Íslandsmeistarar Vals gerðu sér lítið fyrir og skoruðu sex mörk gegn B-deildarliði Aftureldingu á gervigrasinu að Hlíðarenda í kvöld.
Fyrsta markið kom á 22. mínútu er Gary Martin skoraði og sautján mínútum síðar var það vængmaðurinn Sigurður Egill Lárusson sem kom boltanum í netið.
Landsliðsmaðurinn Birkir Már Sævarsson skoraði þriðja markið á fimmtu mínútu síðari hálfleiks og þremur mínútum síðar var röðin aftur komin að Gary.
Hann skoraði svo þriðja mark sitt á 57. mínútu og sjö mínútum síðar fullkomnaði hann fernuna. Lokatölur 6-0.
Valur er í öðru sæti riðilsins með tíu sig eftir fimm leiki en Afturelding er í fjórða sætinu með sjö stig.
Úrslit og markaskorarar eru fengnir frá úrslit.net.
Gary skoraði fjögur í sex marka sigri á Aftureldingu
