Flatey Pizza opnar á Hlemmi: Segir sérhæfða staði með gott andrúmsloft eiga eftir að lifa af Birgir Olgeirsson skrifar 15. október 2018 22:10 Starfsmenn Flateyjar fyrir utan Hlemm. Flatey Pizza Eigendur veitingastaðarins Flateyjar Pizzu stefni að því að opna bás í Mathöllinni Hlemmi fyrir lok þessa árs. Þetta segir Sindri Snær Jensson, einn af eigendum veitingastaðarins og verslunarinnar Húrra, en hann segir það hafa verið draum þeirra lengi að færa gestum Mathallarinnar pizzur. „Tímalínan er svolítið óljós eins og vill oft verða hjá þeim sem standa í framkvæmdum. Það vill oft verða að það taki fjórum sinnum lengri tíma en upphaflega var ætlað. En við vonumst til að geta opnað í lok desember, eða rétt fyrir jól,“ segir Sindri Snær. Um er að ræða fimmtán fermetra bás þar sem Ísleifur Heppni var áður.Fluttar hafa verið fregnir af því undanfarið að fyrirhugað sé að opna fjölda mathalla á höfuðborgarsvæðinu og segir Sindri Snær umræðuna í kringum það hafa verið fyndna að einhverju leyti.Frá Mathöllinni við Hlemm.Fréttablaðið/EyþórFlatey Pizza hefur verið til húsa úti á Granda, og verður áfram, en Sindri Snær segir eigendur veitingastaðarins hafa orðið vitni að þeirri miklu umferð sem hefur verið í mathöllina úti á Granda. „Frá degi eitt hefur okkur langað að vera inni í Hlemmi Mathöll. Það kom ákveðið tækifæri fyrir nokkrum mánuðum síðan þegar Borðið lokaði. Núna þegar Ísleifur var eitthvað tæpur á að vera áfram tókum við slaginn,“ segir Sindri. Spurður hvort það sé slegist um plássið á Hlemmi og hvort það sé dýrt að fara þangað inn segist Sindri ekki meðvitaður um hvaða tilboð aðrir veitingamenn gerðu í plássið sem stóð til boða. „Við náðum samkomulagi við þá aðila sem reka Ísleif Heppna af því þeir eru með leigusamningi og mega framselja hann. Hlemmur Mathöll þarf að samþykkja þá sem vilja fara þangað inn. Flatey þótti passa vel inn í Mathöllina því það voru engar pizzur þar fyrir. Flatey er líka búin að skapa sér þann stall að bjóða upp á bestu pizzur borgarinnar og þótt víðar væri leitað. Þannig að ég held að það sé mikill fengur fyrir Hlemm líka,“ segir Sindri Snær.Vísir hefur sagt fréttir af því að þungt hljóð hafi verið í veitingamönnum eftir sumarið en Sindri segir engan bilbug að finna hjá eigendum Flateyjar. Þeir ætli að stækka við sig úti á Granda þar sem ætlunin er að opna bar á efri hæð veitingastaðarins. „Helsta vandamálið okkar er að við höfum þurft að vísa fólki frá á kvöldin. Við höfum ekki haft neinn stað fyrir fólk sem er að bíða eftir borði og nú getum við boðið upp á það,“ segir Sindri. Hann segir erfiðleika í veitingageiranum að hluta til tengda því að margir hafi farið fram úr sér þegar kemur að kostnaði við framkvæmdir. „Og svo aftur á móti þeir sem treysta alfarið á innkomu ferðamanna. Svo er það þannig að það er ákveðin endurnýjun í gangi og fólk er að fíla sérhæfða veitingastaði. Margir af þessum veitingastöðum sem eiga í basli eru að bjóða upp á margt en eru ekki bestir í neinu. En fólk vill bara fara á stað eins og Búlluna sem er með besta hamborgarann og vill fara á Flatey af því þar er besta pizzan. Það vill fara á einhvern ákveðinn stað af því besti brönsinn er þar. Ég held að sérhæfðir staðir með flott andrúmsloft munu klárlega lifa af. En það er alveg vont hljóð í veitingamönnum og orðið ákveðin þensla á þessu og margir sett sig í gullgrafaragírinn.“ Hann segir skynsemi ráða för hjá Flateyjar-mönnum sem vörðu ekki háum fjárhæðum til að opna staðinn. „Og það hefur gengið vel.