Guðrún segir tíðarandann annan í dag en þegar hún greindi frá bréfum Jóns Baldvins Birgir Olgeirsson skrifar 14. janúar 2019 11:46 Jón Baldvin Hannibalsson, fyrrverandi utanríkisráðherra. FBL/Stefán Guðrún Harðardóttir segir tíðarandann í dag allt annan en þegar hún steig fram árið 2012 með bréf sem Jón Baldvin Hannibalsson, fyrrverandi utanríkisráðherra, hafði sent henni þegar hún var um þrettán ára aldur. Guðrún er frænka eiginkonu Jóns Baldvins. Guðrún stofnaði sérstakan Metoo-hóp sem er ætlaður konum sem hafa sögur að segja af Jón Baldvini. Guðrún var gestur í Morgunútvarpi Rásar 2 í morgun þar sem hún sagði 300 konur í þeim hópi í dag. Guðrún sagði frá bréfunum í viðtali við Nýtt líf en í bréfunum sem Jón Baldvin sendi mátti finna berorðar kynlífslýsingar. Guðrún sagði engan sigurvegara í því máli en hún sagði að með því að stíga fram hefði hún náð að gera hreint fyrir sínum dyrum út frá fjölskyldu sinni. Stundin greindin frá frásögnum fjögurra kvenna um áreitni Jóns Baldvins fyrir helgi en þar á meðal sagði Guðrún frá því í Stundinni að aðdragandi þessara bréfa hefði verið lengri og grófari en því sem hún hafði lýst í Nýju lífi árið 2012. Getur sagt meira vegna Metoo Guðrún sagði Metoo-byltinguna hafa gert það að verkum að hún treysti sér til að segja frá meiru. Þegar hún lagði af stað með bréfin fyrir viðtalið árið 2012 ræddi hún við lögfræðinginn sinn sem sagði henni strax að hluti þeirra brota sem hún lýsti væru fyrndur og það væri langsterkast að hún einbeitti sér að því sem lægi fyrir svart á hvítu, það er að segja bréfin sem Jón Baldvin sendi henni. Guðrún sagði í Morgunútvarpi Rásar 2 að hún hefði haft mörg bréf í sínum fórum en flest voru fyrnd nema tvö. „Núna hefur maður leyfi til að segja alla söguna án þess að vera dæmdur athyglissjúkur og maður sendir skömmina á réttan stað. Nú hefur maður leyfi til að segja sannleikann og af því við erum svo margar þá eru okkur trúað,“ sagði Guðrún. Hún sagði tíðarandann í dag öðruvísi en árið 2012, þó það sé ekki langt liðið frá þeim tíma. Umfjöllun Nýs Lífs vakti mikla athygli árið 2012 og seldist fyrsta prentun upp. Skellur hversu lítið var gert úr bréfunum Þegar hún opinberaði bréfin árið 2012 varð hún að eigin sögn ekki vör við mikla breytingu í samfélaginu gagnvart Jóni. Hún sagðist hafa haft miklar væntingar fyrir birtinguna. „Og það var svolítill skellur hvað það var lítið gert úr þessu. Ég bjóst við því að það myndi koma alda af konum á eftir mér þá en þær voru ekki tilbúnar þá en eru það núna. Ég ber enga biturð gagnvart þeim núna. Þær eru hetjur þessar sem hafa komið fram núna. Þær hafa engin bréf, þær hafa engar sannanir. Þær hafa bara orð á móti orði eins og ég sagði og sumar eru búnar að hafa þetta í maganum í 50 ár. Maður getur ekki ímyndað sér hvað það er erfitt og þær eru að standa sig alveg svakalega vel. Og það skiptir engu máli hvort þær eru að koma fram undir nafni eða engu nafni,“ sagði Guðrún í samtali við Morgunútvarp Rásar 2. Hún sagðist hafa varað konurnar við að þær skyldu ekki hafa neinar væntingar eftir að greint frá sinni sögu. „Ég er vön því í þessu að maður leggur spilin á borðið og fólk þykist ekki sjá þau,“ sagði Guðrún. Jón Baldvin Hannibalsson hefur sagst munu svara ásökunum