Sjóðir Eaton Vance seldu fyrir nærri þrjá milljarða Hörður Ægisson og Kristinn Ingi Jónsson skrifa 3. apríl 2019 08:30 Fjárfestingar sjóða Eaton Vance hér á landi námu samanlagt um 63 milljörðum króna í lok janúar. Fréttablaðið/Ernir Fjárfestingarsjóðir á vegum bandaríska sjóðastýringarfyrirtækisins Eaton Vance Management, sem hófu fyrst að kaupa í íslenskum hlutabréfum síðla árs 2015, hafa frá því í byrjun nóvember í fyrra selt í fjölmörgum skráðum félögum fyrir samtals um nærri þrjá milljarða króna, ef miðað er við núverandi gengi hlutabréfa félaganna. Sjóðirnir hafa einkum minnkað við sig í fasteignafélögunum Regin og Reitum og smásölurisanum Festi. Þetta má lesa út úr yfirliti yfir fjárfestingar sjóða Eaton Vance, sem var nýlega birt á vef bandaríska verðbréfaeftirlitsins, og listum yfir tuttugu stærstu hluthafa í skráðum innlendum félögum. Á sama tíma – frá því í byrjun nóvember síðastliðins – hafa sjóðir í stýringu Eaton Vance keypt í Arion banka og Eimskip fyrir samanlagt um einn milljarð króna. Auk þess hafa sjóðirnir bætt við sig í ríkisskuldabréfum á tímabilinu en leiða má að því líkur að þar sé um að ræða fjármuni sem hafa nýverið losnað af sérstökum fjárstreymisreikningum hjá Seðlabanka Íslands. Fjárfestingar sjóða Eaton Vance, sem hefur undanfarin ár verið umsvifamesti erlendi fjárfestirinn hér á landi, í ríkisskuldabréfum, lánum og hlutafé íslenskra félaga námu samanlagt um 522 milljónum dala, jafnvirði liðlega 63 milljarða króna, í lok janúarmánaðar. Fimm sjóðir í stýringu Eaton Vance áttu þá samtals rúmlega 32 milljarða króna í óverðtryggðum ríkisskuldabréfum og 22 milljarða króna í íslenskum hlutabréfum. Að auki hafa sjóðirnir lánað Almenna leigufélaginu, Heimavöllum og WOW air samanlagt yfir átta milljarða króna. Fullvíst má telja að fjárfesting sjóðanna í íslenska lággjaldaflugfélaginu – en sjóðirnir keyptu fyrir um tíu milljónir evra í skuldabréfaútboði félagsins síðasta haust – sé að öllu leyti töpuð. Það eru einkum tveir sjóðir Eaton Vance – Global Macro Absolute Return Advantage og Global Macro Portfolio – sem hafa látið hvað mest til sín taka eftir að sjóðastýringarfyrirtækið hóf innreið sína á hérlendan hlutabréfamarkað fyrir rúmum þremur árum en sjóðirnir hafa báðir verið áberandi á listum yfir stærstu hluthafa skráðra félaga. Sjóðsstjórinn Patrick Campbell hefur haft yfirumsjón með fjárfestingum bandaríska fyrirtækisins hér á landi. Samkvæmt samantekt Markaðarins hafa fjárfestingarsjóðir Eaton Vance selt fyrir liðlega 1,2 milljarða króna í Regin og Reitum frá því í byrjun nóvember, miðað við núverandi gengi hlutabréfa í fasteignafélögunum, en á sama tíma hafa sjóðirnir minnkað við sig í Festi fyrir um 510 milljónir króna og í tryggingafélögunum þremur – Sjóvá, TM og VÍS – fyrir samanlagt um 440 milljónir króna. Á móti hafa sjóðirnir bætt við hlut sinn í Arion banka fyrir hátt í 780 milljónir króna á undanförnum fimm mánuðum – en þeir fara með 3,35 prósenta hlut í bankanum samkvæmt nýjasta hluthafalista hans – og þá hafa þeir á sama tíma keypt í Eimskip fyrir um 270 milljónir króna.Ekkert innflæði í skuldabréf Ekkert innflæði erlends gjaldeyris var til nýfjárfestingar á ríkisskuldabréfamarkaði frá nóvember í fyrra til febrúar síðastliðins, samkvæmt tölum frá Seðlabankanum