Gagnrýndu þingforseta fyrir samráðsleysi um breytta dagskrá Sunna Kristín Hilmarsdóttir skrifar 6. júní 2019 11:06 Steingrímur J. Sigfússon, forseti Alþingis. vísir/vilhelm Þingfundur hófst á Alþingi núna klukkan 10. Fundurinn hófst á því að Logi Einarsson, formaður Samfylkingarinnar, kom upp í pontu undir liðnum fundarstjórn forseta og gagnrýndi það að dagskrá þingfundarins hefði verið breytt. Þriðji orkupakkinn er ekki fyrstur á dagskrá, eins og margir þingmenn sögðu að hefði verið þegar þeir fóru að sofa í gærkvöldi. Var það gagnrýnt að ekki hefði verið haft samráð við stjórnarandstöðuna um breytta dagskrá og það sett í samhengi við samkomulag um þinglok sem enn hefur ekki tekist. Logi sagði að dagskránni hefði verið breytt þvert á það sem þingflokksformenn hefðu rætt í gær. Samkvæmt dagskránni eru þau tvö mál sem hvað mest er deilt um á þingi þessa dagana, sameining Seðlabanka Íslands og Fjármálaeftirlitsins og þriðji orkupakkinn, síðust á dagskrá fundarins.Þórhildur Sunna Ævarsdótir, þingflokksformaður Pírata.Vísir/VilhelmÁhersla á framgang þeirra mála sem samstaða er um Þórhildur Sunna Ævarsdóttir, þingflokksformaður Pírata, tók næst til máls og sagði að sér þætti mjög merkilegt að dagskrá þingsins hefði verið breytt í skjóli nætur. Forseti hefði ekki látið vita af breyttum fyrirætlunum og spurði hún hvers vegna svo væri. Steingrímur J. Sigfússon, forseti Alþingis, svaraði þingmönnunum og sagði að á fundi með þingflokksformönnum í gær hefði það eitt verið sagt að umræður myndu þá að óbreyttu hefjast um þriðja orkupakkann. Ekki hefði verið rætt um dagskrá þingfundar í dag. Með breyttri dagskrá væri lögð áhersla á forgang þeirra mála sem væru tilbúin til afgreiðslu. Fremst á henni og langt niður eftir henni væru þau mál sem þar eitt nefndarálit liggur fyrir og samstaða væri um. Sagði Steingrímur að það gæti varla verið markmið nokkurs manns að senda þau skilaboð út í samfélagið að Alþingi væri óstarfhæft. Sagði hann að sér gengi það eitt til að sinna þeirri skyldu sinni að leiða þingviljann í ljós.Oddný G. Harðardóttir, þingflokksformaður Samfylkingarinnar. Vísir/VilhelmLeikrit, leikhús og sýning Síðan komu þingmenn stjórnarandstöðunnar hver á fætur öðrum í pontu og gagnrýndu vinnubrögð forseta. Nokkrir þingmenn stjórnarflokkanna hafa einnig tekið þátt í umræðunni og lýst ánægju sinni með dagskrá fundarins. Oddný G. Harðardóttir, þingflokksformaður Samfylkingarinnar, kom upp í pontu og lýsti yfir miklum vonbrigðum með að dagskránni hefði verið breytt. Sagði hún að það kæmi ríkisstjórninni afskaplega vel að beina kastljósinu að stjórnarandstöðunni þegar stjórnin væri í bullandi vandræðum með fjármálaáætlunina. Líktu þingmenn stjórnarandstöðunnar ástandinu við leikrit, leikhús og sýningu en Kolbeinn Óttarsson Proppé, þingmaður Vinstri grænna, sagðist ekki skilja hvað væri í gangi. Nú væri verið að gera nákvæmlega það sem þingmenn fjögurra stjórnarandstöðuflokka hefðu beðið um, það er að umræðan um orkupakkann yrði sett aftast á dagskrá. Formaður Samfylkingarinnar svaraði því til að sú tillaga hefði verið háð því skilyrði að samkomulag myndi nást við restina af stjórnarandstöðuna.Helgi Hrafn Gunnarsson, þingmaður Pírata.Vísir/Vilhelm„Þetta snýst um samráð í þinglokum eins og forseti veit og skilur“ Steingrímur sagði að honum væri vandi á höndum þar sem ekki mætti ræða þau mál sem ágreiningur væri um og heldur ekki þau sem samkomulag væri