Afskaplega rýr uppskera hjá Arsenal undanfarnar vikur Hjörvar Ólafsson skrifar 4. febrúar 2019 17:30 Aaron Ramsey og félagar hafa átt erfitt uppdráttar vísir/getty Tap Arsenal gegn Manchester City í gær gerir það að verkum að Skytturnar hans Unai Emery hafa beðið ósigur í fjórum af síðustu níu deildarleikjum sínum og gert eitt jafntefli. Á meðan þetta rysjótta gengi Arsenal hefur staðið yfir hafa lærisveinar Ole Gunnars Solskjær borið sigur úr býtum í átta af síðustu níu deildarleikjum sínum. Manchester United hefur skotið Arsenal ref fyrir rass með þessum góða kafla sínum og fram undan er hörð barátta milli Chelsea sem er með 50 stig í fjórða sæti deildarinnar, Manchester United sem situr í fimmta sæti með 48 stig og Arsenal sem er í sjötta sæti með 47 stig um fjórða og síðasta sætið sem veitir þátttökurétt í Meistaradeild Evrópu á næstu leiktíð. Rót vandans hjá Arsenal er hriplek vörn liðsins, en það hefur fengið 36 mörk á sig og ekkert lið í efstu sex sætum deildarinnar hefur fengið jafn mörg mörk á sig. Emery vill spila boltanum út úr vandræðum hvar sem það er á vellinum. Liðinu hefur gengið misvel upp við uppspil úr vörn liðsins. Það þarf tæknilega getu og góðan leikskilning til þess að spila boltanum út úr pressu. Setja má spurningarmerki við það að leikmenn á borð við Alex Iwobi búi yfir fyrrgreindum hæfileikum, en hann missti boltann á afar hættulegum stað í fyrsta marki Manchester City í leiknum. Það tekur tíma að aðlaga leikmann leikstíl þar sem þess er krafist að boltanum sé spilað út úr erfiðum stöðum. Arsenal hefur farið fram í því, en hefur þó ekki tekist að fullkomna þá list. Emery gekk ágætlega að bólstra miðsvæðið með því að fá í sínar herbúðir Frakkann Matteo Guendouzi og Úrúgvæjann Lucas Torreira síðasta sumar og framherjaparið Pierre-Emerick Aubameyang og Alexandre Lacazette getur velgt hvaða vörn sem er undir uggum. Það er aftur á móti deginum ljósara að Emery þarf að taka til hendinni og kaupa leikmenn fyrir öftustu línu liðsins næsta sumar. Liðið vantar heimsklassa miðvörð sem getur staðið sig vel og sýnt stöðugleika í gegnum heilt keppnistímabil. Varnarmennirnir í núverandi leikmannahópi Arsenal eru bæði mistækir og eiga sjaldnast tvo góða leiki í röð hitti þeir á góðan leik inn á milli slöku leikjanna sinna. Þá gengur Arsenal bölvanlega á útivelli en frá því að 2018 gekk í garð hefur liðið beðið ósigur í 12 útileikjum í deildinni og einungis Huddersfield Town með 13 tapleiki og Brighton með 14 státa af verri árangri. Það er aldrei góðs viti að knattspyrnustjóri leggi ekki traust á sinn launahæsta leikmann eins og raun ber vitni hjá Arsenal þessa stundina. Þýski sóknartengiliðurinn Mesut Özil sem talið er að Emery vilji losna við til þess að geta fengið til sín aðra týpu af leikmanni var einu sinni sem oftar ónotaður varamaður í tapinu gegn Manchester City í gær. Denis Suárez sem Emery fékk á láni frá Barcelona í janúarglugganum fékk það verkefni að hressa upp á sóknarleik Arsenal í leiknum. Það er spurning hvort þessi skipting veiti vísbendingu um að tækifærum Özil sem voru af skornum skammti á fyrri hluta leiktíðarinnar verði enn færri á seinni hlutanum. Það er huggun harmi gegn fyrir stuðningsmenn Arsenal að næsta verkefni liðsins er leikur gegn Huddersfield Town, botnliði deildarinnar, sem var fallbyssufóður fyrir leikmenn Chelsea um helgina. Huddersfield Town hefur einungis skorað 13 deildarmörk á yfirstandandi leiktíð og takist leikmönnum Arsenal ekki að halda leikmönnum botnliðsins í skefjum er þeim ekki viðbjargandi. Birtist í Fréttablaðinu Enski boltinn Mest lesið Eiginkona Michael Schumacher í áfalli Formúla 1 Stjórn Vals segir Gylfa hafa sýnt