Íslendingar beðnir um að sýna erlendu starfsfólki velvild og þolinmæði Sunna Kristín Hilmarsdóttir skrifar 28. maí 2019 09:00 Skiltið sem Ólöf Hugrún sá og myndaði á N1 í Borgarnesi. ólöf hugrún Bæði olíufélögin N1 og Olís hafa gripið til þess ráðs að setja upp skilti á íslensku á bensín- og þjónustustöðvum sínum þar sem viðskiptavinir eru beðnir um að sýna erlendu starfsfólki þolinmæði og velvild. Hjá báðum fyrirtækjum er þetta gert vegna þess að Íslendingar eiga það til að láta í ljós óánægju sína og gagnrýna starfsfólk fyrir íslenskukunnáttu. Ólöf Hugrún Valdimarsdóttir, verkefnastjóri í Listaháskóla Íslands, vakti athygli á slíku skilti á Twitter í vikunni en skiltið er uppi á N1 í Borgarnesi. Ólöf segir að þrjú slík skilti hafi verið sjáanleg á afgreiðsluborðum en þau hafi öll verið á íslensku.Jón Viðar Stefánsson er rekstrarstjóri N1.aðsend myndKomið upp að starfsmenn fái gagnrýni fyrir að tala ekki íslensku fullkomlega Í svari við fyrirspurn Vísis segir Jón Viðar Stefánsson, rekstarstjóri N1, að á þeim svæðum þar sem meira sé af erlendu starfsfólki en öðrum hafi þessi skilti verið sett upp til að upplýsa viðskiptavini. „Hjá N1 starfa um 600 manns og erum við það heppin að hafa fólk allsstaðar úr heiminum í okkar liði. Á sumum svæðum er meira af erlendu starfsfólki en öðrum. Á þeim svæðum höfum við sett upp þessi skilti til að upplýsa okkar viðskiptavini. Auk þess bera starfsmenn sem ekki tala íslensku barmmerki sem segir til um það,“ segir í svari Jóns Viðars. Þá bera nýir starfsmenn hjá N1 barmmerki sem upplýsir viðskiptavininn um að viðkomandi sé í þjálfun. „Í langflestum tilfellum sýna viðsiptavinir okkar þessu skilning og þolinmæði en auðvitað hefur það komið upp að starfsmenn fái gagnrýni fyrir það að tala íslensku ekki fullkomlega,“ segir Jón Viðar. Hann segir það einnig oft hafa nýst fyrirtækinu vel að hafa erlenda starfsmenn í vinnu undanfarin ár þegar ferðamönnum hefur fjölgað eins hratt og raun ber vitni. „Enda höfum við starfsfólk hjá okkur sem talar þýsku, frönsku, ensku, spænsku og svo mætti eflaust lengi telja.“Hversu mikið ætli Íslendingar hafi hraunað yfir erlent starfsfólk til að þetta skilti hafi orðið að raunveruleika?pic.twitter.com/xijLsxHOz7 — Ólöf Hugrún (@olofhugrun) May 26, 2019„Umburðarlyndi ekki alltaf nægilegt“ Ragnheiður Björk Guðmundsdóttir, framkvæmdastjóri mannauðssviðs Olís, segir framkomu viðskiptavina í garð starfsfólks almennt í fínu lagi. „En staðreyndin er sú að við Íslendingar gerum oft kröfu um að fá þjónustu frá íslenskumælandi fólki. Þráðurinn er misstuttur hjá fólki og umburðarlyndi ekki alltaf nægilegt,“ segir Ragnheiður. Olís hafi sett upp skilti með skilaboðum til viðskiptavina um að sýna erlendu starfsfólki kurteisi og virðingu til að vekja athygli á því að erlendir starfsmenn séu fjölmargir hjá Olís og þeir hafi reynst fyrirtækinu mjög vel. „Við erum að hjálpa þeim að festa rætur í okkar umhverfi og því biðjum við fólk um að umgangast þessa erlendu starfsmenn eins og alla hina Íslendingana sem vinna hjá okkur og sýna þeim sömu virðingu. Þetta er fólk sem reynir eins og það getur að sinna starfi sínu vel og auðvitað er tungumálið vandamál í byrjun en flestir fara á íslenskunámskeið og reyna sitt besta til að falla inn í umhverfið,“ segir Ragnheiður. Ragnheiður Björk Guðmundsdóttir, framkvæmdastjóri mannauðssviðs Olís.Dapurlegast þegar vart verður við fordóma gagnvart fólki með annað litarhaft Spurð út í það hvort að svona skilti séu víða segir Ragnheiður að fyrir þremur til fjórum árum hafi verslunarstjóri sem var yfir stöð Olís úti á landi sett upp skilti í sínu byggðarlagi. „Þar var óvenju hátt hlutfall af erlendum starfsmönnum á þeirri stöð. Þetta mæltist ágætlega fyrir og fólk tók tillit til þess þannig að við höfum sett þetta þar sem verslunarstjórar hafa óskað eftir því.