um. Jón Steindór Valdimarsson, þingmaður Viðreisnar, sagði það með ólíkindum að forseti þingsins breytti algjörlega um kúrs án nokkurra skýringa og án nokkurs samtals. „Fundur þingflokksformanna með herra forseta um þrjúleytið í gær var skýr og stuttur. Til hans var boðað með stuttum fyrirvara. Þar var tilkynnt um að nú ætti að taka orkupakkann á dagskrá og ræða það mál til enda,“ sagði Jón Steindór. Hann sagði að sérstaklega hefði verið spurt um það hvort það mætti eiga von á því að gerð yrðu einhver hlé á umræðunni um orkupakkann. „Aðspurður svaraði forseti því að svo væri ekki, það mál yrði rætt til enda. Forseti var mjög skýr. Hann var mjög skýr, það var ekkert svigrúm til að misskilja orð forseta. Það er því algjörlega með ólíkindum að forseti alls þingsins gjörbreyti um kúrs án nokkurra skýringa og án nokkurs samtals,“ sagði Jón Steindór. Helgi Hrafn Gunnarsson, þingmaður Pírata, fór svo með nokkuð sérstæða ræðu þar sem hann endurtók eftirfarandi út ræðutímann: „Það eru ekki efnislegar athugasemdir við dagskrána. Þetta snýst um samráð í þinglokum eins og forseti veit og skilur.“ Umræðu um fundarstjórn forseta lauk svo um klukkutíma eftir að hún hófst og var þá fyrsta dagskrármálið tekið, frumvarp ferðamála-, iðnaðar- og nýsköpunarráðherra um rafræn viðskipti og aðra rafræna þjónustu. Alþingi Mest lesið Kosningavaktin: Íslendingar ganga að kjörborðinu Innlent Sautján ára piltur lést í brunanum á Stuðlum Innlent „Hann tók algjörlega völdin yfir lífi mínu“ Innlent Þiggja milljónir í húsnæðisstyrk þótt þau búi nálægt Alþingi Innlent Þórdís svarar gagnrýni vegna húsnæðisstyrks Innlent „Þetta er nákvæmlega það sem ég á að vera að gera“ Innlent Tveir á slysadeild í kjölfar bruna á Stuðlum Innlent Víðir verður oddviti Samfylkingarinnar í Suðurkjördæmi Innlent Nokkrir foreldrar sóttu börn á lögreglustöð Innlent Fluttur á spítala vegna alvarlegs efnabruna af völdum ætandi efnis Innlent Fleiri fréttir Lýsir stjórnlausum rasisma: „Hvort verður það líkamlegt ofbeldi eða svívirðingar?“ „Ég hef alltaf haft augun á þessu“ Í gæsluvarðhald vegna alvarlegrar líkamsárásar á Vopnafirði Búin að biðja Jón afsökunar Stjórnlaus rasismi og spenna í Kraganum Sautján ára piltur lést í brunanum á Stuðlum Víðir verður oddviti Samfylkingarinnar í Suðurkjördæmi Vara ráðherra við hörmungum ef lykilhringrás í hafinu stöðvast „Þetta er nákvæmlega það sem ég á að vera að gera“ Kostnaður við snagana nam 1,7 milljónum Fluttur á spítala vegna alvarlegs efnabruna af völdum ætandi efnis Slátur og stuð í félagsheimilinu á Blönduósi Alma vill leiða Samfylkinguna í Kraganum Nektarmyndir gerðar óskýrar sjálfkrafa á Instagram Grunaður um alvarlega líkamsárás gegn fyrrverandi sambýliskonu Hannes snýr baki við Sjálfstæðisflokknum og fer fram fyrir Samfylkingu Átti samtal við Höllu Hrund fyrir stjórnarslitin Vendingar í pólitíkinni og áhrif frestunar bankasölu á markaðinn Guðmundur Árni hættur við og styður Ölmu Vistmaður og starfsmaður Stuðla fluttir á bráðamóttöku Bilun í brunaboða á Keflavíkurflugvelli Snorri vill leiða Miðflokkinn í Reykjavík Þórdís svarar gagnrýni vegna húsnæðisstyrks Slagurinn harðnar í Suðvestur hjá Sjálfstæðisflokki „Hann tók algjörlega völdin yfir lífi mínu“ Formaður Framsóknar segir ríkisstjórnina hafa talað sjálfa sig niður Tveir á slysadeild í kjölfar bruna á Stuðlum Nokkrir foreldrar sóttu börn á lögreglustöð „Það þarf að nýta auðlindir landsins, það er alveg ljóst“ Þiggja milljónir í húsnæðisstyrk þótt þau búi nálægt Alþingi Sjá meira
