Yfirburðir Mercedes Benz eru algjörir Hjörvar Ólafsson skrifar 15. maí 2019 15:00 Lewis Hamilton leiðir í keppni ökuþóra. vísir/getty Um síðustu helgi fór fram fimmti kappaksturinn í Fomúlu 1 en keppt var í Barcelona á Spáni. Þar fór Lewis Hamilton með sigur af hólmi en þar af leiðandi hafa keppendur Mercedes Benz farið með sigur af hólmi í öllum fimm keppnunum á keppnistímabili. Hamilton hefur komið fyrstur í mark þrisvar sinnum og liðsfélagi hans Valtteri Bottas tvisvar. Max Verstappen, sem keppir fyrir Red Bull, varð í þriðja sæti en mörgum þykir hann líklegastur til þess að veita Hamilton og Bottas einhverja keppni um sigurinn á tímabilinu og koma í veg fyrir að Hamilton verði meistari sjötta árið í röð. Fréttablaðið fékk Kristján Einar Kristjánsson, sérfræðing um Formúlu 1, til þess að fara yfir upphaf tímabilsins og rýna í hvernig framhaldið mun þróast. „Það kemur mér ekkert á óvart hversu sterkur Hamilton hefur verið en það sem hefur vakið athygli mína er hversu sterkir Mercedez Benz-menn hafa verið og það hversu mikla yfirburði liðið hefur haft. Bíllinn þeirra virðist vera í algjörum sérflokki og þrátt fyrir að bæði Ferrari og Red Bull hafi lagt mikið í bíla sína og að þeir séu til að mynda kraftmeiri, þá er heildarpakkinn hjá Mercedes Benz bara í öðrum gæðaflokki virðist vera,“ segir Kristján um fyrstu keppnir tímabilsins. „Ferrari-menn hafa valdið mér miklum vonbrigðum á þessu tímabili og ég var að vonast til að bíllinn þeirra væri betri. Þeir hafa líka verið að lenda í bilunum og þjónustuhléin hafa verið taktískt léleg og illa framkvæmd. Ég var vongóður um að Sebastian Vettel myndi gera harðari atlögu að titilbaráttunni en hann virðist ekki ætla að standast væntingar mínar,“ segir hann enn fremur um frammistöðu keppenda. „Ég hef eiginlega meiri trú á Max Verstappen, ökumanni Red Bull, og ég er til að mynda mjög spenntur fyrir því að sjá hvernig þeim gengur í Mónakó í næstu keppni sem er um þarnæstu helgi. Red Bull-menn líta vel út í upphafi árs og virðist hjónaband þeirra við Honda sem vélarframleiðanda fara vel af stað, lítið hefur verið um bilanir og hraðinn aukist. Sögulega hafa Red Bull-menn verið öflugir í Mónakó og ég væri ekki hissa ef Max Verstappen minnkaði forskot Hamiltons og Bottas með sigri í Mónakó. Einstefnan sem hefur verið í byrjun árs hefur verið mun meiri en nokkur bjóst við og það er nánast óhugsandi að hún haldi áfram í Mónakó. Við fengum mikla spennu síðasta vor og vonandi verður það aftur þannig í lok þessarar leiktíðar,“ segir hann um næstu keppni. „Charles Leclerc sem keyrir fyrir Ferrari hefur veitt Vettel mikla samkeppni og hann hefur komið skemmtilega á óvart og í raun grátlegt að hann hafi ekki fengið sinn fyrsta sigur þegar bíllinn bilaði í Barein. Pierre Gasly á Red Bull á hins vegar virkilega erfitt uppdráttar, og vonandi fyrir hann að hann fari að nálgast Max Verstappen í hraða, annars er ég hræddur um að það fari að hitna undir honum. Það er mikil umræða um keppendur Haas, Kevin Magnussen og Romaine Grosjean, og Renault, Daniel Ricciardo og Nico Hülkenberg, vegna þátta sem Netflix gerði um Formúlu 1 í fyrra og keppendur þeirra voru þar í aðalhlutverkum,“ segir hann um þá keppendur sem hafa komið á óvart. Með sigrinum um síðustu helgi tók Hamilton forystu í stigakeppninni um heimsmeistaratitil ökumanna en hann er með 112 stig í efsta sæti. Liðsfélagi