“ Mest lesið Gapandi hissa að sjá túrista skipta á milli sín mat: „Ég sárlega vorkenndi þeim“ Neytendur Rukkaður um 2800 króna aukagjald í Reynisfjöru Neytendur Stærstu fyrirtækin orðið af 747 milljörðum Viðskipti erlent Barátta Seðlabankans löngu töpuð Viðskipti innlent Dýr smjörvi á Egilsstöðum vekur mikla athygli Neytendur Í áfalli yfir dýrari dekkjum og Hlöllabát Neytendur Formaðurinn neiti að horfast í augu við einkunnaverðbólgu Viðskipti innlent „Við erum ekki að fara að vinna“ Neytendur Verðbólgutölur minnki líkur á vaxtalækkun „allverulega“ Viðskipti innlent „Ljóst að staðan er mjög strembin“ Viðskipti innlent Fleiri fréttir Barátta Seðlabankans löngu töpuð Formaðurinn neiti að horfast í augu við einkunnaverðbólgu Gústi Jó ráðinn markaðsstjóri Vöruverndar Verðbólgutölur minnki líkur á vaxtalækkun „allverulega“ Þekkja engin dæmi um að lögheimilisskráning stöðvi fasteignasölu Eyþór fyllir í skarð Rósu hjá Heimum Verðbólga eykst milli mánaða Stýrivextir mögulega ekki lækkaðir fyrr en í febrúar „Ljóst að staðan er mjög strembin“ Móðurfélag Össurar hagnaðist um 2,8 milljarða á metfjórðungi Fækkun ferðamanna gæti komið íbúðum á markað Fækkun ferðamanna mögulega leitt til hraðari lækkunar stýrivaxta Fá hundrað milljónir til að þróa gervigreind Styrkás kaupir Kraft Landsliðskokkur kaupir hverfisstaðinn: „Þetta gerðist í rauninni bara mjög hratt“ KFC á Íslandi segir meinta ljósmynd viðskiptavinar „falska“ Komust ekki inn á netbanka vegna bilunar Titringur á bókunarmarkaði: „Í kjörstöðu til að taka yfir þennan markað“ Landsbankinn hagnaðist um 16 milljarða eftir skatt Víkingur skiptir um hlutverk hjá Öskju Einar Hrafn ráðinn markaðsstjóri 1,4 milljarða sparnaður af uppsögnum 140 starfsmanna í maí og júní „Sérkennileg“ hækkun íbúðaverðs á tímum hárra vaxta Leiguverð heldur áfram að hækka „Það er verið að ríkisvæða húsnæðismarkaðinn“ Leggja upp laupana í Lundúnum Annað tilboð borist í Skagann 3X Fasteignakaup fjárfesta vísbending um að fasteignaverð haldi áfram að hækka Skúli í Subway reisir glæsihótel við Jökulsárlón Búið að bjóða í Skagann 3X Sjá meira
Eigendur veitingastaðarins Flateyjar Pizzu stefni að því að opna bás í Mathöllinni Hlemmi fyrir lok þessa árs. Þetta segir Sindri Snær Jensson, einn af eigendum veitingastaðarins og verslunarinnar Húrra, en hann segir það hafa verið draum þeirra lengi að færa gestum Mathallarinnar pizzur. „Tímalínan er svolítið óljós eins og vill oft verða hjá þeim sem standa í framkvæmdum. Það vill oft verða að það taki fjórum sinnum lengri tíma en upphaflega var ætlað. En við vonumst til að geta opnað í lok desember, eða rétt fyrir jól,“ segir Sindri Snær. Um er að ræða fimmtán fermetra bás þar sem Ísleifur Heppni var áður.Fluttar hafa verið fregnir af því undanfarið að fyrirhugað sé að opna fjölda mathalla á höfuðborgarsvæðinu og segir Sindri Snær umræðuna í kringum það hafa verið fyndna að einhverju leyti.Frá Mathöllinni við Hlemm.Fréttablaðið/EyþórFlatey Pizza hefur verið til húsa úti á Granda, og verður áfram, en Sindri Snær segir eigendur veitingastaðarins hafa orðið vitni að þeirri miklu umferð sem hefur verið í mathöllina úti á Granda. „Frá degi eitt hefur okkur langað að vera inni í Hlemmi Mathöll. Það kom ákveðið tækifæri fyrir nokkrum mánuðum síðan þegar Borðið lokaði. Núna þegar Ísleifur var eitthvað tæpur á að vera áfram tókum við slaginn,“ segir Sindri. Spurður hvort það sé slegist um plássið á Hlemmi og hvort það sé dýrt að fara þangað inn segist Sindri ekki meðvitaður um hvaða tilboð aðrir veitingamenn gerðu í plássið sem stóð til boða. „Við náðum samkomulagi við þá aðila sem reka Ísleif Heppna af því þeir eru með leigusamningi og mega framselja hann. Hlemmur Mathöll þarf að samþykkja þá sem vilja fara þangað inn. Flatey þótti passa vel inn í Mathöllina því það voru engar pizzur þar fyrir. Flatey