síðar, þegar þær hafi allar komið fram.FBL/GVA Segir afsökunarbeiðni Jóns innantóm orð Hún sagðist vonast til þess að með þessum frásögnum sé hægt að vara aðra við honum. Hún sagðist að öðru leyti hafa aftengt sig Jóni, henni sé alveg sama um hann. Hún sagðist hafa fengið afsökunarbeiðni frá honum en hún hefði borist áður en hún vissi af frásögnum annarra kvenna. Jón baðst afsökunar á bréfunum í Fréttablaðinu en þar viðurkenndi hann sök og sagðist harma að hafa valdið fólki, sem honum þykir vænt um í sinni nánustu fjölskyldu sárindum og hugarangri að ósekju. Guðrún sagði þessa afsökunarbeiðni vera innantóm orð að hennar mati og hún taki ekki mark á henni. Hún hafi enga löngun til að fyrirgefa Jóni. „Ég ætla að fá að vera reið í friði með þessum konum. Við erum búnar að tengjast saman og ég get ekki svarað í dag hvað við viljum fá út úr þessu. Það er rosalega frelsandi að setja saman þennan texta og senda hann frá sér.“ Hér má heyra viðtalið við Guðrún í Morgunútvarpi Rásar 2 í heild sinni. Jón Baldvin hefur boðað að hann muni svara þessum ásökunum síðar. MeToo Mál Jóns Baldvins Hannibalssonar Mest lesið „Væri ekki að fara ef ekki væri fyrir góðvild fólks“ Innlent Munaði engu að ökumaður straujaði niður nítján hjólreiðamenn Innlent Íslensk kona og fjölskylda hennar á sjúkrahúsi eftir árás á Krít Innlent Diljá Mist segir hræsni einkenna íslenska femínista Innlent Grunar að Íranir hafi skipulagt morð á Trump fyrir atburði vikunnar Erlent Telur ekki trúlegt að komið verði á samkomutakmörkunum Innlent Laðar fjárfesta að til að halda Skaganum á Skaganum Innlent Valið á Vance fyrirboði einangrunarhyggju í utanríkismálum Erlent Tveir fundust skotnir til bana í brunnum bíl í Malmö Erlent Eitraði fyrir sjálfri sér og ferðafélögum sínum með blásýru Erlent Fleiri fréttir Stórhættulegur framúrakstur á Holtavörðuheiði Íslensk kona og fjölskylda hennar á sjúkrahúsi eftir árás á Krít Diljá Mist segir hræsni einkenna íslenska femínista Sérsveit þurfti ekki að skerast í leikinn vegna ferðamanns á tjaldstæði Frjósemi á Íslandi aldrei verið minni en í fyrra Telur ekki trúlegt að komið verði á samkomutakmörkunum Laðar fjárfesta að til að halda Skaganum á Skaganum Þrjár líkamsárásir, vinnuslys og mannlaus bíll á ferð „Væri ekki að fara ef ekki væri fyrir góðvild fólks“ Fyrsta heimasmíðaða útvarp landsins til sýnis „Stanslaus barátta við það að vera ekki með menn í einangrun“ Grátlegt að veiðarnar séu kallaðar af meðan sjórinn er fullur af fiski „Covid er alltaf einhvern veginn með okkur“ Þyrlan flutti slasaða göngukonu Slæm hegðun fanga, veiran skæða og sundballett Sex um borð þegar bátur strandaði í Viðey Munaði engu að ökumaður straujaði niður nítján hjólreiðamenn Mál á hendur skipverjum Polar Nanoq fellt niður Eldgos líklegt á allra næstu vikum og jafnvel innan bæjarins „Það eina sem stoppar þá er hnefinn, valdbeiting“ Vélarvana bátur strandaði við Viðey Fallist á áframhaldandi gæsluvarðhald Klára kvótann á morgun Sækja slasaðan göngumann á Hornstrandir Fjöldi smitaðra af Covid kallar á aðgerðir Hefja viðgerðir á næstu dögum þrátt fyrir óvissuástand Flugi Play seinkað vegna ógnandi tilburða flugdólgs Bjart fram undan í efnahagnum og framkvæmdir hefjast í Grindavík Lögreglurannsókn hafi engin áhrif á veitingu læknaleyfis Helga Vala hefur litlar áhyggjur af málinu Sjá meira