liðsfélögunum vanvirðingu Íslenski boltinn Valur samþykkti tilboð í Gylfa Íslenski boltinn Segir Danann versta samherjann: „Hann lamdi menn í spað“ Fótbolti Gylfi hefur náð samkomulagi við Víking Íslenski boltinn Staðfestir brottför Danijels sem spilar ekki á fimmtudag Íslenski boltinn Víkingur staðfestir komu Gylfa Íslenski boltinn Malmö sagt bjóða Arnóri tugmilljóna undirskriftarbónus Fótbolti Bann trans kvenna vegna fordóma fremur en öryggis Sport „Ég held að í fluginu heim muni ég fara að hágráta“ Fótbolti Fleiri fréttir Casemiro fer ekki fet Arsenal lét heitasta framherjann í frönsku deildinni fara fyrir „slikk“ Antony með fleiri mörk í febrúar en allt Man. United liðið Segir að Amorim þurfi 2-3 félagaskiptaglugga til að laga hópinn Sektaðir fyrir að öskra á Michael Oliver Arnór laus úr prísund Blackburn Biður til Guðs að Arsenal taki titilinn Pep varð fyrst hræddur um Haaland en er nú vongóður Gleymdi að gefa konunni gjöf á Valentínusardaginn Guðlaugur um Rooney: „Hann missti traustið gagnvart mér“ Maddison var að sussa á Roy Keane Ekki unnið heimaleik í 105 daga þangað til Man United kom í heimsókn Enginn lagt upp fleiri mörk en Ederson Hetjan Maddison: Er hérna til að skapa færi og skora mörk Man City fór létt með Liverpool „Staða okkar í töflunni veldur mér áhyggjum“ Dagný og Hlín komu við sögu í sigrum West Ham og Leicester Maddison tryggði langþráðan heimasigur Diaz kom Liverpool í toppmál Armstrong til Man United frá PSG Leeds mun banna stuðningsfólk sem syngur and-palestínska söngva Nistelrooy og Keown grófu stríðsöxina og slógu á létta strengi „Mundum hverjir við erum“ Gott gengi Everton undir stjórn Moyes heldur áfram Amad líklega frá út tímabilið Marmoush með þrennu í sigri Man City Merino sá um að setja pressu á Liverpool Brighton skellti Chelsea nýbúnir að slá þá út úr bikarnum David Moyes finnur til með Arne Slot Orðinn mjög þreyttur á flakkinu Sjá meira
Tap Arsenal gegn Manchester City í gær gerir það að verkum að Skytturnar hans Unai Emery hafa beðið ósigur í fjórum af síðustu níu deildarleikjum sínum og gert eitt jafntefli. Á meðan þetta rysjótta gengi Arsenal hefur staðið yfir hafa lærisveinar Ole Gunnars Solskjær borið sigur úr býtum í átta af síðustu níu deildarleikjum sínum. Manchester United hefur skotið Arsenal ref fyrir rass með þessum góða kafla sínum og fram undan er hörð barátta milli Chelsea sem er með 50 stig í fjórða sæti deildarinnar, Manchester United sem situr í fimmta sæti með 48 stig og Arsenal sem er í sjötta sæti með 47 stig um fjórða og síðasta sætið sem veitir þátttökurétt í Meistaradeild Evrópu á næstu leiktíð. Rót vandans hjá Arsenal er hriplek vörn liðsins, en það hefur fengið 36 mörk á sig og ekkert lið í efstu sex sætum deildarinnar hefur fengið jafn mörg mörk á sig. Emery vill spila boltanum út úr vandræðum hvar sem það er á vellinum. Liðinu hefur gengið misvel upp við uppspil úr vörn liðsins. Það þarf tæknilega getu og góðan leikskilning til þess að spila boltanum út úr pressu. Setja má spurningarmerki við það að leikmenn á borð við Alex Iwobi búi yfir fyrrgreindum hæfileikum, en hann missti boltann á afar hættulegum stað í fyrsta marki Manchester City í leiknum. Það tekur tíma að aðlaga leikmann leikstíl þar sem þess er krafist að boltanum sé spilað út úr erfiðum stöðum. Arsenal hefur farið fram í því, en hefur þó ekki tekist að fullkomna þá list. Emery gekk ágætlega að bólstra miðsvæðið með því að fá í sínar herbúðir Frakkann Matteo Guendouzi og Úrúgvæjann Lucas Torreira síðasta sumar og framherjaparið Pierre-Emerick Aubameyang og Alexandre Lacazette getur velgt hvaða vörn sem er undir uggum. Það er aftur á móti deginum ljósara