Ólympíufarar og Íslandsmethafar á Meistaramóti Íslands Óskar Ófeigur Jónsson skrifar 12. júlí 2019 16:30 Guðbjörg Jóna Bjarnadóttir keppir á Laugardalsvellinum á morgun. Hún bætti Íslandsmetið í 100 metra hlaupi fyrir aðeins tveimur vikum. mynd/frí Meistaramót Íslands í frjálsíþróttum fer fram á Laugardalsvellinum um helgina en fremsta frjálsíþróttafólk landsins verður samankomið á þjóðarleikvangi Íslands dagana 13. til 14. júlí. Í boði eru 37 Íslandsmeistaratitlar. Frjálsíþróttasamband Íslands er með skemmtilega og fróðlega samantekt á heimasíðu sinni en að þessu sinni eru 187 keppendur frá sextán félögum skráðir til keppnu á Meistaramótinu. Keppni fer fram báða dagana. Fyrsta grein mótsins er 110 metra grindahlaup sem hefst klukkan 12.00 á morgun. Síðasta grein laugardagsins er 4x100 metra boðhlaup kvenna sem hefst klukkan 15.00. Á sunnudaginn er fyrsta greinin forkeppni langstökks karla klukkan 11.00 og endar síðan á 4x400 metra boðhlaup kvenna sem hefst klukkan 15.00. Hér fyrir neðan má sjá kynningu FRÍ á áhugaverðustu greinum Meistaramóts Íslands 2019:Hraðasta fólk Íslandssögunnar Í 100 metra hlaupi karla og kvenna er mikið um sterka keppendur og erfitt er að spá fyrir um það hver hlýtur Íslandsmeistaratitilinn. Hjá konunum munu ÍR-ingarnir Tiana Ósk Whitworth og Guðbjörg Jóna Bjarnadóttir mætast. Þær brutu blað í sögunni fyrir tveimur vikum þegar þær hlupu hvor um sig tvisvar sinnum undir Íslandsmetinu, sem staðið hafði í fimmtán ár, á sterku móti út í Þýskalandi. Tiana Ósk byrjaði á því að bæta Íslandsmetið í undanrásunum og Guðbjörg Jóna bætti það svo aftur rúmum klukkutíma síðar í úrslitahlaupinu. Þær munu nú mætast aftur á Meistaramóti Íslands um helgina í fyrsta skipti frá því í Þýskalandi. Hjá körlunum má einnig búast við spennandi hlaupi. Íslandsmethafinn, Ari Bragi Kárason úr FH er mættur aftur á brautina eftir meiðsli. Hann mun þar mæta ríkjandi Íslandsmeistaranum í greininni, Jóhanni Birni Sigurbjörnssyni úr UMSS. Á meðal keppenda er einnig Kolbeinn Höður Gunnarsson, FH. Kolbeinn á Íslandsmetið í 200 metra hlaupi og muni því klárlega veita Ara Braga og Jóhanni Birni harða samkeppni. Þeir eru allir þrír á meðal tíu bestu 100 metra spretthlaupara Íslands frá upphafi og ef aðstæður eru góðar gæti hlaupið um helgina orðið með þeim hröðustu í sögunni. Undanrásir 100 metra hlaups karla fer fram á laugardeginum klukkan 12:30 og úrslitin sama dag klukkan 13:50. Undanrásir 100 metra hlaups kvenna fara fram 12:50 og úrslitin 13:40.Ólympíufarar á Laugardalsvellinum Þrátt fyrir að við Íslendingar séum fámenn þjóð þá stefnum við á að vera í heimsklassa í því sem við tökum okkur fyrir hendur. Það sama á við þegar kemur að íþróttum enda búum við yfir frábæru íþróttafólki. Á MÍ um helgina verða tveir íslenskir Ólympíufarar. Það eru þau Aníta Hinriksdóttir og Guðni Valur Guðnason sem keppa bæði fyrir ÍR. Aníta keppir í 800 metra hlaupi og Guðni Valur í kringlukasti. Þau eru bæði á meðal þeirra fremstu í sinni grein í heiminum, Aníta er að auki Íslandsmethafi í sinni grein og Guðni er í öðru sæti afrekalistans. Auk þess að keppa í sinni sterkustu grein þá mun Aníta einnig keppa í 1500 metra hlaupi og Guðni