Leikgleðin fór með þreytunni Kristinn Páll Teitsson skrifar 5. nóvember 2018 10:30 Ólafía Þórunn hefur verið með fullan þátttökurétt á LPGA-mótaröðinni undanfarin tvö ár en tókst ekki að fylgja eftir góðu fyrsta ári. NordicPhotos/getty Tímabilinu hjá Ólafíu Þórunni Kristinsdóttur, atvinnukylfingi úr GR, lauk á laugardaginn þegar henni tókst ekki að endurnýja LPGA-þátttökurétt sinn á lokaúrtökumótinu í Bandaríkjunum. Alls voru átta hringir leiknir á ellefu dögum og var 101 kylfingur skráður til leiks þar sem 45 efstu fengu þátttökurétt á næsta ári. Ólafía náði sér aldrei á strik í mótinu og lauk keppni í 93. sæti á 604 höggum, 28 höggum yfir pari þar sem lokahringurinn reyndist henni erfiður. Hún kvaðst vera á leiðinni heim til Íslands í langþráð frí, eitthvað sem hún sagðist hafa átt að gera fyrr á tímabilinu þegar Fréttablaðið sló á þráðinn til hennar eftir mótið. „Þetta eru blendnar tilfinningar eftir erfiðar tvær vikur, ég er eiginlega himinlifandi að þetta sé búið því ég skemmti mér ekkert vel á þessu móti,“ segir Ólafía hreinskilin um tilfinningarnar þegar úrtökumótinu lauk.Ólafía mun fá takmarkaðan þátttökurétt á LPGA-mótaröðinni í upphafi næsta tímabils.Getty/Mark RunnaclesÞað var ljóst fyrir lokahringinn að hún þyrfti að eiga sannkallaðan draumahring til að eiga möguleika á að komast meðal 45 efstu kylfinganna. „Ég var í raun búin að fá nóg á þeim tímapunkti og hjartað var ekki á réttum stað. Ég fór inn í hann til að ljúka þessu móti af. Ég vissi að það væri alveg einhver örlítill möguleiki á að ég fengi bara þrettán fugla á einum hring en svo fæ ég skolla á annarri braut sem var hálfgert rothögg. Þá þurfti ég fjórtán fugla. Miðað við í hvaða standi ég var þá var ólíklegt að þessi draumahringur kæmi þennan daginn.“ Ólafía Þórunn var á öðru tímabili sínu á LPGA-mótaröðinni og gerði að eigin sögn, grundvallarmistök sem kostuðu hana mikið. Fyrir tímabilið hafði hún orð á því að hún gæti betur stýrt álaginu í ár og leyft sér að taka sér hvíld á milli móta til að hlaða batteríin en hún var ekki nægilega dugleg við það. „Það mistókst gjörsamlega að stýra álaginu betur, ég hugsaði ekki út í það að ég kæmist inn á flest stóru mót ársins og ég var ekki nægilega dugleg að kúpla mig út og hvílast. Áætlanir mínar fóru út í buskann og ég finn það alveg að ég er gjörsamlega búin á því,“ segir Ólafía og heldur áfram: „Leikgleðin hverfur þegar þú finnur fyrir þessari þreytu og maður missir eldmóðinn þegar maður finnur fyrir langvarandi þreytu. Ég finn fyrir þessu í dag, það er nóvember og ég er alveg ótrúlega þreytt bæði andlega og líkamlega. Ég get ekki beðið eftir því að komast heim og fá bara að taka mér hvíld frá öllu saman.“ Henni fannst oft óþægileg tilfinning að sleppa mótum enda fannst henni betri spilamennska handan hornsins. „Ég var oft að missa af niðurskurði með einu höggi yfir einhverja tvo mánuði. Þá fannst mér eins og ég væri að spila mjög vel en ég væri ekki að uppskera eftir því. Þá átti ég að taka skref til baka og hvíla mig í staðinn fyrir að gíra mig upp og æfa meira. Það fór í raun alveg öfugt. Það sem ég tek út úr þessu er að þekkja betur merkin þegar þú finnur fyrir ofþreytu.