Bjarki Már mætir Alfreð í úrslitunum

Bjarki Már Elísson og félagar í Füchse Berlin mæta Kiel í úrslitum EHF bikarsins í handbolta. Refirnir unnu Porto í undanúrslitunum í kvöld.

Füchse Berlin vann fjögurra marka sigur 24-20 og var með yfirhöndina allan seinni hálfleik eftir að hafa leitt 12-9 í hálfleik. Porto náði aldrei að vera yfir í leiknum.

Bjarki Már skoraði þrjú marka Berlínarliðsins, Paul Drux var markahæstur með sex.

Füchse Berlin mætir því Kiel í úrslitunum á morgun, laugardag.