlku á leikskólaaldri sem var stjúpdóttir hans um tíma. Hann var hins vegar dæmdur fyrir að skoða myndefni sem sýndi börn á kynferðislegan hátt. Manninum var gefið að sök að hafa tvívegis brotið gegn stúlkunni kynferðislega þegar þáverandi kærasta hans bað hann um að passa stúlkuna. Maðurinn neitaði sök bæði í skýrslutöku hjá lögreglu og fyrir dómi. Hann sagði samband sitt við stúlkuna alltaf hafa verið gott. Þau léku sér í mömmó, máluðu og lituðu. Þá benti hann á að samband sona hans við stúlkuna hefði verið gott. Fékk það stoð í SMS skilaboðum móðurinnar til ákærða þegar stúlkan varð meiriháttar ósátt að synirnir myndu ekki mæta í afmælið hennar af því að móðirin og ákærði væru hætt saman. Tveimur dögum síðar sagði móðirin að stúlkan hefði í fyrsta skipti greint frá brotum mannsins.Breytt frásögn í seinna viðtali Stúlkan neitaði því að maðurinn hefði gert nokkuð misjafnt við hana í fyrsta viðtali í barnahúsi. Hún greindi frá því í öðru viðtali að hún væri ánægð að ákærði gisti ekki lengur á heimilinu en þá hafði móðir hennar undirbúið hana fyrir viðtalið. Hún hafði meðal annars rætt málið við stúlkuna og tekið samtal þeirra upp. Upptakan var samt ekki meðal gagna málsins sem héraðsdómur segir að sæti furðu. „Breytt viðhorf stúlkunnar til ákærða á skömmum tíma vekur einnig athygli, en eins og áður er rakið grét hún óstjórnlega þegar móðir hennar upplýsti hana um að hún og ákærði væru ekki lengur kærustupar, og því kæmi hvorki hann né strákarnir hans í afmæli hennar,“ segir í dómnum. Óumdeilt var að maðurinn var einn heima með stúlkunni kvöldin tvö sem hann var sakaður um að hafa brotið gegn henni. Í öðru tilfelli tjáði maðurinn að bróðir móðurinnar hefði komið í heimsókn þar sem hann var á nærbuxunum. Það hefði honum þótt vandræðalegt og sent konunni skilaboð þess efnis. Héraðsdómur fann að því við rannsókn lögreglu að ekki hefði verið rætt við bróður móðurinnar.Ítrekaðar martraðir Foreldrar stúlkunnar, stjúpmóðir og leikskólakennari sögðust merkja breytingu á hegðun stúlkunnar eftir brot ákærða. Faðir hennar og sambýliskona höfðu þó merkt breytingarnar nokkuð áður, um það leyti sem ákærði og synir hans fóru að venja komur sínar á heimili móðurinnar. Þá sagði faðirinn að stúlkan hafi ítrekað fengið martraðir eftir meint brot ákærða. „Engin efni eru til að draga í efa frásagnir ofangreindra aðila um breytta hegðun stúlkunnar um það leyti sem hún lýsti meintum brotum ákærða. Hins vegar verður ekki á þeim byggt sem sönnun þess að ákærði hafi framið þau brot sem hann er sakaður um, enda liggur ekkert fyrir um að orsök breyttrar hegðunar verði rakin til meintra brota,“ segir í dómnum. Þá vildi ákæruvaldið meina að skoðun tveggja lækna á stúlkunum styrkti framburð hennar. Þeir gátu þó ekki staðfest að það sem amaði að stúlkunni væri vegna meints kynferðisbrots þótt það væri mögulegt. Dómurinn sagði framburð mannsins, bæði hjá lögreglu og síðar fyrir dómi, samhljóða og stöðugan. Framburður stúlkunnar væri hins vegar misvísandi í nokkrum atriðum og að því leyti ótraustur að ekki væri unnt að útiloka áhrif annarra á framburð hennar. „Í því ljósi, en einnig að öðrum atriðum gættum sem nefnd hafa verið hér að framan, þykir ekki unnt að slá því föstu, svo hafið sé yfir skynsamlegan vafa, að ákærði hafi gerst sekur um þá háttsemi sem hann er sakaður um.“ Var hann því sýknaður af ákæru fyrir kynferðisbrot gegn stúlkunni.Flakkaði á milli spjallsíðna um klám Maðurinn var upphaflega ákærður fyrir kynferðisbrot með því að hafa barnaníðsefni í vörslu sinni. Ákærunni var breytt að því leyti að hann var ákærður fyrir að hafa horft á efnið í Samsung snjallsíma sínum. 