Eru vel tengdir hverri einustu plöntu Stefán Þór Hjartarson skrifar 8. febrúar 2018 12:00 Hugmyndin varð til í gegnum verkefni í háskólanum en er nú fyrirtæki með mikla sérstöðu. Vísir/Eyþór Fyrirtækið Jurt Hydroponics fór í gegnum viðskiptahraðalinn Startup Reykjavík árið 2015 og er nú annar tveggja framleiðenda wasabi í Evrópu, en þessi japanska planta er ekki auðræktuð. Fyrirtækið stefnir á að hefja útflutning til allra Norðurlandanna á þessu ári. „Við byrjuðum 2015 á þessu í gegnum háskólann. Við vorum upphaflega bara að vinna verkefni um hvernig væri hægt að nota auðlindirnar sem við höfum hérna á Íslandi til útflutnings. Þá fórum við svolítið að skoða hvaða ræktunarafurðir væru í boði og lentum á þessu eftir svolitla leit,“ segir Sindri Hansen, annar stofnenda Jurt Hydroponics sem framleiðir wasabi-jurtina undir merkjum Nordic Wasabi. Með honum í framleiðslunni er Ragnar Atli Tómasson. Þeir fóru í gegnum Startup Reykjavík viðskiptahraðalinn með hugmyndina árið 2015 og segjast hafa grætt helling á því. „Maður lærði eitthvað nýtt á hverjum degi og þetta kom okkur ótrúlega vel af stað. Það kom sér líka mjög vel eftir prógrammið þegar við vorum að kynna okkur fyrir fjárfestum og fleirum. Þetta er mjög góður stimpill.“ Fisk- og Grillmarkaðinum kynntust þeir mjög snemma í ferlinu enda hreifst Hrefna Sætran, eigandi staðanna, strax af hugmyndinni um að geta notað íslenskt wasabi, bæði vegna þess hve sérstakt hráefnið er og að það er íslensk framleiðsla. Þeir segja að wasabi sé ekki bara meðlæti með sushi heldur sé hægt að nota það í steikur og með öllum fiski – það sé einstaklega vinsælt í alls konar „fusion“ matargerð. Einnig er wasabi notað í kokteila – á Fisk- og Grillmarkaðinum er það til dæmis notað í Nordic wasabi martini og svo er á Fiskmarkaðinum boðið upp á Wasabi mule, sem er eins og klassíski kokteillinn Moscow mule nema með wasabi. „Við erum núna byrjaðir að selja í Danmörku og stefnum á að selja í öllum Norðurlöndunum núna á þessu ári,“ segir Sindri aðspurður hvernig gangi að selja wasabi-ið utan Íslands. Þeir eru í dag aðrir af tveimur ræktendum wasabi í Evrópu – en langstærstur hluti wasabi-framleiðslunnar fer auðvitað fram í Japan þaðan sem plantan er ættuð.Jurt Hydroponics er annar tveggja framleiðenda wasabi í Evrópu.Vísir/EyþórFramleiðslan fer fram í gróðurhúsi á Egilsstöðum, en wasabi er oft sögð vera erfiðust allra plantna að rækta, þannig að það er ekkert verið að ráðast á garðinn þar sem hann er lægstur. „Stærsta vandamálið við ræktunina er að plantan er gríðarlega viðkvæm og þarf mjög þröng umhverfisskilyrði til að þrífast, annars drepst hún. Þetta er ræktað í hátæknigróðurhúsi. Þar eru stýringar og allt saman sjálfvirkt og nettengt, þannig að við erum bara með þetta í símanum okkar á meðan við erum hérna á skrifstofunni í Reykjavík. Við erum reyndar með starfsmann fyrir austan,“ segir Ragnar og bætir við að það þurfi um 400 lítra af vatni fyrir hvert kíló af wasabi – þannig að það megi kalla þetta vatnsútflutningsfyrirtæki í rauninni. Plantan þarf kaldara loftslag en flest grænmeti sem framleitt er í gróðurhúsum hér á landi – það er oftast ræktað við 30 gráður á meðan wasabi