sem birtust í nýlegum hagvísum bankans. Á sama tíma nam fjármagnsinnflæði vegna fjárfestinga erlendra fjárfesta í hlutabréfum 8,8 milljörðum króna en sennilegt er að innflæðið hafi að mestu farið í hlutabréf í Marel. Nýtt innstreymi erlends gjaldeyris til nýfjárfestingar í ríkisskuldabréfum dróst töluvert saman í fyrra miðað við árið á undan. Það nam um 4,3 milljörðum króna á síðasta ári en þar af var 2,7 milljörðum króna ráðstafað til kaupa á ríkisbréfum en 1,7 milljarðar króna fóru í sérstaka bindingu í samræmi við reglur Seðlabankans. Innstreymi fjár í skráð hlutabréf, sem féllu ekki undir hina sérstöku bindiskyldu bankans, minnkaði einnig á milli ára og nam um 18,5 milljörðum króna á síðasta ári. Þá tók útflæði einnig að aukast þegar leið á árið og á síðasta fjórðungi ársins mældist í fyrsta sinn hreint útflæði vegna nýfjárfestingar. Áðurnefnd bindiskylda, sem fól í sér að ákveðið hlutfall af innflæði vegna fjárfestinga í skráðum skuldabréfum og innlánum þurfti að binda í eitt ár á núll prósent vöxtum, var sem kunnugt er lækkuð í núll prósent í byrjun síðasta mánaðar. Bindingarhlutfallið var lengst af 40 prósent. Birtist í Fréttablaðinu Mest lesið Tónleikastöðum fækkar: „Þetta er bara sorgleg þróun“ Viðskipti innlent Ósáttur við að fyrrum eigandi Skagans 3X standi í vegi endurreisnar Viðskipti innlent Staðreyndum snúið á hvolf til að eigna ríkisstjórninni verðbólguna Viðskipti innlent „Allt að því galið“ að taka ekki þátt í séreignarsparnaði Viðskipti innlent Seðlabankinn hafi ekki önnur úrræði en að lækka vexti Viðskipti innlent Temu kaupin getu hæglega orðið að fíkn Neytendur Spá áframhaldandi óbreyttum stýrivöxtum í næstu viku Viðskipti innlent Litlu fyrirtækin: Upplifa sjálfbærni sem aukavinnu og vesen Atvinnulíf Sprenging í sölu á sérsmíðuðum saunaklefum Samstarf Tryggja sér 650 milljóna króna fjármögnun Viðskipti innlent Fleiri fréttir Telja minni líkur á samdrætti í ferðaþjónustu með aukinni kortaveltu Ósáttur við að fyrrum eigandi Skagans 3X standi í vegi endurreisnar Staðreyndum snúið á hvolf til að eigna ríkisstjórninni verðbólguna Seðlabankinn hafi ekki önnur úrræði en að lækka vexti Tónleikastöðum fækkar: „Þetta er bara sorgleg þróun“ Spá áframhaldandi óbreyttum stýrivöxtum í næstu viku Tryggja sér 650 milljóna króna fjármögnun „Allt að því galið“ að taka ekki þátt í séreignarsparnaði Þórhallur ráðinn fjármálastjóri SORPU Ætla að lækka verð með ungverskum tannlæknum Hefja sölu áfengis á næstu tveimur vikum Atvinnuleysi mest á Suðurnesjum og minnst á Norðurlandi vestra Afnám tolla myndi gera út af við íslenskan landbúnað Bjóða upp á langlægsta verðið en samkeppnisaðilar óttast ekkert Upplifunin verði eins og að fara í búð í útlöndum Kominn tími til að Hopp og Zolo fái samkeppni Evrópska rafhlaupahjólaleigan Bolt opnar á Íslandi í dag Stórt skref stigið í yfirtöku JBT á Marel Klara nýr forstöðumaður hjá RSV „Komin í hóp fullorðnu félaganna“ Play mætt á aðalmarkað Kauphallar Meiri harka í framkvæmdum en áður og fleiri mál fyrir dóm Stefnir í helmingshækkun fasteignaskatta á atvinnuhúsnæði Allt að 43 prósent lægra matvöruverð án tolla Ein og hálf milljón í sekt vegna leyfislausrar Airbnb útleigu Gjaldþrotið nam 780 milljónum króna Stefna að því að opna Starbucks á fyrri hluta næsta árs Frá Bjarna Benediktssyni til Bestseller Play í Kauphöllina Skemmtistaðurinn 22 opnaður á nýjan leik Sjá meira