Guðrún Harðardóttir segir tíðarandann í dag allt annan en þegar hún steig fram árið 2012 með bréf sem Jón Baldvin Hannibalsson, fyrrverandi utanríkisráðherra, hafði sent henni þegar hún var um þrettán ára aldur. Guðrún er frænka eiginkonu Jóns Baldvins. Guðrún stofnaði sérstakan Metoo-hóp sem er ætlaður konum sem hafa sögur að segja af Jón Baldvini. Guðrún var gestur í Morgunútvarpi Rásar 2 í morgun þar sem hún sagði 300 konur í þeim hópi í dag. Guðrún sagði frá bréfunum í viðtali við Nýtt líf en í bréfunum sem Jón Baldvin sendi mátti finna berorðar kynlífslýsingar. Guðrún sagði engan sigurvegara í því máli en hún sagði að með því að stíga fram hefði hún náð að gera hreint fyrir sínum dyrum út frá fjölskyldu sinni. Stundin greindin frá frásögnum fjögurra kvenna um áreitni Jóns Baldvins fyrir helgi en þar á meðal sagði Guðrún frá því í Stundinni að aðdragandi þessara bréfa hefði verið lengri og grófari en því sem hún hafði lýst í Nýju lífi árið 2012. Getur sagt meira vegna Metoo Guðrún sagði Metoo-byltinguna hafa gert það að verkum að hún treysti sér til að segja frá meiru. Þegar hún lagði af stað með bréfin fyrir viðtalið árið 2012 ræddi hún við lögfræðinginn sinn sem sagði henni strax að hluti þeirra brota sem hún lýsti væru fyrndur og það væri langsterkast að hún einbeitti sér að því sem lægi fyrir svart á hvítu, það er að segja bréfin sem Jón Baldvin sendi henni. Guðrún sagði í Morgunútvarpi Rásar 2 að hún hefði haft mörg bréf í sínum fórum en flest voru fyrnd nema tvö. „Núna hefur maður leyfi til að segja alla söguna án þess að vera dæmdur athyglissjúkur og maður sendir skömmina á réttan stað. Nú hefur maður leyfi til að segja sannleikann og af því við erum svo margar þá eru okkur trúað,“ sagði Guðrún. Hún sagði tíðarandann í dag öðruvísi en árið 2012, þó það sé ekki langt liðið frá þeim tíma. Umfjöllun Nýs Lífs vakti mikla athygli árið 2012 og seldist fyrsta prentun upp. Skellur hversu lítið var gert úr bréfunum Þegar hún opinberaði bréfin árið 2012 varð hún að eigin sögn ekki vör við mikla breytingu í samfélaginu gagnvart Jóni. Hún sagðist hafa haft miklar væntingar fyrir birtinguna. „Og það var svolítill skellur hvað það var lítið gert úr þessu. Ég bjóst við því að það myndi koma alda af konum á eftir mér þá en þær voru ekki tilbúnar þá en eru það núna. Ég ber enga biturð gagnvart þeim núna. Þær eru hetjur þessar sem hafa komið fram núna. Þær hafa engin bréf, þær hafa engar sannanir. Þær hafa bara orð á móti orði eins og ég sagði og sumar eru búnar að hafa þetta í maganum í 50 ár. Maður getur ekki ímyndað sér hvað það er erfitt og þær eru að standa sig alveg svakalega vel. Og það skiptir engu máli hvort þær eru að koma fram undir nafni eða engu nafni,“ sagði Guðrún í samtali við Morgunútvarp Rásar 2. Hún sagðist hafa varað konurnar við að þær skyldu ekki hafa neinar væntingar eftir að greint frá sinni sögu. „Ég er vön því í þessu að maður leggur spilin á borðið og fólk þykist ekki sjá þau,“ sagði Guðrún. Jón Baldvin Hannibalsson hefur sagst munu svara ásökunum síðar, þegar þær hafi allar komið fram.FBL/GVA Segir afsökunarbeiðni Jóns innantóm orð Hún sagðist