“ Ólafía mun fá takmarkaðan þátttökurétt á LPGA-mótaröðinni í upphafi næsta tímabils sem þýðir að hún sé háð því hversu fáir skrái sig til leiks. Þá getur hún tekið þátt í úrtökumótum fyrir mót á LPGA-mótaröðinni. „LPGA breytti þessu núna, það fengu færri að halda fullum keppnisrétti en þú heldur þó þessum takmarkaða keppnisrétti. Ég gæti fengið nokkur mót en þetta er óljóst en ég mun vera á Symetra-mótaröðinni þegar tækifæri gefast ekki á LPGA. Ég kaus að einblína á LPGA og framtíð mína þar frekar en Evrópumótaröðina því þar vil ég vera til lengri tíma,“ segir Ólafía. Takist henni að komast inn á LPGA-mót og ná þar góðum árangri getur hún öðlast þátttökurétt á ný um mitt næsta ár. „Ég mun líka vera dugleg að spila í úrtökumótum á mánudegi til að reyna að komast inn á mótið í sömu vikunni, það er önnur leið inn á mótin. Ef mér tekst svo að komast inn á mót og ég næ góðum árangri þar þá gæti ég öðlast þátttökurétt á nýjan leik um mitt næsta tímabil.“ Birtist í Fréttablaðinu Golf Mest lesið Fyrrverandi leikmaður United laminn á bar í Moskvu Enski boltinn Sló met Freddys Adu og er yngstur í sögunni Fótbolti England: Hver er kominn, að koma, farinn og að fara? Enski boltinn Enn ein stjarnan slítur krossband í hné Fótbolti Víkingar á leið til Albaníu Fótbolti Mahomes með skýr skilaboð: „Tími til að spila betur“ Sport „Verður að dæmast af því hvernig við högum okkur í Evrópu í ár“ Fótbolti Dagskráin í dag: Örlög Vals og Breiðabliks ráðast Sport Grátlegt tap niðurstaðan og barátta um sæti í A-deild framundan Körfubolti Löw vill taka við enska landsliðinu Enski boltinn Fleiri fréttir Tiger svaf ekki eftir morðtilræðið gegn Trump Einn sá skrautlegasti mættur á Opna breska Ótrúleg hola í höggi: Meira en hálfa mínútu að fara niður Íslenska karlalandsliðið í golfi í deild þeirra bestu Sturluðust allir úr gleði þegar myndband náðist af Ágústi fara holu í höggi Keegan Bradley útnefndur fyrirliði eftir að Tiger Woods sagði nei takk Missir af milljónum af því að hann er ekki atvinnumaður Tiger sagður hafa afþakkað fyrirliðastöðuna Sú besta í heimi bitin af hundi Fór holu í höggi á tveimur holum í röð Rahm brjálaður: „Djöfulsins drónar“ Tiger Woods fær lífstíðarpassa fyrir afrek sín Nýkrýndur meistari á Opna bandaríska: „Pirraður og vonsvikinn“ McIlroy tekur sér í frí frá golfi eftir „erfiðasta daginn“ á ferlinum Anna Júlía Íslandsmeistari í holukeppni DeChambeau hljóp um og leyfði áhorfendum að snerta bikarinn DeChambeau leiðir með þremur fyrir lokadaginn Åberg með eins höggs forskot Fór fyrst í stöngina en síðan holu í höggi Rory og Cantlay leiða á US Open Woods segir að Opna bandaríska muni reyna líkamlega á kylfinga „Fylgir því þvílík sæla að koma hingað aftur“ Hætt við að skilja: „Framtíð okkar er best varið saman“ „Loksins koma jákvæðar fréttir frá Grindavík“ Sýking í litlu tá heldur Jon Rahm frá keppni á opna bandaríska „Þurfum að fylgjast betur með andlegri heilsu annarra“ Ótrúlegt gengi Scott í hættu og eina sem hann getur gert er að bíða Masters-sigurvegarinn brotnaði saman þegar hann minntist Murrays Brjálaður út í British Airways fyrir að skilja kylfurnar sínar eftir Vann sitt fyrsta PGA-mót með pabba sinn sem kylfusvein Sjá meira