Valur í kúluvarpi. Aníta keppir í 1500 metra hlaupi klukkan 13:40 á laugardeginum og í 800 metra hlaupi klukkan 13:30 á sunnudeginum. Kúluvarp karla fer fram klukkan 14 á laugardeginum og kringlukastið 12:30 á sunnudeginum.Verðlaunahafar frá bandaríska háskólameistaramótinu Sífellt fleira íslenskt frjálsíþróttafólk heldur til Bandaríkjanna til þess að sækja sér menntun og verða betri íþróttamenn. Tveir þeirra eru FH-ingarnir Hilmar Örn Jónsson sem varð annar á bandaríska háskólameistaramótinu í sleggjukasti og Sindri Hrafnsson sem varð þriðji á sama móti í spjótkasti. Hilmar Örn bæti Íslandsmetið í sleggjukasti í vor og Sindri er í þriðja sæti afrekalistans í spjótkasti. Auk þeirra tveggja verða ÍR-ingarnir Thelma Lind Kristjánsdóttir og Erna Sóley Gunnarsdóttir á meðal keppenda. Thelma Lind á Íslandsmetið í kringlukasti og Erna Sóley hefur verið að færast upp afrekalistann í kúluvarpi. Hún situr nú í öðru sæti afrekalistans og er aðeins þrjátíu sentimetrum frá Íslandsmetinu. Thelma hafði náð lágmarki á EM U23 í sumar en tekur ekki þátt vegna meiðsla og Erna Sóley mun keppa á EM U20 síðar í sumar. Spjótkast karla og kúluvarp kvenna fara fram klukkan 12:30 á laugardeginum. Sleggjukast karla og kringlukast kvenna fara fram klukkan 14 á sunnudeginum.Fremstu ungmenni Evrópu Mikið af ungu og efnilegu íslensku frjálsíþróttafólki hefur verið að ná frábærum árangri undanfarið og um helgina keppa fimm ungmenni sem eru á meðal tíu bestu í sínum aldursflokki í Evrópu. Auk Guðbjargar Jónu, Tiönu Óskar og Ernu Sóleyjar sem minnst hefur verið á hér að ofan eru það Birna Kristín Kristjánsdóttir, Breiðablik og Valdimar Hjalti Erlendsson, FH. Sterkasta grein Birnu Kristínar er langstökk. Hún á aldursflokkamet 16-17 ára í greininni og var sú yngsta til þess að stökkva yfir sex metra. Birna mun keppa á Ólympíuhátíð Evrópuæskunnar síðar í sumar. Valdimar Hjalti er ungur kringlukastari og hefur stöðugt verið að bæta sig undanfarna mánuði. Hann er frekar nýr í greininni en er þrátt fyrir það komin í hóp fremstu kringlukastara Evrópu í sínum aldursflokki. Hann mun keppa á EM undir 20 ára í næstu viku. Forkeppni langstökks kvenna hefst á sunnudeginum klukkan 12 og úrslitin klukkan 14:05. Frjálsar íþróttir Mest lesið „Hugsaði að þetta myndi fá mig til að halda kjafti“ Golf „Ég er 100% pirraður“ Enski boltinn „Viðeigandi að fagna komu hennar með marki“ Íslenski boltinn Kyssti fréttamanninn í miðju viðtali Sport Skelltu sér í jarðarför Hauka Körfubolti Dagskráin í dag: Þrír leikir í Bestu deildinni og Valur getur komist í 2-0 Sport Jón Halldórsson kjörinn formaður HSÍ Handbolti Verstappen fagnaði sigri í Japan: „Þetta er ansi dýr sláttuvél“ Formúla 1 Uppgjörið: Breiðablik - Afturelding 2-0 | Meistararnir með öruggan sigur í opnunarleiknum Íslenski boltinn Meistarar í ellefta sinn á síðustu þrettán árum Fótbolti Fleiri fréttir Jón Halldórsson kjörinn formaður HSÍ Verstappen fagnaði sigri í Japan: „Þetta er ansi dýr sláttuvél“ „Ég er 100% pirraður“ Dagskráin í dag: Þrír leikir í Bestu deildinni og Valur getur komist í 2-0 „Hugsaði að þetta myndi fá mig til að halda kjafti“ Skelltu sér í jarðarför Hauka „Viðeigandi að fagna komu