plumar sig best við um 15 gráður – þannig að íslenska loftslagið hentar ágætlega. Er wasabi-ið algjörlega búið að hitta ykkur í hjartastað? „Algjörlega. Við erum búnir að lifa og hrærast í þessum wasabi-heimi síðan 2015, það er orðinn svolítill tími með plöntunni,“ segir Sindri og Ragnar bætir við að þeir hafi sett niður hverja einustu plöntu í gróðurhúsinu, „þannig að við erum vel tengdir plöntunum“. „Við erum svona eins og sauðfjárbændurnir og þekkjum hverja einustu plöntu með nafni,“ játar Sindri. Aðspurðir um hver munurinn á wasabi-plöntunni og þessu græna jukki sem er í boði á sushi-stöðum bæjarins sé kemur þessi væntumþykja þeirra í garð plöntunnar skýrt í ljós og ekki stendur á svörum: „Munurinn á því er að borða hundrað prósent hreint grænmeti, sem er okkar afurð, versus mjög unna verksmiðjuframleiðslu með matarlit.“ Þeir segja bragðið töluvert ólíkt þó að „kikkið“ sé til staðar í báðum afurðunum. „Það er miklu meira sinnepsbragð af þessu „fake“ wasabi – en það er meira náttúrulegur sætur undirtónn og jarðbragð af alvöru wasabi.“ Startup Reykjavík viðskiptahraðallinn hefst þann 11. júlí en opnað hefur verið fyrir umsóknir. Birtist í Fréttablaðinu Mest lesið Dæmi um fimmtíu prósenta hækkun á matvöru Neytendur Rukkaður um 2800 króna aukagjald í Reynisfjöru Neytendur Gapandi hissa að sjá túrista skipta á milli sín mat: „Ég sárlega vorkenndi þeim“ Neytendur Tælenskt hveiti úr umferð Neytendur Ofuráhersla á umhverfismálin þegar sjálfbærnin snýst í raun um fólk Atvinnulíf Hugmyndir fyrir tómlega vinnustaði og leiðinlega vinnudaga Atvinnulíf „Við erum ekki að fara að vinna“ Neytendur Ódýrara að velja erlenda gjaldmiðilinn í posum erlendis Neytendur Stærstu fyrirtækin orðið af 747 milljörðum Viðskipti erlent Horfurnar versna hjá Play sem kippir afkomuspá úr gildi Neytendur Fleiri fréttir Hagnaður Arion banka dregst saman milli ára Play tapaði milljarði en staðan „mjög traust“ að mati forstjórans Bein útsending: Play kynnir uppgjör Barátta Seðlabankans löngu töpuð Formaðurinn neiti að horfast í augu við einkunnaverðbólgu Gústi Jó ráðinn markaðsstjóri Vöruverndar Verðbólgutölur minnki líkur á vaxtalækkun „allverulega“ Þekkja engin dæmi um að lögheimilisskráning stöðvi fasteignasölu Eyþór fyllir í skarð Rósu hjá Heimum Verðbólga eykst milli mánaða Stýrivextir mögulega ekki lækkaðir fyrr en í febrúar „Ljóst að staðan er mjög strembin“ Móðurfélag Össurar hagnaðist um 2,8 milljarða á metfjórðungi Fækkun ferðamanna gæti komið íbúðum á markað Fækkun ferðamanna mögulega leitt til hraðari lækkunar stýrivaxta Fá hundrað milljónir til að þróa gervigreind Styrkás kaupir Kraft Landsliðskokkur kaupir hverfisstaðinn: „Þetta gerðist í rauninni bara mjög hratt“ KFC á Íslandi segir meinta ljósmynd viðskiptavinar „falska“ Komust ekki inn á netbanka vegna bilunar Titringur á bókunarmarkaði: „Í kjörstöðu til að taka yfir þennan markað“ Landsbankinn hagnaðist um 16 milljarða eftir skatt Víkingur skiptir um hlutverk hjá Öskju Einar Hrafn ráðinn markaðsstjóri 1,4 milljarða sparnaður af uppsögnum 140 starfsmanna í maí og júní „Sérkennileg“ hækkun íbúðaverðs á tímum hárra vaxta Leiguverð heldur áfram að hækka „Það er verið að ríkisvæða húsnæðismarkaðinn“ Leggja upp laupana í Lundúnum Annað tilboð borist í Skagann 3X Sjá meira