Tímabilinu hjá Ólafíu Þórunni Kristinsdóttur, atvinnukylfingi úr GR, lauk á laugardaginn þegar henni tókst ekki að endurnýja LPGA-þátttökurétt sinn á lokaúrtökumótinu í Bandaríkjunum. Alls voru átta hringir leiknir á ellefu dögum og var 101 kylfingur skráður til leiks þar sem 45 efstu fengu þátttökurétt á næsta ári. Ólafía náði sér aldrei á strik í mótinu og lauk keppni í 93. sæti á 604 höggum, 28 höggum yfir pari þar sem lokahringurinn reyndist henni erfiður. Hún kvaðst vera á leiðinni heim til Íslands í langþráð frí, eitthvað sem hún sagðist hafa átt að gera fyrr á tímabilinu þegar Fréttablaðið sló á þráðinn til hennar eftir mótið. „Þetta eru blendnar tilfinningar eftir erfiðar tvær vikur, ég er eiginlega himinlifandi að þetta sé búið því ég skemmti mér ekkert vel á þessu móti,“ segir Ólafía hreinskilin um tilfinningarnar þegar úrtökumótinu lauk.Ólafía mun fá takmarkaðan þátttökurétt á LPGA-mótaröðinni í upphafi næsta tímabils.Getty/Mark RunnaclesÞað var ljóst fyrir lokahringinn að hún þyrfti að eiga sannkallaðan draumahring til að eiga möguleika á að komast meðal 45 efstu kylfinganna. „Ég var í raun búin að fá nóg á þeim tímapunkti og hjartað var ekki á réttum stað. Ég fór inn í hann til að ljúka þessu móti af. Ég vissi að það væri alveg einhver örlítill möguleiki á að ég fengi bara þrettán fugla á einum hring en svo fæ ég skolla á annarri braut sem var hálfgert rothögg. Þá þurfti ég fjórtán fugla. Miðað við í hvaða standi ég var þá var ólíklegt að þessi draumahringur kæmi þennan daginn.“ Ólafía Þórunn var á öðru tímabili sínu á LPGA-mótaröðinni og gerði að eigin sögn, grundvallarmistök sem kostuðu hana mikið. Fyrir tímabilið hafði hún orð á því að hún gæti betur stýrt álaginu í ár og leyft sér að taka sér hvíld á milli móta til að hlaða batteríin en hún var ekki nægilega dugleg við það. „Það mistókst gjörsamlega að stýra álaginu betur, ég hugsaði ekki út í það að ég kæmist inn á flest stóru mót ársins og ég var ekki nægilega dugleg að kúpla mig út og hvílast. Áætlanir mínar fóru út í buskann og ég finn það alveg að ég er gjörsamlega búin á því,“ segir Ólafía og heldur áfram: „Leikgleðin hverfur þegar þú finnur fyrir þessari þreytu og maður missir eldmóðinn þegar maður finnur fyrir langvarandi þreytu. Ég finn fyrir þessu í dag, það er nóvember og ég er alveg ótrúlega þreytt bæði andlega og líkamlega. Ég get ekki beðið eftir því að komast heim og fá bara að taka mér hvíld frá öllu saman.“ Henni fannst oft óþægileg tilfinning að sleppa mótum enda fannst henni betri spilamennska handan hornsins. „Ég var oft að missa af niðurskurði með einu höggi yfir einhverja tvo mánuði. Þá fannst mér eins og ég væri að spila mjög vel en ég væri ekki að uppskera eftir því. Þá átti ég að taka skref til baka og hvíla mig í staðinn fyrir að gíra mig upp og æfa meira. Það fór í raun alveg öfugt. Það sem ég tek út úr þessu er að þekkja betur merkin þegar þú finnur fyrir ofþreytu.