að Emery þarf að taka til hendinni og kaupa leikmenn fyrir öftustu línu liðsins næsta sumar. Liðið vantar heimsklassa miðvörð sem getur staðið sig vel og sýnt stöðugleika í gegnum heilt keppnistímabil. Varnarmennirnir í núverandi leikmannahópi Arsenal eru bæði mistækir og eiga sjaldnast tvo góða leiki í röð hitti þeir á góðan leik inn á milli slöku leikjanna sinna. Þá gengur Arsenal bölvanlega á útivelli en frá því að 2018 gekk í garð hefur liðið beðið ósigur í 12 útileikjum í deildinni og einungis Huddersfield Town með 13 tapleiki og Brighton með 14 státa af verri árangri. Það er aldrei góðs viti að knattspyrnustjóri leggi ekki traust á sinn launahæsta leikmann eins og raun ber vitni hjá Arsenal þessa stundina. Þýski sóknartengiliðurinn Mesut Özil sem talið er að Emery vilji losna við til þess að geta fengið til sín aðra týpu af leikmanni var einu sinni sem oftar ónotaður varamaður í tapinu gegn Manchester City í gær. Denis Suárez sem Emery fékk á láni frá Barcelona í janúarglugganum fékk það verkefni að hressa upp á sóknarleik Arsenal í leiknum. Það er spurning hvort þessi skipting veiti vísbendingu um að tækifærum Özil sem voru af skornum skammti á fyrri hluta leiktíðarinnar verði enn færri á seinni hlutanum. Það er huggun harmi gegn fyrir stuðningsmenn Arsenal að næsta verkefni liðsins er leikur gegn Huddersfield Town, botnliði deildarinnar, sem var fallbyssufóður fyrir leikmenn Chelsea um helgina. Huddersfield Town hefur einungis skorað 13 deildarmörk á yfirstandandi leiktíð og takist leikmönnum Arsenal ekki að halda leikmönnum botnliðsins í skefjum er þeim ekki viðbjargandi.
Birtist í Fréttablaðinu Enski boltinn Mest lesið Eiginkona Michael Schumacher í áfalli Formúla 1 Stjórn Vals segir Gylfa hafa sýnt liðsfélögunum vanvirðingu Íslenski boltinn Valur samþykkti tilboð í Gylfa Íslenski boltinn Segir Danann versta samherjann: „Hann lamdi menn í spað“ Fótbolti Gylfi hefur náð samkomulagi við Víking Íslenski boltinn Staðfestir brottför Danijels sem spilar ekki á fimmtudag Íslenski boltinn Víkingur staðfestir komu Gylfa Íslenski boltinn Malmö sagt bjóða Arnóri tugmilljóna undirskriftarbónus Fótbolti Bann trans kvenna vegna fordóma fremur en öryggis Sport „Ég held að í fluginu heim muni ég fara að hágráta“ Fótbolti Fleiri fréttir Casemiro fer ekki fet Arsenal lét heitasta framherjann í frönsku deildinni fara fyrir „slikk“ Antony með fleiri mörk í febrúar en allt Man. United liðið Segir að Amorim þurfi 2-3 félagaskiptaglugga til að laga hópinn Sektaðir fyrir að öskra á Michael Oliver Arnór laus úr prísund Blackburn Biður til Guðs að Arsenal taki titilinn Pep varð fyrst hræddur um Haaland en er nú vongóður Gleymdi að gefa konunni gjöf á Valentínusardaginn Guðlaugur um Rooney: „Hann missti traustið gagnvart mér“ Maddison var að sussa á Roy Keane Ekki unnið heimaleik í 105 daga þangað til Man United kom í heimsókn Enginn lagt upp fleiri mörk en Ederson Hetjan Maddison: Er hérna til að skapa færi og skora mörk Man City fór létt með Liverpool „Staða okkar í töflunni veldur mér áhyggjum“ Dagný og Hlín komu við sögu í sigrum West Ham og Leicester Maddison tryggði langþráðan heimasigur Diaz kom Liverpool í toppmál Armstrong til Man United frá PSG Leeds mun banna stuðningsfólk sem syngur and-palestínska söngva Nistelrooy og Keown grófu stríðsöxina og slógu á létta strengi „Mundum hverjir við erum“ Gott gengi Everton undir stjórn Moyes heldur áfram Amad líklega frá út tímabilið Marmoush með þrennu í sigri Man City Merino sá um að setja pressu á Liverpool Brighton skellti Chelsea nýbúnir að slá þá út úr bikarnum David Moyes finnur til með Arne Slot Orðinn mjög þreyttur á flakkinu Sjá meira