hans Bottas er síðan í öðru sæti með 105 stig. Í þriðja sæti er Verstappen með 66 stig, fjórða sæti Vettel með 64 og Leclerc er með 57. Í keppni liðanna er svo Mercedes Benz með öruggt forskot með 217 stig, Ferrari 121 og Red Bull 87. Í fjórða sæti er McLaren með 22 stig. Birtist í Fréttablaðinu Formúla Mest lesið Líflátshótunum rignir yfir Víkinga: „Djöfull er þetta lasið“ Fótbolti Tiger svaf ekki eftir morðtilræðið gegn Trump Golf Einn sá skrautlegasti mættur á Opna breska Golf „Getur ennþá orðið stórkostlegt tímabil“ Fótbolti Heimsleikarnir gætu byrjað klukkan sex um morguninn Sport Víkingar með augun á leik í Albaníu í kvöld Fótbolti Segja að Alexander-Arnold sé opinn fyrir því að fara til Real Madrid Enski boltinn Enska sambandið vill Guardiola og er tilbúið að bíða Enski boltinn McIlroy hunsaði Tiger óvart í mánuð Sport Frakkar í mál og vesen hjá Chelsea vegna rasískra söngva Argentínumanna Enski boltinn Fleiri fréttir Ralf Schumacher kemur út úr skápnum Hélt að hann myndi aldrei vinna aftur: „Ég get ekki hætt að gráta“ Hamilton fyrstur í fyrsta sinn í langan tíma Semja við Bellingham Formúlu 1 heimsins McLaren vill að Verstappen verði refsað: Allur heimurinn veit hver er sá seki Russell fagnaði sigri eftir árekstur Verstappen og Norris Þjarmað að Verstappen á blaðamannafundi Biðlar til „klikkaðra samsæriskenningasmiða“ að leita til sálfræðings Verstappen vann sjöunda kappaksturinn á tímabilinu Lando Norris á ráspól á morgun Höfðu hendur í hári fjárkúgara Michael Schumacher Verstappen sigraði í Kanada Russell á ráspól á sama tíma og Verstappen Miklar breytingar framundan á bílum í Formúlu 1 Perez framlengir og framtíð Sainz enn í lausu lofti Alpine framlengir ekki við Ocon eftir áreksturinn í Mónakó Sjá meira
Um síðustu helgi fór fram fimmti kappaksturinn í Fomúlu 1 en keppt var í Barcelona á Spáni. Þar fór Lewis Hamilton með sigur af hólmi en þar af leiðandi hafa keppendur Mercedes Benz farið með sigur af hólmi í öllum fimm keppnunum á keppnistímabili. Hamilton hefur komið fyrstur í mark þrisvar sinnum og liðsfélagi hans Valtteri Bottas tvisvar. Max Verstappen, sem keppir fyrir Red Bull, varð í þriðja sæti en mörgum þykir hann líklegastur til þess að veita Hamilton og Bottas einhverja keppni um sigurinn á tímabilinu og koma í veg fyrir að Hamilton verði meistari sjötta árið í röð. Fréttablaðið fékk Kristján Einar Kristjánsson, sérfræðing um Formúlu 1, til þess að fara yfir upphaf tímabilsins og rýna í hvernig framhaldið mun þróast. „Það kemur mér ekkert á óvart hversu sterkur Hamilton hefur verið en það sem hefur vakið athygli mína er hversu sterkir Mercedez Benz-menn hafa verið og það hversu mikla yfirburði liðið hefur haft. Bíllinn þeirra virðist vera í algjörum sérflokki og þrátt fyrir að bæði Ferrari og Red Bull hafi lagt mikið í bíla sína og að þeir séu til að mynda kraftmeiri, þá er heildarpakkinn hjá Mercedes Benz bara í öðrum gæðaflokki virðist vera,“ segir Kristján um fyrstu keppnir tímabilsins. „Ferrari-menn hafa valdið mér miklum vonbrigðum á þessu tímabili og ég var að vonast til að bíllinn þeirra væri betri. Þeir hafa líka verið að lenda í bilunum og þjónustuhléin hafa verið taktískt léleg og illa framkvæmd. Ég var vongóður um að Sebastian Vettel myndi gera harðari atlögu að titilbaráttunni en hann virðist ekki ætla að standast væntingar mínar,“ segir hann enn fremur um