Þingfundur hófst á Alþingi núna klukkan 10. Fundurinn hófst á því að Logi Einarsson, formaður Samfylkingarinnar, kom upp í pontu undir liðnum fundarstjórn forseta og gagnrýndi það að dagskrá þingfundarins hefði verið breytt. Þriðji orkupakkinn er ekki fyrstur á dagskrá, eins og margir þingmenn sögðu að hefði verið þegar þeir fóru að sofa í gærkvöldi. Var það gagnrýnt að ekki hefði verið haft samráð við stjórnarandstöðuna um breytta dagskrá og það sett í samhengi við samkomulag um þinglok sem enn hefur ekki tekist. Logi sagði að dagskránni hefði verið breytt þvert á það sem þingflokksformenn hefðu rætt í gær. Samkvæmt dagskránni eru þau tvö mál sem hvað mest er deilt um á þingi þessa dagana, sameining Seðlabanka Íslands og Fjármálaeftirlitsins og þriðji orkupakkinn, síðust á dagskrá fundarins.Þórhildur Sunna Ævarsdótir, þingflokksformaður Pírata.Vísir/VilhelmÁhersla á framgang þeirra mála sem samstaða er um Þórhildur Sunna Ævarsdóttir, þingflokksformaður Pírata, tók næst til máls og sagði að sér þætti mjög merkilegt að dagskrá þingsins hefði verið breytt í skjóli nætur. Forseti hefði ekki látið vita af breyttum fyrirætlunum og spurði hún hvers vegna svo væri. Steingrímur J. Sigfússon, forseti Alþingis, svaraði þingmönnunum og sagði að á fundi með þingflokksformönnum í gær hefði það eitt verið sagt að umræður myndu þá að óbreyttu hefjast um þriðja orkupakkann. Ekki hefði verið rætt um dagskrá þingfundar í dag. Með breyttri dagskrá væri lögð áhersla á forgang þeirra mála sem væru tilbúin til afgreiðslu. Fremst á henni og langt niður eftir henni væru þau mál sem þar eitt nefndarálit liggur fyrir og samstaða væri um. Sagði Steingrímur að það gæti varla verið markmið nokkurs manns að senda þau skilaboð út í samfélagið að Alþingi væri óstarfhæft. Sagði hann að sér gengi það eitt til að sinna þeirri skyldu sinni að leiða þingviljann í ljós.Oddný G. Harðardóttir, þingflokksformaður Samfylkingarinnar. Vísir/VilhelmLeikrit, leikhús og sýning Síðan komu þingmenn stjórnarandstöðunnar hver á fætur öðrum í pontu og gagnrýndu vinnubrögð forseta. Nokkrir þingmenn stjórnarflokkanna hafa einnig tekið þátt í umræðunni og lýst ánægju sinni með dagskrá fundarins. Oddný G. Harðardóttir, þingflokksformaður Samfylkingarinnar, kom upp í pontu og lýsti yfir miklum vonbrigðum með að dagskránni hefði verið breytt. Sagði hún að það kæmi ríkisstjórninni afskaplega vel að beina kastljósinu að stjórnarandstöðunni þegar stjórnin væri í bullandi vandræðum með fjármálaáætlunina. Líktu þingmenn stjórnarandstöðunnar ástandinu við leikrit, leikhús og sýningu en Kolbeinn Óttarsson Proppé, þingmaður Vinstri grænna, sagðist ekki skilja hvað væri í gangi. Nú væri verið að gera nákvæmlega það sem þingmenn fjögurra stjórnarandstöðuflokka hefðu beðið um, það er að umræðan um orkupakkann yrði sett aftast á dagskrá. Formaður Samfylkingarinnar svaraði því til að sú tillaga hefði verið háð því skilyrði að samkomulag myndi nást við restina af stjórnarandstöðuna.Helgi Hrafn Gunnarsson, þingmaður Pírata.Vísir/Vilhelm„Þetta snýst um samráð í þinglokum eins og forseti veit og skilur“ Steingrímur sagði að honum væri vandi á höndum þar sem ekki mætti ræða þau mál sem ágreiningur væri um og heldur ekki þau sem samkomulag væri um. Jón Steindór Valdimarsson, þingmaður Viðreisnar, sagði það með ólíkindum að forseti