Fyrirtækið Jurt Hydroponics fór í gegnum viðskiptahraðalinn Startup Reykjavík árið 2015 og er nú annar tveggja framleiðenda wasabi í Evrópu, en þessi japanska planta er ekki auðræktuð. Fyrirtækið stefnir á að hefja útflutning til allra Norðurlandanna á þessu ári. „Við byrjuðum 2015 á þessu í gegnum háskólann. Við vorum upphaflega bara að vinna verkefni um hvernig væri hægt að nota auðlindirnar sem við höfum hérna á Íslandi til útflutnings. Þá fórum við svolítið að skoða hvaða ræktunarafurðir væru í boði og lentum á þessu eftir svolitla leit,“ segir Sindri Hansen, annar stofnenda Jurt Hydroponics sem framleiðir wasabi-jurtina undir merkjum Nordic Wasabi. Með honum í framleiðslunni er Ragnar Atli Tómasson. Þeir fóru í gegnum Startup Reykjavík viðskiptahraðalinn með hugmyndina árið 2015 og segjast hafa grætt helling á því. „Maður lærði eitthvað nýtt á hverjum degi og þetta kom okkur ótrúlega vel af stað. Það kom sér líka mjög vel eftir prógrammið þegar við vorum að kynna okkur fyrir fjárfestum og fleirum. Þetta er mjög góður stimpill.“ Fisk- og Grillmarkaðinum kynntust þeir mjög snemma í ferlinu enda hreifst Hrefna Sætran, eigandi staðanna, strax af hugmyndinni um að geta notað íslenskt wasabi, bæði vegna þess hve sérstakt hráefnið er og að það er íslensk framleiðsla. Þeir segja að wasabi sé ekki bara meðlæti með sushi heldur sé hægt að nota það í steikur og með öllum fiski – það sé einstaklega vinsælt í alls konar „fusion“ matargerð. Einnig er wasabi notað í kokteila – á Fisk- og Grillmarkaðinum er það til dæmis notað í Nordic wasabi martini og svo er á Fiskmarkaðinum boðið upp á Wasabi mule, sem er eins og klassíski kokteillinn Moscow mule nema með wasabi. „Við erum núna byrjaðir að selja í Danmörku og stefnum á að selja í öllum Norðurlöndunum núna á þessu ári,“ segir Sindri aðspurður hvernig gangi að selja wasabi-ið utan Íslands. Þeir eru í dag aðrir af tveimur ræktendum wasabi í Evrópu – en langstærstur hluti wasabi-framleiðslunnar fer auðvitað fram í Japan þaðan sem plantan er ættuð.Jurt Hydroponics er annar tveggja framleiðenda wasabi í Evrópu.Vísir/EyþórFramleiðslan fer fram í gróðurhúsi á Egilsstöðum, en wasabi er oft sögð vera erfiðust allra plantna að rækta, þannig að það er ekkert verið að ráðast á garðinn þar sem hann er lægstur. „Stærsta vandamálið við ræktunina er að plantan er gríðarlega viðkvæm og þarf mjög þröng umhverfisskilyrði til að þrífast, annars drepst hún. Þetta er ræktað í hátæknigróðurhúsi. Þar eru stýringar og allt saman sjálfvirkt og nettengt, þannig að við erum bara með þetta í símanum okkar á meðan við erum hérna á skrifstofunni í Reykjavík. Við erum reyndar með starfsmann fyrir austan,“ segir Ragnar og bætir við að það þurfi um 400 lítra af vatni fyrir hvert kíló af wasabi – þannig að það megi kalla þetta vatnsútflutningsfyrirtæki í rauninni. Plantan þarf kaldara loftslag en flest grænmeti sem framleitt er í gróðurhúsum hér á landi – það er oftast ræktað við 30 gráður á meðan wasabi plumar sig best við um 15 gráður – þannig að íslenska loftslagið hentar ágætlega. Er wasabi-ið