frammistöðu keppenda. „Ég hef eiginlega meiri trú á Max Verstappen, ökumanni Red Bull, og ég er til að mynda mjög spenntur fyrir því að sjá hvernig þeim gengur í Mónakó í næstu keppni sem er um þarnæstu helgi. Red Bull-menn líta vel út í upphafi árs og virðist hjónaband þeirra við Honda sem vélarframleiðanda fara vel af stað, lítið hefur verið um bilanir og hraðinn aukist. Sögulega hafa Red Bull-menn verið öflugir í Mónakó og ég væri ekki hissa ef Max Verstappen minnkaði forskot Hamiltons og Bottas með sigri í Mónakó. Einstefnan sem hefur verið í byrjun árs hefur verið mun meiri en nokkur bjóst við og það er nánast óhugsandi að hún haldi áfram í Mónakó. Við fengum mikla spennu síðasta vor og vonandi verður það aftur þannig í lok þessarar leiktíðar,“ segir hann um næstu keppni. „Charles Leclerc sem keyrir fyrir Ferrari hefur veitt Vettel mikla samkeppni og hann hefur komið skemmtilega á óvart og í raun grátlegt að hann hafi ekki fengið sinn fyrsta sigur þegar bíllinn bilaði í Barein. Pierre Gasly á Red Bull á hins vegar virkilega erfitt uppdráttar, og vonandi fyrir hann að hann fari að nálgast Max Verstappen í hraða, annars er ég hræddur um að það fari að hitna undir honum. Það er mikil umræða um keppendur Haas, Kevin Magnussen og Romaine Grosjean, og Renault, Daniel Ricciardo og Nico Hülkenberg, vegna þátta sem Netflix gerði um Formúlu 1 í fyrra og keppendur þeirra voru þar í aðalhlutverkum,“ segir hann um þá keppendur sem hafa komið á óvart. Með sigrinum um síðustu helgi tók Hamilton forystu í stigakeppninni um heimsmeistaratitil ökumanna en hann er með 112 stig í efsta sæti. Liðsfélagi hans Bottas er síðan í öðru sæti með 105 stig. Í þriðja sæti er Verstappen með 66 stig, fjórða sæti Vettel með 64 og Leclerc er með 57. Í keppni liðanna er svo Mercedes Benz með öruggt forskot með 217 stig, Ferrari 121 og Red Bull 87. Í fjórða sæti er McLaren með 22 stig.
Birtist í Fréttablaðinu Formúla Mest lesið Líflátshótunum rignir yfir Víkinga: „Djöfull er þetta lasið“ Fótbolti Tiger svaf ekki eftir morðtilræðið gegn Trump Golf Einn sá skrautlegasti mættur á Opna breska Golf „Getur ennþá orðið stórkostlegt tímabil“ Fótbolti Heimsleikarnir gætu byrjað klukkan sex um morguninn Sport Víkingar með augun á leik í Albaníu í kvöld Fótbolti Segja að Alexander-Arnold sé opinn fyrir því að fara til Real Madrid Enski boltinn Enska sambandið vill Guardiola og er tilbúið að bíða Enski boltinn McIlroy hunsaði Tiger óvart í mánuð Sport Frakkar í mál og vesen hjá Chelsea vegna rasískra söngva Argentínumanna Enski boltinn Fleiri fréttir Ralf Schumacher kemur út úr skápnum Hélt að hann myndi aldrei vinna aftur: „Ég get ekki hætt að gráta“ Hamilton fyrstur í fyrsta sinn í langan tíma Semja við Bellingham Formúlu 1 heimsins McLaren vill að Verstappen verði refsað: Allur heimurinn veit hver er sá seki Russell fagnaði sigri eftir árekstur Verstappen og Norris Þjarmað að Verstappen á blaðamannafundi Biðlar til „klikkaðra samsæriskenningasmiða“ að leita til sálfræðings Verstappen vann sjöunda kappaksturinn á tímabilinu Lando Norris á ráspól á morgun Höfðu hendur í hári fjárkúgara Michael Schumacher Verstappen sigraði í Kanada Russell á ráspól á sama tíma og Verstappen Miklar breytingar framundan á bílum í Formúlu 1 Perez framlengir og framtíð Sainz enn í lausu lofti Alpine framlengir ekki við Ocon eftir áreksturinn í Mónakó Sjá meira