er líka búin að skapa sér þann stall að bjóða upp á bestu pizzur borgarinnar og þótt víðar væri leitað. Þannig að ég held að það sé mikill fengur fyrir Hlemm líka,“ segir Sindri Snær.Vísir hefur sagt fréttir af því að þungt hljóð hafi verið í veitingamönnum eftir sumarið en Sindri segir engan bilbug að finna hjá eigendum Flateyjar. Þeir ætli að stækka við sig úti á Granda þar sem ætlunin er að opna bar á efri hæð veitingastaðarins. „Helsta vandamálið okkar er að við höfum þurft að vísa fólki frá á kvöldin. Við höfum ekki haft neinn stað fyrir fólk sem er að bíða eftir borði og nú getum við boðið upp á það,“ segir Sindri. Hann segir erfiðleika í veitingageiranum að hluta til tengda því að margir hafi farið fram úr sér þegar kemur að kostnaði við framkvæmdir. „Og svo aftur á móti þeir sem treysta alfarið á innkomu ferðamanna. Svo er það þannig að það er ákveðin endurnýjun í gangi og fólk er að fíla sérhæfða veitingastaði. Margir af þessum veitingastöðum sem eiga í basli eru að bjóða upp á margt en eru ekki bestir í neinu. En fólk vill bara fara á stað eins og Búlluna sem er með besta hamborgarann og vill fara á Flatey af því þar er besta pizzan. Það vill fara á einhvern ákveðinn stað af því besti brönsinn er þar. Ég held að sérhæfðir staðir með flott andrúmsloft munu klárlega lifa af. En það er alveg vont hljóð í veitingamönnum og orðið ákveðin þensla á þessu og margir sett sig í gullgrafaragírinn.“ Hann segir skynsemi ráða för hjá Flateyjar-mönnum sem vörðu ekki háum fjárhæðum til að opna staðinn. „Og það hefur gengið vel.“
Mest lesið Gapandi hissa að sjá túrista skipta á milli sín mat: „Ég sárlega vorkenndi þeim“ Neytendur Rukkaður um 2800 króna aukagjald í Reynisfjöru Neytendur Stærstu fyrirtækin orðið af 747 milljörðum Viðskipti erlent Barátta Seðlabankans löngu töpuð Viðskipti innlent Dýr smjörvi á Egilsstöðum vekur mikla athygli Neytendur Í áfalli yfir dýrari dekkjum og Hlöllabát Neytendur Formaðurinn neiti að horfast í augu við einkunnaverðbólgu Viðskipti innlent „Við erum ekki að fara að vinna“ Neytendur Verðbólgutölur minnki líkur á vaxtalækkun „allverulega“ Viðskipti innlent „Ljóst að staðan er mjög strembin“ Viðskipti innlent Fleiri fréttir Barátta Seðlabankans löngu töpuð Formaðurinn neiti að horfast í augu við einkunnaverðbólgu Gústi Jó ráðinn markaðsstjóri Vöruverndar Verðbólgutölur minnki líkur á vaxtalækkun „allverulega“ Þekkja engin dæmi um að lögheimilisskráning stöðvi fasteignasölu Eyþór fyllir í skarð Rósu hjá Heimum Verðbólga eykst milli mánaða Stýrivextir mögulega ekki lækkaðir fyrr en í febrúar „Ljóst að staðan er mjög strembin“ Móðurfélag Össurar hagnaðist um 2,8 milljarða á metfjórðungi Fækkun ferðamanna gæti komið íbúðum á markað Fækkun ferðamanna mögulega leitt til hraðari lækkunar stýrivaxta Fá hundrað milljónir til að þróa gervigreind Styrkás kaupir Kraft Landsliðskokkur kaupir hverfisstaðinn: „Þetta gerðist í rauninni bara mjög hratt“ KFC á Íslandi segir meinta ljósmynd viðskiptavinar „falska“ Komust ekki inn á netbanka vegna bilunar Titringur á bókunarmarkaði: „Í kjörstöðu til að taka yfir þennan markað“ Landsbankinn hagnaðist um 16 milljarða eftir skatt Víkingur skiptir um hlutverk hjá Öskju Einar Hrafn ráðinn markaðsstjóri 1,4 milljarða sparnaður af uppsögnum 140 starfsmanna í maí og júní „Sérkennileg“ hækkun íbúðaverðs á tímum hárra vaxta Leiguverð heldur áfram að hækka „Það er verið að ríkisvæða húsnæðismarkaðinn“ Leggja upp laupana í Lundúnum Annað tilboð borist í Skagann 3X Fasteignakaup fjárfesta vísbending um að fasteignaverð haldi áfram að hækka Skúli í Subway reisir glæsihótel við Jökulsárlón Búið að bjóða í Skagann 3X Sjá meira