hennar með marki“ „Skrifast á ákveðinn sviðsskrekk“ Meistarar í ellefta sinn á síðustu þrettán árum Uppgjörið: Breiðablik - Afturelding 2-0 | Meistararnir með öruggan sigur í opnunarleiknum Hákon Arnar lék allan tímann þegar Lille tapaði stórleik Barca mistókst að ná sex stiga forskoti Misstu niður tveggja marka forystu Björgvin Páll lokaði markinu og Valsmenn komnir í 1-0 „Hvílíkur léttir að vera loksins komin inn á völlinn aftur“ Uppgjörið: Stjarnan - Njarðvík 89-72 | Njarðvík með annan fótinn í undanúrslitum Melsungen enn með í titilbaráttunni SjallyPally: Pílan í beinni frá Akureyri „Ég er mjög mikill fullkomnunarsinni“ „Beint upp í rútu og ná í annan sigur í dag“ Mikið breytt lið Villa vann mikilvægan sigur Uppgjörið: Valur - Þór Ak. 102-75 | Valskonur komnar í draumastöðu Uppgjörið: Afturelding - ÍBV 32-30 | Mosfellingar unnu fyrsta slaginn Vinicius Junior klikkaði á víti og Real Madrid tapaði Davíð Snær með dramatískt sigurmark Ekki góður dagur fyrir Meistaradeildardrauma Brighton og Bournemouth Leverkusen tryggði sér sigur á síðustu stundu Erfiðasta frumraun félags í efstu deild í 36 ár Kyssti fréttamanninn í miðju viðtali Blikar hafa byrjað báðar titilvarnir sínar illa Sjá meira
Meistaramót Íslands í frjálsíþróttum fer fram á Laugardalsvellinum um helgina en fremsta frjálsíþróttafólk landsins verður samankomið á þjóðarleikvangi Íslands dagana 13. til 14. júlí. Í boði eru 37 Íslandsmeistaratitlar. Frjálsíþróttasamband Íslands er með skemmtilega og fróðlega samantekt á heimasíðu sinni en að þessu sinni eru 187 keppendur frá sextán félögum skráðir til keppnu á Meistaramótinu. Keppni fer fram báða dagana. Fyrsta grein mótsins er 110 metra grindahlaup sem hefst klukkan 12.00 á morgun. Síðasta grein laugardagsins er 4x100 metra boðhlaup kvenna sem hefst klukkan 15.00. Á sunnudaginn er fyrsta greinin forkeppni langstökks karla klukkan 11.00 og endar síðan á 4x400 metra boðhlaup kvenna sem hefst klukkan 15.00. Hér fyrir neðan má sjá kynningu FRÍ á áhugaverðustu greinum Meistaramóts Íslands 2019:Hraðasta fólk Íslandssögunnar Í 100 metra hlaupi karla og kvenna er mikið um sterka keppendur og erfitt er að spá fyrir um það hver hlýtur Íslandsmeistaratitilinn. Hjá konunum munu ÍR-ingarnir Tiana Ósk Whitworth og Guðbjörg Jóna Bjarnadóttir mætast. Þær brutu blað í sögunni fyrir tveimur vikum þegar þær hlupu hvor um sig tvisvar sinnum undir Íslandsmetinu, sem staðið hafði í fimmtán ár, á sterku móti út í Þýskalandi. Tiana Ósk byrjaði á því að bæta Íslandsmetið í undanrásunum og Guðbjörg Jóna bætti það svo aftur rúmum klukkutíma síðar í úrslitahlaupinu. Þær munu nú mætast aftur á Meistaramóti Íslands um helgina í fyrsta skipti frá því í Þýskalandi. Hjá körlunum má einnig búast við spennandi hlaupi. Íslandsmethafinn, Ari Bragi Kárason úr FH er mættur aftur á brautina eftir meiðsli. Hann mun þar mæta ríkjandi Íslandsmeistaranum í greininni, Jóhanni Birni Sigurbjörnssyni úr UMSS. Á meðal keppenda er einnig Kolbeinn Höður Gunnarsson, FH. Kolbeinn á Íslandsmetið í 200 metra hlaupi og muni því klárlega veita Ara Braga og Jóhanni Birni harða samkeppni. Þeir eru allir þrír á meðal tíu bestu 100 metra spretthlaupara Íslands frá upphafi og ef aðstæður eru góðar gæti hlaupið um helgina orðið með þeim hröðustu í sögunni. Undanrásir 100 metra hlaups karla fer fram á laugardeginum klukkan 12:30 og úrslitin sama dag klukkan 13:50. Undanrásir 100 metra hlaups kvenna fara fram 12:50 og úrslitin 13:40.