“ Ragnheiður segir það dapurlegast þegar vart verður við fordóma gagnvart fólki sem er með annað litarhaft en neikvæð framkoma í garð þeirra starfsmanna sé því miður algengari en í garð annarra. „Við erum með töluverðan fjölda starfsmanna af mismunandi þjóðerni og það sitja allir við sama borð hjá okkur,“ segir Ragnheiður en starfsfólk Olís kemur frá nítján mismunandi þjóðlöndum. Þá bendir Ragnheiður á að Olís heiðri árlega starfsfólk fyrir langan starfsaldur. Það er byrjað að heiðra fólk við 10 ára starfsaldur, svo 15 ár og svo koll af kolli. „Og það er gaman að segja frá því að undanfarin tvö ár höfum við heiðrað 11 manns frá Póllandi og Filippseyjum fyrir 10 og 15 ára starf. Þannig að fólk er alveg að stoppa hjá okkur og við viljum gera allt til þess að auðvelda þeim að komast inn í samfélagið okkar,“ segir Ragnheiður. Bensín og olía Innflytjendamál Neytendur Mest lesið Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Innlent „Til hamingju hálfvitar“ Innlent Þrjátíu prestar krefjast dvalarleyfis fyrir Oscar Innlent Svikahrappur beið eftir flugferð framkvæmdastjórans Innlent Hvalreki í Njarðvík við Borgarfjörð eystri Innlent Forsætisráðherra vill sjá nýtt fangelsi á Stóra Hrauni sem fyrst Innlent Greint frá dánarorsök páfans Erlent Dæmi um að fyrirtæki tapi tugum milljóna í „forstjórasvindli“ Innlent Vildu ekki til Íslands þegar loks bauðst að snúa heim Innlent Lögmaður þurfi ekki að hafa áhyggjur af þekkingu ráðherra Innlent Fleiri fréttir Stöðvaður á 116 kílómetra hraða Þrjátíu prestar krefjast dvalarleyfis fyrir Oscar Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Hvalreki í Njarðvík við Borgarfjörð eystri Forsætisráðherra vill sjá nýtt fangelsi á Stóra Hrauni sem fyrst „Til hamingju hálfvitar“ Svikahrappur beið eftir flugferð framkvæmdastjórans Frans páfi, forsætisráðherra um fangelsismál og villtur páfagaukur Dæmi um að fyrirtæki tapi tugum milljóna í „forstjórasvindli“ Halla Tómasdóttir minnist „Pope Francis“ Lögmaður þurfi ekki að hafa áhyggjur af þekkingu ráðherra Andlát páfa og svikahrappar sem herja á fólk og fyrirtæki „Stjórnvöldum er að takast að loka Kvikmyndaskóla Íslands“ Vildu ekki til Íslands þegar loks bauðst að snúa heim Hátt í þrettán stiga hiti á sumardaginn fyrsta Gripu innbrotsþjófa glóðvolga Vanþekking ráðherra sé áhyggjuefni Margar fjölskyldur fastar í fátækt svo árum skiptir Ásthildur Lóa setur húsið umdeilda á sölu Gagnrýnir dómsmálaráðherra fyrir að fara með rangt mál um dvalarleyfi Trump-stjórnin virðist ekki hafa neitt plan Skrítið ef ríkið hefur ekki áhuga á Háholti Maðurinn er laus úr haldi „Við megum mótmæla því að verið sé að drepa saklaust fólk“ Ræddi við foreldra og hætta við miklar hækkanir Einn í haldi lögreglu vegna konu með skerta meðvitund Falla frá gjaldskrárhækkunum og árásir á tímum vopnahlés Bjóst ekki við að ríkisstjórnin héldi meirihluta Viðbragð lögreglu og sjúkraflutningamanna í nágrenni Selfoss Vestfjarðaleiðin verði Hringvegur númer tvö Sjá meira
