Brad Pitt bætist við Manson-mynd Tarantino Birgir Olgeirsson skrifar 1. mars 2018 12:19 Tarantino hefur fengið þau Robbie, DiCaprio og Pitt til liðs við sig í næstu mynd. Vísir/Getty Brad Pitt hefur skuldbundið sig til að leika í næstu mynd leikstjórans Quentin Tarantino. Fyrir höfðu Óskarsverðlaunahafinn Leonardo DiCaprio og Margot Robbie einnig ráðið sig til að leika í myndinni sem hefur hlotið nafnið Once Upon a Time in Hollywood. Myndin gerist í Los Angeles árið 1969 og mun hverfast um hið hrottafengna morð á Sharon Tate, sem Robbie mun leika. DiCaprio mun leika Rick Dalton, leikara sem má muna fífil sinn fegurri eftir að hafa notið mikillar velgengni í sjónvarpsþáttum sem gerðust í villta vestrinu, og mun Pitt leika áhættuleikara hans Cliff Booth.Sharon Tate.Vísir/Getty„Báðir eru þeir að reyna að ná fótfestu aftur í borginni Hollywood sem þeir þekkja ekki lengur. Nágranni Rick er hins vegar mjög frægur, Sharon Tate,“ er haft eftir Tarantino um söguþráð myndarinnar. Tarantino hefur að eigin sögn unnið að handriti-myndarinnar síðastliðin fimm ár. Hann segist auk þess hafa búið í Los Angeles-sýslu stærstan hluta lífs síns, þar á meðal árið 1969 þegar hann var sjö ára gamall. „Ég hlakka mikið til að fá að segja þessa sögu af Los Angeles, og Hollywood, sem virðist ekki lengur vera til.“ Sharon Tate var 26 ára gömul þegar hún var myrt ásamt fjórum öðrum af meðlimum Manson-klíkunnar á heimili Tate í Hollywood 9. ágúst árið 1969. Tate var gift pólska leikstjóranum Roman Polanski en þegar hún lést var hún gengin átta og hálfan mánuð með son þeirra. Manson-klíkan var leidd af glæpamanninum Charles Manson. Meðlimir klíkunnar fóru eftir fyrirmælum Mansons þegar þeir myrtu Sharon Tate. Mynd Tarantino verður frumsýnd á heimsvísu 9. ágúst á næsta ári þegar 50 ár verða liðin frá morðunum. Þetta verður í annað sinn sem Tarantino vinnur með þeim Pitt og DiCaprip. Pitt lék í myndinni Inglourious Basterds og DiCaprio í Django Unchained. Fjölmiðlar ytra höfðu margir hverjir heyrt orðróm þess efnis að Tarantino ætlaði að fá leikarana Tom Cruise og Al Pacino til að leika í þessari mynd, en það hefur ekki fengist staðfest. Bíó og sjónvarp Mest lesið Færeyjaferð endaði á Hotel Cabin: „Búnar að hlæja viðstöðulaust síðan við fórum upp á völl“ Lífið Bannað að ræða fótbolta og heimilisfjármálin á stefnumótum Makamál Smakkaði skötu í beinni: „Sjitturinn, kött!“ Matur Falska söngkonan á leið í meðferð Lífið Íslendingar tilnefndir til Emmy-verðlauna Bíó og sjónvarp Eva segir lífið betra með Kára Stefáns Lífið „Unun að troðið sé á manni þegar svona er“ Lífið Gísli Pálmi í fótbolta með Barry Keoghan Lífið Erfið lífsreynsla að þurfa að yfirgefa heimili sitt Lífið Hélt niðri í sér hlátrinum yfir fölskum þjóðsöngnum Lífið Fleiri fréttir Íslendingar tilnefndir til Emmy-verðlauna Tobey Maguire er á landinu Fyrsta stiklan úr Gladiator II Jon Landau er látinn Brad Pitt í mynd um Formúlu 1 í framleiðslu Hamilton Donald Sutherland er látinn Heimaleikurinn vann til verðlauna í Ástralíu „Gaman hvað verið er að tala fallega um samstarfsfólkið mitt“ Tengdasonur Íslands trúðaði Simon Cowell upp úr skónum Gerard Butler á klakanum í enn eitt skiptið Íslenskur hryllingstryllir á Vestfjörðum vekur athygli í Tribeca Eltihrellirinn höfðar mál gegn Netflix Þýskur risi í samstarf við ACT4 um gerð Stóra Bróður Sjá meira
