Einn besti kylfingur heims vonar að Gylfi og félagar skemmi meistaravonir Liverpool

Einn besti golfari í heimi, Tommy Fleetwood, er stuðningsmaður Everton og hann vonast því eðlilega eftir að Gylfi Sigurðssonar og félagar vinni slaginn um Bítlaborgina um helgina.

Everton og Liverpool mætast í síðasta leik helgarinnar, nánar tiltekið á sunnudaginn klukkan korter yfir fjögur, en Tommy er bjartsýnn fyrir helgina þrátt fyrir skelfilegt gengi Everton í síðustu leikjum gegn Liverpool.

Sky Sports hitaði upp fyrir helgina með léttu golfmóti milli Everton-mannanna Fleetwood og Alan Stubbs. Þeir spiluðu gegn liði Liverpool sem innihélt þá Jamie Redknapp og Kennly Daglish þar sem rætt var um leik helgarinnar.

„Þeta er stór leikur og stór dagur. Ég er ekki viss um að ég ráði við að horfa á leikinn útaf stressi. Ég vil ekki vera of fljótur á mér en ég myndi elska að gera út um meistaravonir Liverpool. Mér líkar við panikkið hjá þeim og þeir hafa verið of sigurvissir í of marga mánuði,“ sagði Fleetwood.

Liverpool vann fyrri leik liðanna á ævintýralegan hátt í uppbótartíma er boltinn fór á slánna á marki Everton og féll út í teiginn þar sem Divock Origi skoraði á sjöundu mínútu uppbótartíma. Fleetwood vill sjá svipað mark um helgina en að Everton skori það.

„Ég vonast eftir marki Everton á 97. mínútu sem dansar á slánni en kemur aftur í leik. Ég vill svipað mark og á Anfield í desember því ég varð nánast veikur eftir það mark. Það yrði æðislegt.“

Liverpool-maðurinn Jamie Redknapp hefur spilað ófáa grannaslagina og hann segir frá skemmtilegri sögu frá fyrsta leiknum sem hann spilaði gegn Everton.

„Ég man eftir fyrsta leiknum. Þetta var svo hrat og brjálað og það var svo erfitt að spila Graeme Souness var stjórinn okkar og hann sagði mér að ég ætti að dekka Peter Beardsley þegar við vorum ekki með boltann.“

„Þegar leið á leikinn varð þetta betra og betra og ég hugsaði að ég þyrfti ekki að dekka hann. Síðan skoraði hann tíu mínútum síðar og ég lærði mikið af þessum degi,“ sagði Redknapp.