Bæði olíufélögin N1 og Olís hafa gripið til þess ráðs að setja upp skilti á íslensku á bensín- og þjónustustöðvum sínum þar sem viðskiptavinir eru beðnir um að sýna erlendu starfsfólki þolinmæði og velvild. Hjá báðum fyrirtækjum er þetta gert vegna þess að Íslendingar eiga það til að láta í ljós óánægju sína og gagnrýna starfsfólk fyrir íslenskukunnáttu. Ólöf Hugrún Valdimarsdóttir, verkefnastjóri í Listaháskóla Íslands, vakti athygli á slíku skilti á Twitter í vikunni en skiltið er uppi á N1 í Borgarnesi. Ólöf segir að þrjú slík skilti hafi verið sjáanleg á afgreiðsluborðum en þau hafi öll verið á íslensku.Jón Viðar Stefánsson er rekstrarstjóri N1.aðsend myndKomið upp að starfsmenn fái gagnrýni fyrir að tala ekki íslensku fullkomlega Í svari við fyrirspurn Vísis segir Jón Viðar Stefánsson, rekstarstjóri N1, að á þeim svæðum þar sem meira sé af erlendu starfsfólki en öðrum hafi þessi skilti verið sett upp til að upplýsa viðskiptavini. „Hjá N1 starfa um 600 manns og erum við það heppin að hafa fólk allsstaðar úr heiminum í okkar liði. Á sumum svæðum er meira af erlendu starfsfólki en öðrum. Á þeim svæðum höfum við sett upp þessi skilti til að upplýsa okkar viðskiptavini. Auk þess bera starfsmenn sem ekki tala íslensku barmmerki sem segir til um það,“ segir í svari Jóns Viðars. Þá bera nýir starfsmenn hjá N1 barmmerki sem upplýsir viðskiptavininn um að viðkomandi sé í þjálfun. „Í langflestum tilfellum sýna viðsiptavinir okkar þessu skilning og þolinmæði en auðvitað hefur það komið upp að starfsmenn fái gagnrýni fyrir það að tala íslensku ekki fullkomlega,“ segir Jón Viðar. Hann segir það einnig oft hafa nýst fyrirtækinu vel að hafa erlenda starfsmenn í vinnu undanfarin ár þegar ferðamönnum hefur fjölgað eins hratt og raun ber vitni. „Enda höfum við starfsfólk hjá okkur sem talar þýsku, frönsku, ensku, spænsku og svo mætti eflaust lengi telja.“Hversu mikið ætli Íslendingar hafi hraunað yfir erlent starfsfólk til að þetta skilti hafi orðið að raunveruleika?pic.twitter.com/xijLsxHOz7 — Ólöf Hugrún (@olofhugrun) May 26, 2019„Umburðarlyndi ekki alltaf nægilegt“ Ragnheiður Björk Guðmundsdóttir, framkvæmdastjóri mannauðssviðs Olís, segir framkomu viðskiptavina í garð starfsfólks almennt í fínu lagi. „En staðreyndin er sú að við Íslendingar gerum oft kröfu um að fá þjónustu frá íslenskumælandi fólki. Þráðurinn er misstuttur hjá fólki og umburðarlyndi ekki alltaf nægilegt,“ segir Ragnheiður. Olís hafi sett upp skilti með skilaboðum til viðskiptavina um að sýna erlendu starfsfólki kurteisi og virðingu til að vekja athygli á því að erlendir starfsmenn séu fjölmargir hjá Olís og þeir hafi reynst fyrirtækinu mjög vel. „Við erum að hjálpa þeim að festa rætur í okkar umhverfi og því biðjum við fólk um að umgangast þessa erlendu starfsmenn eins og alla hina Íslendingana sem vinna hjá okkur og sýna þeim sömu virðingu. Þetta er fólk sem reynir eins og það getur að sinna starfi sínu vel og auðvitað er tungumálið vandamál í byrjun en flestir fara á íslenskunámskeið og reyna sitt besta til að falla inn í umhverfið,“ segir Ragnheiður. Ragnheiður Björk Guðmundsdóttir, framkvæmdastjóri mannauðssviðs Olís.Dapurlegast þegar vart verður við fordóma gagnvart fólki með annað litarhaft Spurð út í það hvort að svona skilti séu víða segir Ragnheiður að fyrir þremur til fjórum árum hafi verslunarstjóri sem var yfir stöð Olís úti á landi sett upp skilti í sínu byggðarlagi. „Þar var óvenju hátt hlutfall af erlendum starfsmönnum á þeirri stöð. Þetta mæltist ágætlega fyrir og fólk tók tillit til þess þannig að við höfum sett þetta þar sem verslunarstjórar hafa óskað eftir því.