Rauði herinn á toppinn Anton Ingi Leifsson skrifar 5. apríl 2019 20:45 Mohamed Salah, leikmaður Liverpool. vísir/getty Liverpool er komið á toppinn í ensku úrvalsdeildinni eftir 3-1 endurkomusigur á Southampton á útivelli í kvöld. Liðið hefur þó leikið einum leik fleira en Manchester City. Það voru ekki liðnar nema níu mínútur er Southampton komst yfir. Fyrirgjöf frá Ryan Bertrand endaði hjá Shane Long sem var gapandi frír. Hann gerði engin mistök og skoraði framhjá Alisson. Það var svo á 36. mínútu er jöfnunarmarkið kom. Trent Alexander-Arnold kom með frábæra fyrirgjöf sem rataði beint á kollinn á Naby Keita. Boltinn fór af kolli Keita og í netið. Hans fyrsta mark fyrir Liverpool. Það tók Liverpool tíma að brjóta niður varnarmúr Southampton í síðari hálfleik. Það var tíu mínútum fyrir leikslok, eftir frábæra skyndisókn, að Mo Salah skoraði. Hefur verið í lægð en steig heldur betur upp á réttum tíma.50 – Mohamed Salah has now scored 50 goals in just 69 appearances for Liverpool in the Premier League; only Alan Shearer (66 - Blackburn) and Ruud van Nistelrooy (68 - Man Utd) reached the milestone in fewer apps for a single club in the competition. Nifty. pic.twitter.com/kL4RiDX0nF — OptaJoe (@OptaJoe) April 5, 2019 Það var svo fjórum mínútum fyrir leikslok sem þriðja mark Liverpool kom. Langur bolti fram endaði hjá Firmino sem gerði afar vel að koma boltanum fyrir markið þar sem fyrirliðinn Jordan Henderson kom askvaðandi og kom boltanum í netið. Lokatölur 3-1. Liverpool er tveimur stigum á undan Manchester City á toppi deildarinnar en City á leik til góða. Southampton er hins vegar í sextánda sæti deildarinnar. Þeir eru fimm stigum frá fallsæti. Enski boltinn
Liverpool er komið á toppinn í ensku úrvalsdeildinni eftir 3-1 endurkomusigur á Southampton á útivelli í kvöld. Liðið hefur þó leikið einum leik fleira en Manchester City. Það voru ekki liðnar nema níu mínútur er Southampton komst yfir. Fyrirgjöf frá Ryan Bertrand endaði hjá Shane Long sem var gapandi frír. Hann gerði engin mistök og skoraði framhjá Alisson. Það var svo á 36. mínútu er jöfnunarmarkið kom. Trent Alexander-Arnold kom með frábæra fyrirgjöf sem rataði beint á kollinn á Naby Keita. Boltinn fór af kolli Keita og í netið. Hans fyrsta mark fyrir Liverpool. Það tók Liverpool tíma að brjóta niður varnarmúr Southampton í síðari hálfleik. Það var tíu mínútum fyrir leikslok, eftir frábæra skyndisókn, að Mo Salah skoraði. Hefur verið í lægð en steig heldur betur upp á réttum tíma.50 – Mohamed Salah has now scored 50 goals in just 69 appearances for Liverpool in the Premier League; only Alan Shearer (66 - Blackburn) and Ruud van Nistelrooy (68 - Man Utd) reached the milestone in fewer apps for a single club in the competition. Nifty. pic.twitter.com/kL4RiDX0nF — OptaJoe (@OptaJoe) April 5, 2019 Það var svo fjórum mínútum fyrir leikslok sem þriðja mark Liverpool kom. Langur bolti fram endaði hjá Firmino sem gerði afar vel að koma boltanum fyrir markið þar sem fyrirliðinn Jordan Henderson kom askvaðandi og kom boltanum í netið. Lokatölur 3-1. Liverpool er tveimur stigum á undan Manchester City á toppi deildarinnar en City á leik til góða. Southampton er hins vegar í sextánda sæti deildarinnar. Þeir eru fimm stigum frá fallsæti.