Ólympíufarar á Laugardalsvellinum Þrátt fyrir að við Íslendingar séum fámenn þjóð þá stefnum við á að vera í heimsklassa í því sem við tökum okkur fyrir hendur. Það sama á við þegar kemur að íþróttum enda búum við yfir frábæru íþróttafólki. Á MÍ um helgina verða tveir íslenskir Ólympíufarar. Það eru þau Aníta Hinriksdóttir og Guðni Valur Guðnason sem keppa bæði fyrir ÍR. Aníta keppir í 800 metra hlaupi og Guðni Valur í kringlukasti. Þau eru bæði á meðal þeirra fremstu í sinni grein í heiminum, Aníta er að auki Íslandsmethafi í sinni grein og Guðni er í öðru sæti afrekalistans. Auk þess að keppa í sinni sterkustu grein þá mun Aníta einnig keppa í 1500 metra hlaupi og Guðni Valur í kúluvarpi. Aníta keppir í 1500 metra hlaupi klukkan 13:40 á laugardeginum og í 800 metra hlaupi klukkan 13:30 á sunnudeginum. Kúluvarp karla fer fram klukkan 14 á laugardeginum og kringlukastið 12:30 á sunnudeginum.Verðlaunahafar frá bandaríska háskólameistaramótinu Sífellt fleira íslenskt frjálsíþróttafólk heldur til Bandaríkjanna til þess að sækja sér menntun og verða betri íþróttamenn. Tveir þeirra eru FH-ingarnir Hilmar Örn Jónsson sem varð annar á bandaríska háskólameistaramótinu í sleggjukasti og Sindri Hrafnsson sem varð þriðji á sama móti í spjótkasti. Hilmar Örn bæti Íslandsmetið í sleggjukasti í vor og Sindri er í þriðja sæti afrekalistans í spjótkasti. Auk þeirra tveggja verða ÍR-ingarnir Thelma Lind Kristjánsdóttir og Erna Sóley Gunnarsdóttir á meðal keppenda. Thelma Lind á Íslandsmetið í kringlukasti og Erna Sóley hefur verið að færast upp afrekalistann í kúluvarpi. Hún situr nú í öðru sæti afrekalistans og er aðeins þrjátíu sentimetrum frá Íslandsmetinu. Thelma hafði náð lágmarki á EM U23 í sumar en tekur ekki þátt vegna meiðsla og Erna Sóley mun keppa á EM U20 síðar í sumar. Spjótkast karla og kúluvarp kvenna fara fram klukkan 12:30 á laugardeginum. Sleggjukast karla og kringlukast kvenna fara fram klukkan 14 á sunnudeginum.Fremstu ungmenni Evrópu Mikið af ungu og efnilegu íslensku frjálsíþróttafólki hefur verið að ná frábærum árangri undanfarið og um helgina keppa fimm ungmenni sem eru á meðal tíu bestu í sínum aldursflokki í Evrópu. Auk Guðbjargar Jónu, Tiönu Óskar og Ernu Sóleyjar sem minnst hefur verið á hér að ofan eru það Birna Kristín Kristjánsdóttir, Breiðablik og Valdimar Hjalti Erlendsson, FH. Sterkasta grein Birnu Kristínar er langstökk. Hún á aldursflokkamet 16-17 ára í greininni og var sú yngsta til þess að stökkva yfir sex metra. Birna mun keppa á Ólympíuhátíð Evrópuæskunnar síðar í sumar. Valdimar Hjalti er ungur kringlukastari og hefur stöðugt verið að bæta sig undanfarna mánuði. Hann er frekar nýr í greininni en er þrátt fyrir það komin í hóp fremstu kringlukastara Evrópu í sínum aldursflokki. Hann mun keppa á EM undir 20 ára í næstu viku. Forkeppni langstökks kvenna hefst á sunnudeginum klukkan 12 og úrslitin klukkan 14:05.