“ Ragnheiður segir það dapurlegast þegar vart verður við fordóma gagnvart fólki sem er með annað litarhaft en neikvæð framkoma í garð þeirra starfsmanna sé því miður algengari en í garð annarra. „Við erum með töluverðan fjölda starfsmanna af mismunandi þjóðerni og það sitja allir við sama borð hjá okkur,“ segir Ragnheiður en starfsfólk Olís kemur frá nítján mismunandi þjóðlöndum. Þá bendir Ragnheiður á að Olís heiðri árlega starfsfólk fyrir langan starfsaldur. Það er byrjað að heiðra fólk við 10 ára starfsaldur, svo 15 ár og svo koll af kolli. „Og það er gaman að segja frá því að undanfarin tvö ár höfum við heiðrað 11 manns frá Póllandi og Filippseyjum fyrir 10 og 15 ára starf. Þannig að fólk er alveg að stoppa hjá okkur og við viljum gera allt til þess að auðvelda þeim að komast inn í samfélagið okkar,“ segir Ragnheiður.
Bensín og olía Innflytjendamál Neytendur Mest lesið Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Innlent „Til hamingju hálfvitar“ Innlent Þrjátíu prestar krefjast dvalarleyfis fyrir Oscar Innlent Svikahrappur beið eftir flugferð framkvæmdastjórans Innlent Hvalreki í Njarðvík við Borgarfjörð eystri Innlent Forsætisráðherra vill sjá nýtt fangelsi á Stóra Hrauni sem fyrst Innlent Greint frá dánarorsök páfans Erlent Dæmi um að fyrirtæki tapi tugum milljóna í „forstjórasvindli“ Innlent Vildu ekki til Íslands þegar loks bauðst að snúa heim Innlent Lögmaður þurfi ekki að hafa áhyggjur af þekkingu ráðherra Innlent Fleiri fréttir Stöðvaður á 116 kílómetra hraða Þrjátíu prestar krefjast dvalarleyfis fyrir Oscar Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Hvalreki í Njarðvík við Borgarfjörð eystri Forsætisráðherra vill sjá nýtt fangelsi á Stóra Hrauni sem fyrst „Til hamingju hálfvitar“ Svikahrappur beið eftir flugferð framkvæmdastjórans Frans páfi, forsætisráðherra um fangelsismál og villtur páfagaukur Dæmi um að fyrirtæki tapi tugum milljóna í „forstjórasvindli“ Halla Tómasdóttir minnist „Pope Francis“ Lögmaður þurfi ekki að hafa áhyggjur af þekkingu ráðherra Andlát páfa og svikahrappar sem herja á fólk og fyrirtæki „Stjórnvöldum er að takast að loka Kvikmyndaskóla Íslands“ Vildu ekki til Íslands þegar loks bauðst að snúa heim Hátt í þrettán stiga hiti á sumardaginn fyrsta Gripu innbrotsþjófa glóðvolga Vanþekking ráðherra sé áhyggjuefni Margar fjölskyldur fastar í fátækt svo árum skiptir Ásthildur Lóa setur húsið umdeilda á sölu Gagnrýnir dómsmálaráðherra fyrir að fara með rangt mál um dvalarleyfi Trump-stjórnin virðist ekki hafa neitt plan Skrítið ef ríkið hefur ekki áhuga á Háholti Maðurinn er laus úr haldi „Við megum mótmæla því að verið sé að drepa saklaust fólk“ Ræddi við foreldra og hætta við miklar hækkanir Einn í haldi lögreglu vegna konu með skerta meðvitund Falla frá gjaldskrárhækkunum og árásir á tímum vopnahlés Bjóst ekki við að ríkisstjórnin héldi meirihluta Viðbragð lögreglu og sjúkraflutningamanna í nágrenni Selfoss Vestfjarðaleiðin verði Hringvegur númer tvö Sjá meira
Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Innlent
Deilt um „Pope Francis“ forsetans: „Óboðlegt og óskiljanlegt“ eða hneykslunargirni heilagra? Innlent