Fjárfestingarsjóðir á vegum bandaríska sjóðastýringarfyrirtækisins Eaton Vance Management, sem hófu fyrst að kaupa í íslenskum hlutabréfum síðla árs 2015, hafa frá því í byrjun nóvember í fyrra selt í fjölmörgum skráðum félögum fyrir samtals um nærri þrjá milljarða króna, ef miðað er við núverandi gengi hlutabréfa félaganna. Sjóðirnir hafa einkum minnkað við sig í fasteignafélögunum Regin og Reitum og smásölurisanum Festi. Þetta má lesa út úr yfirliti yfir fjárfestingar sjóða Eaton Vance, sem var nýlega birt á vef bandaríska verðbréfaeftirlitsins, og listum yfir tuttugu stærstu hluthafa í skráðum innlendum félögum. Á sama tíma – frá því í byrjun nóvember síðastliðins – hafa sjóðir í stýringu Eaton Vance keypt í Arion banka og Eimskip fyrir samanlagt um einn milljarð króna. Auk þess hafa sjóðirnir bætt við sig í ríkisskuldabréfum á tímabilinu en leiða má að því líkur að þar sé um að ræða fjármuni sem hafa nýverið losnað af sérstökum fjárstreymisreikningum hjá Seðlabanka Íslands. Fjárfestingar sjóða Eaton Vance, sem hefur undanfarin ár verið umsvifamesti erlendi fjárfestirinn hér á landi, í ríkisskuldabréfum, lánum og hlutafé íslenskra félaga námu samanlagt um 522 milljónum dala, jafnvirði liðlega 63 milljarða króna, í lok janúarmánaðar. Fimm sjóðir í stýringu Eaton Vance áttu þá samtals rúmlega 32 milljarða króna í óverðtryggðum ríkisskuldabréfum og 22 milljarða króna í íslenskum hlutabréfum. Að auki hafa sjóðirnir lánað Almenna leigufélaginu, Heimavöllum og WOW air samanlagt yfir átta milljarða króna. Fullvíst má telja að fjárfesting sjóðanna í íslenska lággjaldaflugfélaginu – en sjóðirnir keyptu fyrir um tíu milljónir evra í skuldabréfaútboði félagsins síðasta haust – sé að öllu leyti töpuð. Það eru einkum tveir sjóðir Eaton Vance – Global Macro Absolute Return Advantage og Global Macro Portfolio – sem hafa látið hvað mest til sín taka eftir að sjóðastýringarfyrirtækið hóf innreið sína á hérlendan hlutabréfamarkað fyrir rúmum þremur árum en sjóðirnir hafa báðir verið áberandi á listum yfir stærstu hluthafa skráðra félaga. Sjóðsstjórinn Patrick Campbell hefur haft yfirumsjón með fjárfestingum bandaríska fyrirtækisins hér á landi. Samkvæmt samantekt Markaðarins hafa fjárfestingarsjóðir Eaton Vance selt fyrir liðlega 1,2 milljarða króna í Regin og Reitum frá því í byrjun nóvember, miðað við núverandi gengi hlutabréfa í fasteignafélögunum, en á sama tíma hafa sjóðirnir minnkað við sig í Festi fyrir um 510 milljónir króna og í tryggingafélögunum þremur – Sjóvá, TM og VÍS – fyrir samanlagt um 440 milljónir króna. Á móti hafa sjóðirnir bætt við hlut sinn í Arion banka fyrir hátt í 780 milljónir króna á undanförnum fimm mánuðum – en þeir fara með 3,35 prósenta hlut í bankanum samkvæmt nýjasta hluthafalista hans – og þá hafa þeir á sama tíma keypt í Eimskip fyrir um 270 milljónir króna.Ekkert innflæði í skuldabréf Ekkert innflæði erlends gjaldeyris var til nýfjárfestingar á ríkisskuldabréfamarkaði frá nóvember í fyrra til febrúar síðastliðins, samkvæmt tölum frá Seðlabankanum sem birtust í nýlegum hagvísum bankans. Á sama tíma nam fjármagnsinnflæði vegna fjárfestinga erlendra fjárfesta