Fundi samninganefndar ljósmæðra hjá ríkissáttasemjara er lokið í bili og hefur verið frestað til klukkan þrjú í dag. Fundurinn hófst klukkan tíu í dag og lauk núna rétt fyrir hádegi. Samkvæmt heimildum Vísis miðar samningaviðræðum vel áfram.
Hundruð mættu á samstöðu- og mótmælafund fyrir utan Borgartún 21 á meðan fundinum stóð. Er þetta fjölmennasti fundurinn til stuðnings ljósmæðrum síðan kjaradeila þeirra hófst. Á meðal þeirra sem ávörpuðu hópinn á fundinum voru Oddný Arnarsdóttir verkefnastjóri og tveggja barna móðir, Rut Guðmundsdóttir ljósmóðir, Eva Huld Ívarsdóttir lögfræðingur og Ævar Þór Benediktsson leikari, rithöfundur og verðandi faðir.
Fundinum frestað til klukkan þrjú
Tengdar fréttir
Segja aðgerðalaus stjórnvöld stefna árangri í voða
Bjarni Benediktsson fjármálaráðherra og samninganefnd ríkisins þurfa að beita sér af alvöru í því verkefni að koma fram með nýjar og betri aðferðir við að semja við heilbrigðisstéttir um launakjör.
Ljósmæður munu leggja fram skriflegar kröfur á fundinum í dag
Boðað var til samstöðu- og mótmælafundar á meðan fundinum stendur.
Boðað til mótmæla vegna stöðunnar í kjaradeilu ljósmæðra: „Vanvirðing við konur“
Boðað er til fundarins klukkan 10 á fimmtudag, á sama tíma og samninganefnd ljósmæðra og samninganefnd ríkisins eiga sáttafund í kjaradeilu sem hefur staðið yfir síðan síðastliðið haust.
