Gylfi Þór Sigurðsson verður í byrjunarliði íslenska landsliðsins á móti Gana á Laugardalsvellinum á morgun.
Heimir Hallgrímsson, þjálfari íslenska landsliðsins, hóf blaðamannafundinn sinn í dag á því að tilkynna það að allir leikmenn séu leikfærir nema fyrirliðinn Aron Einar Gunnarsson,
Heimir sagði líka frá því að Gylfi Þór Sigurðsson muni byrja leikinn á morgun og að hann muni bera fyrirliðabandið í leiknum. Kári Árnason var fyrirliði í leiknum á móti Noregi en Gylfi kom þá inná sem varamaður.
Þetta er fyrsti byrjunarliðsleikur Gylfa frá því að hann meiddist á hné í mars.
Heimir sagði líka frá því að staðan á Aroni Einari Gunnarssyni væri góð og að hann verði klár í fyrsta leik á HM á móti Argentínu.
Gylfi byrjar og verður fyrirliði á móti Gana
Óskar Ófeigur Jónsson skrifar

Mest lesið

„Getum gengið stoltar frá borði“
Handbolti

Magnaður Sigvaldi sökkti Magdeburg
Handbolti

Aron og Bjarki Már gerðu sitt í París
Handbolti

Hamrarnir héldu Refunum í fallsæti
Enski boltinn



„Settum í sjötta gír í seinni hálfleik“
Handbolti

Bologna kom til baka gegn AC Milan
Fótbolti