í hlutabréfum 8,8 milljörðum króna en sennilegt er að innflæðið hafi að mestu farið í hlutabréf í Marel. Nýtt innstreymi erlends gjaldeyris til nýfjárfestingar í ríkisskuldabréfum dróst töluvert saman í fyrra miðað við árið á undan. Það nam um 4,3 milljörðum króna á síðasta ári en þar af var 2,7 milljörðum króna ráðstafað til kaupa á ríkisbréfum en 1,7 milljarðar króna fóru í sérstaka bindingu í samræmi við reglur Seðlabankans. Innstreymi fjár í skráð hlutabréf, sem féllu ekki undir hina sérstöku bindiskyldu bankans, minnkaði einnig á milli ára og nam um 18,5 milljörðum króna á síðasta ári. Þá tók útflæði einnig að aukast þegar leið á árið og á síðasta fjórðungi ársins mældist í fyrsta sinn hreint útflæði vegna nýfjárfestingar. Áðurnefnd bindiskylda, sem fól í sér að ákveðið hlutfall af innflæði vegna fjárfestinga í skráðum skuldabréfum og innlánum þurfti að binda í eitt ár á núll prósent vöxtum, var sem kunnugt er lækkuð í núll prósent í byrjun síðasta mánaðar. Bindingarhlutfallið var lengst af 40 prósent.
Birtist í Fréttablaðinu Mest lesið Tónleikastöðum fækkar: „Þetta er bara sorgleg þróun“ Viðskipti innlent Ósáttur við að fyrrum eigandi Skagans 3X standi í vegi endurreisnar Viðskipti innlent Staðreyndum snúið á hvolf til að eigna ríkisstjórninni verðbólguna Viðskipti innlent „Allt að því galið“ að taka ekki þátt í séreignarsparnaði Viðskipti innlent Seðlabankinn hafi ekki önnur úrræði en að lækka vexti Viðskipti innlent Temu kaupin getu hæglega orðið að fíkn Neytendur Spá áframhaldandi óbreyttum stýrivöxtum í næstu viku Viðskipti innlent Litlu fyrirtækin: Upplifa sjálfbærni sem aukavinnu og vesen Atvinnulíf Sprenging í sölu á sérsmíðuðum saunaklefum Samstarf Tryggja sér 650 milljóna króna fjármögnun Viðskipti innlent Fleiri fréttir Telja minni líkur á samdrætti í ferðaþjónustu með aukinni kortaveltu Ósáttur við að fyrrum eigandi Skagans 3X standi í vegi endurreisnar Staðreyndum snúið á hvolf til að eigna ríkisstjórninni verðbólguna Seðlabankinn hafi ekki önnur úrræði en að lækka vexti Tónleikastöðum fækkar: „Þetta er bara sorgleg þróun“ Spá áframhaldandi óbreyttum stýrivöxtum í næstu viku Tryggja sér 650 milljóna króna fjármögnun „Allt að því galið“ að taka ekki þátt í séreignarsparnaði Þórhallur ráðinn fjármálastjóri SORPU Ætla að lækka verð með ungverskum tannlæknum Hefja sölu áfengis á næstu tveimur vikum Atvinnuleysi mest á Suðurnesjum og minnst á Norðurlandi vestra Afnám tolla myndi gera út af við íslenskan landbúnað Bjóða upp á langlægsta verðið en samkeppnisaðilar óttast ekkert Upplifunin verði eins og að fara í búð í útlöndum Kominn tími til að Hopp og Zolo fái samkeppni Evrópska rafhlaupahjólaleigan Bolt opnar á Íslandi í dag Stórt skref stigið í yfirtöku JBT á Marel Klara nýr forstöðumaður hjá RSV „Komin í hóp fullorðnu félaganna“ Play mætt á aðalmarkað Kauphallar Meiri harka í framkvæmdum en áður og fleiri mál fyrir dóm Stefnir í helmingshækkun fasteignaskatta á atvinnuhúsnæði Allt að 43 prósent lægra matvöruverð án tolla Ein og hálf milljón í sekt vegna leyfislausrar Airbnb útleigu Gjaldþrotið nam 780 milljónum króna Stefna að því að opna Starbucks á fyrri hluta næsta árs Frá Bjarna Benediktssyni til Bestseller Play í Kauphöllina Skemmtistaðurinn 22 opnaður á nýjan leik Sjá meira