algjörlega búið að hitta ykkur í hjartastað? „Algjörlega. Við erum búnir að lifa og hrærast í þessum wasabi-heimi síðan 2015, það er orðinn svolítill tími með plöntunni,“ segir Sindri og Ragnar bætir við að þeir hafi sett niður hverja einustu plöntu í gróðurhúsinu, „þannig að við erum vel tengdir plöntunum“. „Við erum svona eins og sauðfjárbændurnir og þekkjum hverja einustu plöntu með nafni,“ játar Sindri. Aðspurðir um hver munurinn á wasabi-plöntunni og þessu græna jukki sem er í boði á sushi-stöðum bæjarins sé kemur þessi væntumþykja þeirra í garð plöntunnar skýrt í ljós og ekki stendur á svörum: „Munurinn á því er að borða hundrað prósent hreint grænmeti, sem er okkar afurð, versus mjög unna verksmiðjuframleiðslu með matarlit.“ Þeir segja bragðið töluvert ólíkt þó að „kikkið“ sé til staðar í báðum afurðunum. „Það er miklu meira sinnepsbragð af þessu „fake“ wasabi – en það er meira náttúrulegur sætur undirtónn og jarðbragð af alvöru wasabi.“ Startup Reykjavík viðskiptahraðallinn hefst þann 11. júlí en opnað hefur verið fyrir umsóknir.
Birtist í Fréttablaðinu Mest lesið Dæmi um fimmtíu prósenta hækkun á matvöru Neytendur Rukkaður um 2800 króna aukagjald í Reynisfjöru Neytendur Gapandi hissa að sjá túrista skipta á milli sín mat: „Ég sárlega vorkenndi þeim“ Neytendur Tælenskt hveiti úr umferð Neytendur Ofuráhersla á umhverfismálin þegar sjálfbærnin snýst í raun um fólk Atvinnulíf Hugmyndir fyrir tómlega vinnustaði og leiðinlega vinnudaga Atvinnulíf „Við erum ekki að fara að vinna“ Neytendur Ódýrara að velja erlenda gjaldmiðilinn í posum erlendis Neytendur Stærstu fyrirtækin orðið af 747 milljörðum Viðskipti erlent Horfurnar versna hjá Play sem kippir afkomuspá úr gildi Neytendur Fleiri fréttir Hagnaður Arion banka dregst saman milli ára Play tapaði milljarði en staðan „mjög traust“ að mati forstjórans Bein útsending: Play kynnir uppgjör Barátta Seðlabankans löngu töpuð Formaðurinn neiti að horfast í augu við einkunnaverðbólgu Gústi Jó ráðinn markaðsstjóri Vöruverndar Verðbólgutölur minnki líkur á vaxtalækkun „allverulega“ Þekkja engin dæmi um að lögheimilisskráning stöðvi fasteignasölu Eyþór fyllir í skarð Rósu hjá Heimum Verðbólga eykst milli mánaða Stýrivextir mögulega ekki lækkaðir fyrr en í febrúar „Ljóst að staðan er mjög strembin“ Móðurfélag Össurar hagnaðist um 2,8 milljarða á metfjórðungi Fækkun ferðamanna gæti komið íbúðum á markað Fækkun ferðamanna mögulega leitt til hraðari lækkunar stýrivaxta Fá hundrað milljónir til að þróa gervigreind Styrkás kaupir Kraft Landsliðskokkur kaupir hverfisstaðinn: „Þetta gerðist í rauninni bara mjög hratt“ KFC á Íslandi segir meinta ljósmynd viðskiptavinar „falska“ Komust ekki inn á netbanka vegna bilunar Titringur á bókunarmarkaði: „Í kjörstöðu til að taka yfir þennan markað“ Landsbankinn hagnaðist um 16 milljarða eftir skatt Víkingur skiptir um hlutverk hjá Öskju Einar Hrafn ráðinn markaðsstjóri 1,4 milljarða sparnaður af uppsögnum 140 starfsmanna í maí og júní „Sérkennileg“ hækkun íbúðaverðs á tímum hárra vaxta Leiguverð heldur áfram að hækka „Það er verið að ríkisvæða húsnæðismarkaðinn“ Leggja upp laupana í Lundúnum Annað tilboð borist í Skagann 3X Sjá meira