Frjálsar íþróttir Mest lesið „Hugsaði að þetta myndi fá mig til að halda kjafti“ Golf „Ég er 100% pirraður“ Enski boltinn „Viðeigandi að fagna komu hennar með marki“ Íslenski boltinn Kyssti fréttamanninn í miðju viðtali Sport Skelltu sér í jarðarför Hauka Körfubolti Dagskráin í dag: Þrír leikir í Bestu deildinni og Valur getur komist í 2-0 Sport Jón Halldórsson kjörinn formaður HSÍ Handbolti Verstappen fagnaði sigri í Japan: „Þetta er ansi dýr sláttuvél“ Formúla 1 Uppgjörið: Breiðablik - Afturelding 2-0 | Meistararnir með öruggan sigur í opnunarleiknum Íslenski boltinn Meistarar í ellefta sinn á síðustu þrettán árum Fótbolti Fleiri fréttir Jón Halldórsson kjörinn formaður HSÍ Verstappen fagnaði sigri í Japan: „Þetta er ansi dýr sláttuvél“ „Ég er 100% pirraður“ Dagskráin í dag: Þrír leikir í Bestu deildinni og Valur getur komist í 2-0 „Hugsaði að þetta myndi fá mig til að halda kjafti“ Skelltu sér í jarðarför Hauka „Viðeigandi að fagna komu hennar með marki“ „Skrifast á ákveðinn sviðsskrekk“ Meistarar í ellefta sinn á síðustu þrettán árum Uppgjörið: Breiðablik - Afturelding 2-0 | Meistararnir með öruggan sigur í opnunarleiknum Hákon Arnar lék allan tímann þegar Lille tapaði stórleik Barca mistókst að ná sex stiga forskoti Misstu niður tveggja marka forystu Björgvin Páll lokaði markinu og Valsmenn komnir í 1-0 „Hvílíkur léttir að vera loksins komin inn á völlinn aftur“ Uppgjörið: Stjarnan - Njarðvík 89-72 | Njarðvík með annan fótinn í undanúrslitum Melsungen enn með í titilbaráttunni SjallyPally: Pílan í beinni frá Akureyri „Ég er mjög mikill fullkomnunarsinni“ „Beint upp í rútu og ná í annan sigur í dag“ Mikið breytt lið Villa vann mikilvægan sigur Uppgjörið: Valur - Þór Ak. 102-75 | Valskonur komnar í draumastöðu Uppgjörið: Afturelding - ÍBV 32-30 | Mosfellingar unnu fyrsta slaginn Vinicius Junior klikkaði á víti og Real Madrid tapaði Davíð Snær með dramatískt sigurmark Ekki góður dagur fyrir Meistaradeildardrauma Brighton og Bournemouth Leverkusen tryggði sér sigur á síðustu stundu Erfiðasta frumraun félags í efstu deild í 36 ár Kyssti fréttamanninn í miðju viðtali Blikar hafa byrjað báðar titilvarnir sínar illa Sjá meira
Uppgjörið: Breiðablik - Afturelding 2-0 | Meistararnir með öruggan sigur í opnunarleiknum Íslenski boltinn
Uppgjörið: Breiðablik - Afturelding 2-0 | Meistararnir með öruggan sigur í opnunarleiknum Íslenski boltinn