þingsins breytti algjörlega um kúrs án nokkurra skýringa og án nokkurs samtals. „Fundur þingflokksformanna með herra forseta um þrjúleytið í gær var skýr og stuttur. Til hans var boðað með stuttum fyrirvara. Þar var tilkynnt um að nú ætti að taka orkupakkann á dagskrá og ræða það mál til enda,“ sagði Jón Steindór. Hann sagði að sérstaklega hefði verið spurt um það hvort það mætti eiga von á því að gerð yrðu einhver hlé á umræðunni um orkupakkann. „Aðspurður svaraði forseti því að svo væri ekki, það mál yrði rætt til enda. Forseti var mjög skýr. Hann var mjög skýr, það var ekkert svigrúm til að misskilja orð forseta. Það er því algjörlega með ólíkindum að forseti alls þingsins gjörbreyti um kúrs án nokkurra skýringa og án nokkurs samtals,“ sagði Jón Steindór. Helgi Hrafn Gunnarsson, þingmaður Pírata, fór svo með nokkuð sérstæða ræðu þar sem hann endurtók eftirfarandi út ræðutímann: „Það eru ekki efnislegar athugasemdir við dagskrána. Þetta snýst um samráð í þinglokum eins og forseti veit og skilur.“ Umræðu um fundarstjórn forseta lauk svo um klukkutíma eftir að hún hófst og var þá fyrsta dagskrármálið tekið, frumvarp ferðamála-, iðnaðar- og nýsköpunarráðherra um rafræn viðskipti og aðra rafræna þjónustu.
Alþingi Mest lesið Kosningavaktin: Íslendingar ganga að kjörborðinu Innlent Sautján ára piltur lést í brunanum á Stuðlum Innlent „Hann tók algjörlega völdin yfir lífi mínu“ Innlent Þiggja milljónir í húsnæðisstyrk þótt þau búi nálægt Alþingi Innlent Þórdís svarar gagnrýni vegna húsnæðisstyrks Innlent „Þetta er nákvæmlega það sem ég á að vera að gera“ Innlent Tveir á slysadeild í kjölfar bruna á Stuðlum Innlent Víðir verður oddviti Samfylkingarinnar í Suðurkjördæmi Innlent Nokkrir foreldrar sóttu börn á lögreglustöð Innlent Fluttur á spítala vegna alvarlegs efnabruna af völdum ætandi efnis Innlent Fleiri fréttir Lýsir stjórnlausum rasisma: „Hvort verður það líkamlegt ofbeldi eða svívirðingar?“ „Ég hef alltaf haft augun á þessu“ Í gæsluvarðhald vegna alvarlegrar líkamsárásar á Vopnafirði Búin að biðja Jón afsökunar Stjórnlaus rasismi og spenna í Kraganum Sautján ára piltur lést í brunanum á Stuðlum Víðir verður oddviti Samfylkingarinnar í Suðurkjördæmi Vara ráðherra við hörmungum ef lykilhringrás í hafinu stöðvast „Þetta er nákvæmlega það sem ég á að vera að gera“ Kostnaður við snagana nam 1,7 milljónum Fluttur á spítala vegna alvarlegs efnabruna af völdum ætandi efnis Slátur og stuð í félagsheimilinu á Blönduósi Alma vill leiða Samfylkinguna í Kraganum Nektarmyndir gerðar óskýrar sjálfkrafa á Instagram Grunaður um alvarlega líkamsárás gegn fyrrverandi sambýliskonu Hannes snýr baki við Sjálfstæðisflokknum og fer fram fyrir Samfylkingu Átti samtal við Höllu Hrund fyrir stjórnarslitin Vendingar í pólitíkinni og áhrif frestunar bankasölu á markaðinn Guðmundur Árni hættur við og styður Ölmu Vistmaður og starfsmaður Stuðla fluttir á bráðamóttöku Bilun í brunaboða á Keflavíkurflugvelli Snorri vill leiða Miðflokkinn í Reykjavík Þórdís svarar gagnrýni vegna húsnæðisstyrks Slagurinn harðnar í Suðvestur hjá Sjálfstæðisflokki „Hann tók algjörlega völdin yfir lífi mínu“ Formaður Framsóknar segir ríkisstjórnina hafa talað sjálfa sig niður Tveir á slysadeild í kjölfar bruna á Stuðlum Nokkrir foreldrar sóttu börn á lögreglustöð „Það þarf að nýta auðlindir landsins, það er alveg ljóst“ Þiggja milljónir í húsnæðisstyrk þótt þau búi nálægt Alþingi Sjá meira