Brad Pitt hefur skuldbundið sig til að leika í næstu mynd leikstjórans Quentin Tarantino. Fyrir höfðu Óskarsverðlaunahafinn Leonardo DiCaprio og Margot Robbie einnig ráðið sig til að leika í myndinni sem hefur hlotið nafnið Once Upon a Time in Hollywood. Myndin gerist í Los Angeles árið 1969 og mun hverfast um hið hrottafengna morð á Sharon Tate, sem Robbie mun leika. DiCaprio mun leika Rick Dalton, leikara sem má muna fífil sinn fegurri eftir að hafa notið mikillar velgengni í sjónvarpsþáttum sem gerðust í villta vestrinu, og mun Pitt leika áhættuleikara hans Cliff Booth.Sharon Tate.Vísir/Getty„Báðir eru þeir að reyna að ná fótfestu aftur í borginni Hollywood sem þeir þekkja ekki lengur. Nágranni Rick er hins vegar mjög frægur, Sharon Tate,“ er haft eftir Tarantino um söguþráð myndarinnar. Tarantino hefur að eigin sögn unnið að handriti-myndarinnar síðastliðin fimm ár. Hann segist auk þess hafa búið í Los Angeles-sýslu stærstan hluta lífs síns, þar á meðal árið 1969 þegar hann var sjö ára gamall. „Ég hlakka mikið til að fá að segja þessa sögu af Los Angeles, og Hollywood, sem virðist ekki lengur vera til.“ Sharon Tate var 26 ára gömul þegar hún var myrt ásamt fjórum öðrum af meðlimum Manson-klíkunnar á heimili Tate í Hollywood 9. ágúst árið 1969. Tate var gift pólska leikstjóranum Roman Polanski en þegar hún lést var hún gengin átta og hálfan mánuð með son þeirra. Manson-klíkan var leidd af glæpamanninum Charles Manson. Meðlimir klíkunnar fóru eftir fyrirmælum Mansons þegar þeir myrtu Sharon Tate. Mynd Tarantino verður frumsýnd á heimsvísu 9. ágúst á næsta ári þegar 50 ár verða liðin frá morðunum. Þetta verður í annað sinn sem Tarantino vinnur með þeim Pitt og DiCaprip. Pitt lék í myndinni Inglourious Basterds og DiCaprio í Django Unchained. Fjölmiðlar ytra höfðu margir hverjir heyrt orðróm þess efnis að Tarantino ætlaði að fá leikarana Tom Cruise og Al Pacino til að leika í þessari mynd, en það hefur ekki fengist staðfest.
Bíó og sjónvarp Mest lesið Færeyjaferð endaði á Hotel Cabin: „Búnar að hlæja viðstöðulaust síðan við fórum upp á völl“ Lífið Bannað að ræða fótbolta og heimilisfjármálin á stefnumótum Makamál Smakkaði skötu í beinni: „Sjitturinn, kött!“ Matur Falska söngkonan á leið í meðferð Lífið Íslendingar tilnefndir til Emmy-verðlauna Bíó og sjónvarp Eva segir lífið betra með Kára Stefáns Lífið „Unun að troðið sé á manni þegar svona er“ Lífið Gísli Pálmi í fótbolta með Barry Keoghan Lífið Erfið lífsreynsla að þurfa að yfirgefa heimili sitt Lífið Hélt niðri í sér hlátrinum yfir fölskum þjóðsöngnum Lífið Fleiri fréttir Íslendingar tilnefndir til Emmy-verðlauna Tobey Maguire er á landinu Fyrsta stiklan úr Gladiator II Jon Landau er látinn Brad Pitt í mynd um Formúlu 1 í framleiðslu Hamilton Donald Sutherland er látinn Heimaleikurinn vann til verðlauna í Ástralíu „Gaman hvað verið er að tala fallega um samstarfsfólkið mitt“ Tengdasonur Íslands trúðaði Simon Cowell upp úr skónum Gerard Butler á klakanum í enn eitt skiptið Íslenskur hryllingstryllir á Vestfjörðum vekur athygli í Tribeca Eltihrellirinn höfðar mál gegn Netflix Þýskur risi í samstarf við ACT4 um gerð Stóra Bróður Sjá meira