vonast til þess að með þessum frásögnum sé hægt að vara aðra við honum. Hún sagðist að öðru leyti hafa aftengt sig Jóni, henni sé alveg sama um hann. Hún sagðist hafa fengið afsökunarbeiðni frá honum en hún hefði borist áður en hún vissi af frásögnum annarra kvenna. Jón baðst afsökunar á bréfunum í Fréttablaðinu en þar viðurkenndi hann sök og sagðist harma að hafa valdið fólki, sem honum þykir vænt um í sinni nánustu fjölskyldu sárindum og hugarangri að ósekju. Guðrún sagði þessa afsökunarbeiðni vera innantóm orð að hennar mati og hún taki ekki mark á henni. Hún hafi enga löngun til að fyrirgefa Jóni. „Ég ætla að fá að vera reið í friði með þessum konum. Við erum búnar að tengjast saman og ég get ekki svarað í dag hvað við viljum fá út úr þessu. Það er rosalega frelsandi að setja saman þennan texta og senda hann frá sér.“ Hér má heyra viðtalið við Guðrún í Morgunútvarpi Rásar 2 í heild sinni. Jón Baldvin hefur boðað að hann muni svara þessum ásökunum síðar.
MeToo Mál Jóns Baldvins Hannibalssonar Mest lesið „Væri ekki að fara ef ekki væri fyrir góðvild fólks“ Innlent Munaði engu að ökumaður straujaði niður nítján hjólreiðamenn Innlent Íslensk kona og fjölskylda hennar á sjúkrahúsi eftir árás á Krít Innlent Diljá Mist segir hræsni einkenna íslenska femínista Innlent Grunar að Íranir hafi skipulagt morð á Trump fyrir atburði vikunnar Erlent Telur ekki trúlegt að komið verði á samkomutakmörkunum Innlent Laðar fjárfesta að til að halda Skaganum á Skaganum Innlent Valið á Vance fyrirboði einangrunarhyggju í utanríkismálum Erlent Tveir fundust skotnir til bana í brunnum bíl í Malmö Erlent Eitraði fyrir sjálfri sér og ferðafélögum sínum með blásýru Erlent Fleiri fréttir Stórhættulegur framúrakstur á Holtavörðuheiði Íslensk kona og fjölskylda hennar á sjúkrahúsi eftir árás á Krít Diljá Mist segir hræsni einkenna íslenska femínista Sérsveit þurfti ekki að skerast í leikinn vegna ferðamanns á tjaldstæði Frjósemi á Íslandi aldrei verið minni en í fyrra Telur ekki trúlegt að komið verði á samkomutakmörkunum Laðar fjárfesta að til að halda Skaganum á Skaganum Þrjár líkamsárásir, vinnuslys og mannlaus bíll á ferð „Væri ekki að fara ef ekki væri fyrir góðvild fólks“ Fyrsta heimasmíðaða útvarp landsins til sýnis „Stanslaus barátta við það að vera ekki með menn í einangrun“ Grátlegt að veiðarnar séu kallaðar af meðan sjórinn er fullur af fiski „Covid er alltaf einhvern veginn með okkur“ Þyrlan flutti slasaða göngukonu Slæm hegðun fanga, veiran skæða og sundballett Sex um borð þegar bátur strandaði í Viðey Munaði engu að ökumaður straujaði niður nítján hjólreiðamenn Mál á hendur skipverjum Polar Nanoq fellt niður Eldgos líklegt á allra næstu vikum og jafnvel innan bæjarins „Það eina sem stoppar þá er hnefinn, valdbeiting“ Vélarvana bátur strandaði við Viðey Fallist á áframhaldandi gæsluvarðhald Klára kvótann á morgun Sækja slasaðan göngumann á Hornstrandir Fjöldi smitaðra af Covid kallar á aðgerðir Hefja viðgerðir á næstu dögum þrátt fyrir óvissuástand Flugi Play seinkað vegna ógnandi tilburða flugdólgs Bjart fram undan í efnahagnum og framkvæmdir hefjast í Grindavík Lögreglurannsókn hafi engin áhrif á veitingu læknaleyfis Helga Vala hefur litlar áhyggjur af málinu Sjá meira