“ Ólafía mun fá takmarkaðan þátttökurétt á LPGA-mótaröðinni í upphafi næsta tímabils sem þýðir að hún sé háð því hversu fáir skrái sig til leiks. Þá getur hún tekið þátt í úrtökumótum fyrir mót á LPGA-mótaröðinni. „LPGA breytti þessu núna, það fengu færri að halda fullum keppnisrétti en þú heldur þó þessum takmarkaða keppnisrétti. Ég gæti fengið nokkur mót en þetta er óljóst en ég mun vera á Symetra-mótaröðinni þegar tækifæri gefast ekki á LPGA. Ég kaus að einblína á LPGA og framtíð mína þar frekar en Evrópumótaröðina því þar vil ég vera til lengri tíma,“ segir Ólafía. Takist henni að komast inn á LPGA-mót og ná þar góðum árangri getur hún öðlast þátttökurétt á ný um mitt næsta ár. „Ég mun líka vera dugleg að spila í úrtökumótum á mánudegi til að reyna að komast inn á mótið í sömu vikunni, það er önnur leið inn á mótin. Ef mér tekst svo að komast inn á mót og ég næ góðum árangri þar þá gæti ég öðlast þátttökurétt á nýjan leik um mitt næsta tímabil.“
Birtist í Fréttablaðinu Golf Mest lesið Fyrrverandi leikmaður United laminn á bar í Moskvu Enski boltinn Sló met Freddys Adu og er yngstur í sögunni Fótbolti England: Hver er kominn, að koma, farinn og að fara? Enski boltinn Enn ein stjarnan slítur krossband í hné Fótbolti Víkingar á leið til Albaníu Fótbolti Mahomes með skýr skilaboð: „Tími til að spila betur“ Sport „Verður að dæmast af því hvernig við högum okkur í Evrópu í ár“ Fótbolti Dagskráin í dag: Örlög Vals og Breiðabliks ráðast Sport Grátlegt tap niðurstaðan og barátta um sæti í A-deild framundan Körfubolti Löw vill taka við enska landsliðinu Enski boltinn Fleiri fréttir Tiger svaf ekki eftir morðtilræðið gegn Trump Einn sá skrautlegasti mættur á Opna breska Ótrúleg hola í höggi: Meira en hálfa mínútu að fara niður Íslenska karlalandsliðið í golfi í deild þeirra bestu Sturluðust allir úr gleði þegar myndband náðist af Ágústi fara holu í höggi Keegan Bradley útnefndur fyrirliði eftir að Tiger Woods sagði nei takk Missir af milljónum af því að hann er ekki atvinnumaður Tiger sagður hafa afþakkað fyrirliðastöðuna Sú besta í heimi bitin af hundi Fór holu í höggi á tveimur holum í röð Rahm brjálaður: „Djöfulsins drónar“ Tiger Woods fær lífstíðarpassa fyrir afrek sín Nýkrýndur meistari á Opna bandaríska: „Pirraður og vonsvikinn“ McIlroy tekur sér í frí frá golfi eftir „erfiðasta daginn“ á ferlinum Anna Júlía Íslandsmeistari í holukeppni DeChambeau hljóp um og leyfði áhorfendum að snerta bikarinn DeChambeau leiðir með þremur fyrir lokadaginn Åberg með eins höggs forskot Fór fyrst í stöngina en síðan holu í höggi Rory og Cantlay leiða á US Open Woods segir að Opna bandaríska muni reyna líkamlega á kylfinga „Fylgir því þvílík sæla að koma hingað aftur“ Hætt við að skilja: „Framtíð okkar er best varið saman“ „Loksins koma jákvæðar fréttir frá Grindavík“ Sýking í litlu tá heldur Jon Rahm frá keppni á opna bandaríska „Þurfum að fylgjast betur með andlegri heilsu annarra“ Ótrúlegt gengi Scott í hættu og eina sem hann getur gert er að bíða Masters-sigurvegarinn brotnaði saman þegar hann minntist Murrays Brjálaður út í British Airways fyrir að skilja kylfurnar sínar eftir Vann sitt fyrsta PGA-mót með pabba sinn sem kylfusvein Sjá meira