85 myndir og eitt myndband fannst í síma hans sem sýndu börn á kynferðislegan hátt. Maðurinn sagðist hafa flakkað á milli spjallsíðna í símanum þar sem „klámfengnar, en eðlilegar myndir“ hafi verið sendar manna á milli. Líklega hefði hann ýtt á einhvern hlekk sem fært hafi hann í ógáti inn á aðra netsíðu. Þannig hafi myndirnar vistast óumbeðið í síma hans. Hafi hann „skrollað“ niður síðuna, en séð að þar var eitthvað athugavert og því strax farið út af síðunni. Hann neitaði því að hafa opnað myndirnar og skoðað þær, en gat ekki skýrt hvers vegna búið væri að opna sumar þeirra oft. Lögreglumaður sem bar vitni fyrir dómi og afritaði gögnin úr síma mannsins sagði myndirnar hafa fundist í flýti minni símans. Þær færu ekki þangað þegar notandi fengi sendan hlekk heldur þyrfti notandinn að opna hlekkinn. Annars vistuðust myndirnar ekki í flýtiminninu. Skýringar mannsins þóttu ótrúverðugar og fyrir lá að hann skoðaði sumar myndirnar áður en hann yfirgaf vefsíðuna. Annars hefði hann ekki séð að eitthvað athugavert var við myndirnar. Samkævmt því þótti sannað að hann hefði brotið lög með því að skoða barnaníðsefni. Þá játaði maðurinn að hafa haft 1,5 gramm af kókaíni í vörslu sinni sem lögregla fann við húsleit. Refsing mannsins þótti hæfilega 300 þúsund króna sekt til ríkissjóðs. Þá var farsími hans og kókaínið gert upptækt. Dóminn í heild má lesa hér.
Mest lesið Munu tryggja aðgengi að kaffistofunni sem er nú bænahús Innlent Skiljanlegt að málið veki upp miklar og erfiðar tilfinningar Innlent „Ég hef aldrei séð þetta svona svakalegt“ Innlent Leigubílstjóri og vinur hans dæmdir fyrir nauðgun Innlent Hafa vísað hundrað leigubílstjórum á brott frá flugstöðinni vegna brota á reglum Innlent Ítalski baróninn á ekki vatnið sem hann seldi Innlent Hart tekist á um umdeildar auglýsingar SFS Innlent „Vladímír, HÆTTU!“ Erlent Fjöldi herskipa við Reykjavíkurhöfn Innlent Strætó og jeppi skullu saman á Reykjanesbraut Innlent Fleiri fréttir Sex ára gamalt hús í viðgerð: Ekki við flötu þökin að sakast Þýskur kafbátur við Sundahöfn Eitt glæsilegasta hrossaræktarbú landsins til sölu Norðurlandamót í hermiakstri haldið á Íslandi „Ég hef aldrei séð þetta svona svakalegt“ Strætó og jeppi skullu saman á Reykjanesbraut Fangelsin sprungin og skoðunarferð um herskip Skólarnir í eina sæng Rannsókn í manndrápsmáli vel á veg komin Kennarar fagna því að flétta eigi kynjafræði inn í allar greinar Byrja að sekta þremur vikum eftir lok nagladekkjatímabilsins Ný öryggisúrræði taki við hjá „hættulegum“ föngum eftir afplánun Munu tryggja aðgengi að kaffistofunni sem er nú bænahús Ítalski baróninn á ekki vatnið sem hann seldi Undarlegt að „stórhættulegir menn“ gangi lausir Rifta samningum vegna gríðarlegrar fækkunar hælisleitenda Segir undarlegt að grunaðir nauðgarar gangi lausir Hart tekist á um umdeildar auglýsingar SFS Uppgötvun íslenskra vísindamanna gæti bætt viðbrögð við náttúruvá Skiljanlegt að málið veki upp miklar og erfiðar tilfinningar Fjöldi herskipa við Reykjavíkurhöfn Vagga Akureyrarflugs er á Melgerðismelum Setja þurfi skýrar reglur um sæðisgjöf á Íslandi Alvarlegt ef þrefalda á strandveiðikvóta á kostnað annarra „Fúsi, aldur og fyrri störf” á Sólheimum um helgina Meintir hópnauðgarar á bannlista skemmtistaðar Sýknaður af ákæru fyrir kynferðisáreitni gegn barni Ósáttur Bandaríkjaforseti og sumarsól Vasaþjófur handtekinn í miðborginni Árásarmaðurinn trúverðugur en sá sem var stunginn misvísandi Sjá meira